somernie's Profile

多年前到過同一位置的另一餐廳，諗住懷勉一下，點知依間餐廳真係一如其名當人客係slave，本身已經偏貴，高級餐廳價格但工廠環境(廚房真係真心難睇），啲櫈係唔舒服既木板櫈，人客係冇得揀位，仲要一入門口企喺度落單俾錢先，最恐怖嘅係，收銀員的態度很差，一句就話要即刻落埋野飲(加錢)，如果唔係再落單就要正價，仲話部機設計云云，我就唔明講句唔好意思唔得咩，為什麼一定要人客就你，我們俾錢來餐廳是來享受食物和服務的，不是來受氣的。接著沒有紙餐巾，只是求其提供最平價的薄tissue放餐具。食物方面，送的湯沒有選擇，只有明顯用攪拌機求其整、冇乜料的紅蘿蔔湯，仲要個碗係異常地細隻；意大利飯太熟太水，食落不像意大利飯，顏色一看就知不對，紅菜頭少得可憐，三文魚是最便易最薄的那種，整道飯沒有任何牛油或忌廉味，可能我自己屋企煮更加好食。不要以為簡單說句甚麼鍾意香港的說話，香港人就會幫襯，我地係出名識飲識食，你有冇心整野食，一試便知龍與鳳。值得一提的是，其他員工也是有禮的，他們值得更好的工作環境和氣氛，附近的返工人士也值得更好的食物和服務。:(…Read More

原來宜家啲餐廳咁搵人笨，今天我真係大開眼界。首先，門口寫住有lunch set，我再跟waiter確認才進入餐廳，點知所謂既”set”係要加錢先有，成120至200蚊連熱飲都冇一杯，只有水喉水，仲未計加一！然後又要顧客自己當部電話係餐廳既生財工具掃QRcode落單，仲要寫住限90分鐘用餐(最後冇人理，因為餐廳人不多，仲有個員工訓左喺枱度），意粉一般般，頗濕，落唔夠cream，最後張單仲要四寫五下攞埋你果幾毫！這一切一切彷彿我們顧客只是被消費的機器，只要餐廳老細能將成本壓到最低，付出的工夫減至最少，賺到既錢最大化，甚麼服務，甚麼顧客既體驗（例如學某牧羊餐廳既menu設計)，通通都是花言巧語，真是令人失望！考慮到依個價錢荃灣以至中環都大把選擇，這個地方......可不用一試。…Read More

途經上水廣場，幸好人流比想像中少，我們見到這間越南菜款式較多，價位合理便決定試下。雖然我們不太喜歡用QR code落單，但落單過程是順利的，落完單亦即時見到總數。我們叫了法式牛頰飯，生熟牛河和豬扒撈濛，還加了蝦米紙卷和甜品椰汁糕，除了米紙卷較遜色外，其他都很好味，份量也合理。最重要是員工們都有禮貌，上菜收碟也迅速，讓我和家人享有愉快的一餐。…Read More

本身間餐廳有宗教取向我也不理，純粹想食個簡單的午餐，但室內空氣質素好差，全程我吸了大量可致癌的油煙，而且廚房大大聲播埋啲大陸電台節目，極之擾人，我應該不會再來光顧了。…Read More

真係冇諗過一碗簡單既越南粉可以難食到依個地步⋯⋯1. 啲金邊粉全部係散既，完全搵唔到一條完整既粉，仲要啲粉既粗幼本身已經不一，切口唔整齊，你話似有人食剩都我都會信2. 我叫既係海防蕃茄蟹札肉湯檬（改金邊粉）但蕃茄湯似係開罐頭湯開加幾舊蕃茄，而且一啲蟹味都冇，只係喺湯上面放上一細舊又冇咩肉既蟹3.果舊札肉同粉粉地色既丸一睇就知係下欄貨（佳X quality)，札肉切得較薄但尚可入口，肉丸真係...一咬落去完全係人造既味，毫無肉/菇味，最尾我真係食唔落，啲加工野食左落肚會有害健康。4.間舖仲播埋啲娘到爆既歌，真係完全反映依間餐廳有幾bad taste，影響食慾，唔怪得之食飯時間都咁少人，同之前疫情時差好遠，可能因為臨近某酒店覺得食物再差都有人食掛一定唔會再黎，貼錢買難食！…Read More

本身對於依間餐廳有啲期望，諗住可以試下意大利正宗家庭料理，仲特登由尖東行過黎食，點知.....1.叫左兩個意粉：第一道份量好一般，乜料都冇，辣肉腸意粉冇辣肉腸，仲要落左辣椒（侍應仲要賴係辣肉腸辣)，搞到意粉勁辣辣到食唔落，貴到離哂大普，失望極了。另一款意北粉望落似糊仔，有濃濃芝士味口感幾有趣ok好食，但份量都係太少，又係配菜咩都冇，食完個肚仲係好空虛。2.間舖頭好細，成程對住坐傾計都聽唔到對方講野，個意大利廚師/老細不停同熟客吹水頗有中氣，冇理過我地。3.因為仲未飽想叫個tiramisu不過賣哂，唯有叫個蘋果撻，again切餅有啲細件，味道一般好似啱啱喺雪櫃拎出黎，太少蘋果，喺IKEA賣就ok既，但完全唔值個價。總括黎講依間野性價比真係低，覺得俾人搵左笨，或者係我地唔識欣賞啦！…Read More

今日晏晝同同事試新野，試下依間新式素菜如何，結論係：一次夠哂😓1.韓式冷面：基本上就係素面加幾片梨呀茄子呀放喺碗加左凍水既泡菜汁入面2.牛油果意粉：本身兩樣野就唔夾，結果我同事食到成口草䃏味，要問侍應攞胡椒粉調味3.玄米茶：求其放少少玄米然後加滾水，其實玄米茶唔係咁沖架，要隔走啲玄米4.服務：不是特別好坐，同隔離坐得幾近下，冇紙袋放口罩，裝修簡單成百幾蚊個午餐真係太貴，仲要廚師唔識煮既😔後生仔創業(之前有訪問)都要俾心機架，唔好以為有啲噱頭就得，希望有機會再黎見到有改進喇！…Read More

經過附近諗住幫趁下啲小店，依間望落ok出面有空間可以hea下，於是我叫左杯matcha latte。服務同味道是不錯的，有叫我攪勻先飲，可惜實在接受唔到堂食都用即棄杯同飲管，有冇諗過這樣做其實係將個環境成本轉嫁到我地大眾同地球上所有生物既身上？就係為左你間鋪頭慳成本唔駛洗杯？仲要依個價錢成$50杯，我真係冇興趣下次再黎......…Read More

見平日lunchtime都好多人等，諗住都應該好味book定檯試。可惜試落似乎又係一間食租金既餐廳，一字骨有頭髮，整體午市套餐（番茄湯+一字骨+蔬菜天婦羅+飯+伯爵茶）味道一般般，天婦羅偏油厚粉，以成百蚊來說性價比好低，而且全院滿座，同隔離檯距離近但竟然板都冇塊，我們被安排的座位（冇問過我地想坐邊）又沒景可言（而且本人睇住荃灣西站建成，一早對個景冇咩特別感覺），真是可一不可再，同一價錢已經可以喺尖咀食到正宗日本野，而唔喺偽日式料理。註：沒有影相因爲唔好食又唔想再見到佢…Read More

價錢合理，款式不少，味道可以的海濱外賣小店，白飯份量比正常多:)像我一樣胃口不大的人，叫少飯會比較好。快餐，雙餸飯，焗飯也試過，個人覺得快餐特別抵食，而且因爲做街坊生意員工都幾有禮貌。…Read More

話說約了人去釣墨魚但船家遲遲未到，午餐至今已經很餓了便過來試試這間聞名已久但還未試過的小店。餐牌上的選擇很多，讓我這種有選擇困難症的人站了很久才下定決心叫了一客洋蔥圈。洋蔥圈是即叫即炸的，有幾款汁可以選，我選了至愛的tartar醬。坐下來等了一會，洋蔥圈來了！喜歡它們熱辣辣，而且炸粉的份量啱啱好，不過蓋過洋蔥圈自己的爽和鮮。這間小店的食物食得出很有heart，而且我也見到它有放慈善機構的募款箱，也有介紹西貢市附近的其他小店。這個價位，絕對值得一來再來！謝謝你們讓我有個愉快的週末…Read More

以前偶爾也會過來這邊食個下午茶，然而這裡易手後還是第一次來。環境差不多，只是光猛了一些，服務是不錯的，但食物質素就明顯不足。本來叫了龍脷柳但來的卻是牛排，而且只是用錫紙盆盛上來的。叫了一杯抺茶鮮奶，來的真的是一杯鮮奶+少許抹茶粉，難怪人流也好像比起以前少。希望野食可以好食一些，舖頭可以加多一些心思（以前有些雜誌可看的）讓我可以繼續支持黃店。…Read More

Today I just walked around the area after my fitness class and noticed that this Japanese restaurant serves Okinawa cuisine. But right before I stepped into the place someone from the restaurant just opened the door and rudely asked if I had made any reservation. No how come I will know that reservation is needed for this unknown restaurant that is serving ordinary food only!? He then told me that a reservation is a must and seemed to want me to leave asap. It felt like it was my fault to try walk-in, hey if you don’t accept walk-in just put up a sign somewhere, this is not an acceptable attitude to your customer. I have no interest in visiting this place again, especially during this time that many restaurants are attracting customers with better service and more discounts.…Read More

今日剛好拜山經過附近，搜尋過覺得不錯就黎食喇。我們一行四人食左All-day Breakfast,牛扒同香草白汁意粉。星期六都有set lunch。味道來說意粉最好味，意粉既質感好好有彈性，而且啲汁同鴨味入哂去，十分好食。牛扒薯菜只有西蘭花有啲失色，汁方面多左少少但以價錢黎講都不錯既，All-day Breakfast也是足料了，炒蛋堅好食。侍應很友善，途中同我地講即將有口罩盒派，看了餐牌平日原來有折添，下次來想試吃豬手，希望大家多啲支持良心+好味既德國餐廳。…Read More

已經有一段時間冇黎，點知......- 收銀員木無表情，除左收錢之外一啲反應都無-已經要自己serve自己同搭檯喇-仲要加價，個翻熱意粉點值68蚊呀？-喂你啲嘢噤貴都唔收卡，咩事？食完之後個人勁down......…Read More