LuqusPang's Profile

因為有人之前去過，所以推介去試吓，第一次去，環境都ok，仲有打卡位置影相📸️，夜晚去會開燈的，適合gathering既朋友去！食物方面，我地點了沙律碗、黑毛豬鞍扒、黑松露薯條、牛角包牛肉漢堡、蟹肉檸檬忌廉意粉、焦糖香蕉窩夫加雪糕、自家製芝士蛋糕(因為朋友生日，特別鳴謝餐廳幫忙準備驚喜蛋糕，老闆太好人👍🏻)整體來講食物味道都ok，唯一係窩夫不夠鬆軟，外面不夠脆，下次可以再去試吓其他食物及可麗餅😋…Read More

新開不足一個月，但每次行過都聞到pizza香味，放寬限聚令終於可以試吓，大約七點鐘去到，門口已經企左一大班人，等堂食或外賣，因為位置有限，所以外賣係比堂食等候時間快好多，所以如果附近住或返工，建議外賣較慳時間。食物方面：我點了意大利火腿白菌pizza、忌廉蟹肉大通粉。每個pizza一開八件，邊脆，正宗薄餅，蕃茄醬足夠、芝士都不少、火腿份量正常，每塊都食到有，但白菌份量偏少。忌廉蟹肉通粉味道份量屬正常，蟹肉應該係用罐頭，所以食到有蟹殼碎，不過係好少好少，鮮味亦欠奉。價錢方面：Pizza 屬正常價格Rigatoni 則偏貴Drinks menu有85折，不過我冇叫，每枱有支水提供環境及服務質素方面：位置都算坐得舒服，枱與枱之間都有一定距離，但位置有限，所以都放唔到太多枱，因此等候時間較長，我都等左差唔多一小時先入座，員工都好有禮貌，入座後都會話唔好意思要等咁耐。因風口位置問題，我要求較細少少冷氣，都即時處理，之後亦都好細心咁再問番，讚👍🏻離座時都有幾名員工同客人say goodbye！整體來講不錯，可以再去！*下次想試好特別既藍芝士蘋果薄餅…Read More

由第一次朋友帶我去試，我都覺得白玉乳鴿好好味，好抵食，只係三十幾蚊一隻，仲平過街市買！其間都有再去，亦有帶家人去試。大家都非常滿意。因疫情問題，外出吃飯既機會少左，外賣機會多左，疫情前，無論堂食或外賣我都幫襯過多次，價錢方面都有一定既概念，由三十幾蚊食到四十幾蚊隻鴿！但今日，我完全覺得佢當人係傻仔，乳鴿變左$59，外賣8折 $47，仲貴過之前食開既正價🙄。見到另一張紙寫$59減到$39，咁即係點呀？！堂食平過外賣？？好迷惘！…Read More

放工時間即去就唔駛點等位，七點幾就開始要門外等候！留意番要齊人先可以入去喔！第一次食，叫了一款特上盛合、單點壽司、手卷！環境方面：立食位下面可放手袋之類，但大大的背囊就可能要放地下了，企位之間沒有空隙。食物方面：壽司飯是啡色的，同埋比較軟身，俾我最有驚喜係手卷，我覺得不錯，首先手卷不同以往雪糕筒型，而係條型、底部係包起，我點了鰻魚手卷，鰻魚厚身、唔腥、醬油味夠; 牡丹蝦好大隻、有鮮味; 海膽都好新鮮; 帶子加了青檸幾fresh; 松葉蟹冇乜特別; 中吞拿魚好夠油分、入口溶化; 自家蛋好普通可以唔食，整體來說都算新鮮！服務方面：壽司師傅有漏單情況，我地同隔離枱都各出現一次，其他枱就晤清楚; 店員其實入坐都冇乜理過食客，甚至當你追加幾次後直接喺你枱面收埋餐牌，我唔知係咪因為出面已經企滿人，示意你走人呢？！但如果係咁，不如直接話限時啦，我覺得感覺良好D，至少我入去食時已經可以睇住時間食！…Read More

因為裝修設計而走進這間餐廳，如想打咭也叫合格，但食物就只覺得一般般啦。環境方面：外表裝修OK，但枱與枱之間就比較close，亦冇乜空閒可以放手袋之類，可能我坐得近大門，所以冷氣就覺得爭少少。食物方面：我地點了小食拼盤、香蒜帆立貝意粉、紅豆綠茶雪糕窩夫。小食拼盤內有兩款雞翼，孜然及士多啤梨玫瑰味(我覺得似)、薯條、炸魚柳(冇魚味)、炸墨魚(粉漿係有味、墨魚冇味)、炸紫薯波(英文係咁寫，但食唔出，我以為係芋頭，有QQ感）；香蒜帆立貝意粉，蒜味香濃，但食完成碟仲有好多油；紅豆綠茶雪糕窩夫，好難食，好乾好硬，用刀切都要用D力先切開到，$82一份唔係平，但仲難食過街邊10蚊底雞蛋仔夾餅。員工方面：有兩位女員工真係需要再倍訓，第一個，隔離枱埋單時，女侍應整跌客人手挽袋，跌落地＂坪＂一聲，我同朋友傾緊計都聽到，冇理由女侍應聽唔到，但一句對不起都冇就走開左，女客人即時打開睇，原來入面係玻璃飯盒，好彩冇爛，佢地都話侍應冇反應都有既！另一個，佢收拾我地枱面時，D刀刀叉叉對住我地時已經好有問題，收碟時碟沙律醬飛左埋我方向，我即時彈開，佢完全冇反應，一句唔好意思都冇，咁就走左。呢個係員工應有的禮貌及態度嗎？？無論係食物、服務，我諗我不會再光顧了！…Read More

呢間餐廳係朋友在OpenRice 選擇，佢話見到有好評😋揀的！食評話Ok既，都可能係伏！安全起見，大家要睇多十個八個食評先可以判斷堅定留囉！環境方面：其實去到都已經有D動搖係咪要入去，因為一枱客都冇！但朋友話試下啦，可能一陣有呢？！同埋走左又晤知食乜好，我地目標都係想試新嘢同隠世餐廳，所以就一試！餐廳裝修簡潔，坐位之間亦算寬闊，但餐牌選擇不多，冷氣不足，不知是否因為得我地一枱客而節能！食物方面：我地點了煎豬扒拼焦糖蘋果，西冷牛扒黑椒汁薯菜。煎豬扒冇味之餘仲要好乾好柴，配菜烤焦糖蘋果反而仲juicy得多！西冷都一樣，柴到切唔開，但切開有少許肉汁，朋友話因為預先調味所至。最後，晚餐係有甜品及餐飲的，但店由頭到尾都沒有提及過有部分餐飲缺貨暫停，以及甜品都沒有貨！如果我不問甜品係咪的話，就不用交代一聲嗎？佢完全都沒有理會過，收錢後就離開！這是服務嗎？晩餐牌又符合商品說明條例嗎？…Read More

來自日本的大阪燒，上次經過已經好想試，今次終於食到。店舖內有卡位或bar枱位，Bar枱位是望住廚師整大阪燒、炒麵，冇得自己DlY製作，卡位是可選DlY製作或廚師製作，我當然選自己整，有得玩之餘又有得食！我揀左特盛海鮮大阪燒同蛋炒麵，製作大阪燒的程序，舖頭有圖及文字說明，製作時間約25分鐘。如果想製作過程中都有野食，就必定要叫炒麵或其他小食如餃子、比目魚等，就不用等太久。前後各煎3次，每次4分鐘，終於完成，醬汁、沙律醬、紫菜碎同木魚絲，全部都可以自己決定，正，我最喜歡吃醬，熱辣辣，自己煮特別好味，其實都真係好味既，值得大家去試下。下次會再去試下DlY廣島燒！…Read More

冷糕，我的兒時小食。每次在網上有介紹傳統冷糕，我都會去試下，今次乜不例外，以我食過無數次的經驗，呢個所謂的傳統冷糕，好難食！我第一食冷糕在長沙灣宇宙廣場附近，是一個推着好簡陋的小販車仔阿伯賣，只有一個大鐡兜，預熱後，加入白色的米漿，熟後加入花生及糖。但此店售賣的根本就是雞蛋仔的粉漿，我見店員整銅鑼燒都係用呢個粉漿，分別是整冷糕就加入花生及糖，整銅鑼燒就加紅豆、芋頭、吉士之類口味。但口感完全不煙韌，實的的，係好厚身，好飽肚，但真係難食。…Read More

星期六下午找個地方吃午餐，之前已經經過泰麵膳多次，今次終於試下喇，叫了午市套餐，我選擇了安格斯牛船麵配金邊粉+泰式鳳爪及熱飲，朋友點了豬肉船麵配黃麵+串燒及特飲，如點特飲另加錢。我不知道這是正常份量還是午市份量，我覺得份量不多，安格斯牛係好味，但湯底就一般，不夠濃郁，豬肉好(鞋)唔好食；泰式鳳爪不夠味，不酸、不辣，差！串燒肉質Ok不過火，味道不錯，整體感覺試一次算，雖然不是太差，但再去的機會比較低。…Read More

因在街上收到宣傳單將才知道有新素食buffet在銅鑼灣出現，我對素菜都有些興趣，冇理由唔試下，午市價錢每位$78/75分鐘，於銅鑼灣地區不算太貴，地方寬闊，選擇都算OK，有沙律、炸物、前菜、壽司、熱盤、湯、甜品、飲品。我最欣賞是他們refill得快，食物方面，我已經盡力去嘗試多款菜式，但都沒有全部吃過，大約試左七成款式，已經覺得好飽，味道方面不太咸、不太濃味、不太油，我覺得已經可以俾6分，加上有些菜式，我覺得係值得推介，如燻魚、蘆薈腐皮壽司、炸南瓜餅、春卷、腐皮卷、炒麵、咖哩銀針粉、南乳斎、紅菜頭檸水、OX醬都好味，沙律菜都新鮮，但款式很少，生果款式都不多同完全唔甜，肚子冇位可以不吃，但整體可以比7.5-8分，最後一提，由於大廈屬於新落成，裝修味比較明顯，如果介意的話就遲少少先去試！…Read More

經過。。看見名為狀元米缐，狀元即係好野啦！鍾意食米線既我當然要試一試啦！叫了腩肉酸辣米缐+蒜泥白肉，我叫了酸辣米缐小辣，不太辣，我覺得係BB辣而已，份量就一般，不是太多米缐，反而牙菜就好多，本人覺得份量對於女仔來說就剛好，男仔就可能會不足，價錢$27米缐底+＄8一個餸; 蒜泥白肉份量就真係少到一個點。。。只有三件，由一片白肉卷幾條青瓜而組成，味道其實不錯的，但$22只有三件太貴了！只可以話一試無妨而已！…Read More

其實是第一去，之前聽其他朋友講過，朋友生日想食西餐，想起這間餐廳有生日服務-就是order的甜品上加生日牌同爉燭還有生日咭附即影即有一張，好貼心喔！店員大部分都細心及有禮貌，會自動加水、換碟！當日不知是人太多，所以比較焗，還是我們的枱在射燈下，好侷促，食完飯之後已經滿面通紅。環境裝修不錯，不過枱與枱之間比較窄。純粹個人意見，如果餐廳可將向內街小巷的玻璃窗，加些少磨沙效果會令餐廳整體感覺會提高。食完蜆，店員會幫你換碟，細心！…Read More

之前已經過多次，但每次都沒有衝動想入去試食，今次被門外的龍蝦餐牌吸引了。環境比較細，座位之間的距離窄，樓面人手連水吧眼見三人，所以落單都要等；食物方面：我點了龍蝦天使麵，味道偏淡及唔夠汁，龍蝦有雪味;豬肋骨焗得太乾。總結：服務員態度不錯，賣相不錯，但味道一般。…Read More

今天同同事午餐，經過新開茶記新五龍，決定入去一試，環境⋯正常茶記一間，速度⋯以茶記來說..慢，我地叫左一個快餐兩個車仔麵，味道⋯真係好麻麻地，仲要食完超口渴即係好味精啦！重點係⋯⋯一個快餐$55+兩個車仔麵 $39x2 =$166我地返去計數先發現，點解唔岩數，懷疑張單有問題，但人已走，都冇得追，只怪自己冇睇單當教訓。無論有冇呢件計錯數事件，我都覺得食物真心麻麻地，車仔麵湯底酸辣無辣味同好多油，就算清湯原味都好油。不會再光顧！…Read More

標榜自設工場製作魚蛋，而且價錢合理，以銅鑼灣區來說，$29-$33一D都唔貴，當然要試一試，魚蛋魚片算彈牙，可以一試；牛什就偏咸少少，配粉食都Ok；墨魚蝦卷幾好味，但冇問係咪工場自製；炸魚皮比出面食的厚身，$15抵食必試；泰式鳳爪，未見過中式粉麵舖有呢味小食，梗係試一試啦，味道ok既，同樣有蘿蔔、青瓜絲、酸汁配無骨鳳爪，好少好少辣，偏酸同甜D，同正宗泰國鋪比較，味道真係爭D既，但$22一份，又抵食既！…Read More