Ng Lorraine's Profile

:)今次是第4次到京都料理食嘢，之前幾次都只是為了食個景而入去，食物及服務就麻麻地。只有今次的體驗令我想寫吓食評。今次我因為收工早，行過門口，見窗邊有位，就忍唔住行咗入去。隔咗幾個月，發現換咗侍應，佢地d態度好好。今次免費生菜沙律Bar 的生菜明顯比較新鮮爽甜，所以我拎咗兩轉。我叫咗個青瓜小卷及豚肉拉麵，味道滿意。不過，拉麵的份量對於我個人而言唔係幾夠，如果佢地可以因應不同客人的需求，可以選擇麵量有得加少少就更好啦! 整間餐廳依家好乾淨，比之前更舒服。我最鍾意晚餐及雨天的時候，間嘢d透亮的影照在玻璃上，與窗外的楊柳及細葉榕，還有食客及侍應的影子等交疊而形成詩意的景象。以後如果我準時收工，會多d 幫趁這一間。…Read More

8月27因突然好想食港式茶餐，查了 OpenRice 後，收工刻意坐巴士到灣仔想試波士冰室(好評比較多), 去到發現夜市唔開，失望！我只好轉入譚臣道找餐廳，見有間茶餐廳人太多無咩位，而且我不太喜歡嗰間餐廰個咁咵張的名，無入去。望前面，見另一間名為世華茶餐廳，得3個人，有啲擔心會中伏，不過見佢啲枱椅整齊潔淨（我喜歡的木色），地面很乾淨，燈光令人舒服，加分，所以給它一個機會。叫了個芙蓉蛋飯，拿餐具時，發現餐具都放得很整齊，開心! 可惜，食了幾啖，反胃！點會有人可以把芙蓉蛋飯做到咁難食？蛋入面明顯加了好多面粉，豆芽連根（無切過），條條長長的根，食到嘔心！鹽無搞均勻，只有2、3啖是唔咸的，其他的都咸到啖啖鹽。加了錢，叫了杯熱朱，淡而無味！客少，更加應該為每個客人用心做好每道菜！客係儲返來的。難以有第2次！…Read More

過去一年,每次經過這家食店,我都會被餐牌上的色彩所吸引，只可惜因為午餐要和多位同事外出食飯，而店舖又無位，所以一直沒有機會試過。有一日，我們因有事不外出，有人提議向這間justfit 落外賣order，結果讓我一試難忘! 以咁抵的價錢就可以吃得既飽足，又健康，又享受。兩個月前，某天收工後心情低落，很想吃點能讓自己愉快的東西，就想起了justfit。那些蔬果種類豐富,色彩分層，營養均衡，不是特別惹味的那種餐膳，而是食材本身的原味加上清新的醬汁或醋汁，讓人感受到食材的新鮮美味及濃郁的質感 ( 如果你追求的是很濃味的調味，這間看來不適合你。不過我發現，厚蛋燒及牛角包是相當香口的。)，我的細胞愛上了這種沒有罪疚感的飽足及舒暢的感受! 從此我就決定多d買這間嘢食作為晚餐，這兩個月我己光顧這間食店很多次了，每次都很滿意。在紅磡這一帶的美食街中,這間是我最喜歡的食店之一，不僅因為食物的色彩、味道、營養、份量，也由於親民的價錢和老闆的親切笑容和追求改善質素旳誠意。順帶一提，佢地很歡迎顧客自備外賣餐盒和環保杯。…Read More

今日由港島東長途入馬鞍山去烏溪沙青年新村睇一場活動比賽。之後順便在附近蕩蕩，不經不覺行咗入去渡頭灣村旁邊的沙灘，美景舒心。走着走着，水快要飲完，而且也有些肚餓，發現前方有人在燒烤，估計應該有水賣，所以走了過去。見到d士多好似無燈光，以為未有人開檔，所以唔敢行入去，直至行到最後一間，個名叫連記士多，見到入面的餐桌有幾個人圍坐，於是行咗入去。我發現了一個飲品柜，老闆見我有點猶豫，於是説:"係唔係買嘢飲? 平d 畀你，隨便拎支。" 於是我買咗支蒸餾水。我輕瞄了一吓，留意唔到餐牌，而且圍坐的人都不是在食嘢，所以我就不好意思問老闆有無嘢食。我行出士多門口，見到一張面向海的枱，於是放下背包，企喺度望住個海飲咗兩啖蒸餾水,突然聽到老闆叫老闆娘整餃子食，老闆大聲問我: “妳食唔食呀? 我哋依度有嘢食㗎! 要就預埋妳一份。” 我說：“好呀！＂過咗一陣，老闆拎咗兩碗飽滿的餃子出嚟（碗內還放了一些生菜），陪我一齊食，傾咗一陣閒計。望住個美麗海景，食住美味又有人情味的餐，真係幸福的一天。返屋企之後，我上 openrice 查佢地間士多，才知道連記士多應該係無餃子餐供應的，主要係供應餐腿蛋治、麵食、各類零食、啤酒、汽水、餐飲&包裝飲品。另有租舢舨，租燒烤爐等(我記得閒談中，老闆話過租爐，平日250蚊, 週未300蚊)。老闆及老闆娘很有人情味，d 嘢飲價錢又合理。下次我同屋企人及朋友入去燒烤，一定會行去最後嗰間連記士多。老闆娘，多謝妳嗰碗餃子呀! …Read More