richardwah24's Profile

建發里4號依個地方見證佢由歐化倉變成多樣化工商大廈，進入架勢廚房更加有點感觸，點解會搵依間舖？本身佢地都唔係太多宣傳，巧合地睇到YouTube 介紹建發里依個大廈，得知有間餐廳開左當然就要去試下佢菜式話兩餸三餸飯，當初係事先無做資料搜查間餐廳係食咩，去到晚餐係無兩餸三餸供應，但仲有其他同埋價錢係親民（$36起）真係有點頭痛太多選擇，最後就叫左台式既雞排，豬排便當同埋無骨海南雞飯 簡介講下菜式：雞排/豬排便當 味道唔錯，但可能外賣關係返到屋企淋哂配菜方面有加工唔係白灼，味道都唔錯飯方面有個問題係太痴飯盒無骨海南雞飯雞滑真係無骨，煮得夠入味（唔係新鮮雞）份量方面好足夠 以個價錢係超值醬汁方面只係覺得紅色款係辣醬黎，唔係一般市面既醬，但都可以接受怕辣就未得仲有佢係用甜黑醬油同薑蔥油等候時間大概10-15分鐘，暫時員工唔夠，見唔到收銀妹妹就要撳鐘仔重重重點係唔收現金整體方面都唔錯如果堂食既環境都唔錯 乾淨夠寬敞同夠冷氣係附近返工既人可能會當依個飯堂添選擇多價錢平環境好…Read More

突然間心血來潮，專程來到叉燒丼家試食下佢既叉燒下午茶時間加上唔係跑馬日唔算多人，個侍應姐姐幾好 好細搵個唔係太冷氣既位，先未落單就送左個啫喱仔 俾我仔仔食😋叫左個細叉燒丼飯 同 叉燒漢堡包連薯條叉燒同市面既叉燒口感完全唔同 完全唔‘鞋‘唔會太甜剛剛好但敗在飯唔夠熱 可能係下午茶關係至於漢堡包個牆底配得唔錯 唔係太乾太流薯條唔會太油同粗身 幾好環境方面本身係幾好，但座位方面有d舊冷氣本身好足夠，怕冷既話就要著多件衫整體值得可以翻食…Read More

忙中偷閒跑到一條無咩人行既街，發現一間幾特別既食店，裝修幾靚感覺好舒服。一入到侍應妹妹好有禮貌對客人，另外先俾左杯暖水同一張摺左既紙（開頭都唔知有咩用，再諗諗就估係放口罩）張紙一開之下果然係放口罩（有寫既），如果個妹妹開口講一講會更好更貼心。本身就諗住想食意粉，望一望個menu 選擇唔多，就擇左雜菜蕃茄意粉，賣相唔錯，味道方面有少少辣，整體係唔錯味道會有層次感，先蕃茄既酸味，黑椒既辣味，最後就係面既香草味道，大家都唔會搶左大家既味道。食完之後，妹妹就問我飲咩野...？試吓依度既coffee，苦中帶甘唔錯！…Read More

咁岩經過大埔試試街頭小食，望望遠處有好多人排隊既小店就試下你啦，嘩其他食客都打孖上乜都x2以上就試下佢地既魚肉碗仔翅，燒賣同粉果魚肉碗仔翅：本身料就唔係太足料好彩靠左魚肉平衡返，若果可以有辣菜浦就正😌燒賣：加上辣椒醬係唔錯但失敗在太厚身燒賣，如果選用重味既魚肉燒賣就正好多😌粉果：除了辣椒醬食唔到粉果既料.... 😌辣辣醬：值得一讚唔係太咸唔算太辣 岩哂想試下辣味既朋友仔😛另外以小食店黎講算慢..... 需要再重新安排買同整食物速度…Read More

外賣自取有7折既關係就試下依間野，自取時發現係無人堂食，莫非唔好食🙁預訂左德國豬手，墨西哥薄餅，燒春雞，德國腸，香草三文魚意粉食物始終外賣口感方面都有少少影響，可能堂食會好D德國豬手：夠味夠脆皮配菜薯仔都唔錯添☺️墨西哥薄餅：真係好Hea 食落去得芝士加火腿....... 連墨西哥醬都無😓燒春雞：唔夠入味，處理唔夠時間😓德國腸：煮得剛剛好，可惜外賣關係薯角淋哂...😐香草三文魚意粉：非常香 香草但不喜歡香草既朋友仔就唔建議食，食落夠味同乾身☺️…Read More

諗住係丼丼屋買個牛肉飯應該有保證！點知買到回家，一開蓋就O哂嘴，牛肉少到一個點....... 食落去乾到唔敢想像值$70咖哩味還可以但唔夠香飯係用日本珍珠米還可以雞肉飯就不過不失…Read More