crystalhc's Profile

是日一年一度母親節，當然要帶媽媽食餐好啦～聽朋友介紹近日旺角開左間新飯店，雖然價錢唔平，但環境舒適、食物屬水準之作，於是膽粗粗去試下～一行五人食完，又真係好食喎😋，仲要服務好好！👍🏻總的來說，餐廳裝潢好有復古氣息，連埋餐具嘅揀選，睇得出好用心配搭過，而且坐得舒適，適合與親朋共聚談天。食物用料、質素、外觀佳；至於員工服務亦不錯，笑容滿面，又會主動幫手👍🏻今餐氹得媽媽好開心，俾到我地一家有開心嘅回憶，媽媽回家仲可以慢慢種花🤣～之後會再幫襯！😊…Read More

幫朋友慶祝生日, 本想去食放題, 但由於唔想食得太貴, 於是轉左去食和民一行七人, order左好多野, 都叫得好盡(不過碟頭細, 都唔太飽...之後要再去食糖水=.=)帶子蟹肉丸子係最好味既~! 真係炸得好香, 口感好之餘個味道亦好好! 牛油焗帶子都好味, 不過好多油! 同埋...真係每一粒都帶到俾人好"珍貴"既感覺, 一啖就完晒...想再食? order多客啦 和風一口牛肉幾好味, 個牛肉一d都唔"un", 牛肉汁好味! 唔錯唔錯!焗海鮮飯好好食! 芝士味濃! 雖然七個人分得果兩三啖, 但亦帶到俾我一種滿足感!明太子芝士玉子燒就一般啦,冇期望中咁好...明太子同芝士唔係咁夠味, 整體味道都較淡鐵板棒餃子就真係唔太好...好薄身, 會食到散晒, 味道一般之餘亦好油...下次不會再叫!廣島燒餅冇話好突出, 水準同市面上一般的燒餅差不多豪華壽司盛合幾好, 最鍾意食上面有帶子果舊! 海鮮忌廉pizza芝士味濃, 其實個味同焗海鮮飯都幾似, 所以都係好好味~~魷魚燒都ok幾好, 本人本來不太愛吃魷魚燒的, 不過呢到既魷魚燒真係唔錯, 唔"un"仲幾爽tim! 味道亦好好海老天婦羅冇乜好突別既地方, 同一般炸得幾好既海老天婦羅冇乜分別~ 正常!以下係因為唔夠飽追加, 所以冇影到相:三文魚刺身: 尚算鮮甜, 都係正正常常!蒜香海鮮炒飯: 唔太好味!!! 較乾身, d飯較硬...比起焗海鮮飯真係差好遠!! 牛肉雞脾菇卷: 好細的兩串...牛肉好乾! 真係...食完等於冇食! 不過算...$19...service ok, 地方環境ok, 而且因為坐喺最入既長卡位, 所以不斷郁黎郁去、調位影相同傾計都唔會影響到人除左整體d野食比較油同碟頭細搞到食得唔太飽外, 總括而言都ok, 都會再去過既~! …Read More

行完書展正好晚飯時間, 肚餓到不得了, 近近地去左Delifrance食一行四人, order了兩個二人套餐Set A, 二人套餐Set A 包括兩個湯(薯仔忌廉湯/雜菜湯), 兩客 意粉(白汁蘑菇火腿扁意粉/肉醬意粉) / 凱撒沙律+焗薯(配白汁蛋沙律/吞拿魚沙律/芒果雞肉) / 白汁碎蛋火雞芝士班里尼包, 兩個甜品(是日: 牛角酥+朱古力雪糕), 兩杯咖啡或茶我地要左兩個薯仔忌廉湯同兩個雜菜湯, 兩客白汁蘑菇火腿扁意粉, 一客凱撒沙律+焗薯配白汁蛋沙律, 一客凱撒沙律+焗薯配吞拿魚沙律, 兩個即磨咖啡, 凍檸水凍檸茶各一杯薯仔忌廉湯幾好味, 好香薯仔味, 唔錯!雜菜湯都ok, 好多料喺湯到~ 唯一唔鍾意既係有腰豆...本人不太喜愛腰豆~白汁蘑菇火腿扁意粉尚可, 味道普通唔算話好差...不過唔會有再試的衝動凱撒沙律+焗薯配白汁蛋沙律真係好好味, 個焗薯好香, 好重薯仔味, 再加埋白汁蛋沙律就真係好enjoy~! 下次會再食! 凱撒沙律+焗薯配吞拿魚沙律都幾好, 同樣個焗薯好味, 吞拿魚沙律都ok, 不過比起白汁蛋沙律就爭dd牛角酥+朱古力雪糕都ok, 味道好普通, 不是一個突出的甜品...如果係要加錢先有既就一定唔會食即磨咖啡一般啦, 冇乜特別Set A 每個都只係$99, 除番開每人都只係$49.5, 價錢合理總括而言, 價錢合理又唔收加一, 食物不過不失, service亦都唔錯~! 值得一試!稍為大聲高談闊論亦可, 皆因人流多, 冇人會理你! 同朋友吹水笑下亦感自在 …Read More