JoeLeungLeung的個人專頁

每逢有喜慶節日或者慶祝活動，就會諗起嚟The Stadium, 最鍾意坐outdoor seats, 唔會好迫夾可以舒舒服服同朋友飲嘢傾偈，同埋距離地鐵站唔係太遠，就算唔揸車都好方便，今日就同朋友慶祝生日Fish and chips每一次必叫嘅 item, 魚柳外脆內軟，唔鬆散，脆槳唔厚，剛剛包裹好魚柳，最鍾意點少少沙律醬加沙律菜同食，我最愛嘅薯條就算放耐咗都非常香脆，送酒一流Beefy mushroom burger Angus beef好濃郁牛味，連平時少食牛既我都覺得好好食，肉質靚medium 啱啱好，配合蘑菇同煙肉更惹味，必食item又多一樣Roast whole chicken平時燒春雞都會原隻上，但會食得比較論盡，呢度好貼心將隻雞分切好，方便用刀叉食用，好細心，雞肉細緻滑溜，醃製得雞味突出陣陣肉香，連配菜都有好香香草味人係好貪心嘅，樣樣都想食，叫多啲人嚟就可以試多幾㗎，所以我好快就約定朋友復活節會再嚟…查看更多

突然之間開咗turbo,一早已經做晒所有嘢，趕得切年尾收爐，但係又未收得工，可以安心食一個long lunch, 過到去西環就諗起好耐冇食過魚，突然之間就諗起有一個好地方，歡送2019年今日要食好啲，一於行多幾步路去食蒸魚，平時食開桂花魚或者海鱸魚，今日想特別少少食倉魚，有南瓜墊底，帶出特別鮮甜，魚肉蒸得啱啱好，魚size係平時街市見到嘅size, 魚肉滑同新鮮，其實就咁用豉油蒸已經好好食，唔需要落豆豉…查看更多

行過棉登徑根本都冇諗住食嘢，點知比我發現新大陸，原來開咗間華嫂喺度，其實之前已經聽過，但係一路冇為意，之前一路都係幫襯銅鑼灣間鋪，直至到今日行過先至見到，既然已經嚟到點可以就咁就放過佢，一定要幫襯下，呢間分店冇招牌撈米線，咁就要肉眼筋鯪魚肉米線，加錢轉皮蛋芫荽湯米線，飲一啖湯就有幸福嘅感覺，之前有試過其他餐廳嘅皮蛋芫荽湯，但係始終味道都唔及得華嫂，另外要一讚肉眼筋出面好難食得到，口感似豬頸肉，但係豬頸肉有激素，唔夠膽食咁多，用依樣野代替都唔錯，鯪魚肉完全冇骨彈牙，正…查看更多

今日去到淘大睇戲，搵唔到車位遲咗少少，等多個半鐘先至有得睇，呢個時間唯有食啲嘢醫下肚先，原本諗住睇完佢先至食嘢，其實唔太肚餓，但係個半鐘又唔知去邊好，算啦都係坐低食啲嘢，食得輕盈一啲比較適合，行到去跟住淘大2期，見到有好多餐廳都唔同晒樣，見到一間比較突出少少嘅酒吧，坐低叫一個午餐應該唔錯，午餐可以揀餐湯，薯條，凱撒沙律，因為實在太晏，餐湯已經賣晒，我就揀咗薯條同安格斯漢堡，薯條係粗薯條比較脆冇咁多油，安格斯牛肉比較juicy唔會太乾，入面仲有好多菜，份量唔太多但係好飽肚…查看更多

一早返工太趕時間，冇食過任何早餐，但係實在太多野做，已經過晒lunch時間都未行得開，跟住做完晒啲嘢望吓錶，Oh my god已經15:00唔怪得我咁鬼肚餓，坐對面嘅同事都笑我個肚打鼓，但係我到公司樓下又唔知要食乜嘢好，就沿着車行嘅反方向行一直去到Landmark, 就即刻知道有咩食，上一次食過雞肉漢堡好好食，睇吓有冇轉到Menu，冇嘅食番都冇問題，有surprise 牛肉漢堡，牛肉質地比較軟，有牛肉肉汁同香味，餐飲叫咗石榴冰茶，好耐冇食過石榴，好香又滑…查看更多

自從冇喺荃灣做嘢之後，就好少落去荃灣，就算要去都好少過到去荃灣廣場附近，難得今日有一次機會幫老闆買汽車零件，有機會過到嚟享和街，我先至有機會再食添記，之前喺荃灣市中心有一間分店，已經冇咗好多年，所以真係冇乜機會再食，對上一次過嚟已經係一年前，一路最掛住呢度嘅魚湯嘅魚鮮有少少胡椒味道，香茅豬扒炸得香脆同獨特甜味無渣嘅蘿蔔，因為呢種味道其他地方係食唔到，仲要記得枱面上有一瓶辣菜甫唔可以唔食，呢樣先至係亮點…查看更多

今年比較特別少少唔去市中心或旺區，一早book咗平安夜喺The Stadium慶祝，之前已經嚟過幾次，食物質素有保證，最愛cocktail 分量調配亦合我心意，喜愛cocktail 既都懂的，做得好飲唔容易，2個人request outdoor seats靜靜地dinner傾吓偈飲吓嘢特式凱撒沙律每次必點：美國菜少有鮮𡟹滑溫泉蛋，配上新鮮沙律菜出奇地夾，簡單講食材新鮮唔需要加任何調味，通常sauce on side朋友有需要先加炸魚薯條點可以冇送酒必備品，魚柳係用啤酒開成薄粉槳炸，油膩感減少但增加香脆口感，魚肉唔會乾，另外要一提我最愛既薯條放耐咗都依然香脆美國特級肉眼扒Angus prime rid eye steak 9oz 一隻手掌左右大, 牛味濃厚唔太肥膩，火候控制得好好唔會太熟，剛好封住肉汁唔會韌食完呢餐即時再做一個元旦appointment ,只因為坐得舒服唔洗同人迫，食物飲品亦都啱我口味Reminder:早啲book位，我走時已經full house.…查看更多

冇去銅鑼灣一段時間，早幾日過去做嘢嘅時候，原本諗住同女朋友去Causeway Bay The Stadium食dinner, 點知居然冇咗，真係可惜平時我都好鍾意嚟呢度食飯睇波，而家少咗一個聚腳點，女朋友好失望，但係時間都唔早，唯有改今日同佢嚟到觀塘分店，等佢開返心，坐低就叫fish & chips,呢樣野係專登為佢而嚟，雖然魚肉我唔知係咪石斑，但係我覺得似就可以，一梳一梳有嚼口，其實而家都真係好難搵到，另外再叫多一個呢度好出名嘅豬7成熟，粉紅剛剛熟唔會老，女朋友非常滿意…查看更多

上次女朋友陪我同媽咪一齊食飯，上次冇食到蟹，我當然會禮尚往來，同女朋友及媽咪再嚟食一次，隻蟹真心好抵，平時去潮州打冷一隻凍蟹都要$300 ，但係呢度蟹腳已經多過一隻凍蟹嘅份量，今次三個人叫咗一隻四斤幾嘅蟹，煮法係用清蒸，保留左蟹嘅原味，啲汁撈落去上湯龍蝦伊麵，令到龍蝦伊面都有蟹膏，非常邪惡，食一餐飯當然要有條菜，叫多一個翡翠炒雙蚌，連菜都要有海鮮，怕唔夠飽最後叫多一隻脆皮炸子雞，之前食過幾好食今日再encore…查看更多

落去IKEA睇吓有咩日常用品買，行吓行吓一路都揀唔到心水要食乜嘢，咁樣就索性一路向上行，女朋友大人一路都話口渴，其實已經買咗兩杯嘢飲俾佢飲，我就算再低能都知道，佢行得攰要坐下，咁樣將戰利品全部放晒上車先，就直接睇吓有咩食，佢食乜嘢真心唔多記得，我就好肚餓啦，叫咗一個大漁船盛餐，前菜有中華沙律同螺肉，有兩件腐皮卷壽司，三件加州卷，油甘魚，三文魚，帶子，北寄貝壽司各一件，三件三文魚刺身，牛肉烏冬，食物味道其實唔錯，最主要飽肚…查看更多

落到黎太古做嘢，原本唔使咁早出嚟，但係要放租一下我嘅口腹之欲，所以專登早左差唔多兩個鐘過到嚟，為嘅只係要食到semi lunch buffet，對上一次食完之後都好回味，任食沙律同湯對我來講係非常之吸引，因為平時出街食飯係多肉少菜，又冇乜湯水，但係喺呢度我可以食多啲菜同埋飲幾多碗湯都可以，心理上覺得非常之平衡，營養師應該都會讚我識得食，加埋Parma ham一齊食簡直正到冇人有，主菜之後，食多少少甜品就收手…查看更多

係公司做嘢做到天昏地暗，一早做到夜晚，唔經唔覺就已經到咗夜晚，但係望下隻錶原來5:00，咁樣不如食埋野先繼續做，其實都唔係太肚餓，純粹為抖一抖氣，食一個茶餐就差唔多，就諗起公司三文治，呢個公司三文治好特別，入面有呢度好出名嘅叉燒，唔會太多醬汁，太多醬汁會影響口感，叉燒粉紅色要鮮製先有咁嘅效果，其實係中環返工嘅人都知道呢度最出名係燒味，但係價錢平民化，唔會問你收天價，茶餐仲要送特飲，有幾款揀，我今日揀咗利賓納雜果賓治…查看更多

天氣凍凍地，今年好似比平時凍，做乜嘢都提唔起勁，所以嘅嘢偷懶唔番公司，但係一瞓就瞓咗10幾個鐘，證明我真係好鬼攰，唔知係咪瞓得多得滯，個頭有少少赤赤痛，又有啲暈又想嘔，唔知做乜鬼，起身食兩粒感冒藥先，之後梳洗一下，就落街食啲嘢，唔舒服冇咩胃口，最好就係食粥，之前嚟過呢度幾次都係食小菜，但係其實我見到好多人叫粥食，一於試吓瑤柱蠔豉豬骨粥，材料好豐富，入面仲有好多花生，放耐咗都唔會有生水嘅情況，證明真係煲到開花至棉，套餐仲要包括炒麵或腸粉，我揀咗要炒麵，炒得唔錯夠乾身…查看更多

過開嚟做嘢，搭緊車嘅時候，仲一路喺度頭痛緊唔知食乜嘢，去到就記起上次食過意粉好好食，做完嘢之後一定要再過嚟食下，其實之前我記得有好多分店，但係而家好似冇咗好多間咁，有啲奇怪，呢度嘅嘢食收費唔貴，種類多之餘仲要好食，anyway一於再食，心水選擇依然係檸檬雞肉意粉，最鍾意淡淡的檸檬味，同忌廉汁對比起減油膩，雞肉炸完之後先至放意粉面頭，比較香口，跟餐有酥皮蘑菇忌廉湯，酥皮焗得香脆，忌廉湯好香滑，唔會太重蘑菇味…查看更多

約咗女朋友落去南豐中心睇電話配件，女朋友大人左揀右揀，都揀唔到佢要嘅嘢，平時去呢啲地方係男人嘅天堂，但係今日買嘢嘅係佢，即時天堂變咗地獄，心情好複雜，最後結局佢放棄咗，我即時鬆一口氣，唔係就要繼續同佢一齊漫無目的繼續搵，咁樣大家食啲嘢就返屋企，突然之間好想食牛，但係又要就佢口味，越南菜我哋兩個都啱，我叫咗一個全牛湯河，熱辣辣，牛味濃郁，紫洋蔥帶出陣陣甜味，完全滿足到想食牛嘅心態，女朋友都食得好開心…查看更多