sandytse89的個人專頁

早幾日去寶琳街市買餸，見呢間寶琳冰室新開張，星期日朝早去試下，最初以為2人限聚下會無咩人，點知都坐滿晒。一打開餐牌，就比焗火腿芝士牛角包吸引，因為有d早餐唔係配牛角包，所以最後點左鮮茄牛尾湯餐肉粒通粉。個湯好足料，真係食到有牛尾肉，煲到好林好好味，個湯味道啱啱好。成個早餐最好味係個焗金腿芝士牛角包和滑蛋，個包好有驚喜，普通茶餐廳通常都係多士一塊，好d嘅咪比厚多士囉，寶琳冰室竟然用焗火腿芝士牛角包，真係無得頂，記得趁熱食，凍左無咁香口。個炒滑蛋比牛角包搶左鏡，其實都好正，份量都好足，細食的人兩個share一個餐都得。成個早餐唯一美中不足係杯咖啡，如果可以加錢升級即磨咖啡會加分唔少。而家茶餐廳叫過普通到不得了的早餐都成$30-$40幾蚊，寶琳冰室早餐價錢唔算平，但唔係貴，有咁嘅質素算唔錯！最後，佢地早餐時段到11:30，但唔好咁晏去，一陣坐滿就只可食午餐。…查看更多

堅信號喺寶琳開左幾個月，見佢成日都有人排隊，成日都好想試，可惜希望越大失望越大。我地今次係叫外賣，唔夠熱就預左，但估唔到咁差。我地點左兩樣野，第一款係糖醋排骨菜飯，菜飯正常，但可能因為個汁唔夠味好淡，舊骨炆完裡面都唔入味，質素超普通，食完唔會想再食。第二樣係外婆紅燒肉拉麵，腩肉唔入味唔夠林，個麵真係差到無人有，個麵質一d都唔彈牙，比起一般即食麵仲差好多，完全唔似拉麵。最初麵諗過外賣拉麵所以d麵無咁好食，但後尾試過其他外賣拉麵就知佢有幾差。…查看更多

食左幾次，今日見到午餐有我喜愛的豬軟骨拉麵，忍唔住又去食。以前果度電話總係no service，今次有wifi了，點知係上唔到網的wifi，我問個侍應佢話iphone收唔到，但我隔離枱的食客原來都問話，佢話佢用Samsung，個侍應都係話收唔到，極無奈😅，專心食完即刻走人午餐有飲品，真係抵食凍奶茶少冰飲完都仲有半杯賣相正常，但豬軟骨不軟，變了豬骨拉麵，又唔夠入味。拉麵似即食麵，果半隻蛋係烚蛋。無一舊骨係軟的$45午餐真係抵食其實喇沙和海南雞都正常的，下次入去都唔好試其他…查看更多

見佢開左業兩個月，之前聽過屋企人和街坊的劣評，加上新店勁多人，我一直都唔敢試。好了，可能評語麻麻，人龍已比之前少很多，見唔駛點排隊，就比多次機會佢。間舖新裝修，環境唔錯乾淨，但由於座位分兩邊，有時的待應幫手真係等好耐。佢地用web落單，話會快d，但我一d都唔覺，用web要用visa，我想用現金或八達通就要等人黎，其實仲煩。佢話可寫紙仔架，長者會方便d。好唔容易落左單，等幾分鐘就有得食。湯底揀左清湯加腩汁，配油麵，餸揀左蘿蔔+豬皮+魚皮餃+咖哩魷魚，蘿蔔好多根但都入味，豬皮唔夠林唔入味，咖哩魷魚好一般，麻辣腩肉超級辣唔夠麻，而且腩肉唔入味，肉和麻辣汁分離，最緊要係佢應該落左好多辣汁落麵度，成碗麵變了中辣，碗麵麵係橙色辣油，好彩有叫紫貝天葵飲下，可惜又甜到飛起。同樣揀左清湯+腩汁，就無問題。冬落都入味，但未算好好味，但真係好少。豬紅普通又係唔夠入味，牛腩都可以，但碎濕濕，好少。條墨魚卷就一般啦，不過下次一定唔會叫。其實仲有咖哩齋，正常佢會放晒落碗，我要求佢另上，味道唔錯，如多少少汁更好。總而言之，呢碗車仔麵都可以一試，但真係貴左d，成$59先四餸一麵，唔叫四餸一定唔夠飽，男士食可能要加底添。由於我非常鍾意食車仔麵，麵應該會再食，但一定一定唔會經常食，都係果句，太貴了，$59在新都城有太多選擇。…查看更多

早排見開左間Coffee Art，裝修唔錯，近日又收到coupon，今晚終於執試一試。環境的確唔錯，坐得好舒服，但食物真係差左少少，絕對唔值呢個價錢，喺新都城要生存應有d難度。沙律不過不失南瓜湯略甜，有d似南瓜露，以為食緊甜品海鮮飯真係奇差，飯係勁硬，蝦係霉嘅，青口係白烚完，完全無味的，所有野味道係分離嘅，完全難食。紅酒牛肉意粉正常d，但都略淡口，加番少少鹽會好少少。黑松露雜菌意粉，呢碟算係最好味，唯一一樣唔駛自己調過味。…查看更多

黎到PopCorn搵食，來來去去都係連鎖食店，最後揀左上海姥姥，婆婆食得多，姥姥都係第一次。17:45到，由於時間比較早，去到就即刻有位，食完7點半，已排左30-40人，如果唔想排隊，不妨早少少去。一行二人最初點左小籠包、排骨湯麵和新出的干貝海蔘豆腐魚羹，諗住早食飯唔需要叫咁多，點知碗羹真係細到不得了，雖然都幾好味，但$68一碗羹真係貴左少少，下次應該唔會再點。由於唔夠食，最後點多碟上海粗炒。干貝海蔘豆腐魚羹味道唔錯，只係太細碗，有點貴相片與實物不相符小籠包合格，但如果皮可再薄一點更好排骨麵的麵幾好食，軟硬適中，排骨一般上海粗炒唔錯，但咸左少少，大廚手輕d會更好…查看更多