yukwna's Profile

首先、見到第一位留負評嗰位師兄/師姐嘅內容清晰地列出種種問題、我個人覺得幾中要害。因為正正反映出一般香港餐飲業經常發生嘅問題。好彩、自己是次用餐體驗就只係發生咗透明碟多手指模呢個問題、我都唔中意壓扁啲飯但問題不算大。（註：我餐無+①）講返Curry Boy～唔知點解好似人氣唔低、第一次去係等位放棄咗。但門口香氣十足、未試其味先聞其氣確係吸引到客、店名簡單直接。呢度嘅咖喱偏日式水果系風格多、因為得一款咖喱只係配唔同嘅餸、但味道亦有少少印度香料風格、不過有種甜味打底始終令我覺得日本風格佔多啲。【 鼠尾草烤雞 】+ 蛋第一口感係有少少特別嘅、因為唔似一般日本咖喱、因為多番啲香料、而且算夠杰身。日本咖喱（非金沢）+ Chicken Makhani 味道。個人覺得 60% JAPAN + 40% INDIA？叫咗加辣但對我冇料到。菜式屬於咖喱汁還咖喱汁、餸還餸。因為例如叫咗烤雞、係另外煎煮冇溶入咖喱入面合而為一。價錢唔係話超貴但唔算抵、份量男仕可能未必夠、好快食哂、格硬加隻蛋、其他小食加埋就唔抵食。但杯飲品幾大杯唔錯、又用凍杯。Encore 指數五五波～不過基於大膽係香港開設咖喱為主嘅餐廳、其實唔容易、一向覺得香港人對咖喱興趣只係三分鐘熱度、呢類餐廳香港買少見少。所以係值得支持嘅。…Read More

喺《石崗咖喱屋 》可以食到一款幾特別又好食嘅咖喱：【 Mutton Bhuna 】🐐【 MUTTON BHUNA  】好似唔係咁多印巴中東餐廳有賣Bhuna款色，佢同傳統嘅Rogan Josh唔同嘅係呢款唔係液體形式咖喱汁，係黏性一擗好杰身嘅咖喱，但又唔係乾咖喱又唔係Keema，羊肉夠淋，佢中文叫【爽滑濃汁羊肉】形容得唔夠全面，但Bhuna配牛時個中文名叫「乾燒」，見佢又有青椒，個人感覺等同其他餐廳的「Kadai」。黏黏實實嘅汁料夾Naan嚟食，又另一番正斗風味，唔會倒流汁液。真係好鐘意呢種形態嘅咖喱，係暫時食過最好味嘅羊肉咖喱，成功超越咗傳統嘅Rogan Josh！【 MUTTON ROGAN JOSH 】相反，典型嘅【印式燴羊肉】喺呢度就較為一般，味唔太香濃，feel唔到燴嘅意義，而且比較多油，羊肉係多件但帶小骨，有唔少係啲細碎骨，食嗰陣要小心。佢呢度呢款平過大部份雞肉咖喱。【 CHICKEN MAKHANI 】呢間叫【特式香料雞】，就等同大路嘅牛油雞風格，佢呢度整得幾好食，cremy味道都幾高班，整體典型得嚟好出色。【 MASALA TEA 】soso - 唔夠masala味【 SAFFRPN PULLAO RICE 】藏紅花黃飯佢呢度個飯量令人吃驚，廿幾蚊大大碟二人份量好抵正！出面另叫黃飯三十幾。呢間淨係雞＆羊都已經各有一款５★，唔駛講可列入encore系列。咖喱好味，但個人覺得辣度普通。…Read More

呢間印尼餐廳已前喺佐敦舊舖時已經有幫襯，都係睇到youtube先知原來仲有經營之只係改咗地點。依家搬咗去新型食廈變樓上舖，煥然一新，感覺好似跟住時代變遷去升級。【 巴東牛肉黃薑飯 】份量雖然唔係話好多，但呢碟個牛肉真係腍到冇得再腍，加埋個香料醬（唔係咖喱）觸動神經俾到驚喜我。第二度食啲巴東牛肉通常好深色但呢度唔係，呢碟巴東牛捧佢上天花板都唔算話好誇張。入口好味好special，黃薑飯為咗健康加＄都一定要轉。發現原來店員會特登剪走啲肥筋，難怪可以控制到肉質口感咁完美。【 Gado-Gado 】同食開嘅加多加多有啲唔同，呢度重香料味多過甜味，亦帶啲酸酸甜甜咁，水份唔多。蝦片Party，可以當薄餅沾咖喱咁嚟沾啲醬汁＆菜嚟食。Long Black 有白crema？【 咖央多士 】嘆咖啡唔少得嘅配搭。※呢度可叫店員落單或自己QR，雖然冇wifi，但勝在免番加一俾你，我第一次見，咁樣先係㗎嘛。…Read More

【 藍山咖啡 】知道有呢間鋪頭，係因為俾個店名吸引咗。入到去，睇埋menu，個感覺就即刻覺得風格同西灣河一間咖啡店幾乎一樣，有好多好多款嘅咖啡，而且好平好平，係走最平民化嘅路線。即使係最貴嘅藍山咖啡，價錢都係同老M差唔多。真係平到令我懷疑係咪真係飲緊藍山咖啡？一杯100%牙買加藍山咖啡，我估可能會貴x3倍價錢。唔知點解可以賣到咁平，仲好似用虹笈嚟沖。但既然佢店名話明係藍山咖啡「專門店」，都要信佢喇。就算只係仿藍山豆，杯啡確係比一般齋啡texture「實」少少，佢呢個價錢已值回票價，冇得再有多要求及投訴。總之，用個腦諗住「藍山」嚟飲，呢杯就係藍山咖啡。呢度好明顯就係賣人情味，街坊化嘅餐廳氣氛。嘆杯藍山咖啡，叫碟港式西多士，成件事真係街坊價錢高質素思維享受。…Read More

最近發現街角開咗間新餐廳，雖然好細，但門面都幾靚。座位非常之少，細鋪嘛。叫碗牛丸牛肉河試下。飲啖湯，食幾啖，好失望，覺得唔多對路。淨睇賣相已經同上面嗰位樓主有出入，芽菜係極少，啲洋荵可能跌咗落異次元空間，錨極都錨唔倒。湯底淡而無味，直頭落埋青檸都冇乜味就可想而知，可能係我第一次食倒啲咁冇湯底味嘅越南粉。。。味道同上一篇樓主個體驗有天淵之別。我知呢間開咗冇耐可能仲未成熟，但賣相同上一篇嗰碗咁唔同就有啲唔係好接受。雖然喺係呢個小區地方、又係小鋪，但午市包杯熱飲都賣到＄７０拍得住出面啲連鎖店。唯一好係杯菜蜜有粒青檸跟提升味道就幾唔錯。但今日呢碗真係好唔掂（唔係難食嘅），唔知係咪有啲問題出咗或者有啲步驟做漏咗？啱啱開張真係唔想咁快就俾個sad icon，希望佢地今次係個別事件，快啲穩定番。…Read More

得知有間有得食Dahi Puri 又冇加一嘅印度餐廳，去試下南印度菜。去到一個人都冇，環境幾大，每張檯有樽自斟水幾好。佢呢度menu全部菜式都可以樔翻本catalogue對淋把搵番張相嚟睇。【DAHI PURI】係好食嘅，但未致於天花板。再叫埋【Plain DOSA】OK，可以揀要唔要牛油。另外難得有【THALI】餐，一於叫下，心理上亦覺得抵番啲。點知全部玷汁用嘅咖喱，都好似水咁稀，食咖喱最棹忌就係唔夠杰，攪到撈麥餅都撈得幾無癮下，味道亦偏淡。全碟只得兜好類似薯蓉物體嘅東西比較特別，好似有啲煉奶味咁。其他好soso食過幾次塔利餐，俾自己嘅結論係南印度菜似乎就好睇唔啱食，冇北印度嘅實在感＆興奮感。呢次體驗會影響到我日後再試南印菜嘅意欲。…Read More

食完《兄妹越南粉》、終於體會到喺香港經營越南菜嘅人性化之道。以前食越南粉絕大多數係啲連鎖店、一種越南街頭庶民美食嚟到香港可以賣到好貴。但《兄妹》係首次見到越南菜餐廳中最感動嘅價錢、而佢嘅價錢平、並唔係唔好食。小店經營人氣高、一支公嚟應該搭硬抬。佢呢度啲pho好似冇出面咁多花臣又生熟牛或火車頭之類、Lunch Menu比主餐牌優惠又有想食嘅pho 當然係叫lunch。【越南生牛河】上菜時生牛肉浸熟位程度約五成、出面叫碗生牛河、遞嚟都浸熟到七、八成。個湯第一感覺係清淡、所講嘅清淡唔係淡而無味、係清甜唔會好濃厚嗰隻、飲完唔覺頸渴咁就明白係咩一回事喇啩？個青檸比較出味、好明顯帶出酸味（已經冇用手摙）值得一讚啲「青」料好多、啱哂我最鍾意食粉麵多蔥、有香葉、洋蔥、少量芽菜。唔覺意啪到粒辣椒都幾辣嘅。另外河粉極充裕、啱哂上班族唔怕食唔飽、出面真係好多都份量偏少。就算只講Quantity、呢下都拉高咗CP值。【香茅雞扒湯粉】不過不失、個人喜好越南粉一定牛河好食啲、雖然聽聞越南當地雞河正啲、呢碗勝在真係唔油膩、見過其他店成碗湯係雞油。呢個椰菜絲雞絲沙律真係超值、跟餐只+$8一定要加、汁又好開胃、有驚喜。抵到爛。春卷夠味脆口制作需時、但表皮都頗多油。越式滴漏咖啡、第一次飲唔知道原來煉奶已經隱藏喺杯底、只需要攪勻就得、第一次飲唔知當齋啡咁飲、越南啡確係偏苦、但喺越南咖啡範疇嚟睇、杯啡味道係OK。…Read More

《Cs' Bakery》是日本來係嚟食早餐、但嚟到過咗11：30am。好彩一心係想食全日早餐、All Day Breakfast 係All Day same price, 呢款午餐同早餐一模一樣咁就冇問題喇。入店都九成滿好彩仲有一張枱、之後啲人食完早餐陸續離開就鬆動番少少。一入嚟個感覺係重Bakery 概念 (尤其餅乾）多過係一間咖啡店（雖然見過啲好特別嘅拉花相）個廚房好似好大、可能仲大過店面？【 All Day Breakfast 】正常賣相、比較深刻印象嘅係啲菇類、菇好有菇味。第二係個酸種包、脆口「插插」聲、而且有啲葡萄乾、橙橘乾之類釀咗入去、誠意度加分、另外牛油果醬亦都好唔錯、好食健康之餘又可當搽麵包用。格硬話普通嘅可以話係啲菜、火腿腸可以再升級啲、但咁做可能亦會將貨就價、因為呢個餐係包飲品、杯美式咖啡都要廿幾卅蚊。所以依家呢個狀況實屬滿意。【 Americano 】(set drink)正如之前所講、第一印象係間著重曲奇餅、麵包之類嘅食店、我係估唔到杯咖啡係咁出色。齋啡飲過無數次、出面好多美式做得好唔掂、所以平時只會叫Long Black、呢杯第一啖已經係覺得好嘢嚟。厚身嘅crema、媲美Long Black、啡味香濃至極得嚟又未到苦。除咗好嘅豆、有可能同佢哋用靚咖啡機有關、以美式咖啡呢個範疇、我覺得可以俾佢5✰呢杯餐飲啡俾到我驚喜。…Read More

雖然望落個名覺得好「唔印尼」、但佢係一間独立経営嘅印尼餐廳、唔知係咪位置問題要特登行上嚟嘅關係、真係indie到晚飯時間都差唔多冇客、雖咁樣對餐廳唔好、但就可以卡位任坐靜靜地孤獨進食。環境幾好、裝潢都幾靚又自然、有啲特色小音樂、但可能樓底高、唔開大啲冷氣會覺得好熱呢下扣一扣環境分。叫咗【印尼炒麵】&【加多加多】炒麵明顯帶甜味、配料亦算夠又有菜、但冇乜鑊氣炒味。炒麵呢款食物定位算係叫庶民美食、但都賣成＄80拉低晒CP值。加多加多都多雜菜尤其蝦片、但個靈魂醬就好淡、吊唔出啲乜味、成碟冇乜味。總括兩款食物只屬soso。呢日用餐店員服務體驗就非常好。睇Google相呢間原來攞過米芝蓮、餐牌都有啲比較印尼嘅食物、除非其他食物真係標青、否則以今日叫呢兩款為基準、咁樣都可以被列入米芝蓮令人極費解、所以我從來都唔會信呢啲所謂聯盟標準。難得係一間獨立舖、希望佢哋可以再鑽研多啲美味食譜。…Read More

Intro & Location:取自印度首都範圍為餐廳名唔多唔少有啲啲特別感覺。餐廳位於商業大廈一樓頗容易比人忽略，就算地下擺咗餐牌，樓上鋪始終樓上鋪，人氣會差啲啲，但就做就咗我呢廷極討厭搭檯＆嚮往寧靜食飯既客人。第一次嚟，有少少鼓起勇氣推開門入去嘅感覺，一入去，哇！成間鋪飄逸住印度炭燒烤味。直頭覺得如果上班族會唔會俾自己客人聞到呢哈！/ Once entered, you can smell the tandoori / tikka well before physical dining . My first impression was very good /Restaurant Atmosphere環境闊落舒服又乾淨，有好幾張望街景嘅舒服大卡位。餐具亦好乾淨而且啞金色碟grand得嚟但唔俗。呢間餐廳個concept係Restaurant & Bar，所以店長（one-man band 7 days?) 會做多步，汽水飲品會用杯上，+塊檸檬&冰、杯墊。呢間印度餐廳店長會幫客斟水。廁所門前有屏風，入面仲有道門先係廁所。比較雅觀衛生。/ A clean & comfortable restaurant with bar drinking concept / Set MealSet Lunch/Dinner 會跟是日餐湯＆飲品，暫時飲過３種味嘅湯：豆味湯２款＆1款蕃茄味，白色係豆味，黃色唔知係Dal/南瓜，紅色就類似牛油雞咁上下。+$可轉Mango Lassi，好杰而夠味而且唔會過甜呢下抵讚！【 Pakora 】呢款唔係Menu小食，係晚餐嘅一個前菜【 炸蔬菜】（辣）【 Papadam 】每次點咖喱都會比個Papadam做Appetizer。有一次特別到係比碟炭燒味嘅芒果醬，醮醬竟然都會taste到tandoori/tikka味，真係特別到無話可說。呢種Papadam唔頸渴，比其他平時食開嗰啲脆餅款口感味道更夾玷咖喱。/ A typical valued package of set meal / ★ New Delhi Chat Corner ★【 Dahi Poori 】呢款比較少見，通常餐廳最多都係賣Pani Puri，第一次食Dahi Poori，係凍食，唔需要再倒液體入去，其唔同之處係入面啲醬料：乳酪．薄荷．酸醬震撼地配搭無比，嗰種衝擊感令人好開心，足以超越食過嘅Pani Puri。𢳂多啲脆餅粒倒入去，成舊啪增加脆口感。【 Gol Gappe 】呢款即係Pani Puri，脆球比較脆，倒薄荷汁，正常口味，誠意之處係每舊都用隻烈酒杯盛住啲汁，誠意度加晒分，又增加收視率。【 Punjabi Samosa Chat 】呢款同【Dahi Poori】大同小異，只係將Samosa搣爛混入去做埋沙律，其他野差唔多，份量好似多少少咁，呢款當係一次過食到Samosa & Dahi Poori。/ A very important experience of eating such snacks . This maybe the key point of this restaurant / Main Courses【 Butter Chicken 】前所未有咁好食嘅牛油雞體驗，牛油雞食過多次但呢間明顯可以跑贏其他店奪取五星，精粹係其雞肉＆咖喱完全俾烤味包圍，即係之前提過入店時聞到嘅烤味，依家真係食到入口，濃郁感極高，真係可以話係「好印度」！今次真係體驗到乜嘢先叫真正嘅「正宗」！竟然可以喺set lunch食到呢個層次實在太幸福！/ So far the best Butter Chicken I have ever eaten !  Honesty!  5 stars no doubt / Must encore regularly ! / 【 Lamb Rogan Josh 】註明為傳統印度羊肉咖喱，就算唔多食羊肉嘅我都覺得好味，咁就真係好好味，騷味適中帶出羊嘅特色，夠淋，咖喱都有明顯洋荵＆複雜燴味道顯言同牛油雞個汁好唔同。【 Lamb Masala 】呢款放係dinner系列，味道無Rogan Josh咁濃郁而係偏向重蕃茄 &洋荵＆椒味，唔知啱唔啱但覺得有少少似Kadai style？【 Saag Panner 】佢呢款菠菜芝士有一種好特別嘅味而其他店未體驗過，唔知係咪加咗芥末？咖喱杰度好高，但完全唔辣。【 Delhi 6 Famout Chole Bhature 】見呢款為Delhi6 Signature叫咗，但呢款唯一特別之處只係有件烤制麵包跟，鷹咀豆咖喱似乎難以做得標青所以其他款啲咖喱明顯更勝一籌。而家已經改為【 Punjabi Channa Masala 】應該冇咗塊麵飽。呢款應該只食一次算。※ 雖然暫未食過Vindaloo，但以上幾款咖喱基本上冇乜辣度，客人可以品嘗原汁原味，下次會試問下可否加辣。【 Chicken Biryani 】做到非常乾身，有啲腰果襯托，覺得偏香料味略多過咖喱味，乾飯又係有一種新體驗。呢款望落以為細碟，食食下非常飽肚差啲食唔落。Service帶有明星相嘅Manager 一定會每餐問食客質數如何，禮貌非常，自動斟水。典型基本重要而又經常被香港餐廳忽略嘅步驟做足，就係一定等你食晒啲小食先會上主菜咖喱。未食晒會問你上得主菜未。Conclusion雖然真正印度小食可能仲有好多好多，但呢間餐廳已經搜羅好多款色，比一般同行多，呢度係香港。講真咖喱間間印度餐廳都有得食，小食來來去去都係嗰幾味，呢間真係可以直頭專登去食啲side dish當正餐唔食咖喱都唔算過份。講就咁講，呢度個Lunch CP 值咁高真係好難抗拒到。大部份一舊水內有湯有飲品、12pm-3pm冇落場時間冇加一去邊度搵？實屬人性化+誠意表現。呢個無敵set lunch 打倒以往覺得set lunch冇好咖喱呢個觀念，喺Delhi6，唔需要懶有型咁去叫餐牌啲另外咖喱，set lunch一定唔會令人失望。當一日試云晒之後，就會跟menu逐去試㗎喇，除非價錢暴漲，否則一定繼續encore支持！/ First time customer can go ahead to order set lunch without any doubt, should be no disappointment/ …Read More

喺旺角開嘅印度咖喱店人氣唔會比尖咀高、但都試一試睇下。舖面一般、但有啲大卡位。【 Keema Matar 】見到有款免治肉青豆、幾有興趣叫咗。呢款第一次食有新鮮感唔錯。【 Chicken Masala】呢款好一般【 Basmati 】【 Naan 】呢個真係令人驚訝切開面頭嗰一兩塊Ok、之後就係咁樣☝🏾Have You Ever Seen Like This? How come ?!另一半係爛嘅、見到都唔開胃。我冇食哂、等佢自己睇返°我從未見過印度舖整Naan可以整得咁差嘅。話晒佢哋自己國粹之一都可以咁、咁即係叫我唔駛再嚟啦係咪？！P.S set meal 加野又話有優惠又計我正價、一轉一轉配搭就唔識計返優惠價俾客...試菜完畢、冇下次～👋🏼…Read More

得知呢度食巴基斯坦咖喱食到有半自助餐形式咁過癮，隨即展開《巴基的風5.0》！位於同「重慶大廈」差唔多style嘅「美麗都大廈」，一樣係入到嚟唔似自己喺香港。夏熱天時，舖頭外面極度侷熱。。。店內雖然裝橫樸素，勝在地方闊落舒服唔侷促壓迫。一坐低俾支水你。Menu一定要花時間睇，唔駛擔心，老闆超好service會親自同你講解menu。100%廣東話OK。第一次嚟一定揀標準3碟咖喱自助餐。【 玉米餐湯 】一出場先嚟飲湯 + 食件甜品【 3 Dish Curry Buffet 】Set. DMain Course : Prawn Curry (L) + Moong Makhani (M) + Chicken Chana (R)〈咖喱小辣蝦 | 綠牛油豆 | 咖喱雞鷹咀豆〉最初幾啖覺得中間嗰碟最普通，但食到最後覺得最特別，碟蝦都係有啲特別味道未食過。鷹嘴豆就正常。唯一唔慣嘅係佢啲Naan，真係太厚好滯。Roti就比較似Paratha唔似乾式麥餅。今次只係refill咗一款咖喱，可以俾我揀另一款咖喱 → Chana Masala 好味✧睇落好似蝕桌咗，但其實已經飽到連飯都refill唔到喇。臨尾再跟杯熱奶茶(non-masala) 中和下味蕾。總括嚟講呢set嘢有齊湯、前菜/甜品、沙律菜、咖喱、Naan & Roti、Basmati、Mango Lassi & Drink，算係完美地食盡巴基之味。🍛（免加一）____________P.S. 我一條友孤獨進食，老闆就直頭 sit down with me and chat ✦我問咗佢一啲巴基嘅咖喱問題例如「KAHARI」，據說係唔用水煮嘅一種咖喱，不過都戴番個頭盔先，就係始終唔同廚師有唔同嘅風格。另外，對素未謀面嘅我都講咗一啲佢自己嘅story俾我聽，我好appreciate.明白到之前幾年的打擊好影响生意，多得一位Foodie IG介紹得以business double up+所以都好希望顧客多啲comment俾多啲人知。as promised, 我寫咗喇 ✔I will come again !…Read More

香港版圖最北嘅咖啡店之一位於缺乏咖啡店嘅上水區、穿過幾個商場，去到一個屋苑嘅寧靜角落，而且難得設立喺地舖唔係商場入面，indie度up，算有隱世感，街角的cafe。店內環境幾好但真係幾細間座位唔多，適合 1 ~ 2人嚟。Bar櫈細張好在自己還可以，有埃𠹶。店小但食物款式出奇地多。【 Long Black 】外觀有啲驚喜、估唔到黃金度会咁高【 Blueberry Bagel 】以為係搽藍莓醬、原來係藍莓味嘅bagel 煙韌度係好有、又有cheese cream跟，不過就完全食唔到有藍莓味。【 All Day Breakfast 】唔知算唔算係招牌菜呢？收視率甚高，見到就興奮，雖然大啡菇唔算好大，但腸係粗嘅，呢隻好好多。菜雖然得生菜，但勝在夠大可攤大碟面，蕃茄分四粒都幾好，烤過。最遜色應該係塊三文魚。而最正斗就係兩塊酸種飽，黑炭係呢間嘅特色，好似食到一啲橄欖油、蒜頭嘅香味。嚟呢到為咗食佢啲酸種飽都算係好合理。【 Ice Long Black 】呢度啲咖啡幾唔錯，啱口味，將來會試下Single Origin手沖。…Read More

唔理會任何宗教、政治傾向，純粹想見識下咩叫以色列中東菜。係香港呢類菜比印巴類更少，同一啲本地黎巴嫩菜餐廳比較之下，呢間某啲伴菜、主要飲品都比較港式，可能因為咁，係混合情況底下得出一個相宜價錢。呢度啲主菜好似全部都可以做餐，跟飲品＆餐湯（菜或豆湯）兩者都幾唔錯。唔係出面西餐廳啲紅白湯。米飯有得揀中式或中東，嚟得呢度緊係中東米啦！唔知算唔算Basmati呢，係咪已經係黃姜飯嚟㗎呢？ 【 水波蛋阿拉伯肉醬中東米飯 】除咗係中東飯之外，呢款唔覺得有乜同本地菜色唔同，呢碟普通咗啲。【 菲塔奶酪菠菜沙克舒卡雞肉中東米飯 】 呢款係好奇怪咁賣相麻麻但出奇地好味，絕對有佢嗰種奶酪嘅特色，有肉有菜，又有中東米，一日所需應該足夠啦啩？【 橄欖油紅酒醋古斯米沙律 】可以當係輕食嘅主菜份量，橄欖油出色過啲菜【 中東烤卷 - 雞肉 】好食，肉、菜、醬料夾算係土耳其Kebab風格？【 鷹嘴豆泥（原味） + 比得包 】呢碟菜可能好冷門冇乜本地人吼，但我覺得呢款先係呢間餐廳最代表之選。唔覺本地人對Chana有興趣，比得包更加罕有，以豆泥方式出場，唔試過就真係毫無意義食以色列菜。旋渦視覺中央加入橄欖油為其精髓，令豆泥更升層次。---沙律菜用嘅黑醋＆橄欖油都非常出色，食得出係用好材料，至於沙律菜本身就中規中矩。呢度亦有啲未聽見過嘅以色列菜餚令人好奇想試，又有啲Cafe Style嘅款式。似乎係想融合香港人口味多元化？免加一…Read More

喺香港開間以日式咖喱為主打嘅餐廳本身我係幾欣賞嘅。因為呢條路線並唔容易、可以話有啲嘥氣。個人覺得香港人對咖喱鍾意極有限（打邊爐火鍋雞煲米線就最啱）仲要係日式咖喱、有啲人會好憎日式，開係一種挑戰。GoGo55 都執咗就知唔難理解。一向幾鍾意J Curry, 呢間喺舊年都會定期幫襯、環境好舒服、夠大又成日都唔會好多人、唔等位唔駛迫、再唔係坐吧檯就實可以靜靜地食飯。又有懷舊「街霸」幾過癮 & 火車紀念品賣。凍熱水自斟～唯一唔好就係一入舖就話唔收現金、但見佢唔收加一又可以碌卡唔駛又呢又路咁都好返番啲嘅•••本身呢度係蘋果咖喱、味道辣度良好、小食其中一款胡麻醬凍蕃茄喺幾抵食、蜜棧魷魚鬚係好好食。到舊年為止一直感覺良好°°°好可惜、今年唔知幾時開始、發覺換咗餐牌、主攻咗好多款甜品九唔搭八令人費解、又唔平、以為只係更換下啲menu, 點知到食正餐咖喱飯就醒覺、店員話唔再係蘋果咖喱冇咗塊蘋果、咖喱已偏鹹。招牌菜絕對係差咗...算幾大件事•••連凍蕃茄都冇埋！九成覺得徙功夫唔想做•••價錢$好似都+咗、依家仲收埋加一(+1)呢下躁底❗因為從冇到有確係乞人憎！總之所有嘢整體下降⬇↓⇣恐怕呢度已經係新人事新作風、好遺憾真係個失敗嘅轉型嚟～員工態度良好、純粹真係唔滿意個管理制度、都唔知諗咩嘅•••如果唔再轉型返好，Encore就免喇～…Read More