林師奶夫's Profile

無啦啦好想食魚旦粉，上網見到王林記既數一數二，過開港島東就一於試下佢星期日5點到，唔使排隊，可能因為6點已經無堂食，疫情下個分隔做得幾好，啲分隔板夠大，塊板既直徑同張枱一樣大叫左魚旦粉多青同香蔥魚旦粗，枱面有炸蒜任落😍魚旦粉有3塊魚片5粒魚旦，魚旦好重魚味，唔會腥，彈牙又唔會覺得落左好多粉，中上，老公話香蔥魚旦都好有魚味粗麵正常，河粉好滑，不過太薄好快浸到碎濕濕，食左半碗已經唔可以用筷子夾，要用匙羹食，有啲失望，另一敗筆係食完有啲口渴結論:可一試，不過唔係我食過最好食既魚旦粉，因我對河粉都好有要求…Read More

老公話嚟開九龍城不如食牛肉餅，好耐冇食過😋入到去，叫咗牛肉餅之後，諗吓仲有咩想食，記得上次好似有啲嘢係唔好食嘅，但係個時諗唔到後來睇返啲相先知係蔥爆羊肉，應該叫油爆羊肉，要將成碗油到走先食到🤨牛肉餅$40兩件，啲牛肉餅ok既，不過冇以前咁多汁今次就試吓最多人推介嘅酸辣湯，點知真係伏到冇朋友，生粉水唔知溝啲乜嘢，好似以前家x牌胡椒味酸辣湯咁，得胡椒粉味，個湯係透明色嘅🤔，啲麵係介乎烏冬同米線中間，我諗住都照食啦，老公食咗兩啖之後就話太難食要退，啲侍應話唔得喎有最低消費每人$40喎（餐牌係有寫嘅），點都要叫多樣野，但係我地已經唔想/唔敢再食其他嘢啦，我哋放低$40頭也不回…Read More

宵夜時段嚟到九龍城想食泰國嘢，想食泰式湯河，原來唔係好多舖頭有泰式湯河供應，行咗大半個九龍城嚟到呢間，就入去試吓啦佢有一個餐牌專門係泰式粉面嘅，基本嘅都有，雞絲、雞翼、魚蛋個啲，價錢都係40幾蚊，我哋嗌左扎肉金邊粉同冬陰功金邊粉👯‍♀️扎肉湯河有7片扎肉，芽菜，同埋唐芹，個清湯都好味，唔使加其他調味料，金邊粉唔會煮得太淋👍個冬陰公湯金邊粉嚟到嘅時候我哋真係嘩咗一聲😍😍，有蝦又有蘑菇，好足料，係一個完整嘅冬陰公過個味，好味，不過啲蝦一般，返到屋企有少少口渴呢間門面冇其他咁靚，個裝修又唔係好泰式，不過喺九龍城做泰國菜屹立不倒真係有返咁上下質素，下次會試埋其他菜式💪…Read More

有朋自遠方來，不亦樂乎，住喺加拿大既親戚返左香港，除左探親之外，仲要帶香港手信返去，竟然係四重奏😂我以為外國啲曲奇好食啲添😆好在每間分店都有得試食，由曲奇到蝴蝶酥都有，我鍾意佢啲曲奇無珍x咁勁牛奶味，蝴蝶酥夠鬆脆，不過伯爵茶蝴蝶酥無茶味😅，最後買左9味曲奇同原味蝴蝶酥，店員態度好好，俾我影相慢慢揀👍…Read More

買一送一既魔咒終於俾我等到呢個宇治抹茶紅豆買一送一啦(感動mode😭)，今次係第二次飲，同上次一樣，要走甜少冰，可惜無得走冰，不過少冰都係好多冰，實質得半杯，如果唔係買一送一冰就唔太抵見住佢將抹茶既液體同3.6牛奶放入blender打勻，抹茶味好濃，又有3.6牛奶既香，微甘既抹茶同甜既紅豆真係好夾，每啖都有紅豆，係好滿足既下午茶我唔記得帶自己支飲管，要讚既係佢俾紙飲管通常呢個優惠都得3日，12點至4點，28蚊買一送一，唔係間間分店有，唔知下次幾時呢？…Read More

男人上星期話想飲酥皮湯，大家樂既滿足唔到佢，一直想飲返360，今日好彩趕得切食下午茶留意返，下午茶到5點9截單，有加1，想飲酥皮湯有三款，我叫肉醬意粉，幫男人叫carbonara 酥皮夠薄夠鬆夠熱，個忌廉蘑菇湯似金寶牌子，好味，濃度剛剛好，飲完都半飽😅肉醬意我走左芝士，所以無芝士片，鐘意佢既肉醬，有蕃茄碎，有啲茄油，今次個意粉不太林，al dente~男人個carbonara 好濃好香，塊酥皮分開裝，返屋企用焗爐焗返熱又好味😋…Read More

黎左東港城睇下有咩好食，見之前啲雜誌話呢圞間日本黎既鰻魚專門店好正，又過江龍又專門店，就試下你有幾個人排隊，等左3個字，見到玻璃窗內店員喺雪櫃攞成條鰻魚出黎放喺夾度燒，燒大概10分鐘，就放上飯，淋汁上碟入到去我地叫左一個半條版一個短短中間版，好快到，好少汁，唔夠撈飯，攞多左碗汁先得個，鰻魚微暖，無咩燒烤味，又無焦香，唔肥美我覺得買條急凍鰻魚放左飯煲仲好食，唔會再黎…Read More

好地道既上海菜，通常我地黎都會叫鱔糊炒麵(個人鐘意粗麵，加2蚊)，酸辣湯或湯麵，個炒麵真係不得了，好多黃鱔，條條麵都充滿汁，我地兩個每人食到3,4碗，熱辣辣夠鑊氣酸辣湯唔記得影，好足料，豬紅，木耳，荀絲樣樣有，好似仲有豬肚簡單一餐，下午兩點半後下午茶個酸辣麵仲送豆漿…Read More

又想食辣，上網見到話呢間不錯，好，又試試呢度用QR code落單，唔知點解我個電話scan唔到，唯有問店員攞餐牌，價錢同之前人地食有唔同，不過唔記得影前菜一個小小辣既小小木耳，得酸梅湯唔使加錢，ummmm好甜個酸菜魚黎啦！味道都幾好，酸辣恰當，唔會太辣或太酸，個魚好滑，唔係啲平平魚柳，雖然無大陸食咁好啦，都有幾多魚同酸菜，夠送飯，我會再黎既…Read More

之前同朋友食過，送左50蚊coupon，諗左好耐終於黎左，6點後無咩人，計埋我得3枱，不過者等左成20分鐘，叫左冬蔭公炒飯，本來好期待，記得佢啲冬蔭公係唔錯既點知個飯一黎到，係即炒既，不過無冬蔭味，係一個辣既炒飯，無香茅無檸檬葉，蝦係雪藏到唔雪藏，食左兩啖打包走，點知成晚好渴，應該好勁味精加埋一差不多100蚊一碟，唔會再黎啦…Read More