monkey_kiwi's Profile

睇宣傳廣告, 將軍澳新商場有小朋友嘢特價, 今日抽時間同姊妹入去掃貨, 行完曬原來已經三點, 除咗腳攰之餘，肚仔都餓了，咁啱又人遞出張傳單, $158 有多款西式咸食, 甜品同2杯飲品, 睇落好抵食，就去試下！High Tea Set for 2 $158待應端上來的tea set係用兩層層架的, presentation 都ok嘅, 上層有意大利青醬蝦多士 ,乾果小蛋糕, 英式蛋餅. 下層係火腿芝士迷你三文治, 迷你牛肉漢堡, 英式鬆餅 (Scone) 同朱古力鬆餅 (Muffin), 同埋即做窩夫. 意大利青醬蝦多士係一隻新鮮大蝦搽上香草碎, 下面係烘香左嘅多士，香脆可口. 乾果小蛋糕嘅質感有啲似 Madeleine, 有少許結實而滲透出果香, 英式蛋餅有濃濃喔蛋香，外面係鬆化嘅撻皮。火腿芝士迷你三文治, 烘麵包都仲係暖的, 比起冷冰冰嘅三文治依個有誠意好多，不過芝士可以溶啲會更香口！ 而迷你牛肉漢堡都幾有誠意, 包仔雖細包嘅中心點有被煎過，中心有蕃茄, 生菜，手打牛肉. Scone 有好香牛油味同鬆化感, 窩夫嘅質感幾好唔會太硬, 又有蛋香，再配上兩個吉士同士多啤梨果占醬, 隨你喜歡點幾多點邊款，加上兩杯餐飲,簡直係依一餐嘅完美嘅句號, 再有力去血拼了！…Read More

經Moko Mall去花街買花，都會必經呢間包店，次次經過都見到啲面包好有創意，已經想試好耐，今日就來埋囡囡黎食面包下午茶店內裝修比一般面包店整潔乾淨，而且最特別係仲有賣台式飲品！新期最熱賣既髒髒包，依家香港都有得試啦！三文治都有賣，唔知會唔會好食過台灣人氣果間呢店內既面包造型非常特別，囡囡黎到已經陷入瘋狂狀態，不斷問問題，問我點解面包甘樣既？我真係唔知點解釋好最後揀左呢五個面包最左：蒜香煙肉軟包雖然寫住軟包，但外層仍然是脆的，面包外脆內軟，蒜味重，我覺得另外加了蒜鹽，所以味道很夠。本人最喜歡呢個包章魚大哥小朋友必敗之一。見到呢個造型，一次手起夾落。造型100分外，仲要係小朋友最喜歡既腸仔包，點可以唔買？！酥烤羅宋面包充滿牛油香味，口感酥軟。呢個名令我想將面包點羅宋湯食香軟肉鬆包滿滿既肉鬆，芝麻，紫菜，加上香軟面包，簡直是小朋友既最愛！呢個包沒有以造型取勝，是實力派面包，囡囡成個食晒！香菇麻糬包呢一個造型100分之選，但佢路止有造型，而且味道不錯。入面是芝麻麻糬，煙煙韌韌，最適合做下午茶。藍芝士四季萃玉這是店員推介的台式飲品。四季萃玉是來自台灣南投的茶葉，味道清香。而上面的藍芝士經過調教後，味道不會太過濃郁，很適合香港人的口味。總括來說，最開心的應該是小朋友，試問邊個小朋友唔鍾意食麵包？店內環境舒適，職員亦會有善地前來介紹，服務真的不錯。我最鍾意佢買麵包之餘仲有台式飲品，真係好方便帶住小朋友唔使周圍走！…Read More

好耐無去日本旅行，好掛住我最鍾意既炸豬扒飯！朋友介紹沙田呢間食吉列豬扒既專門店比我，仲過水準唔比日本食到既差！豬扒飯黎到香港都迎合香港人需要。日本店鋪客人坐低後會送上冰水，但我都係覺得所熱水岩我啲前菜三味日本冷豆腐簡單就是最好。豆腐配上日底甜醬油，加上木魚，唔會蓋過本身日本豆腐濃濃既豆味。豆腐入口即溶，但唔會夾散，而且夠凍，非常好味！日本冷菠菜分量比想像中多，跟之前既日本冷豆腐係用用同一款醬油，但配在菠菜上除了美味外，還很開胃！菠菜非常爽口，食唔停口！八爪魚芥辣無茄毛茄即是秋葵，是非常健康既蔬菜。估唔到八爪魚份量都好多，而且非常新鮮，爽口多汁。牡丹蝦雜錦盛合盛合有牡丹蝦，三文魚，八爪魚，油甘魚。刺身 超 級 新 鮮！並非一般日本餐廳能及！而且刺身超大塊，超厚，牡丹蝦都有手掌甘大隻，真係大滿足！八爪魚間夾著檸檬，吸收了檸檬既香味，非常特別清新！Wasabi 好辣，少少已足夠！再來店員就為我們送上炒香左既芝麻，用木棍壓碎，再加入炸豬扒醬汁，聞都聞到非常香！我是為了這個來的！定食會有珍珠米，面鼓湯，沙律。珍珠米及沙律可以無限量添加！吉列銀雅豚定食呢個銀雅豚真係一流。我係日本食到既都無呢個甘好食！銀雅豚四周都有脂肪分佈，所以切開一片片後每片都食到脂肪位！咬落肉汁噴出，非常好食識食一係揀多脂肪食！而且成塊銀雅豚都好滑，一啲都唔鞋，一咬即分開，炸得都非常乾身，香口。沙律配上柚子汁，非常開胃！最近飯後甜品有西瓜，超大滿足！估品到香港都可食到甘高質素炸豬排！坐又坐得舒服，店員都好有禮貌，簡唔中豪一次啦！…Read More

黑糖珍珠鮮奶終於係呢個夏天普及！唔使再排隊排成個鐘先買到！依家連歇腳亭都有賣！厚黑糖珍珠鮮奶仲有得揀加唔加cream係面！價錢一樣！因為怕太漏，所以就算一樣價錢都無加cream. 珍珠非常Q軟,偏甜，而鮮奶就無另外加甜，所以整體來說拉返均都唔會太甜。size比平時歇腳亭買到既飲品細杯。珍珠非常多，但好多都痴埋一堆。而鮮奶一整杯，所以飲完都其實幾飽。重點係唔使排成個鐘先有得飲，真係青蛙撞奶粉絲既喜訊！！…Read More

之前睇過雜誌既報導，想試沙田友既菠蘿包好耐。但太夜到，菠蘿包一早售罄，就坐定定試下晚市套餐。店內裝修非常特別。每張檯都有沙田街道既招牌，呢啲真係沙田友既情義結！懷舊既裝修，加上店內既廣東潮語，可以話係沙田友，甚至香港人既集體回憶！餐牌：今晚就試左兩個包小菜+中湯+白飯+飲品既中式小菜套餐老黃瓜排骨湯湯料非常多！黃瓜同排骨煲到好林，湯好有味道，飲得出係老火湯！大大碗，非常暖胃！凍奶茶茶同奶既比例非常好，好鐘意重奶味既奶茶！路會太甜，亦都無茶膽放得太耐既苦澀味。朋友叫既熱奶茶茶味濃，香滑，走糖都好夠味椒鹽焗肉排份量超大，絕對可以兩個人share。肉排大大件，厚身，外面炸得夠乾身，唔油，但又能鎖住肉汁，咬落唔會太乾。肉排邊有啲脂肪位，非常香口。炸蒜非常香，拎黎撈飯都好好味醬燒茄子魚腩煲拎到黎檯既時候，個煲仲滾緊！份量又係好大份，目測有4-5件魚腩，大大件。魚腩肉質結實，唔會煮到散開晒，都幾新鮮。茄子顏色仲好靚，加上燒汁，送飯一流！餐廳職員都好有人情味，見佢地同食客都有講有笑。食物份量多，價錢亦唔貴。座位以卡位居多，坐得都幾舒服。沙田友又多個聚腳既地方，下次要早少少黎試埋佢地既蛋撻菠蘿包先得！…Read More

位於朗豪坊隔離既一棟舊樓，名叫朗晴坊內，如果唔係朋友帶路，都唔知有呢棟大廈。我地到達既時候已經係晚上九點幾，但店內仍然坐滿食客，人氣極高。日式居酒屋，主打串燒，鍋物，仲有任飲放題，晚上8點半後更加飲品6折，岩晒想hea坐吹水既朋友。奇異果Virgin Mojito啖啖果肉，好香既薄荷及青檸味，味道唔太甜，加上有氣soda,好清新好refreshing。 而且令我驚訝係都幾大杯，沒有因為6折而將貨就價雞軟骨串即叫即燒，拎上檯仲熱辣辣。燒得夠乾身，外層好似炸過一樣，非常香口。而面可保留坐肉汁，而且軟骨脆卜卜，非常有口感。BB雞脾菇串五花腩BB 雞脾菇好似剝開既蒜頭甘一粒粒好得意。食落都係爽口，而且好多菇既汁。加上木魚，好夠味。五花腩半肥瘦，脂肪位非常好食，燒到好香脆，而且咬落肉汁噴出！燒秋葵最鐘意秋葵既煮法就係燒！而且秋葵非常健康，食多啲都無問題。明太子雞翼超鐘意食明太子！將明太子滿滿的釀入雞翼，一啲都唔吝嗇！明太子粒粒分明，好有咬口。其實味道已經好夠，唔需要再加沙律醬都可以。燒原條明太子竟然有成條明太子可order!真係好少機會，而且甘平就可以食到。呢個明太子一樣，都係好粒粒分明，而味道就比釀雞翼既明太子咸。原條明太子比較適合送酒，細細啖慢慢食。味醂雞泡魚乾又係必叫之選。加左味醂關係，雞泡魚乾好香甜，而且非常入味。雞泡魚乾有厚度，非常易咬，送酒一流最後叫左鍋物清酒藥饍雞湯配豬面肉追加帆立貝估唔到呢個清酒藥饍雞湯絕非等閒之輩。好多檯食客都叫呢個藥饍雞湯，非常足料，時不時都聞到好香既藥材味。追加既帆立貝非常大隻，新鮮。將所有材料放晒入鍋等食。我地仲打左隻蛋，希望整窩蛋火鍋個湯湯真係太正，蔬菜，海鮮，豬面肉索晒啲湯汁，非常好味。見到湯底落左唔少藥材，e.g 杞子，杜仲等等，為左個湯底真係值得再追加其他食物！估唔到價錢相宜，但食到甘高質素既食物，難怪甘夜都坐爆場！…Read More

莊士倫敦廣場出名多野食，少啲實力都難以立足。最近又開左間打邊爐，連食肉獸朋友都話想黎試下，究竟有咩特別？原來呢間除左邊爐放題外，仲有海鮮蒲網燒。又打邊爐又燒野食都係$188。難怪朋友立即約我出黎試，我亦預視到我將會大住個肚走。湯底選擇都幾多，部份湯底可以做鴛鴦鍋，而某啲湯底就要額外加錢但我地見到依家做緊promotion,Like n Share蒲頭島既facebook,原本頭額外加錢既冧酒加勒比海鮮鍋同蒲頭鍋就免收額外費用。當然立刻照做！落左單之後當然係指定動作出去持野飲。同其他放題餐廳一樣，都有個大凍櫃入面有汽水，茶，果汁任君選擇，仲有好多韓式飲品添。但浦頭島比較特別既地方係，有自家製飲品，羅漢果茶，夏枯草，水果茶，洛神花水果茶等等，已經好少有放題甘有heart,抵讚！另外仲有雪糕機，配以多款雪糕醬，估品到有甘多選擇！好快海鮮拼盤就到。蒲網燒雖然並唔係任食，但持到黎既份量都幾多，而且全部都係jumbo size!有海虎蝦，八爪魚，翡翠螺，帆立貝，白蜆，魚柳等等。如果食完唔夠喉，8月底前做緊promotion,可每位另加錢任食:海虎蝦：$20八爪魚：$28翡翠螺：$38帆立貝：$48朋友立即大廚上身，密密燒。海鮮基本上都無醃話廿，新鮮海鮮就係要就並燒先食到鮮味。最鐘意食海虎蝦，燒完出黎蝦肉爽脆彈牙，食得出係非常新鮮！扇貝，白蜆好大隻，洗得好乾淨完全無沙，又玩得，又食得，而且食得非常開心。好多檯都叫呢個套餐，大班朋友一路燒一路吹水，個個爭論應該要點燒，有講有笑，氣氛非常好！另一重點就係打邊爐啦！冧酒加勒比海鮮鍋海底非常足料，目測有5-6隻海虎蝦，一堆白蜆，甘高成本，難怪原本呢個鍋係要加錢的。之後職員係鍋底上曬上冧酒，再點火！個鍋大概燒左20秒，已經聞到好香既醬料味，加入湯底即成！之後想食乜就梗係自己填啦選擇都唔少，尤其食完蒲網燒之後，其實已經飽左幾成！但當你發現原來自助區仲有熟食，以及出面有幾個大凍櫃比你自己拎火鍋配料時，你會好想自己有兩個胃！呢啲全部都係賣飛佛是日海鮮係白蜆，order完之後仲可以網燒!手打豬肉丸，爽口彈牙油炸鬼，索晒湯底一流！仲有脆肉鯇呀！,唔會好似其他魚甘烚到化開晒，仲好爽脆添！估唔到又烚又燒，食左甘多野，加埋一都係二百零蚊一個人，認真抵食！…Read More

是晚ladie’s night.朋友提議來這間新開張既日本酒吧。室內環境非常闊落，座位多係梳化，坐得非常舒服，仲有大電視，最適合包場搞function. 其實仲有室外露天座位，都裝飾都好靚。可惜落雨，只好留係室內。最impress係佢地個酒餐牌，睇得出比左好多心機去設計，LCD monitor,暗一暗都睇得清清楚楚。而且日本既威士忌，清酒，梅酒既選擇都非常多，絕對係名符其實既日本酒吧。MomoToro由日本白桃甜烈酒+果蓉+香檳酒而成。有白桃既甜味，加埋香檳氣酒，非常易入口，適合女仔飲。Tenkei Edamame用柚子鹽煮成既枝豆日本人最鐘意用枝豆送酒，黎到日本酒吧點可以唔試下？平時食既枝豆都係凍食，呢度既枝豆新鮮即叫即煮，所以非辣辣。特別在加上柚子鹽，枝豆加上柚子香味非常特別，食唔停口。Chicken Karaage日式炸雞亦都係即叫即製。非常香口，外脆內軟，而且非常juicy.而沙律醬食得出係另外調教過，加上紫菜碎，充滿日式風味。另一送酒佳品，都係食極都唔厭。Mizuna Gobo Salad水菜沙律香港好少機會食到，但日本人鐘意食水菜，多數用於打邊爐及沙律上。生食既水菜脆卜卜，好有口感。加上牛蒡乾，蓮藕，木魚，配以柚子汁，非常開胃，健康。Miso Tofu面豉豆腐充滿豆味既日式豆腐，非常嫩滑。加上甜面豉，及牛油果蓉，無需太多調味，簡簡單單已經好好味。而且非常健康。豆腐實在太嫩滑脆弱，要用匙畢起。Pork belly lettuce wrap豬腩肉生菜包日版既生菜包有唔少得既腩肉，生菜，日式黃瓜，生薑，炸雲吞皮。唔係用肉碎，以一塊燒腩肉上，一塊腩肉脂肪位比例多，燒到非常香。咬落肉汁真係噴出黎。加埋黃瓜，生薑，真係好日式風味。醬汁係蘋果柚子醬，清清地，唔會蓋過材料既味道。加上脆脆既雲吞皮，fusion左香港風味，更加添上口感。估唔到日式既生菜包都似模似樣。Tenkei Gunkun吞拿魚 海膽 帶子 軍艦最特別既紫菜無包住飯團，就甘鋪係飯下面。我地食既時候自己包一下，紫菜仍然保持爽脆。海膽，帶子及吞拿魚都非常新鮮，海膽無腥臭味，非常鮮甜。吞拿魚無根，帶子加埋三文魚子非常美味。Gindara Saikyoyaki 鱈魚 西京燒西京燒是將香甜的白味噌及西京味噌用酒或味醂稀釋, 再將鱈魚放入醃漬，燒烤而成。鱈魚燒烤過後魚皮白脆，而魚肉非常滑，而且充滿肉汁。味道甜甜的。Combo Seafood Don海鮮魚生飯廚師精選既7款魚生。有海膽，三文魚，魷魚，三文魚子，帶子，吞拿魚，甜蝦。份量都幾多，魚生厚切，非常新鮮鮮甜。平時去酒吧都係配炸野送酒多，估唔到日式酒吧會多野食甘多，但又有酒吧既氣氛，環境又舒服，必定再來…Read More

被朋友拉去睇美少女戰士影相厄like, 之後搵地方醫肚，見到呢間有得食pizza同pasta,岩晒小朋友啦餐廳開放式設計，睇落好有空間感，而且非常闊落，唔會坐得好迫。榛子拿鐵太口渴關係，坐低就叫野飲。榛子拿鐵上面有一層好厚既奶泡，加埋朱古力粉，非常香滑。榛子味濃，唔使再加糖，一啲都唔苦。軟殼蟹甜椒水波蛋湯律軟殼蟹新鮮炸起，一到檯已經聞到好香，而且份量一啲都唔吝嗇，一整隻軟殼蟹，非常香口。沙律同甜椒都非常新鮮，爽口。加上蜜甜芥末沙律汁，非常清甜。平時食沙律多數係跟烚蛋。呢個沙律跟水波蛋既食法都幾特別。我地整爛隻蛋撈埋沙律一齊食，令沙律更多汁更易入口香蒜辣椒白酒煮蜆酒味無無煮既時候揮發晒，黎到仍然聞到好香既酒味。蜆都幾大隻，無沙。西式煮法用酒及蒜頭去腥味，所以蜆肉充滿酒及蒜香，但仍然保持到鮮味。目測見唔到辣椒，但食落係辣的。棒棒雞翼配蜜糖燒烤醬又一即叫即製之作。炸得外脆內軟，而且非常juicy. 好香口，真係食唔停口。意大利風乾火腿，香腸，水牛芝士拼盤估唔到The Point 以pizza及pasta做招來，但小食質素都唔差。火腿及香腸唔太咸，無乜根非常易咬易入口。脂肪比例適中，配上芝士非常好味，只差一杯白酒辣肉腸 芝士 蕃茄醬 pizza（6”)Pizza薄批，烤到個皮邊非常脆，小朋友非常鐘意。辣肉腸少辣，小朋友都ok接受到。芝士用上水牛芝士。滿滿的鋪滿pizza面，多到可以拉絲，小朋友睇得好開心，拎住個pizza係度一路玩一路食。卡邦尼意粉意粉煮得夠乾身，加埋芝士，味道非常濃郁。份量都夠3個人食。上面鋪了乾煙肉，令到意粉更香。小朋友食呢個意粉同pizza已經非常開心。總括來說，食物美味，亦坐得好舒服。岩晒一家大細黎用餐…Read More

朋友超鐘意食米線，一早食厭晒譚x,雲x香既佢，介紹我食一間另類四川面食。網上查看過，冒菜是一道以肉类、豆制品、青菜、海鲜、菌菇类作为主要食材制作而成的菜品，將鍋里煮好的菜在干碟里輕輕一蘸。相信呢度既面食係用呢種煮法，有別於一般香港食到既米線。我地落單時雞湯已沽清，而且在場又有小朋友，所以就叫左一清湯，一個麻辣。48蚊就可以揀6款配料，最岩我地心大心細乜都想食。最後我地叫左兩碗任選8款，同埋野飲。玫瑰蜂蜜野飲好快就送到。賣相一流，係好靚既粉紅色，估唔到飲落玫瑰花味都非常重，而淡淡既蜂蜜唔會蓋過玫瑰花香，而且唔會過甜，甜度岩岩好！非常解渴！最後我仲食晒杯低既玫瑰花瓣凍鐵觀音朋友唔飲甜野，就叫左凍鐵觀音。呢度既茶類都唔會加糖，養生健康。茶葉新鮮，青青綠綠，好有香味。麻辣湯底+火鍋寬粉黎到既時候嘩左一聲，既聞到好香既麻辣味，份量都幾多！最中意佢多蒜！火鍋寬粉係類似之前小肥x食過既肥羊粉，除左係果度之外，其他地方都好少供應。我曾經為左想食呢個粉去食小肥x！依家呢度竟然有得食！店員溫馨提示撈均去食。好香既蒜香同麻辣香！食落麻辣真係有料到，唔係得個咸字，條脷都食到麻晒！配料方面，令我最驚喜既係有鴨血！超好食，唔會有腥臭味！魚腐，墨魚丸都非常新鮮，特別係墨魚丸，似手打質素，出面普通面線店比唔到呢啲高水準！為小朋友而叫既清湯+土豆粉土豆粉似烏冬，但比烏冬更加Q軟，小朋友超鐘意！估唔到清湯湯底都好有味。都係有好多香蒜，芫茜香味。由於比小朋友食既關係，都係揀返啲健康，清淡少少既材料。最鐘意佢地有鮮淮山，呢樣食材又係出面好少會甘有心機去做，要知道淮山係好難處理的，所以好多店鋪都避之則吉呢。就算唔係帶小朋友，如果有朋友唔食辣，呢個都係非常好既選擇！一問之下原來晚市仲有打邊爐！我覺得度既麻辣名不虛傳，夠麻夠辣， 所以真係好想試下佢地個麻辣火鍋！下次一定要再黎食過！…Read More

行過見到大排長龍，原來麥當勞新出左快閃榴槤麥旋風，快閃2星期。2星期都算快閃？有普通版同濃厚版，濃厚版要40蚊，心想麥當勞食個雪糕比40蚊真係有點肉赤，所以都係食25蚊普通版就好D24榴槤麥旋風雖然好多人，但排左大概15分鐘已經有得食，尚可接受。但可能太多人買既關係，雪糕都未凍得成為雪糕，連奶昔都稱唔上。我覺得普通版既榴槤味已經好夠，而雪糕就係雲呢拿雪糕。如果要濃厚版，職員就會用一個小盒另上榴槤醬。25蚊買下一杯溶晒既雪糕，好在無買濃厚版。唯一想讚下啲員工尚算有禮貌，面對住成村好似未食過雪糕既人，做到錫晒腳，都好有禮。一試無妨，但再試就應該唔會…Read More

由地膽帶路，今日就走左佐敦官涌街市，食男人的浪漫-大排檔！去到已經聽到好多麻甩既聲音，平時行街講真唔會黎呢頭，但見到呢間大排檔過左晚飯時間都坐到8成滿，可想而知好多熟客仔幫襯一坐低就奉上開胃小食喬頭。呢款開胃小食已經好少見，一食立即重拾兒時既味道！酸酸甜甜，生津解渴！最岩夏天食！我地兩個人叫左3碟餸牛肝菌扒時蔬黎到真係嚇怕我地，份量大到你唔信，就好似人地擺酒啲餸甘大碟！白菜非常新鮮爽口，牛肝菌來貨貴，但份量都幾多，而且出奇地都幾有穫氣！味道岩岩好唔會太咸，清清地食下菜但又唔會好似烚菜甘寡，呢個牛肝菌扒時蔬岩晒！黑椒豬軟骨煲仔上，黎到仲聽到炸炸聲，見到仲噴親煙，甘先〇對得住個煲仔！同樣地，份量都係好多，而且上菜時已經聞到好香既黑椒味！黑椒汁多到可以覆蓋晒所有豬軟骨！仲可以拎黎撈飯！豬軟骨煮到好淋，入口即溶，連軟骨都好淋，好易咬，真係岩晒我地呢啲懶人！個汁真係好惹味，食極唔厭！魚露香蕉金錢鱔我最期待既一味呀！就係見到呢個香煎金錢鱔我先答應同朋友黎！出面好少食到煎鱔，估唔到呢間隱世大排檔會有！金錢鱔煎到濃邊，非常香口，但仍然好有肉汁，外脆內軟，加埋魚露去煎，酸酸甜甜。呢個鱔唔使再另外上汁，因為鱔已經吸晒啲魚露，但仲可以保持香口，再放汁就會令到啲甘香口既鱔淋晒了！街市內其實有冷氣，但店主怕我地熱都準備幾把大風扇。店內有好多男士，飲啤酒，高談暢飲，可以呢度可以拎佢地忘記返工既辛苦，盡情放鬆呢！…Read More

朋友急call叫我去佢美孚屋企附近食日式shabu shabu,有咩甘特別？我屋企附近都有啦？！原來呢間shabu shabu有貴價海鮮餐食！見到海鮮盛盒張相都已經流晒口水，想食最平都係298！已經包豬牛雞任食，以及一次海鮮盛合同埋刺身！平時無海鮮既shabu shabu都差唔多價錢，依家加多少少錢帶龍蝦，帶子，蠔，鮑魚等，立即拍板！落左單之後就立即去拎野飲。呢度比較多支裝飲品，最特別有兒時回憶椰奶！另外有嘉士伯任飲，再唔係難飲到嘔泡既獅威！自助區醬料有六款，選擇都算幾多。另外有生菜，金菇，栗米等等既蔬菜，脆皮腸，芝士丸，韓式年糕，貢丸，百業豆腐，烏冬soba等，全部都係限時內任食任拎！睇見到覺得飽湯底小魚蕃茄湯泡菜豬骨湯小魚蕃茄湯有4-5條銀色小魚，令湯底味道更鮮。我自己就再係自助區拎啲蕃茄加落去，變超級蕃茄湯！泡菜豬骨湯唔太辣，但好惹味。我覺得呢個湯底去烚熟啲肉比較好食啲！因為我唔食牛既關係，我只試左雞粒同豬肉片。豬肉片好靚仔，睇落好新鮮，而且好多脂肪位，食落真係好多肉汁！食食下，我地期待已久既海鮮餐到喇！份量係按照人數去比，呢個二人份量都幾多！魚刺身有三文魚，劍魚腩，吞拿魚。全部厚切+大大件，超新鮮，非常滿足！黃金魷魚爽口彈牙，海膽非常新鮮，好鮮甜。估唔到水準甘高！海鮮盛合呢個都係二人份量，好大份！一大隻龍蝦，兩隻扇貝，蠔，大蝦，四隻鮑魚，一堆白蜆！鮑魚仲係生的，痴住隻龍蝦唔肯放，真係有啲唔忍心送佢地一齊上路。全部海鮮都好新鮮，就甘烚熟非常鮮甜，而且爽口彈牙，係新鮮海鮮先有呢個效果。甘多野食，出面任拎既自助區同埋任叫既豬雞牛，我encore左一次已經投晒降。甜品係哈根大師同埋movenpick呀！呢餐簡直將我既罪惡感推至高峰！每人限叫一杯，我就揀左咖啡味好想食多幾杯呀！成餐飯好滿足，職員非常有禮貌，而且不斷幫手收野，有時仲見到佢地同啲街坊有講有笑！座位方面坐得好舒服，唔會迫促，就算搭檯都有板隔住，好有私人空間！日式shabu shabu黎講，係我食過最出色既一間！…Read More

沙田開左新既餐廳，無飯夫婦點可以唔去試下？花園城出名都多野食，今日就去探一探虛實！一入到少爺泰，就覺得有別於其他泰國餐廳。平時去開既泰國餐廳，主要用返泰國傳統裝飾，佛像，大象等等。但少爺泰既裝飾色彩繽紛，一入到去就有新派泰菜既感覺。餐牌更見特別，有一版專教泰文，而每個菜色都有中文字既泰文拼音。泰文與廣東話某啲字好似，就甘睇餐牌都氹得我地哈哈大笑泰式柚子沙律沙律菜非常新鮮，而且每條都有泰式柚子醬汁，可見廚師有撈均，並非就甘係沙律上面淋上醬汁，所以食到最後一塊菜都好入味，唔會食到最後無晒沙律汁。呢個沙律都幾辣，我地叫左少辣都有少少頂唔順，但係柚子非常清甜，剛剛好有中和既作用。份量都幾多，左非常開胃，食極都唔會厭！小食拼盤（小）小食每樣兩件，岩晒兩個人開心share。小食拼盤配以泰式辣醬及梅子醬。個人好鐘意個梅子醬，偏甜唔會太酸，但又有陣陣梅香，唔使成日都點泰式辣醬甘寡嘛！蔗蝦好少泰式拼盤會食到蔗蝦。蝦肉爽口，仲食到甜甜地既甘蔗香味。泰式春卷好鐘意外層既米卷，比一般既春卷樣更加香口爽脆。入面既芋頭非常香，點埋梅子醬更好味！魚餅一貫既泰式風味，辣辣地，咬落亦爽口彈牙。小食拼盤上到檯熱辣辣，全部新鮮炸起，可見即叫即做馬拉盞炒椰菜苗本人食泰菜既必叫之選！椰菜苗確實係無得輸！爽口，食落chok chok聲，加埋馬拉盞既香味，辣辣地，真係平時唔食菜既我見到馬拉盞椰菜苗都定必清晒去！所以唔好淨係識叫馬拉盞通菜喇，食下椰菜苗包你返唔到轉頭！泰式菠蘿炒飯我覺得呢個簡直係鎮店之寶！一整個新鮮菠蘿，上面插住兩隻炸大蝦及一串燒菠蘿。甘浮誇真係第一次見上面既大蝦，炸到好香口，殼都好脆，而蝦肉亦爽口彈牙，睇得又食得。燒菠蘿更加驚喜！配以五種唔同口味既調味粉，灑上菠蘿一拼吃下，呢個甘實力派既菠蘿炒飯食得玩得真係滿足晒我影相厄like,又滿足到老公好味飽肚既慾望。我最鐘意既就係妹妹，即係梅子，酸酸甜甜無得輸！上面既大蝦同菠蘿食完之後，就係滿到上頂既炒飯。炒飯好香咖哩味，入面有菠蘿，雞粒，肉鬆，提子等等。炒飯粒粒分明，加埋菠蘿提子甜甜地，有別於我地廣式，通常偏咸既炒飯。最後就緊係全個食晒！驅魔師沙冰青擰梳打驅魔師沙冰見到成杯藍色李斯得林，好奇心驅使下就叫黎飲下，點知有驚喜！成杯好清甜既荔枝味，好解渴，絕配既夏天特飲，仲非常解辣！估唔到呢間新開既餐廳玩得又食得，價錢都合理，以後想食泰國野就可以近近地黎呢度，唔使去甘遠啦！…Read More

朋友gathering 一致通過想食泰國野，今日就黎到網上好多人推介既泰屋地點非常易搵，就在彌敦道，往太子方向旺角中心旁。泰國很多人信奉佛教，店內不乏佛教裝飾。我地約左7點，大概7點半已經人山人海，好在一早book左位.泰式拼盤先黎既係去泰國餐廳必叫既泰式拼盤。拼盤有泰式春卷，魚餅，蝦餅，雞翼。非部都新鮮炸起，熱辣辣非常香口！春卷是齋春巷，入面有好香既芋頭餡蝦餅啖啖肉，非常足料，外面炸到脆卜卜，入面蝦肉非常彈牙。雞翼味道偏甜泰式酸辣鳳爪另一最適合做前菜既冷盤。做得冷盤，最緊要夠凍，最岩夏天做前菜，解暑開胃。鳳爪去晒骨，最岩我呢啲懶人。隻隻鳳爪都爽口彈牙，酸酸甜甜，更上少少辣，全部人都讚不絕口，仲想encore!沙嗲雞 半打非常驚喜！雞肉大大串，雞肉燒完之後仍然好多肉汁，好滑，相信定必即叫即做，並非放係火爐上任意燒到乾爭爭。沙嗲醬非常美味，好重花生香，同雞串非常夾，大家都食唔停口！冬蔭公湯 （大）店主提議我地有4個人可以叫個大既冬蔭公湯。一上台，聞到同埋就甘睇就知非常地道！聞到既係聞聞香矛，椰奶香，夾住青檸，辣香，睇到鮮橙紅色更加流晒口水！內里都非常足料，有3-4隻大蝦，磨菇等等。飲落非常滿足過癮！夠酸又夠辣，味覺亦都好夠，係冬蔭濃湯！馬拼盞炒椰菜苗識得食一定食椰菜苗！畢竟通菜平時中菜都食唔少，但椰菜苗一定係泰式煮法最好食！椰菜苗本身非常爽脆，有咬口，食落chok chok聲，加埋馬拉盞既惹味，辣道適中，簡直食唔停口！農夫包咖喱焗海鮮差唔多每一檯都點既咖啡海鮮！見到隔離檯叫，我地都一於唔執輸！農夫包入面有帶子，海蝦，魷魚等海鮮，全部都奶新鮮！咖喱加以蛋漿煮成，成個咖哩汁都好杰好夠味，絕不欺場！農夫包可以點咖哩食，唔需要另外再叫薄餅，真係岩岩好，好抵食！泰式炒粉絲就甘睇呢個炒粉絲賣相欠奉，但意想不到炒得非常之有獲氣，夠晒乾身，而且條條分明，唔會一舊舊痴住晒。炒粉絲內里以蔬菜為主，對比其他菜色清淡少少，健康之選。食到8點半，見到餐廳仍然甘多食客。職員都好有禮貌不斷幫我地加水，收野換碟，抵讚！…Read More