Awcviv's Profile

睇完戲順便食埋飯，三個人食。個場夜晚本身少人，入面有兩枱客。見到menu唔係好吸引，叫個算係平嘅pasta算。芝士雞肉長通粉，最快上，一般，個味正常，不過唔會想再食，七十幾蚊正常。香腸拼盤，屋企人叫嘅，我差唔多食完個粉先到。睇得出嗰六條腸(唔同味嘅六條)係用水烚熟再好輕手煎左下。見到烚腸都唔係好想試。屋企人話似超市一pack嗰啲腸。180蚊烚到比你，你話值唔值。仲有成舊蒜頭，係成舊，唔係一粒，未meet皮，個頂切左，切左嗰面烤過，成舊硬同生？唔敢食，成舊放喺放無掂(我唔識野)。比喊樣係主要因為屋企人返到去肚疴。。(無乜客所以食材唔新鮮？)燒春雞餐最後到，半邊雞，kfc舊雞都多過佢。明白春雞係細啲。但係好鞋。88蚊。真心唔值，都係放到入口頂下肚算數。至於店員，有個女仔禮貌正常啲(比起其他人)，其他人唔會greet你又或者講野有咁短得咁短，"食乜呀", (用手指指你)"你個餐飲咩"，仲要唔係我叫餐。。得我地落單啫，留心少少都無，明白純粹過時間等收工。自己喺餐廳打過工，比個建議，上野食，一係記住邊個叫乜，一係問/等人示意話你知碟野係邊個食，唔好粒聲唔出放低喺個空位就走。比多少少互動，唔好好似大家當大家透明咁，講句野唔係難。講真我寧願澳牛啲伙記同我落單。裝修好，但其他方面都配合唔到，除左價錢。…Read More

同朋友兩個人食晚飯，叫左安格斯牛扒定食$208, 牛油果呑拿魚紙米卷$88,明太子忌廉烏東$90。味道份量都ok嘅。黎左個烏東同牛扒定食，兩個人share食。黎埋個紙米卷，張枱無位放，員工就攞走左碟烏東放低個紙米卷，重點係碟烏東我地每人夾左幾條食，仲有好大碟，個員工攞走左碟烏東，我心諗係咪幫我換個細碗？我望左一陣都唔見佢比返碟烏東，於是問下個經理碟野去左邊，佢就周圍問其他人。經理同成堆人企起角落研究，收我地碟嗰個男人好似扮唔知咩事，再隔左一陣先返黎問我地，你頭先想我換細碟呀？(明顯已經倒左)我話:我乜都無講你就收左碟烏東。經理起後面就話:唔緊要你地係咪食左一半，我叫廚房整返半份。我都呆左:呀。 。。都未黎得切答佢我地每人食左幾條咋喎經理已經走左。嗰半份烏東黎喇。。用個碗仔裝。。唉。。當時已覺得呢度啲人唔係好理啲客，做左啲動作就係做左野。算，我地都飽飽地亦費事同佢嘈。到埋單，我朋友眼利，好似收貴左喎。真係！個男人落錯單，我地叫牛油果呑拿魚紙米卷$88，佢落左三文魚芝士紙米卷$138！唉，佢係黎左三文魚嗰個，但我地掛住搵返碟烏東，個紙米卷又係有丁屎咁多牛油果，我地都無為意。menu嗰板係得個牛油果紙米卷，我鬼知你後幾板又有第二款紙米卷咩。。收錢嗰個話總之你食左就要比錢。下啫係你落錯單，我仲要碟碟野幫你check啱唔啱呀？！咁你落晒價錢貴啲嘅野食，人地唔覺食左你咪收多好多錢！我同佢講，係你地落錯單，責任起我度？我要check晒先食得？我唔係黎玩捉錯處架佢依然無動於衷，放張單比我簽，我真係未見過錯左唔認仲逼人簽單。我朋友就話:你地可唔可以收返我地叫嗰個嘅價錢。員工就話:我睇下可唔可以比個discount你。佢走返入去，幾分鐘後，同我講，個紙米卷計返15%discount比你。計返都仲收多我三十幾蚊！我已經無氣同佢講，已經好嬲，簽完單就走！！呢間野啲人做錯乜都瀨落客度！佢地自己明哲保身最重要。我以後唔會再黎，亦會叫朋友唔好黎！野食好食咁又點？食到一肚氣！10%服務費一定要比，所以佢地都費事彩啲客啦！係咁！…Read More

Expect人地知道你menu起枱底，叫野食要自己寫，未自己寫唔理你。問menu,就話呢度囉，要order就話嗰度有紙自己寫。。講完立即掉頭走。。唉。。我都想即刻走出去。。算啦都坐底左睇下啲野食點。。上野食，唔使睇下邊個食邊碗，放底起枱邊就走。。不如講明係全自助都無咁mung...你地又唔洗serve.好啦，講野食，店名叫手打烏東。。唔係應該sell烏東好食？但食落仲唔好食過街市買嗰啲急凍烏東。。湯就算把啦。。都係無乜味又唔熱嗰啲。。去食石鍋嗰啲濃湯又煙un嘅烏東好過唔會再黎食。。。…Read More