veggiediaryhk's Profile

冬季後食少左生冷poke bowl, 好難得原來 poke go 有熱食石窩飯 (Aloha flaming bowl), 材料就係平時既Aloha (素食poke), 咁一定要試下。材料有牛油果, 豆腐, 栗米, 紅海藻, 冬菇, 一片用黎裝飾既炸蓮藕。冬菇同埋紅海藻有麻油調過味, 麻油十分香, 其他材料壽司飯落左柚子醋, 有少少青檸香味, 食落好清爽好開胃。溫度方面, 我以為好似煲仔飯熱辣辣有飯焦, 但其實只屬於微溫, 或者接近韓式拌飯個種溫度, 熱食版只有堂食無外賣。但無論如何, 可以有溫度地食到鮮蔬我都係好滿意。…Read More

利申: 以下係一個完全自費, 無接受任何優惠既用餐體驗。呢個全日素早餐材料有蘑菇, 薯餅, 牛油果醬, 素鴨, 茄汁焗豆, 沙律菜, 本來仲有一隻蛋只係我換多左一份沙律菜, 另外我+ $10 將waffle 轉做croffle (牛角包放落waffle 機) 。由於店員答唔到我croffle 有無蛋, 我都唔敢話佢係vegan, 雖然牛角包理論上係無蛋,  亦唔似有egg wash, 食完我都無唔乜舒服。味道係正常發揮, 無乜特別。牛油果醬以重量計其實同半隻牛油果差唔多。素鴨係五香味道再加左黑胡椒, 鹹左少少, 似日式腐皮而唔係中式煎過既素鴨/鵝。我黎呢到既原因係: (1) 約左人喺北角碼頭附近唔想行太遠 (2) 要葷中有素 (3) 對方想去cafe 要坐得舒服最好有大卡位, 方便攞住部laptop 做野 (4) 想間餐廳有返咁上下闊落, lunch hour 人多都唔會感覺太逼, 唔想隔離枱& 店員聽到我地既對話。我無影餐廳環境因為太多人, 可以去openrice度睇返餐廳環境 。去到發現餐廳係寵物友善, 比較大隻既狗狗都可以一齊入餐廳, 有寵物既食客可以自成一角。如果去開北角, 要補充下植物蛋白, 又有類似既環境因素考慮, 間中食下都ok, 喺北角滙想搵人食飯傾野, 除左酒店我都諗唔到仲可以去邊。…Read More

今次試下和光既焙茶清酒tiramisu, 味道及口感係: 清新, 清爽, 清甜。 焙茶本身比其他茶種有香味, 入饌令到食物多左一分茶香又減到mascarpone既膩, Sake 就令 ladyfinger 好清甜, 每一口食落好似秋風咁清新, 然後清酒要等到食完後勁先會喺喉嚨滲出黎, 好特別, 完全係第二樣野亦唔可以同平時tiramisu 入口食到搶喉既酒味去比較, 但係超級好食好有層次, 大推~ mascarpone cheese 口感都比較輕盈無平時咁實正, 完全唔覺得似平時食完tiramisu 咁有飽腹感, 問左店主原來佢地無用蛋, 啱哂我呢D 戒蛋唔戒cheese 既人, 我一定會再encore。呢度係日本茶出名, 我就繼續試焙茶latte , 與其話佢係latte, 不如話佢係焙茶牛奶, 其實我飲唔出咖啡味, 亦唔似平時幼滑既latte, 但佢都係一杯好飲既"焙茶牛奶/ 焙茶奶茶"。平時台式奶茶或者抹茶latte 為左去茶甘味落好多糖, 甚至比甜品更甜, 呢杯焙茶latte 就係老老實實落左牛奶既焙茶, 有少少茶甘味, 食完甜野咁樣飲啱啱好。和光其實仲有抹茶梅酒tiramisu 同埋抹茶latte, 抹茶控可以黎試下。 另外, 和光係寵物友善cafe, 我見帶寵物黎既客人除左室外位置都有坐室內。…Read More

Karui Bento 既麻婆豆腐便當 ($68) 本來就係素食唔需要擔心醬汁入面有冇走肉碎/有用肉汁, 仲有半隻溏心蛋不過我走蛋。我由疫情食到宜家, 覺得佢都幾抵食, 特別係中環茶記麻婆豆腐飯有D 仲貴過佢。味道佢係好食過一般既茶記, 唔係好辣/唔辣, 唔係平時中餐客飯點都打一個好飽滯既芡, 菜都係正常似屋企煮既蔬菜唔會油膩。白飯唔係珍珠米不過加左少量紅糙米算幾有誠意, 飯底都已加左醬汁撈埋係好食既。最鍾意佢配埋蔬菜, 主要係椰菜花西蘭花椰菜仲有少量既紅蘿蔔同埋杏飽菇。如果你戒Carbs 可以加$16走飯轉全野菜。問過餐廳只要走溏心蛋就係純素, 但有洋蔥, 唔食五辛既人要留意。Karui Bento 喺中環上環鰂魚涌都有店, 可以喺QR code落單之後先去攞外賣, 或者喺網上外賣平台上叫外賣都得, 但我就特別推薦俾喺中環返工既素友, 中環本來lunch 價位係高D, 好食又平又有營養既素食選擇唔係好多。…Read More

我最近正餐既favorite 係Mr Poke 既Veggie Feast。材料好新鮮外, 配搭都十分和風, 材料有豆腐, 海帶, 枝豆, 秋葵, 粟米, 南瓜泥, 鷹咀豆泥, 腰果碎 ($100) 我再加左牛油果($21), total $121 。佢好在夠Flexi, base 可以揀壽司飯, 沙律菜, 壽司飯+沙律菜, 糙米飯+ 沙律菜, 多飯或少飯, 或再加錢改烏冬。Topping 可以追加, 想高纖可以加牛油果, 想食高蛋白質可以加豆腐或鷹咀豆泥。葷食者其實可以叫呢個veggie feast 再加動物蛋白, 可以揀雞肉, 蝦, 三文魚, 吞拿魚。總知無論係素食者或葷食者, 點都會搵到一個啱你diet 要求既食法。本來食poke bowl 好似食沙律, 按理味道唔會有驚喜, 但又唔係wor, 我發現壽司飯撈鷹咀豆泥味道激似蛋沙律, 已戒蛋既本人表示非常興奮。由於味道太似, 我第一次食既時候專登打返去餐廳問清楚係咪真係無落蛋無落沙律醬。我估係珍珠米既壽司醋, 加我本身揀左既dressing 係柚子醋, 令到本身無乜點調味既鷹咀豆泥似蛋沙律。非常推薦呢個材料新鮮好味又健康既 poke bowl, 最鍾意佢有枝豆+鷹咀豆泥+牛油果+海帶+秋葵呢個組合。…Read More

去左藍屋影中秋燈籠, 順便去試下蓮子麗姐。叫左一個無乜人講過既清湯蘿蔔素羊腩(有飯$60 走飯$50)。我見素羊腩多數係咖哩或竹枝羊腩煲, 未食過清湯, 唔知可唔可以重塑清湯腩既味道。白蘿蔔唐生菜好清甜, 咁講好"蕃茄有蕃茄味"但係好多時出街食, 菜唔一定新鮮更加唔會係甜, 我無諗過我會好enjoy食"清甜唐生菜"。羊腩有好濃既冬菇味道, 咬開都有冬菇粒, 食落口感有d似冬菇蒸肉餅, 始終真清湯腩有多D 油脂, 要完全似樣應該無可能。雖然賣相不能再普通, 但味道係食物原味道, 我都食得好開心。另外叫左椰汁雪燕桃膠糖水($40), 呢個真心推, 桃膠雪耳超足料, 食落椰汁好濃稠, 唔係平時糖水店水汪汪咁樣。蓮子麗姐宜家開到9點, 就算唔黎食飯都不妨黎食碗糖水。…Read More

(Note: Openrice 唔俾我po 呢一個食評佢話懷疑有試食定有優惠。 利申以下我係完全自費同餐廳店主店員完全無任何關係。)想試好耐, 有日經過銅鑼灣店, 隨便叫左一份7隻松茸素灼餃 (淨餃子無湯) , 我無加任何調味竟然係好好好好好食呀! 原來松茸有一種獨特既清香味, 就咁食都唔會唔夠味。呢個大眾既價錢 ($52) 我預左餃子餡99.99%係青菜, 但食落松茸既份量我都滿意, 都算良心食店。食到最後兩隻就試下店家既菜脯辣椒醬同埋四川辣椒醬, 兩款都好食, 非常喜歡四川辣椒醬, 麻而不辣, 店員話廚師自己調製。因為太好食, 我忍唔住第二日再試煎餃, 同我預計差唔多, 餃皮& 蔬菜好吸油, 雖然香口但真係油膩左, 店員話少油煎餃好容易黐底整爛餃皮, 唯有用紙巾印走油先食, 確實口感真係清爽左。雖然煎餃香口, 不過油香完全蓋過松茸香味, 我都係比較鐘意灼餃。大滿貫素餃味道主要係冬菇中芹既甜味, 由於加左黃豆干口感比松茸餃硬。題外話: 餃掂有一幅餐廳老闆既 "8句關於情緒管理的肺腑之言" 。喺近門口當眼位用黎提醒: 等位等外賣既食客唔好亂發脾氣, 店員唔好對鼓燥緊既西客黑面, 食客喺食lunch 前剛剛俾老細照完肺唔好嬲爆爆, 真係絕呀! …Read More

點左一份清新素煎餃, 加養顏無花果栗子腰果素湯。素湯好好飲, 有無花果味道, 似係屋企煲既無花果湯再每鹹少少。清新素煎餃材料有冬菇, 木耳, 翠肉瓜, 沙葛, 粉絲, 菜脯, 甘筍。由於餃皮好厚身, 加埋入面材料煎過之後好吸油, 即使送餐時間好快(大概係30分鐘內到), 送到黎既時候餃子已經變硬同埋好油, 可能叫湯餃或白烚好食D。…Read More

以往西灣河無乜純素沙律或能量碗佛陀碗既選擇, 多數要去到太古鰂魚涌, 終於都有一間素食西餐喺呢區出現。Lunch set 試左超級能量碗, 有一塊合桃麥飽, 黑豆, 粟米, 車厘茄, 天貝, 無花果, 藜麥加沙律菜。由於唔多餐廳有得食黑豆, 我應該會繼續encore。材料都幾新鮮, 我無落過 Filter 影出黎就係咁既顏色。由於我成日食Salad bowl/All day breakfast, 材料新鮮都唔係必然, 所以佢既材料值得一讚。Lunch set 仲有一份甘筍湯, 我之後有遇過磨菇湯同埋紅菜頭湯, 可能每日都唔同。前菜有素炸魚皮(我走左蛋沙律), 加兩片蒟蒻。蒟蒻無咩味道, 後來再去已換左紅菜頭。炸魚皮其實係紫菜, 幾好食。一場黎到都試下menu 上唯一既純素甜品Vegan Tiramisu, 同大家既食評一樣味道一般, 第一口食到酒味, 之後就沒有了。佢既Vegan tiramisu 對我黎講甜左d, 不過因為我另外點左Irish coffee, 落少少Irish coffee酒味提升左又好食左wor。要讚下佢既Irish coffee, 宜家唔係好多地方有得飲, 佢真係整杯咖啡都有酒味, 但我無刻意改植物奶, 要問下店員做唔做到vegan。Baileys latte都正, 頭半杯baileys 味好夠, 味道就甜過Irish Coffee。我見有唔少人專登落黎外賣咖啡, 佢既long black 偏酸, 我就麻麻地, 但Americano好飲過好多連鎖店, 附近飲咖啡既街坊不妨試下。…Read More

終於走去試 On the hill 既 Definately not to share tiramisu。個名改得好, 真係唔可以同人share, 可能用左130年頂級日本麥燒酌佢真係酒味非常濃郁, 都係名列喺香港我食過top 3 酒味濃既tiramisu, 要雞蛋裡挑骨頭既話就係酒味唔係好均勻, 有一邊好有酒味一邊無乜, 但唔影響味蕾既, 食完都突然有幾下心跳加速, 酒精幾有強度。我平時習慣去coffee shop 飲black coffee, 預左黑咖啡一般或唔好飲。On the hill 應該用左靚豆黎冲, 飲得出有fruity 既味道, 唔講以為係手冲咖啡, 真係一間有良心既coffee shop, 一件tiramsu 連咖啡都係$98。…Read More

本來想黎 basehall 個間韓國餐廳試素食bibimbap, 但係素食版已經無左, 行搵成個場好似都係Co Thanh 既野最啱食, 見天氣咁熱叫左個純素版越式冷麵($118), 材料有植物肉, 木耳, 花生, 青瓜, 醃蘿蔔, 香草, 我問過店員魚露係素純版, 可能Co Thanh 既米線比一般檬粉粗身掛汁容易就好入味。我仲叫左個Dark Roast Coffee Panna Cotta ($38), 意式奶凍(非純素) 好甜, 甜度等同煉奶咁甜, 但就因為面個層個Dark roast coffee 好苦, 撈埋一齊食又幾夾。本來想叫杯越南咖啡, 但佢地話無熱飲, 可惜。…Read More

太古坊呢個新food court 裝修同環境都幾舒服。我專登黎食韓式雜菜炒粉絲 ($78), 話哂韓國菜唔多素食選擇, 平時炒粉絲得個幾條蘿蔔絲同埋芽菜, 我見呢碟野即叫即炒, 材料有荷蘭豆, 冬菇, 甘筍絲, 雜菜莖(我見有芥蘭同埋西蘭花莖), 再加黑白芝麻, 鮮蔬黎講佢都幾足料。我問過佢既醬汁無肉無蛋奶, 但佢有好輕微好輕微既辣估計有五辛。…Read More