esga's Profile

今晚約埋舊同事新年派利是🧧。一到上環，遠遠已經見到一棟兩層高的橙色建築物相當吸睛👀。一入餐廳，裡面的格調跟一般意大利🇮🇹餐廳的拘謹截然不同，播放著輕快的音樂，兩層高還有VIP房，肯定可以包場開派對💃🏻。落單冇耐，侍應就送上「印度薄餅」質地的麵包，微暖的香草脆皮包，口感軟熟又帶點脆口感👍🏻。我同朋友因為唔飲酒，點咗幾杯mocktail🥂🍸，雖然唔記得個名，但味道幾好，顏色靚得啱晒打卡。主菜方面，入門口已經留意到一張吸引的pizza海報，叫PIZZA 208🍕 $228。相片同實物果然一樣，pizza皮做到熱、香、脆，這點對一般意大利餐廳來說應該唔難，但最特別的是配上凍凍的burrata流心水牛芝士🧀，食落去似食緊cream咁香滑，有奶香味但一啲都唔奶蘇。再加上酸酸甜甜的紅黃小蕃茄，最抵讚嘅係火箭菜，新鮮的火箭菜竟然有種芝麻味，淡淡的微苦感覺真係驚喜。上菜時間剛剛好，等我們KO完Pizza，接住就送來熱辣辣的蟹肉墨魚汁意大利粉 SQUID INK TAGLIOLINI$228。其實我一開始都有啲擔心，怕遇到太正宗的意大利餐廳那種偏硬的意大利粉，幸好這款墨魚汁意粉入口彈牙，真係冇跨張，個汁唔會太濃，食完口唔會黑黑的。蟹肉也大大舊，配小紅茄真係絕配👍🏻👍🏻👍🏻。再來是半隻雞 HALF CHICKEN “CACCIATORA” $228，唔單止有雞髀仲有雞全翼，如果只鍾意食雞胸的朋友就只能叫全隻了。隻雞好嫩滑，侍應話配埋個CHEESY POLENTA $68，有啲似芝士薯蓉，但好啱本身雞的啡姑茄汁，不過冇Pizza同意粉咁有驚喜。作為甜品控，黎到意大利餐廳我必選TIRAMISU $98。Mascarpone簡直係Tiramisu的靈魂，軟綿綿又夠香滑，Marsala 同 Espresso的完美比例真係超夾😍。反而朋友點的另一款開心果甜品我就麻麻，純粹個人不太鍾意開心果，但朋友讚不絕口，話鍾意有口感的果仁碎，仲有一句「唔太甜」🤪。…Read More