可愛小花's Profile

個個都講米線，我就講下個早餐啦～朝頭早除咗有米線食，都仲有西式早餐。無論係三文治餐定茶記ABC餐都有，最令我覺得正就係佢個米通粉嘞！價錢夠街坊真係值得一試！杯熱鴛鴦都唔錯架！！咪走寶！(不過今次就叫咗杯凍飲)新裝修後會見到牆壁多咗好多圖畫以及......譚仔最出名嘅譚仔阿姐話，真係同土匪雞翼有得 fright！確係一大特色！…Read More

2位女士入座，先叫三文多士加個鰻魚飯，再一人一杯朱古力然後叫多個細沙律（因為想多少少菜）。整體係唔錯嘅，份量其實唔算太大份，但女仔比較細食，個飯就食唔晒好似有d浪費。但如果有男士在場可能會剛剛好。不過杯朱古力真係要趁熱飲，凍咗感覺就冇咁好味。但勁啱女仔打咭用😄…Read More

平民飯堂！金滿園不嬲都有水準，叫個碟頭飯外賣自取都有9折，不過屋企長老生日（仲要淨係鐘意食中菜）。咁去金滿園實冇走雞！羊腩煲冬天唔會唔叫，但最絕嘅係椒鹽系列：椒鹽豆腐，椒鹽尤魚鬚，椒鹽九肚魚etc. 尤其係椒鹽豆腐，真係要現場食，勁正。…Read More

典型西餐廳，隔一段時間都會有創新菜式。所以值得再次幫襯，環境唔錯，紀念日去都冇問題。龍蝦湯上枱時由侍應响個茶壺度倒出嚟又真係幾攪鬼。差dd嘅係羊架叫7成熟上碟過嚟就只得5成，不過都係好小事，只係餐飲選擇比較少。…Read More

吉烈蠔刈包即叫即做，熱辣辣好好味。配埋塊芝士同d醬好夾。今次喺朋友約埋一齊去食；大家二口同聲都話下次要帶埋屋企人去試。仲有黑松露醬雞翼食到停唔到口。再配埋杯蘋果鮮橙綠茶，簡直 Perfect match！杯飲品第一啖入口會覺得好香，香味真係好突出，令到整體唔會覺得太膩。不過美中不足就係坐位少。…Read More

一入到店就覺得好正，光光猛猛，唔似其他有d名嘅米粉店昏昏暗暗咁。空間咁十足，都幾舒適。本身份人比較細食，但一飲到個蟲草花椰子雞渴底就食到停唔到口。超正！仲有個炸脆脆蝦膠豆卜，唔多食煎炸嘢嘅我哋(仲有2位同事同我一樣怕上火)，都搶住食，完全唔夠平均分1碟5粒...咁唯有聽事頭婆推介叫埋個爆漿紅糖糍粑....真係有爆漿㗎。 另外有幫同事叫咗外賣，酸酸辣辣銅鍋米線，佢話個粒貢丸真心好味，好彈牙，但彈牙得嚟又唔黐牙，真心其他台灣貢丸真係冇得比。總之就係正啦～…Read More