vava224's Profile

6pm 2個人去食飯點左一份海鮮2人餐（$398＋$28特飲＋$12花茶）及一份普通2人餐（$268）2個點左四人份量食物，明明有好多枱，但侍應都唔太願意比張寬敞啲嘅四人枱我地坐，仲想安排我地坐張有隔板嘅四人枱，服務非常之唔好，一路食位置又熱又焗，我同朋友都感覺唔到有冷氣，最慘係餐廳完全冇亦都跟防疫安排，所有坐位坐滿晒又好密海鮮二人餐：龍蝦湯味道惡劣，龍蝦肉極梅，龍蝦湯稀似飲味精水，跟餐碟炒通菜就好咸，菠蘿炒飯賣相和味道比較好，牛油果軟殼蟹米卷啲軟殼蟹係林嘅，牛油果奶昔足料和花茶好飲唔會太甜普通二人餐：鮮茄牛腩飯太甜飯量較少，小食三拼裏蒸粉包的粉皮好厚又硬，蒸粉包啲涵料亦好少，無骨鳳爪爽脆，雞翼普通，蕃茄蟹粉檬:(連埋加一埋單$785，貴但唔好食，服務又差，菜式可以影相，基本上好睇唔好食，CP值低…Read More

下午茶時段見餐廳裏面有吉枱所以去試，但最後等了20分鐘先入枱，不明白原因，疫症未完，枱好密，我直情聽到旁邊情侶話唔會再黎食而且不推介比朋友😅點左2份下午茶餐加1份單點台南米糕 $45下午茶餐 - 芋泥紫薯吐司＋仙草3號＋ 蜂蜜綠茶 $68＋$25下午茶餐 - 魯肉飯＋蝦卷拼雞槌＋冬瓜茶$68先到嘅係2杯飲品，2杯飲品味道都係飲到甜味，冬瓜茶冬瓜味好淡，連蜂蜜綠茶都係同一問題，第一碟先到竟然係甜點仙草3號，其他菜式才隨後送上，但所有食物都出品好慢蝦卷拼雞槌的雞槌炸得很乾魯肉飯的肉係鹹的，真係第一次食咸的魯肉飯，而且超鹹台南米糕最差，上面的蠔油醬好鹹，定價$45但分量極少仙草3號食落似有藥水味， 三色芋圓食落仲有粉似未煮熟芋泥紫薯吐司食落去有少少甜味，兩個人食一份都感覺好滯總括而言，餐廳食物用作拍照可以，性價比低，味道差，定價太高，大伏…Read More

半夜時分肚餓打鼓, 想念泰辣味道, 久違了光頭佬泰菜喇, 以前每晚到會去食, 決定動身就去吃餐飽宵夜6年的變化, 這間店的燒魚由$60漲價至現在$100, 可見租金的威力我最後點了生蝦, 炒飯和生菜包這個炒飯味道依然好, 但比以前少了一點鑊氣, 加個半熟煎雞蛋會更好最愛這生蝦, 依舊是超爽口和夠凍, 但辣汁就沒有以前的咁猛, 不錯生菜包都是偏鹹的, 生菜新鮮爽脆, 但肉比較老, 如果肉碎加入一些豬皮去炒或者會更好味…Read More

晚上6點半肚餓了, 突然好想食豬潤麵飲啖豬潤湯, 就行到去維記門口, 趕著在店關門前享用🏃原來我唔係最後一個客落單, 仲有15分鐘關門, 都願意繼續做生意比客入枱我依舊點了最喜歡的豬潤麵和煉奶咖映西多士豬潤麵$32湯底好鮮甜好濃豬潤味豬潤份量好多煉奶咖映西多士$19西多士唔會炸到好油膩, 麵包鬆軟, 食落有咖映香食飽飽, 小店要關門了, 下次再會…Read More

下午4點肚餓, 又想食日本菜, 可惜大部分的壽司都落場喇, 行左幾條街終於搵到呢間店, 全日營業而且下午茶仲有優惠極級肚餓, 好多餐牌但眼花撩亂一口氣點左好多款食品, 包括壽司、刺身和烏東刺身套餐$48 (有吞拿魚, 立魚, 大甜蝦, 海膽和翡翠螺) 但這個我不太推介, 因為吞拿魚唔好食活赤貝(2隻$78) 爽脆超新鮮, 強烈推介多款壽司, 特別推介右上角的白玉豚(每件$18)和珍寶帶子皇(每件$28)但所有壽司的飯量都很多, 超飽肚鵝肝壽司(每件$19) 鵝肝大件抵食但略嫌鵝肝過熟深海池魚皇壽司(每件$21) 這個池魚皇很讚魚切得很厚有質感巨型花之戀壽司, 很搶眼的每個壽司有個碗咁大個😂可見這碟壽司有成碗飯喺度但食落三文魚有點腥味鮮茄牛肉烏東(下午茶套餐$29碗) 味道不錯…Read More

跟朋友食飽午飯, 想試而家好流行的黑糖珍珠奶茶, 途經呢間店有賣所以就去買2杯試下下著雨, 但當時都有很多客人等緊飲品, 店員都好忙碌, 店內都好清潔衛生最後我地買左2杯厚黑糖鮮奶加珍珠小杯裝 $28中杯裝 $32黑糖掛杯效果一般, 但飲落好香濃黑糖味, 珍珠係白色的幾特別, 好煙韌呀, 少糖都唔會太甜朋友飲半糖都讚好…Read More

今日朋友黎搵我食午飯, 所以我就帶佢去左呢度開餐我喜歡呢間餐廳無添加味精午飯時間冇晚上咁多人, 晚上成日都坐滿晒, 因為小店坐位不多都幾逼我喜愛就是牛家盛會陽春麵, 今次依舊點這個, 我朋友就點了牛家三兄弟陽春麵牛家三兄弟陽春麵$50有牛筋, 牛脷, 牛𦟌和牛肋條湯底超好味, 食完唔會好口渴牛筋夠軟帶少許黏性, 牛脷, 牛𦟌和牛肋條都好林好入味牛家盛會陽春麵$55有牛筋, 牛脷, 牛𦟌朋友第一次食都讚好味同埋餸都好多, 份量幾大碗夠飽…Read More

昨日去到土瓜灣食午飯, 朋友是老街坊住了幾十年, 佢帶我去呢度食, 話森美曾經都喺電台推介過我和朋友點了2個午市客飯套餐和1份小籠包, 客飯套餐可以選擇可選白飯或者加$5要菜飯, 每個餐跟碗例湯湯大碗, 有白菜, 飲落有加少許味精, 但不會太鹹 呢碟係紅燒獅子頭客飯套餐$42, 有津白和雲耳相對健康, 食落好惹味, 獅子球就比較易散, 但配飯食一流呢個係回鍋牛肉客飯套餐$40 , 有椰菜和青紅椒一齊炒, 都係好濃味, 食落有少少辣, 都幾好味, 但就比較油膩最後小籠包$42 , 大件抵食好多肉餡, 但裏面就冇湯的…Read More

午夜時分, 跟朋友去食糖水, 位於黃金商場十字路口位, 招牌非常搶眼, 所以就試一試糖水、甜品、飲品款式很多選擇我最喜歡食榴槤甜品的我點了榴槤飄香$37 , 但本人對芒果有敏感, 不明白明明是榴槤飄香但要加入3粒芒果肉食落口好稀, 裏面只有西米, 而且不夠凍我朋友就點了椰汁星洲喳喳$20 , 呢個以中式糖水黎睇份量偏大碗, 幾抵食 我朋友話味道都唔錯…Read More

間中就會買呢間茶記的蛋鮮牛治和咸牛肉蛋治做早餐蛋鮮牛治 $24小店名物)用厚麵包做, 仲有食落軟林林的鮮牛肉, 而且鮮牛肉和蛋分量都好多咸牛肉蛋治 $17特別推介)同樣用厚麵包做, 仲有食落綿滑的咸牛肉, 而且咸牛肉牛肉和蛋分量都好多但要注意, 呢間茶記晚上是不營業的…Read More