adachancsk's Profile

新開張西餐廳，前身呢度都做開西餐，估唔到質素好左，價錢又差不多。觀塘食飯四圍都係人，可能新開我地又早食飯唔算多人，店員話我地係第1枱食客，難得清靜。Lunch Set 包餐湯, 主菜同埋飲品，是日餐湯係羅宋湯，多湯料幾好飲。店員推介下我試左牛柳，肉好軟腍$138就有2大件，唔會煎得太熟岩岩好。另外同事們都分別試左唔同lunch set．佢地話味道都OK，牛肋骨仲好好去埋骨，整體價錢唔算貴，環境都OK舒服唔會太迫，下次會再同事們來lunch.見佢都有啤酒，同埋有飛鏢，Beer Pong玩，Happy Hour 黎玩下應該都唔錯。…Read More

臨近新年，搵左呢間新餐廳一班同事一齊食餐好！前身係孔夫子，見佢寫係原班人馬。本身孔夫孔係openrice食評都唔錯。觀塘區黎講真係幾高質！我地唔係叫左好多點心，反而試左好多招牌菜。首先試既係前菜，四扣碗係由４款前菜組成，其中我最Like係秋葵吐霧鮑魚係有飄煙效果，睇得又食得公子牛肋排—肉好腍，配埋大量既蔥好好食黑毛豬叉燒—呢個大推，勁好食侍應話呢個係前身孔夫子既得獎菜式，個汁配搭係幾好味炒得好香，啖啖蛋香，足料芽菜有口感生魚片放係熱石上面燒，再加入魚湯。又係睇得又食得點心亦都試左幾款，其中柚皮做得好出色整體黎講，用餐環境舒服，地點方便，食物味道又好。絕對有下次！…Read More

原本預約既日子因為裝修時間更改而需要改期，店員致電可以改早於舊舖或改遲些於新舖用餐，最後揀左新舖🥰雖然變左每位計價（午餐是880起另加一）需要用餐前幾日㨂好菜式, 不過可揀3前菜3主菜1菜1飯，仲有甜品3款（不用㨂），對於用餐人數不多既我地，可以試到款式更多（最好其實係4位去，因為有部份款式不適合3人或以下）如果主菜3款㨂曬海鮮會貴些少。新環境因為多植物好清新舒服，枱數唔多，難怪咁難訂枱。都係第1次試豆腐花做既前菜，桂花糖同冰肉都好特別用筷子夾開係脆到有聲，而且好多料包在芋泥裡面食左2個前菜突然上主菜，不過當然要趁熱食啦！不愧係招牌菜，真係好好味！食完正想問係咪漏左個前菜的時候就出場啦，店員表示岩岩燒好。果然係正！蟛蜞膏係蟹膏，不過好鮮味唔會太咸，豆係新鮮豆拆既，蝦仁爽口個粥底係勁滑食唔到魚同米，蝦肉放係粥裡面，好清甜健康既一道菜，不過可能我口味偏好濃味，覺得對我黎講太清淡好多櫻花蝦好味，最後我連菜汁都飲曬炒飯粒粒分明，不過鮑魚切到有d細粒，蟹肉亦變曬一絲絲，唔細睇以為食緊普通炒飯，另外覺得可以再鹹少少。最後上甜品三款，杏仁菜，紅豆糕，杞子雪糕。杏仁茶好好飲，微甜係我喜愛既甜度。另外2款都好足料。整體黎講用餐水準都相當滿意，環境舒服，午餐只做一輪，逐道菜可慢慢食，我地食左差不多2個鐘好寫意，有機會如果約埋朋友又訂到枱都會再來試4位以上先點到既款式。…Read More

本身諗住去格離食野點知要等位，無意中見到主打健康既藥膳豬肚雞湯面特價$49配花茶，加$20仲有無味精湯水，所以就試下。因為都晏食飯，好多湯都賣曬，最後試左店員推薦既湯水。店內人手唔夠，全部位置走曬都未執枱，店員都係見邊度有客人坐先執。食物整體都滿意，尤其係豬肚雞面算係好抵食，個藥膳湯底都算唔錯，我最後飲曬。加$20既湯有個鍋仔裝住保溫幾好，但淨湯無乜湯料（我果碗得幾片薑😅）因為蓋無隔熱一打開果下好燙手，大家打開時都記得要小心。…Read More

上次食完下午茶，點心水準相當唔錯，又有靚海景，今次同客食飯就決定二訪，果然無令我失望，全部都係水準之作！而且上菜係逐樣上, 所以可以樣樣都係熱辣辣放入口！（都可能係我地食得快，一上菜就極速消滅😂）大大粒鮮蝦真材實料貪得意唔係好多地方有得食，叫左麻辣蟹籽燒賣，唔食辣既朋友仔佢有返傳統唔辣架好脆口既春卷，食得出係新鮮炸起唔會好油好鹹，健康又好味既菜心，大愛炸粉超薄，唔會好油，幾特別第1次食用九肚魚炒既河粉，估唔到係咁好味上次下午茶食完今次Encore之作：成盅好大碗，好滑好香杏仁味整體好滿意，用餐環境舒適濶落，又有好靚海景，食物質素都好好，值得再訪！…Read More

諗住九龍城食太多泰國野試下日本菜，見到咁多好評就決定試下呢間浜淹，而坐位亦唔係舒服，全部都係高櫈，無靠背既，菜式方面係叫做有d菜式出面比較少見到既，但價錢一d都唔平，份量黎計完全唔係抵食，味道正常既，但無咩好outstanding既野，可能係我期望高左。最好味應該算係牛油果醬拈餅乾，最唔值係近江牛串燒，拉麵好多人讚，但都係一般貨色。服務算係ok, 我地無叫野飲，就咁叫佢俾幾杯水都無黑我地面。整體未算係伏既，但有好多更好既選擇。…Read More

下午茶食得太飽，晚飯時間都未餓，所以最後買2個戚風蛋糕返屋企做晚餐+甜品。一款係柚子，另一個係蜜柑。我地一致覺得柚子好味d, 個戚風蛋糕係放左柚子皮，食落有陣陣既柚子清新香味反而蜜柑就無咩特別，戚風雖然橙色但似普通蛋糕，topping 淡黃色mousse 先係靈魂。鮮蜜柑亦唔算好甜。1件蛋糕都係50幾60蚊，連鎖餅店果d mini蛋糕都百幾啦，性價比都幾高。岩鐘意淺嘗既我，蛋糕比例上較多，感覺食完都無咁大負擔 …Read More

老公生日佢話想食鐵板燒，其實之前都有食過和三昧既鐵板燒幾次，生日想俾佢有d 不一樣既體驗，做左一輪Research 決定揀呢間米芝蓮一星既IM。訂枱星期六日lunch 要等1個月先有位都有諗過去第2間，不過最後同老公決定最後生日食其他野，遲一個月補返遲來既鐵板燒。食過就明白咁難Booking總有佢既道理。我地揀左廚師精選lunch set, 個蒸蛋既三文魚子新鮮而家量都好多，配埋滑蛋真係好味。蝦佢牛油汁，食落好彈牙，跟住個鯛魚用油炸左個魚皮，配埋紫蘇花，賣相靚得黎又好脆好滑。個炒飯又係無得輸，勁多料仲多過飯。個薄燒牛都好味，不過因為都食過和三昧又唔覺好突出。所以唔記得影相，最後仲有雪糕食。全程有人係後面serve. 感覺好周到又唔會over左。有機會會再黎試下d 貴既套餐。…Read More

銅鑼灣登龍街近年真係變左好多，簡直係美食集中地！今次揀去左29樓既張公館High Tea. 無諗過下午茶套餐可以咁抵食！398 for 2, 包括左13款點心小食，仲有無敵海景。環境舒服服務亦都唔錯，花茶亦係有keep熱住，好貼心可以坐耐d都唔怕茶凍左。而且鹹點為主，食物種類好豐富，有蝦餃，燒賣，小籠包。咁多樣覺得最正係五色糕同鮮果沙律，食得出足料同埋心思。賣相好靚既牡丹酥咬落去好香芒果椰汁同椰絲五色糕個層顏色食到係唔同生果，幾特別豬仔造型好得意，都有少少唔捨得切開…Read More

假日既lunch time黎到，要等左一陣先有位。我地一家三口，唔算好餓，主要想飲燉湯，再試幾款點心。所以最後叫左2款燉湯，4個點心，share一齊食疫後有後遺症，咳又多痰聲，所以燉湯第1款揀左“10年陳皮川貝冰糖燉雪梨”，無諗過雪梨係原隻上, 仲去左核釀左川貝係裡面，全部湯料都可以食落肚，而且唔會似糖水咁過份甜！我將成個雪梨分開放出黎攤凍, 最後我個仔成個食曬：另外揀左“印度椰子腰果合桃燉上肉湯”，無諗過腰果合桃呢d果仁類，燉出黎口感係軟身creamy，証明真係火喉十足。兩款燉湯都超水準，勁足料，熱辣辣咁上，鐘意飲湯既話真心推介。之後到點心啦，我地叫左蝦餃，燒賣，雲石芝麻包同埋沙律什果明蝦角。蝦餃同燒賣一樣係大大粒勁足料，仲係有4粒，好食過d大集團N倍。食完好滿足。沙律明蝦角就炸得酥脆，包住沙律醬既蝦肉同什果，好清新唔會覺得油膩。雲石芝麻包，個餡雖然黑黑地，但味道似白麻蓉包，都有少少流心唔會好乾，都好食既，不過我個人就比較鐘意黑芝麻，無咁甜的話會好d, 但我個仔就食到唔停口。整體今次食既全部菜式都好滿意，服務亦都好好，小店黎講呢間真心高汁，亦絕對有下次。…Read More

疫下假期第1次黎到愉景灣行下，感覺真係似外國小鎮，亦都真係有好多外國人住。交通出入都係靠巴士，無私家車出入但其實巴士班次都好密，有愉景灣內既居民巴士，亦有巴士來住東涌同欣澳站。有個好靚既海灘，行左陣見累累地就搵野食，最後揀左香港好少會食既Kebab環境係快餐廳格局，愉景灣無海景睇住食好似爭D咁，不過有海景餐廳都真心唔平其實食完呢餐，旅行感返曬黎，因為口味真係外國人既口味，係幾特別既，香港咁耐無試過算係地道既印度菜。我地試左3款，最鐘意都係烤雞薯條，比較岩食…Read More

住荃灣既我之前一直想試但太多人等位，適逢第5波收緊防疫，同老公一樣公司又有得work from home, 就趁午飯時間黎試下。果然係高汁，刺身丼既刺身新鮮得黎厚切，個飯底加左壽司醋仲有少少飯素亦好好味，不過大食既話就未必覺得飽。老公叫左雪花牛肉配烏冬，見佢係鍋物類，其實無諗過會好似韓燒咁係乾燒，以為係有湯既！仲有d菇燒下，牛肉本身無調味，係要靠自己點醬汁食，個人就比較鐘意刺身丼啦！食飽飽老細話疫情嚴重佢地都準備休息下，我地算係好彩試到啦 …Read More

因為晚市無堂食，所以食個豪華下午茶作為紀念日大餐，其實唔係第1次黎食，今次叫左一個刺身定食，一個壽司定食， 唔貴都唔叫，無記錯下午茶係午市既7折定係8折，所以都好抵食既！2個定食我就比較喜歡壽司果款。水準中上，上次食過佢既烏冬都好味係份量少d! 反而魚生今次係第1次食，但服務今次體驗就一般啦，侍應漏餐具又無茶要問先勘，食蒸蛋又唔俾細匙羹。以紀念日黎講服務體驗真係差d, 不過疫情下我地都從簡，無去研究試新餐廳，身體健康既話日日都咁值得紀念。…Read More

好耐無入屯門，心血來潮入去行下，難得搵到有兒童餐既日本拉麵店，帶埋小朋友黎一流，仲好岩我仔胃口，平時第2度叫兒童餐總有佢唔食既野，要我地包底，但佢差不多食曬成份！我地另外叫左2人餐，本身諗住求其食，所以只係影左2碗拉麵。其實仲有小食，炸雞，飲品，都幾抵食！質素非常好，都有係日本當地食拉麵既8成水準，疫情下無得去旅行，食下日本拉麵當去左日本。呢間拉麵都算多人，我地都門口企等左一陣先有位，但服務都算唔錯…Read More

好耐無黎大角咀，順便黎食下野。諗左好耐食咩好，太多選擇，最後決定試呢間馬來西亞菜。其實我本身都一直想再去蘇媽蘇媽，亦都喜愛食喇沙！估唔到呢間都俾到驚喜。下午茶價錢好抵食，好多款揀，配埋飲品，仲可以加購小食試多d款。我地都1516諗左好耐，選擇困難，太多野想試又怕食唔曬，最後叫左肉骨茶配河粉，喇沙，再加配咖央多士。除左覺得肉骨茶因為唔係單點無爐熱住，無咁好味之外，其他食物都好滿意。唔係住附近，否則應該會成日去食下午茶！…Read More