mr.sinnet's Profile

前排同朋友食飯，我想打邊爐、而佢就想食泰國菜。佢話打邊爐嚟嚟去去都不外乎港式火鍋、台式火鍋、日式火鍋。我就無謂同佢講咁多，直接帶佢去試吓新嘢。新城市廣場就響沙田火車站隔離，上到7樓就會搵到呢間「四面泰泰式火鍋」。呢間餐廳主打泰式火鍋，湯底係每日精心炮製。我哋就叫咗個雙拼湯底，慢燉牛板腱清湯鍋 + 秘製冬蔭功鮮蝦湯。冬蔭功鍋個湯都幾夠味，而清湯鍋就好清甜。手工現炸腐皮卷非常脆口，潮汕豬肉卷彈牙好味道，午餐肉都好唔錯，泰國船面河粉滑溜得嚟又唔易斷。四面拼盤最適合大朋友嚟食，因為小朋友才做選擇，大朋友就可以用一個價錢試哂四款唔同嘅肉丸。要靚賣相嘅話就要試吓白鱔魚片，餐廳會用鱔片捲住啲翡翠苗，打卡一流美國雪花牛小排造型澎湃，肉味夠哂濃。朋友嫌只係得半個冬蔭功煲，「泰」唔夠，呢間餐廳最大特色係可以一路打泰式邊爐，一邊食泰國小食同埋飲品。我哋就叫咗一杯泰式芒芒碌碌、同埋炭烤豬頸肉、芒果糯米飯仲有沙嗲雞肉串。兩個燒烤火喉十足，非常惹味。而飲品芒果味突出，好有春夏氣息。仲有個超級精緻嘅芒果糯米飯，賣相可愛，味道更加令人驚喜。天文台話冷鋒又嚟緊，係時候又要再去吓。。。…Read More

而家越嚟越少入沙田，就算係去沙田，一般都係行吓火車站附近嗰個大商場多。今次心血來潮行下遠少少嘅公共屋邨，就發現咗驚喜小店，喺未講呢一間餐廳嘅食物質素之前，先講一講呢間餐廳嘅服務先喺度返工嘅人都好有禮貌，尤其是見到有小朋友同埋老人家，會份外小心照顧，例如睇下「小心熱」、「慢慢行唔好急」可能呢啲就係街坊小店嘅人情味，係特別嘅溫馨，同埋親切。而呢一度嘅雞煲都幾好食，鍾意嘅話可以加啲米線添，非常值得大家多啲嚟支持。…Read More

好多香港人都好鍾意專程北上去食嘅潮汕牛肉火鍋店「八合里牛肉火鍋」最近進軍香港市場，首間分店落戶沙田嘅新城市廣場。早兩日我就去咗睇下，試一試「汕頭市非物質文化遺產」 - 牛肉火鍋。根據商場提供嘅資料，原來餐廳為咗保持正宗嘅潮汕口味，同香港五豐行達成供應合作，亦都係全港第一間鏈鎖餐飲品牌使用活牛進口、本地屠宰加工同埋冷鏈直運嘅鮮牛肉火鍋店。一入到去，有裝修格調，地方整潔衛生。職員非常有禮貌，醬料架嘅調味料都好滿。我哋叫嘅「原味牛骨湯底」入面有蘿蔔、粟米同牛腩等配料，職員會響你面前加入上湯，儀式感滿滿之外，更能夠俾食客體驗到最地道嘅潮汕牛肉火鍋風味。啱啱講過呢度嘅新鮮牛肉有哂保證，跟住就交俾經驗老到嘅師傅按部位嘅唔同特點，切出適當厚度嘅牛肉片。你哋睇吓「鮮切肥牛」同埋「精品新鮮雪花肉」，無論係色澤定係厚薄，都達到頂級嘅狀態。輕輕響鍋裡面燙十秒鐘，原本鮮紅嘅牛肉變得粉嫩，跟住就要細心留意變化，過熟就會破壞牛肉嘅質感。總括嚟講，牛肉富有肉味，肉汁都多，口感有嚼勁但絕對嫩滑。手打牛丸雙併係另一個重點，粒粒大細均一。煮熟咗之後浮上面，粒粒都飽滿，放入口之後一咬開，粒粒都彈牙。牛丸入面嘅肉汁噴濺，一個唔留神就會造成尷尬場面。餐廳另外設有限量鮮活海鮮，「鮮活九節蝦」上檯嘅時候，蝦腳不停郁動，就足以證明新鮮程度。煮熟後，橙紅色嘅蝦身非常搶眼，咬落鮮甜多汁彈牙。「特色菌菇拼盤」足料之餘，擺盤更見精緻。而「潮汕純米粿條」綿軟細滑，令人一試就會愛上。呢間餐廳唔單止火鍋出色，仲有各種地道潮汕美食提供。呢款「潮汕四色水晶粿」就滿足哂鍾意唔同口味嘅朋友，個人比較鍾意芋泥果款，大家一定要試。飲品方面，叫咗「金桔百香」同埋「鴨屎香檸檬茶」，其實兩款飲品都唔會被茶飲專門店比下去，當然仲有其他飲品可以選擇啦！總括嚟講，都係一個好好嘅體驗。價錢又夠哂好親民，嚟緊天氣又再凍，打邊爐又多一個好嘅選擇喇！…Read More

早排同朋友去咗觀塘嘅名人館發現嗰度嘅中菜都好好食我哋叫咗個二人餐竹炭脆豆腐黑色嘅外表令人對豆腐嘅味道充滿期待結果外脆內軟嘅質感令人難忘冰鎮南非鮑魚彈牙有口感真係好想一試再試海蜇拼醉香鴨舌鴨吞嘅酒香帶有清新嘅感覺海蜇絲撈咗啲芝麻落去更加美味燉湯我哋揀咗杏汁燉豬肺湯呢間餐廳嘅特色就係啲湯會擺落一個功夫茶嘅茶壺然後倒出嚟飲用個湯好好飲呀豬肺冇腥臭嘅味道個杏汁綿密嘅口感亦都好出色而鹵水鵝肉雙拼我哋就揀咗拼豬腩肉鹵水鵝肉永遠係我嘅最愛而呢度嘅鹵水鵝的確好好食仲有米湯杞子浸時蔬清爽嘅口感加上米湯簡直係絕配同埋少少辣嘅招牌撈麵個撈麵亦都好夠份量總括嚟講，呢一餐非常之值得大家去試下其實都非常慶幸觀塘又有好嘢食…Read More

話說嗰日八號風球打風朋友話呢一間韓式炸雞外賣舖好味得嚟仲未閂門即刻就趕過去結果估唔到咁有驚喜嗌咗三樣嘢食：包括係「烤豬肉紫菜飯卷」、「黃金蜜糖炸雞」同埋仲有「韓式炒粉絲」個飯卷好好食，烤豬肉嘅汁調味得好好份量亦都唔算少。另外炸雞一啲都唔乾身簡單嚟講係香脆嘅蜜糖外層，包住有肉汁嘅炸雞韓式炒粉絲配料豐富係非常地道嘅韓式風味朋友叫我要留意下店入面嘅疑似係韓國人嘅靚仔店員喎今次一見，完全理解朋友點解心心眼…Read More

想試呢一間omakase都幾個月因為聽講係以前喺舊舖未搬嚟之前都好受歡迎首先係前菜係高糖份蕃茄加上自家調配嘅白酒啫喱白酒啫喱富有酒香非常清甜再配上冇煮過嘅北海道白粟米非常開胃之後就係剛入季嘅北海道仙鳳趾生蠔配上土佐醋啫喱生蠔好Creamy 醋啫喱亦增加咁味道嘅層次感再嚟就係北海道紫海膽 甜蝦蓉同埋法國魚子醬鋪面入面仲有三文魚籽食之前師傅加啲淡雪鹽調味因為日本海膽即將進入休漁期之後就有一段時間食唔到咁好味嘅海膽喇下一道菜就係北海道石垣貝加啲喜瑪拉雅山岩鹽同埋青檸汁突顯石垣貝嘅鮮甜美味跟住就係時令秋刀魚配啲薑蓉芥辣秋刀魚係秋天時令，而家啱啱開始入季但已經魚油豐富，相信十月頭會更好然後就到池魚他他加啲酸汁、wasabi、日本炸蒜醬竟然同池魚咗合拍唔會搶咗主角池魚嘅戲份有冇聽過拖羅腦天拖羅腦天即係額頭位非常稀有大約佔成條拖羅嘅1%雖然比較多筋但係師傅巧妙地用火輕輕炙過就解決咗兼帶出豐富油香配合埋赤身用紫菜包裹外脆內軟一冷一熱極好味呢度嘅璣煮鮑魚係會慢煮再冷藏入味軟身但係彈牙配合無添加鮑魚肝醬味道好夾同埋蘿蔔煮得好入味建議最後先食如果唔係一定搶哂鮑魚嘅風頭呢份甘鯛立鱗燒非常不得了配上天然健康食材製成嘅秘製變色酸汁咁靚嘅顏色打卡真係一流同埋魚肉外脆內軟嘅質地令人留下好深刻嘅印象跟住就到一連串嘅壽司medley 首先係用咗柚子胡椒嘅北寄貝胡椒味搶眼亮麗跟住到蜜柑鯛出場用咗磨咗粉嘅魚子醬棒同喜瑪拉雅山岩鹽去調味同埋啲蜜柑鯛係由蜜柑養殖，有淡淡橘子味然後再到嘅金目鯛壽司就用咗烏魚子粉調味煙燻中拖羅用火槍輕輕燒過主要帶出油脂香味同埋煙燻味充滿油香之後就到馬糞海膽壽司都係非常是新鮮好味最後到右口魚邊壽司加上炒過嘅櫻花蝦乾無論係口感定係味道都係極致嘅享受一脆一軟，非常好味接近尾聲就係鮮魚湯嘅showtime 呢碗湯用咗三十幾種唔同嘅魚嘅魚頭魚骨淆製仲要係無味精 無豆奶真係唔怪得點解咁甜魚味濃厚仲有少許胡椒僻味最後就係甜品靜岡蜜瓜清甜解膩為呢一餐盛宴劃上圓滿嘅句號呢間餐廳食物質素同埋裝修嚟講定價一啲都唔離地除咗適合閨密慶祝生日之外仲非常適合情侶慶祝週年紀念好期待下次再嚟食…Read More

今日嚟到大角咀其中一間最出名嘅台灣菜餐廳那個ㄋㄚˋ ㄍㄜ˙真係唔會令我失望「冬瓜牛奶」係用咗維記牛奶，非常好飲，但係記得唔好叫少甜，因為咁樣啲冬瓜味就會少咗「黑糖波霸奶茶」啲黑糖喺台灣入貨，所以口感會比較酸。便當揀咗「無骨鹵水豬脾便當」，便當入面會包括三款配菜，原來配菜會不定時按季節更新。今次就有炒粉絲、炒高麗菜同埋菜脯炒蛋。湯麵就有「手工丸湯麵」，雙拼丸就係貢丸同埋花枝丸，麵條就喺中麵、鮮蛋拉麵同埋扁麵入面揀咗中麵，中麵麵條比較幼，口感似米線。湯底今次就冇揀到相對濃味嘅紅燒牛骨湯，而係揀咗新出嘅麻油雞湯，多咗份清甜味道。食完之後我仲見到餐廳仲推出咗月餅喎。一盒四件，包括兩件柚子鳳梨奶黃味月餅，同埋兩件流心奶黃味月餅。而家開始已經可以買架喇，限量只有1500盒，仲會送總值80蚊嘅現金券同埋沙冰券添。你睇下個盒幾靚，之後仲可以當燈籠玩添呀。…Read More

呢一間「味真」主打韓式燒烤，所以啲前菜小食都好講究，生菜、蘿蔔、蓮藕都有，而呢一款茖蔥都係包肉食嘅，酸酸甜甜，不過佢由韓國空運到港，香港冇咩邊間餐廳有得食㗎咋。醬料方面都好齊備，自己最鍾意嘅就係墨西哥辣椒沙律醬。燒烤嘅豬肉方面今次就有「豬皮」、「豬三層肉」、「豬頸肉」、「伊比利豬肩肉」、同埋「香腸」。而牛肉方面就叫咗「牛肋肉」同埋「調味牛肋肉」兩款。之外仲叫咗個「墨魚仔」添。想講呢間餐廳嘅質素真係好高，以上嘅有肉類都非常好味道，尤其是燒豬皮，需要知道呢樣嘢冇返咁上下功力或者心機，係一定燒唔到嘅。好在呢度嘅店員幫手燒埋，我先可以食到煙韌美味嘅燒豬皮咋。但係好食還好食，記得要留肚飲湯。呢度嘅「肥牛麵豉湯」超級好飲架。「泡菜炒飯」賣相非常之靚，食落去都非常美味。最後一定要提下呢一度嘅飲品，韓式罐裝飲品唔係成日有得飲，呢度就有幾款。唔只係相對普通嘅桃味汽水，仲有西瓜汽水同埋蜜瓜汽水，非常特別同得意。…Read More

如果下次經過尖沙咀想食日式燒肉，建議你可以試下呢間「燒肉801」。呢間日式燒肉好近尖沙咀地標 the one。更加準確嚟講就係響加連威老道同加拿芬道交界嘅十字路口，紅色招牌非常之易認易搵。入到去地方都算闊落，唔會係迫迫夾夾果種。今次食咗個「801套餐」同「806套餐」「801套餐」有「大判燒！黑毛和牛肩胛肉」、「腹前牛小排」同埋「蔥鹽味雞腿肉」。而「806套餐」就係一個牛舌套餐，入面分別有「鹽味牛舌」同埋「醬油牛舌」。兩個套餐之外仲要咗一份「牛小腸」。首先講嗰個牛小腸，非常重油脂，所以好甘香再講講雞腿肉，味道唔會太重，肉質比較彈牙。牛舌方面，我最怕啲牛舌太過薄身，但係呢度嘅牛舌都有一定嘅厚度。牛小排肉味香濃，油脂夠哂香噴噴。最後嗰塊黑毛和牛肩胛肉，肉質非常嫩滑、富有油香，係超級好味道。講多樣嘢俾你知，而家午餐仲會送湯同埋白飯添，詳情可以喺入座嘅時候先詢問店員。整體嚟講，我對呢一間餐廳嘅評價都好好，睇下幾時再有機會幫襯下先。…Read More

九龍灣地鐵站附近嘅得寶商場係我後生果陣成日都係經過嘅商場，主要都係影印吓試past paper 啦。但係而家嘅得寶商場原來已經轉變咗好多，乾淨企理之外，仲有好多食肆添。而呢一間「曼谷車站」，就係我最近最鍾意去嘅餐廳之一。呢間餐廳雖然要上一層先去到，但係好在沿路都有大量嘅指示牌，要搵到呢間餐廳完全冇難度。再講下呢一間餐廳嘅裝修都好別緻，佢有部分嘅座位係裝修到好似車卡咁樣，如果帶埋小朋友嚟食飯，佢哋一定會覺得好特別。首先一定要介紹我最近嘅最愛，「濕炒豬肉河」炒得非常之有鑊氣，料頭又香，大碟飽肚又唔係貴。「乾咖哩炒豬頸肉」講真啲道餸係有啲辣嘅，但係辣得嚟又非常過癮配合埋原本就好啱配辣味餸菜嘅豬頸肉，係perfect match。「菠蘿海鮮炒飯」係一度老少咸宜嘅菜式，腰果同肉鬆雖然係配角，但係非常重要。味道調教得啱啱好唔會過於著重甜味。「蒜蓉炒翡翠苗」清清地叫個菜，嗌個炒翡翠苗就啱曬。「椰青」同「芒果沙冰」呢度飲品點可以少，最後嗌埋個人見人愛嘅「芒果糯米飯」，今晚呢餐泰國菜，真係令人回味無窮。…Read More

大埔多好嘢食係人都知，而廣福道附近，圍住大明里廣場一帶嘅餐廳更加係高手林立。呢日響大埔收工，跟手去親戚屋企食飯，諗起不如去大少燒味茶餐廳度斬啲料加餸啦。叫咗例牌嘅叉燒、乳豬同埋燒鴨，味道嗰啲我晏啲再分享，講一講啲題外話先。就係一定要讚吓餐廳入面嘅職員全部都好有禮貌，尤其是喺我等緊斬料果陣，都有三四位年長組嘅顧客買燒味外賣，但係收銀姐姐都好有耐性咁幫佢哋落單，非常抵讚！熟練嘅燒味師傅好快就幫我斬好哂啲燒味。我上到位親戚屋企，佢哋都話啲燒味個賣相好得。埋位食飯，「叉燒」有少少燶邊，半肥半瘦香氣四溢，食落去又夠肉味。「乳豬」脆皮鬆化，伴隨少少油脂嘅甘香，調味控制得好好，唔好太鹹或者太淡。「燒鴨」有肉汁，兼且唔會靭。都係非常之有水準。講真，燒味就梗係趁熱食最好味，下次再食嘅話，希望有時間堂食啦！…Read More

最近發現繁華嘅尖沙咀入面，隱藏住一間高質嘅台式火鍋店。今次去到位於尖沙咀樂道嘅牛品台式火鍋，食佢哋嘅$98 75分鐘午市定食套餐。雖然係定食，但係除咗肉類之外嘅其他火鍋配料都可以吃到飽。每位客人可以響下面五款任揀兩款肉類：「美國牛胸腹」、「加拿大頂級牛板腱」、「西班牙栗飼豬五花」、「西班牙栗飼豬梅肉」同埋「花雕醉雞件」。今次食咗兩款牛肉同兩款豬肉，肉嘅質素都好好，絕對冇欺場。自助區都好多嘢食，應有盡有，飲品區都好多選擇。但係講到最特別嘅就係可以DIY飄雪綿綿冰，可以喺芋圓吧自由加toppings 或者雪糕區加雪糕。同埋原來食晚市牛御品套餐會送春陽茶事嘅茶飲，下次一定要試下晚市先得！…Read More

上環，一個非常繁忙嘅商業區。每日一到放飯嘅時間，想搵個位解決肚餓都唔係一件易事，所以唔少人都會選擇落樓買個外賣番公司食。呢一間叫做「丼造」嘅小店，位置響禧利街，雖然店面唔大，但係啲嘢食都好得。首選推介嘅係「咖哩炸雞烏冬」用上惹味嘅日式咖喱，配合外脆內嫩嘅炸雞，再加上份量唔少嘅鳥冬。真係做到集飽肚同好味於一身。「油甘魚鮫」又係呢間小店嘅得意之作，魚油香十足之外，魚肉亦好嫩滑，外層更加燒到有焦香嘅味道。配埋個飯真係有種完滿嘅幸福感覺。其實兩個餐點都附送日式餐湯架，拎住個外賣番公司食，啲同事都問響邊度買，梗係啦，落雨濕濕得嚟又熱又焗，唔通仲去茶記同人搭枱咩，大家都識揀嘅。…Read More

第一次入將軍澳康城去搵朋友，響樓下閒逛商場果陣，居然無意間發掘咗一間幾值得推介嘅茶飲店。呢間位於3樓嘅茶飲店叫做「春陽茶事」，雖然舖位細細，但係勝在有質素。「甜杏桂花烏龍」係一款非常清新嘅飲品，清甜嘅桂花烏龍茶裡面，擺咗一啲杏仁凍落去，細嫩軟滑嘅口感，增加咗飲品嘅層次。「蜜桃烏龍」亦係另一款清爽之選，招牌嘅鹿谷烏龍茶配合蜜桃果醬，巧妙咁取得味道上面嘅平衡。下次入去將軍澳康城，一定要再飲多一次先得。…Read More

銅鑼灣，一個充滿餐廳嘅區域淨係計西餐都多不勝數，但係，上個星期我朋友帶我去食咗一間銅鑼灣嘅西餐廳，個名叫做MANO，竟然仲畀到驚喜我。呢間西餐廳響銅鑼灣廣場二期同鵝頸橋嘅中間，都相當易搵。入到去呢間採光度好高嘅餐廳，熱情嘅工作人員好快就安排咗座位畀我哋。我哋今次叫咗「10oz燒紐西蘭肉眼扒」、「芝士肉醬千層麵」，另外我哋仲分別加咗沙律同埋餐湯，同埋每人一份甜品添。等咗一陣，沙律同埋餐湯都上咗枱喇，份量同埋味道都唔錯，之後千層麵都嚟埋呢個千層麵芝士十足，面層芝士嘅甘香焦脆，中層芝士拉絲，加埋肉醬同埋千層麵口感非常豐富，亦都好有層次，非常值得推介。仲有份量十足嘅燒肉眼扒，肉味十足，亦不失嫩滑。最後，是日嘅甜品係tiramisu整得都算唔錯，有微微嘅酒香滲出。順帶一提，呢一個lunch set係包埋飲品嘅，食完個晏，同朋友嗌杯嘢飲吹多陣水，都真係一件賞心樂事。…Read More