LauZone's Profile

蘭桂坊近年私房菜多左好多餐廳或者私房菜，好多水準真係唔錯，有時見客都適合直接約after lunch時間去一路試菜一路傾，而呢度氣氛偏暗，好啱傾密計!三菇六耳泡烏冬食得多日式烏冬，通常都係豚肉呀牛肉，全素烏冬我估就冇幾多人試過，所以趁第一次見就order左呢個三菇六耳泡烏冬，首先佢呢個烏冬睇落真係一滴油都冇，連湯都係素，清得好緊要，不過又唔會話好淡，然後就開始試下D烏冬，好明顯係手打，有食開烏冬都會分得到手打烏冬係會比較煙韌同埋滑，幾好。至於味道就真係好清好素，但又會話無味，三菇六耳就各少少咁啦，加兩條白菜，一人份量叫做啱啱好咁。如果要評呢個烏冬，味道幾好，但係確實好特別，其他地方冇！鳳梨鴨鬆黃金炒飯呢個飯又係其他地方唔會有得食，向來我食炒飯會第一時間注意，就係睇佢油唔油膩，好多地方D炒飯一係就好油，一係就好濕，所以如果見到油膩炒飯或者濕到不似飯形我通常會即時扣分，fovea呢度嘅炒飯就睇落乾身爽口(至少今次係)，另外睇炒飯炒得夠唔夠均勻，因為配料都帶唔同味，一唔均勻呢，成個飯就格格不入，呢個就考炒功，咁呢個就通常都合格嘅，呢個飯合格有餘，呢個飯仲有少少特別就係用左鴨鬆，都幾重味，夾埋菠蘿嘅清甜令成個飯D味道好易入口，同埋好易記得個味，可以重覆再試嘅一個飯，good！總括來講Fovea粵桂樓幾適合見客時lunch去，價錢中等，但菜試同水準都見得人，個烏各更加可以氹到D食素嘅客，包冇衰！…Read More

收工過灣仔買模型，順路揀左呢間，8點零鐘都多人，等執枱等左兩分鐘。冇乜心水食乜就決定試D新口味 - 黑松露菌炒蛋菠蘿包，本身真係未食過黑松露菌。外觀就唔錯架，但係由於從來未食過黑松露，確實係有D十五十六，第一個反應係好大"pat"黑松露醬，真係好多，菠蘿包脹卜卜，都keep到脆皮，我唔知其實黑松露價錢有幾貴，不過份量多成咁收呢個價錢都真係叫合理冇怨言。人生第一次食，黑松露又係咩味呢?我先係連埋個包同炒蛋一齊食，好新奇又唔識點簡單形容，即係你食三文治通常都係食啲料，但呢個包就相反，好似食一個蛋治但搽左好多好多唔同嘅醬咁，澀澀地、又清清地、又有草地味、又有少少少少咸，好難形容，我唔知一般黑松露係點食，但除左夾炒蛋我真係諗唔到應該仲可以配咩，反而菠蘿包係其次，但都OK，好唔好食真係見仁見智，但肯定呢個包真係一試難忘。飲品建議配熱/暖茶，因為真係好重味，配水是不行的。未見過其他地方有得咁樣食，通常只會喺高級地方先會有，鴛鴦呢度叫做平民D，所以係幾值得一試。…Read More

Fa Zu Jie–法租界，曾經聽我過朋友ge朋友提過，高級私房菜而水準不俗，最後同女友誤打誤撞就book好左來試食，不過就算book左，要搵成功搵到門口入都要經過智力測驗先得，最後我同女友係問樓下附近路邊一個攤檔，進入小巷，再上一樓搵到傳說中ge純白之門，成功抵達，搵食艱難莫過於此。Menu咁有詩意ge菜名真係好少見。油揚　(あぶらあげ）包住溫泉蛋，淡而香，配搭金華火腿，加埋少少咸，非常開胃，日式腐皮唔難做，最難其實係要創新配搭口味，FZJ就配合左時下好流行ge流心溫泉蛋，淡淡地有蛋汁加埋少少金華火腿甘甘咸咸，做頭盤啱啱好。Curry蟹粉，curry & 蟹粉 都唔係每一個人都鐘意，呢一味我相信如果鐘意ge一定好鐘意，配墨汁脆片，蟹粉食得出有鮮味，配搭咖喱其實唔算特別，主要係味道難掌握，味道偏重，少少提子醋為粉綿上添花，好有貴氣ge一道菜。 (有薄荷薑茶refresh一下口腔味蕾，幾細心。)Boston lobster配薑汁敦奶，龍蝦一定新鮮，薑汁敦奶，夾海鮮湯底。當以為龍蝦係主角ge時候，其實湯底更加吸引，非常鮮味濃郁，問過店家係用蟹、龍蝦、魚一齊煲，所以亦加左糯米丸點湯食，必食之選。Pork belly &cuttlefish配意大利蛋麵，五花腩好入味，一般食到ge五花腩都係賣一個字﹕肥，但FJZ就用敦去煮，好處係唔會破壞肉質，所以唔會一咬塊肉就散開，好淋之餘保留到肉汁，蛋麵有輕輕ge松露味點綴，傳統味道，各方面都好高水準。雪耳牛肉加拿大野米(sushi!?)，全晚最有創意ge一道菜，用左加拿大野米，我都係第一次試，問過店家，原來佢係野生水稻，而且一定要野生探摘，營養價值非常高，底下配糯米飯團。好複雜ge味道，整體仍然係似名貴版燒牛肉sushi。Fun tips：店家見我想當成sushi成件食，就從旁教學，原來要切細少少，再點d熱情果sauce先食，但雪耳其實比較難切，建議應該先剪細，食起來先比較方便。最後甜品，食到最後先發現原來菜單安排好有心思，全晚我地發現食物都偏濃味，去到最後確實需要清涼甜品，而菠蘿冰配青檸糕正好滿足需要！有心思係要讚！味道OK，甜品來講唔算好甜，但波蘿冰最需要ge係清涼感，呢方面算係成功ge！…Read More

牛頭角返工因為朋友喺呢頭做野介紹我一齊來，佢重點要試呢度嘅Burger，呢間餐廳都好新下，幾闊落同埋真係好大，坐得幾舒服。點個吞拿魚沙律同漢堡，加兩杯野飲咁。直接入正題，吞拿魚salad上先，好多吞拿魚，好大塊，吞拿魚有稍稍剪一剪，味少酸，吞拿魚整得好有咬口，難度在於佢剪一剪之後仲保留到吞拿魚啲汁同味，要知道通常呢啲煮法都會整到變檫膠，但呢碟就克服左呢樣野，話係香辣，整體香而不辣，藜麥都令成碟沙律更加香，一粒粒都令口感豐富左唔少，中上之作。主角登場MOREISH 牛肉漢堡，擺上枱個賣相未有令我赫一跳，有種簡潔嘅感覺，成包個顏色幾好，唔似話掛住整舊肉就忽略左其他parts，切開已經見到肉汁想滴出來，但可能佢整嘅時候有用手搓過，所以舊肉起左少少膠咁鎖住晒啲肉汁同脂肪，真係滴唔到幾多出來，但好明顯見到成塊漢堡扒都俾啲肉汁Fill到滿晒，包係鬆脆，肉脂好豐富，成個口都係肉香，味道好好，芝士味偏淡所以啱啱好唔會太”漏”，睇得出係花過心思，份量就唔算大份，似一般西餐廳份量，但係呢個價錢嘅話係值租有餘，要搵抵食嘅話就未必係首選，但係要搵好食嘅話，呢個Burger一定唔會失望。事後我有問過MOREISH點解，佢話係”令人回味”咁解，有機會會再試，少少意見係未來如果有其他Burger嘅話會更佳，因為暫時只係得牛肉，但咁嘅quality實在係值得一試。…Read More

同事朋友中好壞參半嘅餐廳，裝修風格日式+西餐廳，其實即係港式，整體觀感幾好，由於座落銅羅灣，唔覺得擠迫已經可以接受。簡單叫左個和牛炒飯加杯draft beer, 賣相好，外觀睇到㕷飯炒到一粒粒分開，有光澤濕度中等，不過啲牛肉原來並冇一齊炒，咁應該叫和牛加日式炒飯合理啲。個飯炒得好香，有少少磨菇一齊炒，食落口感好好，飯身彈牙有味，亦唔會痴埋一齊，啲蔥都恰到好處，總體上單講個炒飯係非常香，口感都好豐富。再試啲牛肉，偏瘦，少少韌，如果食慣好肥好易咬嘅牛肉應該會唔慣，肉汁都保留到而且好夠味，但就冇特別，似係其他餐廳都試到嘅燒汁。總結，炒飯係一流，但牛肉好普通，以呢個價錢來講唔抵，因為份量實在太少。…Read More