大狼的個人專頁

10月20日係一個值得記念的日子,我同我愛人今日出街慶祝,記起12年前係北海道食拉麵,所以今日都去食,原本我想去食札幌,但我愛人話有一間新野,所以就去試下:我地18:30唔使等即入,裝修感覺好似北海道一間出名拉麵店(不過唔記得叫咩名),我叫真拉麵即係叉燒拉麵湯底就鹽味,愛人叫海拉麵即係蝦拉麵湯底就味噌,等了10分鐘一上感覺幾好,飲一口湯幾清唔覺有味精,可能我講野大聲,有個人(原來係店主)即時出來話全碗麵無味精,重同我講出面好多話自己無味精,其實得湯底無但湯頭有,叉燒幾鬆軟,蝦都新鮮,最特別係每碗麵都有紅色絲絲唔知咩黎,但係日本食都有,後來問返店主原來係紅辣椒絲,唔係普通野係日本運來,筍,昆布及醬汁都係由日本直接入口,好開心今日食到一碗真正的北海道拉麵,我一定會再次來幫襯!…查看更多

今日約了朋友行街想食拉麵,係中環上次去過豚王不如今次去札幌,點知去到交易廣場先知搬咗去到新舖嘩咁多人排隊(之前都無咁多)等咗20分鐘先入得,我叫咗鹽味拉麵,我朋友叫濃味味噌拉麵,大約10分鐘後就到,叉燒唔得,湯夠濃好,麵夠彈牙好,令我想起北海道拉麵橫丁,不過服務就差d,重有記得這裡有落場時間,星期一至五:11:30~1500 & 17:30~21:30星期六 :12:00~15:00 & 17:30~22:00星期日 :休息…查看更多

一班舊同事話好耐無見相約出來吃飯,連大連小18人,我話有無好介紹,因為有小朋友有人提意旺角火車站樓上食,同事話湘川滬我係天水圍食過ok,佢訂位後話要房的話最低消費$2500所以無要,當天去到估唔到有個黑衫女經理話俾房我地,驚小朋友多坐出面唔好,重要唔使收最低消費(心想唔通無咩客,後來睇當天門口排隊都幾多人)叫在個套餐:五小碟:四喜烤麩------真係好味 拍小黃瓜------好味 洞庭小魚------唔得好腥 杭州醬鴨------好硬 蔥油海哲------一般砂鍋雲吞雞------一般清炒河蝦仁------真係好味(不過記得熱食,凍咗有d油)松子魚------好味樟茶鴨------好味天津狗不理包------好味紅豆沙------一般因為唔夠食所以追加小籠飽------一般上海粗炒------一般煎肉餅(個名唔記得)------全晚最好食由18:30食到21:30全晚d人都好好服務,除了有個男經理黑口黑面(好彩佢只係入黎兩次)下次會再來食多次!…查看更多

成日聽人講香港有好正的拉麵食,一向覺得好多都係名過於實,昨日約個舊同事食午餐,本來想話約尖沙咀,佢話佢放假不如去港島區食好野.我話有冇好提意,佢知我鍾意食拉麵,話去中環食一間叫豚王的拉麵,不過要一早去費時排隊排到冇心情食,我話我聽過不過未去過.我們約咗10:30去門口等,點知已經有10幾人排隊,10:55有個阿姐每人俾張紙我地選定先,我要最基本豚王加蛋加黑木耳,個朋友就要黑王加蛋加紫菜指因為之前佢食過豚王),11:00正開始就座好彩第一輪入到,大約等20分鐘先有野食,冇辦法啦咁多人一齊落單碗麵到咗發覺外表唔係好靚,飲一口湯竟然唔係好熱不過又唔係凍,味道幾好不過覺得比較咸,麵一般,隻蛋幾好雖然唔係咁溏心,不過好過好多日本餐廳,黑木耳一般如果爽啲有咬口會好啲,叉燒一般,整體算係一碗不錯的拉麵,朋友碗黑王佢話好咸,我試一口湯原來佢係加重味噌味,紫菜係一塊包壽司的冇特別味道,我朋友話早知叫翠王試下,不過佢話都好食.如果唔使等太耐我應都會再來食,因為聽到有人叫一碗餐單上冇的麵,我都好想試下.…查看更多

昨日約咗個舊同事食午餐,佢話想食拉麵,我話你有冇邊間想食,佢話不如去isquare(火頭山),我話好點知去到先知間野叫山頭火.我地約咗12:30係門口等,等咗10分鐘就入得,整體裝修俾人好日本good!我地叫咗最基本叉燒拉麵,我就麵豉湯,朋友就豉油湯,另加溏心蛋一隻.等咗10分鐘來啦,我碗麵好濃比較油,麵就一般,叉燒得兩細塊,最好係隻蛋朋友個碗就湯清,味道好淡,不過隻蛋唔夠溏心,服務一般,食物一般,我想應該冇下次.…查看更多

昨天出荃灣同阿嫂拜年,一行六人去搵食,大約13:30去到荃新天地附近,lunch time度度都冇位最後去到上海軒門口阿姐話有位,不過要清理等等好快唔使5分鐘,點知睇住有位冇人做,最後等咗15分鐘先入得見啲套餐ok不過望下其他枱,碟碟好小算啦都係散叫,肴肉 ------得6片唔係呀$48散叫都得6片,賽螃蟹 ------不過不失小籠包 ------賣晒冇得食生煎包 ------皮太厚水煮牛肉 ------算係好東坡肉 ------幾好味不過肥肉未夠化排骨拉麵 ------排骨好麵唔得上海軒炒飯------全餐最好味,賣相和味道都好,用得招牌來做名果然好味炸銀絲卷 ------等到話要走先嚟,竟然係凍咕嚕肉 ------又係得4舊,搵部長(男)問佢話我地叫套餐係得4舊,我話我地係散叫,佢即時講對唔住,之後換咗碟正常大約有10幾舊肉俾我地,途中有另一位女部長來問我發生什麼事,我話最初碟肴肉得6片我都覺奇怪,點知碟咕嚕肉一來就真相大白,佢又講對唔住之後佢入廚房再攞多一碟肴肉俾我地話唔好意思,全餐食物令人失望,但服務就令人有意外.不過食物唔好,你幾好服務都叫人好難有下次…查看更多

今日年初一出去同老豆拜年,食午餐後和家人行街街,我三哥帶頭行朗豪坊,臨走時他話去食雪糕和買個蛋糕返家食,我地去到只見得朱古力味,我心想唔係呀,不過算啦買咗一球$28,個姐姐好好咁話買兩球都係$38好意頭,一食嘩好濃朱古力味但唔太甜,口感好滑食後有回甘的味道,証明係靚朱古力,全家人都好開心,回家後即時試下個蛋糕$178,果然一樣唔太甜,好滑有回甘,不過真係唔食得多,因為好高卡路里,下次一定會再去食多次.…查看更多

今日同個friend去開銅鑼灣,行到2點左右先去搵野食,上到去唔使等位即刻有得入去,Lunch Set 有齊湯, 包, 主菜, 餐飲 同 甜品,我叫左牛扒飯, 個friend就叫左個海鮮意粉,牛扒全熟但出奇地好食好有牛肉味, 個意粉都好足料,可能過咗Lunch time時間無咩客,同個friend 食完傾下計,環境一流,全程懷舊音樂,待應唔多理人,不過我地都唔想佢理埋單時免加一2點後入坐仲有9折我一定會再去食多次.…查看更多