suki20012's Profile

去完海灘諗住同個friend食火鍋隨便喺OpenRice度搵，見到呢間食評幾好，就決定試吓叫咗椰子雞湯底黑毛豬豬膶珊瑚蚌鵝腸手工丸台山蠔冰豆腐牛柏葉同埋菜除咗牛柏葉同台生蠔約咗少少，有啲普通冇乜特別其餘嗰啲都好食有驚喜手工丸真係要試吓，黑松露豬同埋清酒蝦都好正咬落去係好濃烈嘅黑松露同埋清酒味有特色同埋黑毛豬又係好好味，好有豬味預早book位嘅話，會有折頭不過其實我哋星期六晚去到個場都冇咩人食食吓先開始多人同埋有得包房…Read More

星期日入咗去西貢行街順便去試吓呢一間新開嘅小食店位置方面非常易搵就係平時食泰國嘢嗰條走廊仔行到盡頭就係啦去到見到樣樣都好吸引最後叫咗六隻雞翼🐥（四隻蝦醬雞翼同埋兩隻招牌麻辣雞翼）炸雞髀菇🍄同埋黑松露芝士蛋餅 🥞全部嘢食都係即叫即整㗎！所以需要少少時間等待⌛️不過等待係值得嘅，因為整好啲嘢食真係熱辣辣超好食😋蝦醬雞翼：蝦醬味非常入味，而且唔會過鹹，係鹹鹹香香嗰種口感，咬落去好juicy啲肉好滑溜招牌麻辣雞翼：又係好入味，食落條脷feel到麻麻嘅感覺，真係好正，鍾意食辣嘅會覺得好過癮炸雞髀菇：鹹鹹香香又脆口👍🏻黑松露芝士蛋餅 🥞：呢個真係不得了！咬開見到好多黑松露（不過我無用⋯⋯淨係影到啲芝士），出邊好多都係黑松露味濃所以落少少就算數，呢度真係落好多，同埋有兩種唔同嘅芝士，老細話啲黑松露係佢專登搵朋友喺克羅地亞訂返嚟，香港搵唔到㗎！真心推介👍🏻😋😱最後仲飲咗個羅漢果水同老細傾咗好耐計，老細話所有雞翼都係前一晚就醃製好，所以如果想買返去自己整呢食嘅話就要預早打電話去訂啦！同埋佢地用氣炸鍋，所以食物唔會好油膩同埋感覺好似健康好多後尾行咗一陣街，臨走之前再行返去買啲雞翼返屋企自己炸點知去到忍唔住又食多次黑松露芝士蛋餅🤣然後聽到隔離有兩個女仔又係今朝食咗一次炸雞髀菇，幾個鐘後忍唔住食多一次🤣🤣👍🏻我諗佢應該都有唔少捧場客，一路食一路見到老細都冇停過手做嘢，啲客係咁嚟買嘢食真心推介入去西貢嘅一定要試同埋最好打個電話去咁就一定有得食😋…Read More

咁多年來呢想飲杯好飲嘅咖啡都係唯有自己沖再唔係最近都要去到新城市以前Starbucks未藍嘅時候都祈求希望名城開咗之後會有一間點知最後都係冇終於自己屋企樓下就有一間嘢食又好味咖啡又好飲嘅cafe🤣開咗咁耐食咗咁多次啲水準都係好好食基本上無論你點咩都覺得好食（就算係我個人喜好唔係太鍾意嘅All day breakfast 🍳🤣）同埋佢哋個餐單成日轉好有驚喜唯獨是覺得有兩個地方可以稍稍調校第一就係有時候室內音樂太大聲第二就係凍咖啡爭啲，可以再濃郁啲…Read More

最近喺Facebook不斷見到有人講樓下呢一間新開嘅cafe 難得今日放假決定同屋企人走去試吓叫咗All day Breakfast 同Pesto beacon linguine 一齊share跟餐包埋餐湯同埋咖啡，如果想試特別口味嘅咖啡就要加$10餐湯應該係紅菜頭加埋其他嘢，味道唔差不過如果可以濃味少少會更加好All day breakfast ：煙肉番茄同沙律菜（撈左橄欖油）係做得最好食個蛋可能唔小心重手落得太多鹽，覺得鹹咗少少，不過蛋味夠濃Homemade Pesto beacon linguine：睇得出好用心機做，而且應該撈咗麵包糠，令到食落口感非常之好重有啲脆脆地出邊有啲餐廳會撈乾蒜，但係咁樣好容易令到個蒜味搶咗香料嘅味道不過羅勒味爭小小唔夠重，原本我見到自家製覺得好期待，但食落覺得爭咗啲再重味少少會更加好味叫咗兩杯Rose Latte 同Rose Cappuccino，平時公司附近上環區嘅Cafe咖啡飲得多，有好有壞呢一間嘅質素同埋咖啡味拍落去屬於中上，加咗糖漿嘅情況下都可以飲得出咖啡嘅香味同口感，幾唔錯整體來講係屋村能夠用呢一個價錢食到呢個份量同質素，真心覺得好正講真出邊$78一份午餐就算係中上環所謂嘅洋人區會比較抵食啲正宗啲都未必包你餐湯連咖啡希望能夠keep住水準同做得住啦👍🏻👍🏻👍🏻👍🏻…Read More

咁啱今日有事做過九龍灣，經過見到呢度竟然有酸辣羊肉米粉已經覺得好吸引，店家仲要標榜個麻辣膽係自家秘製，即刻決定要試吓！講返碗粉，因為本人唔係好食得辣，所以叫咗小辣，但係唔好睇小佢係小麻辣，入口除咗麻辣仲有其他香料味，感覺應該係落足料比如花椒八角之類？配菜有花生/芽菜/芫荽/蔥/芹菜/酸菜，相信食得辣嘅人應該會好鍾意😂另外佢地個新竹米粉好爽口，因為坊間好似唔係好多地方捨得用新竹米粉，夾埋啲羊肉一齊真係好好食😋😋加＄6仲有多杯豆漿，豆味好濃👍🏻👍🏻👍🏻價錢方面大概＄45一碗左右，我自己轉左新竹米粉就加兩蚊，收錢嗰陣老闆仲話因為我係兩點至四點落單及自取，所以減2蚊😱😍老實講，今時今日呢個價錢同咁好味嘅食物質素，絕對應該要支持下呢啲小店，下次經過一定會再嚟試吓蕃茄湯！…Read More