KatieHiuYi's Profile

下午茶時間三點去到，舖頭得三份一滿，15:07分落單嗌個普通牛油果多士，要等到15:31先上。一直同侍應追都淨係話廚房整緊，以為係咩大菜式？食物味道方面，個多士完全冇烘過，好腍，而且多士上面嘅牛油果，只係一啲綠色斑斕醬為主，牛油果極少，又淋又難食，完全冇牛油果味，得啲斑斕醬嘅味，成個口感就係好腍，仲要普通一個多士都等咁耐😓 無下次…Read More

新開諗住支持吓食咗一個飯團，同一個玉子燒小食兩樣都係，即叫即整飯團好大嚿，但好鬆散，唔實咬兩啖就成嚿散晒但材料都算足，建議可以整返實啲，先似返飯團嘅感覺小食就幾抵食，可以encore2月7日下晝五點幾諗住再買玉子燒小食，點知咁快就話賣晒，建議可以準備多啲材料…Read More

呢間野好多打手，真係食過就知服務差，逼人叫酒，淨係嗌野食會比侍應串。話自己係居酒屋但無居酒屋嘅質素，野食普通到不得了，靠打手生存，咁嘅市道，呢啲無質素嘅食店應該淘汰間野平時根本無人幫襯又多吉枱，咁都要限時😂 …Read More

係呢度食飯真係交智商稅，想受氣就黎呢度食啦！本身社交媒體網站見到佢啲野食好似唔錯，所以想試，但真係食到一肚火。首先侍應係咁催我地叫野飲，我哋一行3人淨係想食嘢唔係想飲野，野食都叫左11樣，我哋最後要講到明淨係食野先無再催，一餐飯個侍應問左3次我地飲咩，想飲我哋自然會嗌，洗唔洗係咁比壓力個客？真係好趕客！另外我哋想要杯水，個侍應話：「我哋呢度係居酒屋唔係餐廳，唔會俾水，要水就落單比錢買。」其實日本啲居酒屋都會比水啲客，講真一杯水值幾錢？我哋亦嗌左好多野食，唔係嗌一兩樣野食但係咁要水飲，但你連杯水都收錢，只可以話間野要賺錢賺到盡，唔識做生意。之後我同朋友討論呢度連水都要收錢好失望，個侍應聽到仲走埋嚟話：「我地呢度係居酒屋唔係餐廳，你要水我可以幫你落單，唔識唔好咁大聲。」 我哋黎比錢食飯仲要比佢串，真係比錢買難受！你呢間所謂「居酒屋」咁有style, 真係食唔起最後埋單明明8點前埋單有8折，個收銀仲照收我哋原價，到我哋出聲問先比返8折，做生意做到咁唔老實，無下次！食物質素只可以話唔難食，因為佢啲野食串燒等等主要係來貨，唔難食但都唔算好食，無咩特別。總之今次餐飯真係比錢買難受，間餐廳自己想賺到盡連水都要比錢買就話居酒屋係咁，只怪自己中伏。而家咁既大環境仲要唔識做生意，唔會留得住啲客！難怪晚飯時間都得3-4枱。P.s. $128的壽喜燒無烏冬的！烏冬要另加錢！…Read More

嗌多洋蔥，佢就係咁倚加多一兩條洋蔥，真係一兩條，之後我話：下？真係加一兩條咁少啊？跟住個老細話係standard冇得再加，但其實我係出面其他subway買過咁多次都唔會加得咁度縮囉講真其實幾條洋蔥值幾錢？但做生意做到咁菇寒，點留住啲客？我會因為咁唔再幫襯呢間subway…Read More