moon7805's Profile

呢間係中學時代老師推介，老公一早已經訂咗位，非常期待嘅一餐晚市7點開門只做一轉，坐位舒適空間感高，一入門口已經係吧枱，由於只做訂位唔會有其他客出出入入，吧枱近門口都唔會有被騷擾感覺👍🏻👍🏻師傅細心介紹每一道食物，每一件都係時令食材精心調味，真係食得出用心製作我嘅金魚腦實在記唔到佢講嘅每件嘅產地，只可以由味蕾幫手由於係omakase都唔知下次有無機會再食到呢個餐牌刺身（其中一件有煙燻過好好味，但就係唔記得係邊件😅😅）用黑糖成份飼料餵嘅魚（唔記得叫咩名）-口感嫩滑，入口即溶象拔蚌-爽口鮮甜蠔-甜美嫩滑秋刀魚-肥美配特製豉油好味白子-濃郁豐厚鮟鱇魚肝-口感似豆腐容易入口用咗牧草配搭（又係唔記得名）-有驚喜👍🏻👍🏻天婦羅魚（唔記得名平時天婦羅都會食到）-炸漿薄，魚肉滑蝦-鮮甜，蝦味濃，炸脆蝦頭好食👍🏻👍🏻富有柿-炸完依然爽甜👍🏻👍🏻醋浸生果蕃茄配鮮髮菜-鮮甜清新壽司鮮北寄貝-爽口彈牙右口魚+魚邊-用火炙過魚油爆發，加埋魚邊油脂重，雙重味覺2日熟成鰤魚-有驚喜，味道濃厚中拖羅-鮮甜毛蟹+蟹膏-鮮甜味濃👍🏻👍🏻馬糞海胆-一食就知靚嘢👍🏻👍🏻燒鰻魚-熱辣辣外脆內軟大拖羅-用刀切斷筋再炙燒，油份豐盈，滿足感十足，紫菜包住減輕油膩感吞拿魚-炙燒過四面，呢個食法最好味蝦（唔記得名）-擦上面嘅蝦膏醬油，有畫龍點睛嘅功效，鮮甜惹味集一身👍🏻👍🏻最後係西日式洋蔥湯同甜品（唔記得咩名嘅梨同黃豆蕨餅），訂位時講明要慶祝都有提供牌仔蠟燭同送咗手工開心果雪糕，感激🙏🙏服務細心，師傅解說清晰，整晚流程順暢，食得好開心👍🏻👍🏻👍🏻（好彩無因為今朝胃酸倒流嘔咗半日而取消，唔係真係會勁後悔）…Read More

咁啱老公放假，又咁啱聽日（29號）結婚15週年，咁啱又見佢快閃買一送一，所以就去試吓……講真住大西北嘅我哋，喺位置上確實好遠來回車程要差唔多4個鐘，海洋公園站有埋接駁巴士都幾方便嘅，半個鐘1班車程約5-10分鐘👍🏻👍🏻因為食晚市buffet天黑晒睇唔到大海景，同埋我哋係坐裡面唔係窗口位，出入攞嘢食都方便，環境寬敞舒適同隔離枱距離都ok，咁啱又接近Halloween都有d應節氣氛食物選擇多新鮮，燒牛仔肉，冷盤（凍蝦，龍蝦，長腳蟹）芝士區域（多種類芝士，乾果，火腿，醃製食品），甜品區（甜品種類好多，必試手工雪糕，雪葩），飲品區（咖啡，蘋果汁，檸檬茶），中式食品（即製魚蛋粉，點心，燉湯，各式小炒），小小印度菜+手工意粉，佈置擺位都好有心思，食物區企理乾淨，服務非常好連收碟侍應都有笑容加分👍🏻👍🏻（之前喺tst假日食過1次，侍應個個黑面神咁）多謝酒店臨時安排到朱古力牌，令我哋呢個慶祝之旅生色不少，感激🙏🙏（最好訂位先通知要慶祝）…Read More

冬天一向有幫襯開（外賣）羊腩煲，足料夠味又夠淋，好正👍👍今日經過開就去食晚飯，街坊茶餐廳裝修企理坐位舒適（街坊小店人多嘅時候會比較嘈），出菜都算快服務唔錯，散叫份量較大碟，兩個人叫咗2碟小菜都食唔晒，下次可以試吓晚市套餐老火例湯好味👍👍沙嗲金菇肥牛煲沙嗲味唔算濃，肥牛新鮮，粉絲芽菜墊底索晒汁好味，茨汁同肥牛一齊煮再淋上面，食前最好撈一撈勻先咸魚蒸肉餅肉餅好淋加埋豉油好送飯凍奶茶驚喜茶底好味…Read More

朋友提議到呢間食lunch,食用花主題好特別，坐位寬敞環境舒服，服務亦好有禮貌👍食物賣相好靚（適合打卡），味道都唔錯值得一試再試大蝦＋班尼迪克蛋＋牛角包＋沙律菜大蝦幾彈牙，牛角包焗到好香脆，沙律菜好新鮮春雞味道中規中矩，有4件都幾飽肚，毛豆有點綴解膩嘅感覺芒果梳打果味清甜賣相特別蘋果肉桂茶茶香味濃郁，淡淡肉桂味令人放鬆呢間舖10點半開門（無餐只有散叫）11點後落單至計lunch（有餐湯餐飲）呢樣嘢要留意，寵物有善食肆，商場入面隨處見到主人帶住狗狗食嘢，行街，影相，整個紗廠環境氣氛都唔錯👍👍…Read More

第一次食呢間d嘢食真係好經典，樣樣嘢都半桶水咁，個人認為lunch都咁嘅質素，其他時間嘅出品都唔敢有厚望前菜上湯時菜（正常味菠菜），酸菜魚~唔酸唔辣成兜嘢無味得少少花椒油味，梅菜扣肉~瘦多過肥瘦肉好韌，一碟6件得2件肥肉有入口即溶，跟餐小食咩咩腐皮卷(都好味)，雞絲粉皮(好厚，d芝麻醬撈唔暈)，水果茶（橙柑味紅茶唔湯唔水咁）服務：（無咩服務可言qr code落單，椅背同後面嘅距離好窄，連放袋嘅位都無全餐飯要攬住個袋）（一坐低就主動幫你斟茶，佢話係鮮綠茶但無味嘅，呢杯茶盛惠每位22蚊，另外全單再有加一，埋單要自己出櫃面埋）食物：5.5分環境：可能都算新開（應該1年左右）裝修都企理，不過地下好痴立立黏住隻鞋，離開咗舖頭仲痴住，有種污糟k房嘅感覺…Read More

平時多數食lunch，今次第一次食晚餐，一向好鍾意佢嘅環境，食物質素同服務，所以老公講明生日飯一定要食呢間🥰費事諗所以嗌咗set dinner,跟餐沙律好新鮮；黑糖餐包同餐湯（是日餐湯-南瓜湯，好甜）一貫水準；套餐加錢嗌嘅生蠔好似40＋，海水味重入口順滑好味👍相信散叫質素會更好；（主菜）龍蝦汁西班牙海鮮飯……係近期食過最好味嘅，龍蝦汁好濃味，飯亦恰到好處有咬口但唔會太硬太軟，海鮮亦都合格至少無雪藏味，個人應為魷魚同蜆仔應該係新鮮嘅；（主菜）肉眼扒……個人感覺7成上枱都有d生，肉味幾濃入口鬆軟有油香，伴碟有2件煎矮瓜西餐嚟講都幾特別，因為自己整咗蛋糕所以今次無嗌甜品。對比起附近西餐廳，特別鍾情呢間……座位舒服，服務細心，食物質素保持得唔錯👍…Read More

難得去市中心食晚餐就揀咗呢間長期長龍店，7點鐘排隊等咗34分鐘有位算幾快，入坐計可以坐90分鐘，但我哋都用咗十幾分鐘諗食咩😅😅下次去要諗定先……軟殼蟹青咖哩意大利飯……青咖哩加咗羅勒同露筍苗有種清新感覺，有別於一般意大利飯嘅濃味煮法，但青咖哩味比較淡口食落唔會好滯；大蝦龍蝦汁意粉……2隻香煎大蝦味道ok食得出係雪藏蝦，龍蝦汁意粉竟然係重茄蓉味，間中有幾啖食到輕微龍蝦味有d失望；跟餐＋＄龍蝦湯不過不失夠香濃但唔夠滑；另外跟餐＋＄羽衣甘藍沙律夠新鮮，由於一早已經撈好橄欖油同黑醋，醋太多太酸；另＋＄芝士醬薯條芝士味香濃，薯條都夠脆；飲品中規中矩；美中不足想食嘅2款蛋糕已經賣晒員工服務有待改進，侍應埋嚟問我哋仲要唔要（嗰陣得意大利飯係吉碟）佢連仲裝有薯條嘅碟同share嘅碟一齊收走，我哋連意粉都未食佢就走我老公隻碟同义，即時o咗……除咗蛋糕可以叫起，佢所有食物係一次過上晒………Read More

是日午餐虹橋 Byob Coffee Roaster,大蝦意粉蒜蓉芝士重好味，卡邦尼反而有d失色唔夠濃香好淡口，環境算好坐不過一定要坐門口附近，今日坐入面就大鑊，open kitchen 抽氣唔掂，一有用爐嘅單就會開抽氣，成間舖頭好嘈而且抽氣唔夠力坐入面會一身油煙味，仲要開抽氣就變成無冷氣，食到出汗😅坐位，環境，服務都唔錯嘅，廚房同冷氣設備成最大敗筆，下次可以其他時間再試＊不過啱啱知道屋企附近原來有分店，下次可以去就近嗰間…Read More

今日趕到佢哋2點收舖前入坐，得半個鐘所以都係食魚生飯，腦霧影響醒唔起人哋趕落場嗌埋串燒牛脷😅，出餐都快5分鐘左右已經有，黑丼……外表黑媽媽隱藏鮮味，入口啖啖鮮甜味,甜蝦蓉嘅creamy＋北寄貝條＋間八魚角切，順滑得嚟又有咬口；三文魚親子丼……中規中矩，三文魚厚切入口豐盈，三文魚子咸香唔腥；串燒牛脷可能趕落場燒得唔夠香，但口感唔錯有咬口有牛羶味，下次早d去應該會好d，以午餐價錢嚟講都抵食，有機會可以試埋晚餐👍…Read More

第3次幫襯今次仲要落勁大雨……為咗食好嘢濕晒鞋都抵嘅，1年內3次都係午餐水準保持到，今次餐湯都好有特色大蒜薯仔湯，入口濃滑微微大蒜香味，黑糖餐包好味，香煎咸牛脷咸香吸引每次必食，老公食忌廉蟹肉意粉醬汁濃而不膩，而且意粉掛汁度高入口香滑，榴槤蛋糕比較甜，榴槤味香濃而且入口順滑心機之作，之前食過心太軟都值得推介，有時都會就咁買返屋企食，服務亦好貼心有禮貌，價錢一般中價，但相比起附近貴d嗰間，我寧願幫襯呢間，至少好好禮貌已令人食得舒服，搵次試食晚市再寫…Read More

終於經過又未買嘢，想試咗好耐……（因為買咗外賣之後個幾鐘後至得閒食，所以d相係比較無咁靚，新鮮食會更好味）經典芝士漢堡~~牛肉好味，配料新鮮特級漢堡~~味道豐富，加埋煙肉都唔會好油膩反而覺得香口👍👍跟餐+薯條（以前快餐嗰d粗身版，好味） +煙肉洋蔥餅（即食應該幾好味）每個跟餐有汽水1罐好滿足嘅感覺可以一試再試👍👍即叫即做製作需時…Read More

又係因為近屋企所以成日幫襯，今次試新嘢又寫吓食評野菜黑咖喱配吉列豬扒飯……日式咖喱甜甜口味易入口，野菜應該係同汁分開放有order至混合，就算有薯仔都剛剛好唔太淋，吉列豬扒外皮唔厚，新鮮食夠脆夠香口，肉質有少少肉汁唔乾，好味👍跟餐加可樂餅……好驚喜好好味，薯蓉好軟滑有淡淡洋蔥味，可樂餅夠厚而外皮夠薄，炸出嚟唔會好死實，推介👍細牛肉飯……一貫好味，牛肉洋蔥比例適中，成日食都保持水準跟餐加照燒鯖魚，醬汁惹味，肉質嫩滑今日特別肚餓所以特別要多飯…Read More

第一次幫襯因為佢係黃店亦都無下次，女樓面毫無禮貌可言，中午去落單態度已經唔好，套餐包飲品或湯雪櫃嘅汽水唔凍嘅仲要比室溫熱都算，有幾個朋友飲面豉湯，女樓面行到朋友後面又無出聲就咁落湯，咁啱朋友攞茶飲佢就成碗湯淋落朋友隻手度，道歉都無聲仲要怒啤我朋友，之後又無比紙巾善後抹枱咩都無，連問候一句都無……食物質素一般，有d套餐會儲埋其他一樣嘅單至一齊做，所以壽司會好快，熟食就會等好耐，我哋同隔離枱相距咗差唔多半個鐘入坐，隔離枱全部嘢到齊我哋至出最後一個餐戈，足足等咗成大半個鐘最後，唔係黃店就做咩都係啱都要自我檢討吓，食物質素一般服務又差，唔係街坊或者咁啱喺嗰頭嘅根本無需要專登去食…Read More

因為喺屋企附近又再次幫襯，照舊大碗牛肉飯牛肉份量勁多，章魚大阪燒依舊好味👍👍今次試到上次無貨嘅鰻魚飯真係物有所值，鰻魚夠厚又軟又滑，未食打開蓋見到已經覺得好正飲品就試咗片片橙熱情果+桃香烏龍，熱情果拼橙汁味道好醒神，我揀咗桃香烏龍做茶底，淡淡桃嘅香味加少少烏龍茶香，整體感覺上好清新舒服今次雖然等得耐咗，收銀已講明今日牛肉飯等得比較耐，但都係值得嘅……至少有良心又保持到食物質素同出品嘅小店係好難得…Read More

由開張開始幫襯食物質素一向唔錯，依家用電話落單仲方便咗，至少唔需要搵人落單唯一不足係有某位職員服務態度好有問題，明明貴店個電磁爐有問題，因為啱啱食完雞件加湯正常3-5分鐘會滾，但個爐係郁一陣就停咗連續幾次都係咁，所以就嗌個戴眼鏡長頭髮瘦瘦哋嘅年輕侍應埋嚟，第1次同佢講個爐有問題開一陣就跳掣，佢行埋嚟西面㩒完走開（可能佢覺得我哋唔識用電磁爐啩），第2次又叫番佢係因為想佢睇到真係跳掣，點知佢又係西面埋嚟㩒完就走開，之後唔夠1分鐘再跳，再叫佢已經扮睇唔到……之後有個阿姐埋嚟睇㩒咗幾吓就話可能要換爐，跟住有個黑衫嘅人埋嚟換至用得咁嘅服務態度係勁唔得囉，已經唔駛寫紙落單，打邊爐個爐唔識滾係咁跳掣就打呀………Read More