噢依斯's Profile

1:23左右門口攞飛，呢間唔知點解無得The GULU線上攞飛，明明同沙田嗰間一樣8張枱等30分鐘有位，有幾張飛係無人；門口有個類似經理（白色衫，男）態度非常冷漠，好似唔想做咁，其實都無話要咩服務架喇，但係客問你問題，你當下完全無反應就差咗啲囉，好似聽唔到咁😅神奇嘅係佢隔咗一陣有答嘅然後入座，落單，正常服務，我哋嗌咗3個set lunch其中兩份食物好快嚟，都feel到少少伏，有個女侍應，掉低碗湯麵就一陣風走咗，係掉低架，好彩無灑出嚟，又唔知好唔好彩啦，碗湯麵係唔熱的，入面啲麵仲係一大舊痴住，要用筷子攪一攪先得，食落啲麵好似仲係生麵味，湯底勁鹹，微暖only，牛肉還可以紅燒牛肉手工麵然後係彰化黑麻油雞翅滷肉飯便當，魯肉一部分凍一部分微暖，飯係微暖，雞翼係凍的，非常普通嘅滷水汁雞翼，甜嗰隻最後稍微等耐少少嘅係拌麵，我喺沙田分店食過好食，所以諗住encore，嚟到一望就比較到份量少過沙田分店，都係微暖，雞扒還可以，甘梅粉(?)落太多，太甜夜市甘梅雞排伴麵飲品方面，我飲凍奶茶少甜少冰=無味，奶味都無吖，另外2杯熱飲，黑糖薑母茶&桂圓紅棗茶，朋友話正常埋單$225，免加一，無信用卡付款，只可以AlipayHK, WeChat, 八達通總結：無下次…Read More

未幫襯過堂食，反而試咗外賣先😂APP寫住20分鐘等候時間，差唔多時間先去餐廳攞，都即刻拎到；一打開發現明顯係整好15分鐘以上，連飯/湯都唔熱😅泡菜又超少，得3小塊😃我揀咗3款，牛五花、牛板腱、牛舌各50g牛舌好硬🙂又剪到好細塊另外兩款都唔識分，不過幾好食嘅，軟身有牛味，點埋醬都好惹味，但係份量好少，食完都無飽嘅感覺🥲紫菜飯係食唔晒嘅，淨返少少，嗌咗300g有點多；紫菜甜甜地加埋飯一齊食OK湯好油，微暖白飯微暖貴+唔飽+微暖=無下次吖:)…Read More

我同朋友一早預約左1pm，然後好乖咁提早5分鐘到，係星期六黎既，去到只有1/3既枱係有人。然後侍應安排我地2位坐靠牆，類似自修室溫書嗰種位🤣我覺得幾好，比較有私隱！睇完餐牌就點餐，有位韓國人(佢全程講韓文)過黎幫我地落單，我同朋友仲有飲品未嗌，佢就一支箭走左😅唔洗咁趕掛，連單都無覆，重點係其實當時只有一枱新入坐既客，又未至於忙到咁🙂好喇，後尾再搵佢落埋飲品既單，依然係無覆一次單，不過無黎錯就得食物好快到。我地嗌左1. 泡菜餅2. 韓式炒年糕3. 韓式無骨炸雞(半份)4. 飲品:ADE: PEACH & GRAPEFRUIT1. 泡菜餅幾好味！唔會好辣，好有泡菜味2. 韓式炒年糕偏辣，但接受到，仲有魚糕&公仔麵3. 韓式無骨炸雞(半份)炸雞最遲黎，應該係即炸既，由內熱到外🤣唔錯，點埋醬比較好味，酸蘿蔔比較硬，得6粒，無好似韓國咁比一大碗4. 飲品:ADE: PEACH & GRAPEFRUIT我揀左桃味，黎既時候差啲以為黎錯，因為聞唔到桃味😂攪勻左之後飲又比想像中重桃味，好解渴&解膩&解辣🤣總結：嗰位韓國人侍應態度麻麻，但食物質素唔錯，比較接近韓國味道，有機會會再試其他食物！…Read More

Weekday 大約12點多啲到 大部分枱未有客 因為仲有一位朋友未到而呢間餐廳有時間限制 我同另一朋友商量緊入唔入座既時候 有一堆返工人士放lunch準備入座 於是我同朋友即刻入去坐左先😂驚要等位嗌左3款，三文魚蛋包飯係set lunch，送湯&沙律，最抵食，蛋好滑 飯一般 撈埋啲汁反而好好味😂（本來想嗌牛肉蛋包飯 點知無牛肉😅）煙肉egg benedict all day breakfast又係個汁好味 配埋一齊食 正 蛋係流心蛋草莓梳乎厘pancake味道唔錯！梳乎厘無咁多空氣，我比較prefer，草莓係酸的 預左擺盤好睇 打卡之選👍🏻埋單$324左右 加左一下次會試下其他款…Read More

公眾假期 大約1點半到 有大約十個人係門口等位 心知不妙 拿拿聲入餐廳攞飛 要等5張枱 等左超過半小時 終於可以入座 一入去數過有28張凳 然後枱與枱之間距離唔算近 但仍然好清楚聽到隔離枱講野（正常聲浪咁講野）枱面已擺好餐牌 只有set lunch & drink list （本來諗住散嗌 但睇黎午餐無乜選擇🙂）友人決定左食炒河粉 被告知已售罄😅😅😅唯有揀另一款落左單後食物極速上枱 都係啲可以一早整定係度等既食物 所以還好燒豬頸肉飯豬頸肉味道正常 超多豬頸肉&飯 配既汁幾好 甜甜地海南雞油飯雞算滑 但份量較少 配既汁一個偏辣幾惹味 一個偏甜 普通油飯巨多 較濕較軟 飯粒不企身 普通蝦餅熱辣辣 等左10分鐘先上枱 可能係唯一即時整既芒果糯米飯已經係最後一碟！糯米飯好甜 芒果極酸 但我中意食糯米飯所以都接受到 唔食芒果就得😃飲品忘記影相青檸梳打 好咸(?) 但又幾解渴😂（唔知點解用外賣膠杯裝）熱薑汁蜜 友人的 無試味 （反而係用瓷杯裝）埋單$193 無加一我地落單只係2點左右 就已經售罄左2款餐點 （3:30pm落場）但門口一直有人排隊等入座 相信比較遲入座既客人可以選擇既愈來越少！建議盡量12點一開門就要到餐廳 否則想食既未必會有Btw齋侍應就有5個 成日企係度望住晒食野 有少少尷尬🙂然後佢地傾計其實都聽得好清楚😂…Read More

某個星期日同朋友2位黎食，都係睇呢度評價幾好先決定去既，當然最後係失望我同朋友一點四十幾分到餐廳門口，入面得返幾枱客，大把位可以坐，一入去就有個男侍應(?)係度執緊其中一張枱（嗰枱客人未走），我地一入去佢抬頭望一望，然後繼續執枱，跟住我先留意到成間餐廳得返佢一個樓面，3個人係水吧。然後佢執緊既嗰枱客起身去埋單，佢就跟埋去埋單，收銀係係門口既，佢嗰時又望左我地一眼，無反應咁你執緊枱無問題架，你忙住收錢係ok，但你既然見到我地2個客企係度等，你起碼招乎一聲然後話「等等」都可以啩？完全無好喇，佢終於望實我地喇，咁我地都好識做話2位，佢其實係一句說話都無講自己行左去，咁我地就跟住佢啦，然後佢帶我地坐係高枱嗰邊，我見到隔離有張4人枱，就問佢可唔可以坐4人枱，然後佢答「嗰張係4人枱黎架喎」？？？？然後繼續抹枱？？？？咁既態度？？？非常好啦，即時無下次，但我朋友話反正都坐低左，不如嗌野食，可能好好味呢 😊事實係極之普通既味道，加埋呢個態度，真係要俾差評架呢碟意粉口感幾特別，好似食緊飯粒咁，雖然佢係綠色，但係忌廉汁黎架😊呢個牛肉漢堡極之難食，佢個牛肉超乾，係完全係可以一粒粒咁分開，又無乜醬，我地食左一半頂唔順無食甜品：烏龍茶口味既雪糕waffle，我朋友超中意烏龍茶味，我就麻麻地總結：無下次 😊…Read More

係呢度見到呢間既食物相賣相唔錯，食評又普遍幾好，於是同朋友兩位黎試下我地12:25左右到荔枝角地鐵站，一出就見到大大隻字D2 Place，搭左扶手電梯上去問左counter既人先知原來係地面轉左，落左地面唔覺意抬頭先見到個非常唔起眼既白色牌寫住餐廳名⋯⋯真係無乜人會見到一入餐廳見到有大把位，裝修幾好，雖然無影😂我地揀左個靠牆既位坐低，就有侍應埋黎擺低餐牌、水，同埋話限時1.5小時用餐時間我同朋友揀左1. 酥炸軟殼蟹龍蝦蟹肉忌廉汁天使麵 👈🏻唔係太記得係咪呢個名，但同幅相一樣既description本來諗住忌廉汁點都唔會中伏，點知就中左⋯⋯佢唔知點解變左龍蝦汁 （唔知有無記錯個名⋯）軟殼蟹腳幾脆好味，但蟹身有膏唔好食2. 羽衣甘蘭芒果大蝦薄餅芒果勁勁勁勁勁勁勁勁酸 蝦好乾，沙律醬係wasabi醬⋯⋯唔好食3. 炸薯條配黑松露沙律醬炸薯條熱辣辣，幾好既Iced mocha一黎到以為俾錯，隻色完全唔係咖啡，似奶茶 🙂 然後飲落勁苦，我就係唔想咁苦先揀mocha⋯⋯苦到我頂唔順於是問侍應有無俾錯，佢話無錯，係iced mocha，我話但係好苦喎，佢話俾啲糖水我⋯⋯完全唔係嗰回事啦，糖水加落去完全無朱古力味凍朱古力我覺得太甜，但朋友話啱啱好，各人口味不同食完坐多陣啱啱好2點賣單走人，成間舖無full，一直都有位，而且都無人趕我地走既，不過都唔會坐太耐服務幾好既，一直有人keep住添水，一入餐廳門口/賣完單走人都有人應～總結：無食評讚到咁好⋯⋯食物普通到難食，我地食左接近4百蚊，呢個價錢完全唔抵食，可能食牛扒好啲既，當日都見到幾多人鋸扒既，不過無下次…Read More

係海運中心食完女士M，唔太肚餓，見到呢間未食過，諗住試下新野就決定入去餐廳入面有好多位，其中大部分係「留座」，但都要係出面等5分鐘，先有人安排到位置入去坐環境裝修唔錯，隻碟圖案都甩左色期間有侍應不停幫手加水，呢樣野幾好，數過同一時間有九位侍應加一位經理係場內我同朋友兩位，嗌左一個飯&一個意粉，大家share食落單後會有侍應送上麵包+牛油，個包雖然係暖暖地，但咬落去好硬西班牙海鮮飯>難食，中伏之選，仲要2百幾蚊真係可能唔啱我口味啦慢煮牛意粉>牛好冧幾好味，意粉上面有啲乾芝士配埋都唔錯總結：無下次Btw，臨走埋單前見到門口有一堆人排隊，望返餐廳入面，仲有大把位既，相信係無固定人手睇門口所以入座效率咁慢…Read More

約左朋友喺葵芳，上openrice睇呢間係個list入面第一間，所以就打算試下~我大約7點幾到，攞飛時個staff會問想坐戶外定室外，依家秋天無咁熱，所以都無所謂~我有睇過張waiting list，當時應該仲有廿幾張先到我地，不過其實中間有好多人走左唔等，所以無想像中等太耐~用餐時間限制2小時~剩返半小時會有staff埋黎提醒~8點就入坐喇~MENU選擇唔算多，揀左飯&麵包&甜品咖哩飯，飯就好多，但餸比較少，無佢MENU張圖show出黎咁full~有少少失望，不過食落份量都夠既~汁比較少，微辣，我同朋友唔太食得辣既都接受到，牛柳有部分淋，部分較硬，總結不過不失，試過就算芝士吞拿魚焗法包，同某一品牌既吞拿魚罐頭配餅乾味道幾乎一樣，偏甜，上碟不夠熱，比較失色最後甜品！！個人認為最好吃的！其實好多間cafe都有呢款窩夫，香蕉朱古力窩夫，窩夫上碟仲係暖既，連埋雪糕&朱古力醬&cream一齊食好好味~份量算多，食完超飽~總結黎講，唔錯既一間餐廳，侍應好有禮貌，入座&離開時都有招呼，價錢適中，環境舒服，位置容易搵，會再去食~甜品…Read More

最近銅鑼灣好多地方都封左路, 不過星期日下午呢間雪糕店依然人頭湧湧。今次試左店員握介嘅蜂巢雪糕, 雪糕都幾香奶味, 口感綿綿地兼幾順滑。唔好睇蜂巢好似好細舊, 少少地撈埋啲雪糕原來啱啱好, 唔會太甜又幾特別喎。不過雪糕易溶, 建議大家食杯裝, 下次試下其他味先!!…Read More

朋友特登上openrice找尋特色餐廳, 以免黎黎去去都係食嗰幾間, 於是搵到呢間新開既日式店我地大約12:45到, 已有幾枱客人, 剛到達時覺得店面十分闊落, 坐得舒服, 不過到1時多午市高峰期時, 開始有人排隊等位, 餐廳就加左2張2人枱, 令店面顯得更少, 不過絕無背貼背情況出現, 依然坐得舒服 下單後, 侍應先放上茶, 餐盤-幾特別前菜 青瓜配八爪魚-甜酸醬汁, 幾好味等左一陣, 先俸上一碗熱湯烏冬, 味道偏鹹...不過朋友覺得味道剛剛好, 可能我平時飲食偏淡啦然後就到主角出場喇, 我點既係三文魚生飯, 朋友叫左秘制辣醬魚生飯(三文魚+吞拿魚)件件三文魚都好大塊啊!! 一口三文魚+一口飯真係好正呢, 哈哈我都試過朋友叫既飯, 啲辣醬又係偏鹹, 同係辣辣地的, 唔食得辣就唔好嗌喇, 不過朋友又係覺得味道剛剛好 lunch set 有非魚生飯揀, 雞扒丼&牛肉丼, 2款都跟埋烏冬, 不過我見到隔離枱嗌, 賣相麻麻, 味道唔清楚, 好興幸自己嗌左魚生飯, 朋友都有同感, 哈整體黎講, 服務唔錯, 有自動幫酙茶, 態度好好食物都新鮮, 不過唔平啦, lunch set 都要 78, 未加一有機會會再去食多次…Read More

我同朋友喺青衣城行左幾間餐廳，都係覺得呢間比較啱心水，所以就決定食呢間我揀左豬軟骨便當，飲味噌湯，朋友食飯，比較普通，所以無影低別府食物質素味道一向唔錯，我記得以前食午市套餐，係有壽司同tiramisu甜品送，同依家價錢不變，但依家就要加錢先有豬軟骨好lum，汁偏鹹，不過用黎送飯都幾好左下角係咖哩汁牛肉餅，但係食落好似薯蓉餅份量都幾多，我就食到好飽，食剩啲青瓜壽司，如果轉做三文魚壽司就好喇好味之選…Read More

我知道呢間餐廳好多人去食，由於怕等位，所以同朋友早一點去食午餐，大約12:15就到左喇，完全唔洗等位，上去２樓既卡位坐我同朋友都揀左食扒餐，佢食日本帶子拼雞扒，而我就係薄牛柳餐，餐湯揀左周打魚湯，我地２個人加左３蚊share食一碟意粉落左order之後，餐湯即刻送上，仲有餐包＆牛油個湯係無味的，湯入面有幾舊魚肉，仲送埋塊餅俾你食，飲左幾啖就放棄左喇，堅無味:(餐包送黎既時候係微暖，普普通通啦等左５分鐘，主菜黎啦！扒餐係用鐵板上既，鐵板都幾熱，啲汁倒落去有渣渣聲，侍應會俾塊布你擋住啲汁，免得噴到件衫份量真係超多我同朋友share食一個餐都得，不過最好加個飯，會飽啲我個薄牛扒有黑椒粒，所以係微辣至於個意粉。。。好難食，個意粉係橙紅色既，我地以為係茄汁，點知味道十分奇怪，係有薄荷味的食到咁上下，會有侍應走埋黎問你要咩餐飲，我嗌左熱華田，朋友嗌左熱奶茶，味道正常最後就係甜品雪糕！本身唔記得有甜品，係有侍應自動自覺拎俾你的，同風月堂既service有啲似，我覺得服務算係唔錯，始終啲侍應要走圍走睇下邊啲客未齊order:)朋友話普遍啲食物都好普通，只係份量超多，最好食既竟然係雪糕其實我都認同佢既講法我諗我會再食多次，試下其他餐例如焗飯…Read More

今次約咗朋友食咖哩 我地好早到，大約６點半就到左啦，唔洗等位，但入到去已經坐左４，５枱客人呢間餐廳係由外籍店員serve客既，一坐底就送上兩杯水，係檸檬水黎既，服務唔錯睇Menu，set dinner唔係咁啱食，所以同朋友揀左咖哩套餐，雖然唔係 set dinner，但係都有味噌湯、沙律跟餐，飲品要額外加錢我叫左個咖哩牛肉餐，朋友揀左咖哩炸蠔餐，等左５分鐘左右就有得食成個餐係由托盤送上黎，幾整齊沙律味道唔錯，酸酸甜甜咁；味噌湯味道普通；咖哩唔會太辣，入口香濃，不過我覺得比較普通，唔算突出；牛肉煮得剛好，不會太硬或軟我試了一口朋友的炸蠔，味道比牛肉出色，炸蠔炸得外面脆，內裏軟滑，配着咖哩吃，十分好吃，可惜只有３塊，份量較少額外加錢既凍檸茶，糖漿另上，自由調較甜度，好飲總括黎講，咖哩唔算突出，味道普通，如果我再去，可能會試食其他餐而唔會揀咖哩lu …Read More

特登約朋友黎食呢間餐廳，我地12:15PM就到左，唔洗等位，不過入面已經坐左２枱客人，所以如果怕等位都係早D黎食好，因為到我地食完已經一點半，食左個幾鐘　睇完餐牌，我揀左A餐意粉，等左一陣，餐包同湯先奉上，餐包仲暖暖地，塗上牛油吃，味道不錯，白湯味道略淡，唔知有無加水，比較失色再等大約五分鐘，主菜黎啦。我習慣將意粉連汁攪拌好先食，俾我發現佢用料都幾足，有青口、帶子、蝦、蘑菇、大量洋葱等配料，汁配得剛好，不會太淡又不會太鹹，好味！不過我自己就不太喜歡食洋葱，如果可以少啲洋葱就更更好～食晒主菜之後，侍應就會走埋黎收野兼落埋餐茶&甜品既ORDER，我叫左朱古力雪糕窩夫，熱奶茶，窩夫好味，但奶茶真係難飲。。。:(總括黎講，呢間餐廳無令我失望，我會再去食多次，試下其他餐 …Read More