yau97097's Profile

曾經到過台北車站的咖啡弄，美味及精緻的食物，令人一試難忘。當時還想為何香港沒有這一類的咖啡店，想不到咖啡弄今天進駐了香港。現在不用心思思，也不用飛到台灣也可以食到美味鬆餅了。咖啡弄一大特色是為每樣食物都弄得十分精美，弄得豐富的樣子，每件餐具也很漂亮。每當看見配搭得精緻的食物，心情也好了，食物也覺得美味。位於鼎太豐的斜對面的登龍閣1樓，不太難找。入到店內好像去了台灣一樣，因為跟台灣的裝修擺設都一樣風格。咖啡弄的menu十分精美，而且細心地為每樣食物寫上簡單的介紹。熱水果茶 $42十分豐富，用橙汁做底，再用紅茶茶包沖，加上大量水果，飲到底還見到有一粒話梅。如果不是食太甜的朋友來說，這杯會覺得很甜。歐蕾咖啡 $43送上來一大堆頭，一支熱鮮奶、一支熱齋啡、一杯方糖、一個空杯子。當然是自己調配啦，可按自己的喜好加多少奶加多少糖。草莓冰淇淋鬆餅 $46鬆餅是咖啡弄的招牌，不少人都慕名而來，每枱都見都點鬆餅的。鬆餅的確做得十分出色，外脆內軟，鬆餅厚厚的，十分滿足。草莓很大粒，算是甜，一球是雲呢拿雲糕，一球是吉士醬咖哩牛腩 $52咖哩牛腩是數量限定的，試一試新野，之前去台灣都未有。咖哩牛腩配上法包，加少份沙律。咖哩也算是辣，味道偏咸，牛腩也諗身。薯仔太大粒了，如果可以切小粒會較入味。大家記得帶備足夠現金，暫時都未可以收信用卡、EPS…Read More

吉列的價錢有平有貴，貴至2百多一個set都有，這間豚組60-80蚊的定食來說，屬於平價吉列。雖然質數一般，但以這個價錢來說也算是合理。lunch來食也十分抵食，因為有任追加的set lunch，只需要70幾蚊就可以無限追加吉列白豚。不過考慮到十分熱氣同埋食吉列野都幾滯，所以都係放棄無限追加。點了芝士包包定食、吉列白豚定食首先店員會簡單介紹先磨碎芝麻及醬汁用法緣點：芥末味沙律汁(芥未味不重)紅點：柚子味沙律汁(柚子味不錯，清新)芝士包包定食，有飯、湯及三文魚刺身芝士包包好細塊，唔夠熱，好像已經炸起了一段時間，芝士很少....不會流出來令人失望三文魚刺身一般，不過算是厚切吉列白豚定食等了3-4個字先上餐，剛剛炸起，十分鬆化份量十足，豚肉有很多件，厚厚的，還有肉汁。…Read More

墾丁茶房個名幾吸引，從外面看格局也不錯，而且客人不多，環境舒適。想是應該絕大部份人都去了宜家家俬用餐，跟本megabox其他的餐廳也不會full的。點了香葉茄子三杯雞鍋，雖不是dinner set，但也配了珍珠飯及蛤蜊清湯。香葉茄子三杯雞鍋十分夠熱，雞肉也算滑，十分入味，不過因為賣點係黑麻油，感覺太油了，茄子也索了不少油。蛤蜊清湯也不錯，真係有原隻蜆，增添鮮味另外再點了鹽酥雞排配香菇肉燥飯，是dinner set，另外有涼拌木耳、凍蜂蜜綠茶爆爆珠、桂花糕鹽酥雞排配香菇肉燥飯，鹽酥雞排也對味，跟台灣的差不多，雞肉還比台灣好食，較厚身較滑。香菇肉燥飯一般，香菇肉燥醬得少少，不能拌勻飯。涼拌木耳涼拌木耳味道有點酸酸的，應該是拌了醋，如果拌麻油應該好食d凍蜂蜜綠茶爆爆珠蜂蜜綠茶一般，偏甜及茶有少少澀，爆爆珠都幾特別，咬下爆開是荔枝味桂花糕桂花糕賣相真是麻麻地，食落都冇咩桂花味，好似得個甜字總結，食物ok，不是難食的。環境不錯，因為人不多，坐得舒適，難得可以靜靜地去享受晚餐…Read More

來到天仁茗茶，一定要點鮮奶類的飲品，因為外面的都係用奶精沖的，只有天仁先有用鮮奶沖。如果大家上網查奶精係咩東東就知道一點奶類成份都冇，只係工人化學的產品，都係少喝為妙。試過香芋鮮奶綠後，便愛上了!!有時還會心思思想再來買杯飲^^天仁所用的係十字牌鮮奶，有分全脂同低脂。如果有埋脫脂就更加好喇天仁茗茶出名茶，當然沖出來都有一定水準啦!! 茶味清香，一d都唔澀，入口十分順。香芋鮮奶綠，關鍵在於香芋，係用真芋頭蓉來做的，再以攪拌器2-3下打起。選甜度3分甜十分合適，可以飲用真實的原味，不會蓋過。飲落有粉粉的芋泥，好好味!!…Read More

廣島沾麵本舖爆彈屋門面像舊時的日本店舖，再加上閃閃的燈，十分搶眼。我7點多來到了，要等位!大約等了20分鐘。見店內細細的，有幾張大圓枱。等位期間見店外有塊木牌寫上營業時間，嘩~營業至零晨4點!! 啱晒d夜鬼。如果唔想食飯時間要等位，可以夜d先黎食~哈哈入到店內一見每枱都有一大盤芝麻，十分誇張!!! 芝麻係任加的~點了廣島麵(冷)特大$108，特大有2個麵底，2人share抵食d。再加了溏心蛋&滷水溏心蛋，試下有咩唔同點了10倍辣，試咗先，如果唔夠辣可再加辣汁廣島麵麵質不錯，有彈性，不易斷。重點----辣汁，夠大碗，而且有勁多芝麻，入口好重芝麻香味。但食食下就覺得芝麻太多了，有點防礙我食嘅拉麵，因為沾了太多芝麻，成口都係芝麻，都唔知自己係食芝麻定食緊麵10倍辣其實冇想象中咁辣，正常食到辣的朋友都可以接受到，如果係嗜辣者就應該唔夠辣喇。接受到10倍辣，一於加碼，加了5倍辣。食落真係辣咗，但都可以接受。溏心蛋&滷水溏心蛋溏心蛋只係一般雞蛋，冇任何味道，溏心效果一般。滷水溏心蛋味道好像日式醬油味，溏心效果幾好。好味過溏心蛋…Read More

團購買了Yoppi，$20買$40coupon，都幾抵食!全部都是自助形式，yogurt口味有:朱古力、薑味、雲尼拿、tiramisu、原味6款，可以自己揀，想要晒6款口味都得我就揀咗芒果同原味，芒果味都幾好食，酸酸甜甜又有d芒果香味。之後再食返原味就覺得好酸喇不過食食下又ok嘅!topic都幾多款式選擇，我諗都有30-40款，花多眼瞃亂。最普通嘅生果、脆脆、綿花糖、朱古力就一定有喇，另外有d未見過....食完先知係緣茶麻薯&芒果味爆珠，又幾得意wo…Read More

韓式咖啡店打入了中國，從香港特意一來到訪。地點十分方便，車公廟站c出口一上對面就是，很容易找。格局及裝潢都是韓國咖啡店的風格，設有outdoor，環境十分舒適。店內客人不多，寧靜舒服，可以好好享受咖啡。除了咖啡外，還有不少甜品供選擇，甜品樣子十分吸引，下一次會再來試一試。點了一杯紅薯拿鐵，店員會給你一個電子提示器。電子提示器其實在其他地方(eg.日本、韓國)已經十分盛行，為方便客人取餐用，也不需要店員叫號碼。如出餐，提示器會閃閃閃表示已出菜，可到櫃台取咖啡。紅薯拿鐵$33紅薯拿鐵應該是獨有的，外面的咖啡店也未見過這款。打開蓋已經傳來陣陣香甜，有少片杏仁片。紅薯拿鐵味道偏甜。真的是番薯味很重，喝時感覺到粉粉的，不錯!…Read More

來到車公廟站主要去Hollys Coffee嘆一噗韓國本土的品牌咖啡，走到C出口，途徑一條地下街，有不少食店及賣衣服的店鋪。經過一間韓式小食店，有不少本地人在吃炒年糕及壽司，見食物也似模似樣，可以一試。食物款式不多，像韓國當地小食店一樣，只有幾款食物。點了魚片湯、辣炒年糕、壽司(原味)、香蕉奶，全部點的食物都不錯，甚至比香港的港式韓國食店正宗，後來得悉老闆係韓國人來的，雖然不經常在店，但食物質素也保持水準。魚片湯魚片本身是長長的一片再串起一串的，店員會剪下一塊塊。魚片浸在湯內煮，令魚片變得很淋。湯是海帶湯，味道不錯，用了很多胡椒粉煲，感覺有點辣辣的，很暖身。辣炒年糕韓國必食的炒年糕，比香港的好食，而且用了不少食材煮，材料豐富。香港的只有辣醬+年糕而已。這裡的辣炒年糕除了洋蔥、椰菜外，還有魚片、鵪鶉蛋。魚片跟魚片湯的魚片一樣，不過我覺得比魚片湯的好食，質感不會太淋，加韓國辣醬煮，十分惹味。韓國辣醬不太辣，可能改良了，甜甜的很好食。壽司壽司有幾款選擇：原味、泡菜、牛肉、雞肉、金槍魚選了原味，壽司一般，可能已經包好了一段時間，不是即叫即包，飯不夠軟熟。香蕉奶跟韓國的香蕉奶一樣，原來中國已經有代理入貨^^，何為香港還沒有呢.....真可惜!…Read More

開業不久，不少人來到午膳。雖然坐位算多，但雖要等一陣子才有位，有不少人都選擇了外賣。如不是太多人的話，環境也算是舒適。平時經常食牛肉珍珠堡或者海鮮珍珠堡，但偏偏未試過牛蒡珍珠堡。今次唔太想食肉，所以點了牛蒡珍珠堡試下。估唔到又幾好味WO，真的可以一試。牛蒡用了醬汁炒過，香濃惹味。牛蒡屬高纖維食物，所以不要想像好似蘿蔔咁淋身，食落會好像帶點渣，不過可以接受的。黎到 Mos Burger當然盡量都唔揀汽水飲啦，平時食麥記都迫住要汽水。熱檸茶的茶包用上英國品牌TWININGS，茶味清香，又不會太濃，不是一般港式紅茶帶苦澀味，真的好好飲田園沙律 配 和風汁沙律菜夠新鮮，配和風汁酸酸的，不錯!! 不過和風汁好多油，要自己撇走d油。薯條都好食，唔洗講同麥記差好遠啦!! 薯條有d似burger king粗切薯條，一樣咁好味^^…Read More

McCafe現買一杯咖啡加$9就有一個全麥圈，都幾抵食。 原價要$15一個職員會烘熱一下:)烘熱後~包變得軟熟。全麥圈配上卡夫的cream cheese，味道不錯全麥圈帶點甜味，整個都鋪滿麥糠，充滿麥味…Read More

與舊同事食飯一聚，要找個坐得耐可以慢慢食嘅地方，可以大談一夜。上openrice隨便找間buffet，見有openrice coupon 73折，就來試一試先。第一次來城市花園食buffet，食物&環境也不錯!! 可能是平日，整晚人不多，只有十多台客，最怕經常full booking的buffet，嘈雜如餐廳一樣，人們掙相爭食，有一些buffet更分2輪時間，只得2-2.5小時 ，實在不能盡興。這裡就可以好好享受至9時半，而且不會趕客，到9:30職員會提我地last order, 我地拎了杯茶，繼續慢慢享受至十點多。地方尚算闊落，環境不錯，我地的位置有一大塊落地玻璃，可望街景。這裡的服務好好，職員十分有禮，好好service。如你的外套放在椅背，他們會貼心地帶上椅套，避免沾污外套。食物方面，熱食款式不多選擇，不是太啱我食。反而甜品款式很多.....啱晒我單是雪糕用上貴價的movenpick，十分吸引，而且多達7款味道選擇，款款都好好味，好食到飛起，食一round都回本不少甜品雖然冇咩特別，好像一般buffet有的蛋糕，但味道也不錯。送上燒大蝦，麻麻地....肉身有點霉。buffet必有翡翠螺, 長腳蟹, 青口, 凍蝦壽司吧有幾款壽司，都好味。刺身即點即切，有4-5款，好新鮮，仲會厚切比你推介意粉吧，自選了蕃茄醬寬條麵好好味有意粉、長通粉、墨汁意粉、寬條麵揀配料: 洋蔥、大蝦、蜆肉、煙肉碎汁：白汁、蕃茄醬、香草汁Ham + 蜜瓜.....食食下又幾好食，食咗唔少，哈哈! …Read More

6點多來到，未開始多人。我們2個人點了咕嚕班塊、干炒牛河、魚香茄子煲等待上菜時可食下花生咕嚕班塊平時都叫開咕嚕肉，有d悶悶地，今次試下咕嚕班塊。一樣都係啖啖肉，魚肉好易咬，唔會咬到牙都軟，只可惜不夠脆口。味道方面也不錯，酸酸甜甜的，也不會太酸。汁醬煮得夠杰身，沾滿每一塊班塊，食完後冇醬汁留在碟上，證明師傳廚藝了得。干炒牛河色、香、味中.....只欠色，感覺顏色不夠深，香、味也足夠。獲氣十足，灑上芝麻，帶點芝麻香。牛肉很淋很入味。加上辣醬好好味。魚香茄子煲可能有d人會覺得唔夠魚香味，但我就鐘意魚香不要太重，因平時食魚香茄子煲一大陣咸魚味，蓋過其他味道。津津的魚香茄子煲不會嗅到濃烈的咸魚味，只有少少魚香味就已經足夠了。煲內肉碎都幾多，可能冇放太多咸魚，所以食落都唔覺得太咸。…Read More

想有1-2年已經無來食牛丸了......來到尖沙咀突然心熱來潮想食牛丸。剛好現在冬天，可以來食牛丸了。因為大熱天時來食，一定大汗疊細汗，真的令人卻步。太耐冇食了，賬價不少。雖然賬價了，但水準依然。牛丸米牛丸好有牛味，另外有點陳皮味，2者味道十分夾。牛丸也很爽彈，不會是痴牙的那一種牛丸。可惜湯底好像用了不少味精，食完後有點口渴，不斷想飲水。…Read More

人總是貪心的....想食下甜野又想食下咸野。去健康工房多數都係食龜靈膏，但今次可以滿足了我2個願望，因為有糖水餐, 2碗糖水+大皇鹵珍寶拼盤都係$58，平時買一碗糖水都20幾蚊，套餐加埋小食拼盤十分抵食。百合蓮子南瓜露很香濃，而且十分杰身，帶香甜的南瓜味，很喜歡南瓜做的糖水，不是死甜。內有百合、蓮子、南瓜，十分足料粟米芋頭松子紫米露友人的紫米露，端出來已經香氣四溢，香味把我的南瓜露淹蓋。試了一口，也很不錯。內有粟米、芋頭、松子配搭特別，也是十分健康有選擇。大皇鹵珍寶拼盤有蘿白糕、燒賣、茶葉蛋、鹵水雞翼蘿白糕偏軟身，味道也不錯的。燒賣一般，太淋了，如果換魚肉燒賣更好。茶葉蛋很入味，不過唔夠香。鹵水雞翼偏咸，如果甜一點就好。…Read More

炭爐伯伯雞蛋仔可遇不可求.....沒有店舖，沒有營業時間，所以如果一見到伯伯一定要來幫襯，支持一下!剛好經過見到伯伯再攞檔，一於排隊買一底來食。眼見已經有6~7位在排隊了，等了15分鐘。伯伯好好人:)，可以比我隨便影相，更拎開雞蛋夾比我影個炭爐，佢話最緊要影個炭爐，夠特色。佢話千其唔好影佢個樣，如果唔係就冇機會係度擺檔，希望各位食家不要再post伯伯個樣喇炭爐烘的雞蛋仔所用的時間較電子夾快，大約1~2分鐘一底。擺賣多年雞蛋仔的伯伯手勢十分熟練，不需用任何計時器，心裡有數便一反，一會便知道什麼時候開，開出來的雞蛋仔不會燶掉，簡直係雞蛋仔達人。雖說是街邊檔，但所有工具都很整潔有條理，不會弄到周圍蛋漿混混亂亂的。伯伯用的不是電動吹風機，而是自己手動扇風，真的是粒粒雞蛋仔都是手工造，絕不戲場!雞蛋仔十分飽滿，圓碌碌的，十分可愛。咬下口感有點似蛋糕，好香蛋味，都幾鬆軟。可能蛋漿調教有別於一般雞蛋仔，所以易於鬆散。…Read More