FS.good's Profile

無想像中咁差既，味道好好，叫左個最細杯自己揀料既試下，服務態度方面還好，冇想像中既黑面對待，可惜就真係冇位食，連係鋪入面搵位企下都難🥹最後唯有買完行左出去，去隔離Marketplace邊行邊食。…Read More

本身見到D 評價唔錯，就今日同朋友夜晚去左試下，點知超伏，我叫左個茅台朱古力布丁，隻碗睇落正常，但原來布丁得勁小，又冇茅台味，上面塊野超難食，有浸大陸味，朋友叫左個黑芝麻冰蘇，上到枱勁核突，成個都好似比薩斜塔咁，我同朋友都完全唔想影相。野食差都算啦，點知連服務態度都勁差，特別係企廚房冇著制服，年紀比較大既個個男人，我同朋友係門口一入去，佢已經勁惡咁話：幾位吖然後我地話2位，跟住佢又冇反應，係之後有個女仔答左句叫我地隨便坐，跟住去到中途聽到年紀較大既個個staff 係廚房度同其他兩位同事大聲講粗口同大笑，完全超影響整個環境同用餐體驗，相反得一個手上有紋身既staff 服務態度良好，而且我地見佢係冇同佢地傾計既，上野食比我地個陣仲會問係邊位食，然後將個甜品正面放係我面前，亦都見到佢對隔離枱客人相當有禮貌，最後到埋單個陣都係個年紀教大既男人幫我地埋，佢真係小小禮貌都冇，連講再見都冇，最後我地找返錢個陣，有紋身個個staff 反而有係佢隔離同我地講左句多謝曬拜拜，下次見。今次既整個用餐體驗我同朋友都好失望，錯信左open rice 既評價，又貴又細份，仲要服務態度惡劣。。。…Read More