老豬80's Profile

星期日返北角教會，平時多數會搭電車過銅鑼灣，又或者出番旺角個邊食lunch，但今期想去北角匯逛下街。雖然北角匯好多食店，但最後選擇了Riva灣Bar & Grill。 店內餐廳裝修又華麗又靚，又有一大個維多利亞港睇，一心以為呢餐都唔慌平，不過平時工作辛苦就當作奬勵自己啦，點知一打開個餐廳，個下巴都跌左落黎，真係同去一般餐廳既價錢唔係相差好遠。 😋黑松露雜菌意大利燴飯 – 最值得一讚係燴飯，煙韌適中，味道充滿驚喜，配上香氣十足的黑松露雜菌，還有一片片的車打芝士，令人回味。 🥩香烤美國穀飼牛側腹配時令蔬菜 – 烤焗煮法的確可以保留肉質的原味，每塊牛側腹咬入口都有陣陣牛肉香氣，而又保留了牛肉的鮮嫰，十分好味。翠肉瓜、茄子同蕃茄仔入口爆汁，要提一提個原隻蒜頭，好食之餘又唔覺得食後個口好臭，超正。 臨走前同職員談了幾句，才知道原來北角這家店才開張了半年。另外，他們在馬灣也有分店，環境更加優美，晚飯時段個景係完全對住著左燈既青馬大橋，相信一定好浪漫。 …Read More

生日前夕，帶媽媽食餐好d既，今次揀左位於太子的紅橋。店內裝修簡約，坐位寬敞，感覺很不錯。香煎羊扒沙律菜配黑燒汁配意粉 – 羊架煎得剛剛好，香味十足，吃時羊肉容易甩骨，肉質嫰滑，口感好好，配上黑椒汁意粉，好好味。黑松露忌廉汁野菌海蝦燴貓耳朵 – 海蝦好大隻，咬落十分爽口。黑松露香味十分濃烈，配上掛汁的野菌和貓耳朵，配合得好好。紅豆冰 – 上枱個刻有d驚喜，唔係平時餐廳咁用普通杯盛載，而係一個特別少少的玻璃杯仔，感覺唔係飲緊紅豆冰，而似係食緊一個甜品。…Read More

好鍾意食台灣菜，所以都會周圍搜尋有質素的台灣菜舖頭，今次比我搵到間位於元朗的，決定同老公去食個晚餐，然後可以去附近的形點行下街。 7點鐘食飯時間，好多人幫襯，除了店內滿座，店外都排滿等位的客人，好彩我們都尚算早一步到達，所以等了一陣就可以入去食。🍜皇牌胡椒雞湯米線 – 雞腳和豬肚十分入味。湯底有濃濃胡椒味，但又不會過份刺激，標明係不添加味精，最後真係成碗飲哂，味道很不錯。套餐可以選擇配炸雞扒，又或者鹽酥雞，連埋特飲珍珠奶茶都只係$84。🌮芋泥肉鬆蛋餅 – 蛋餅係必食的台灣名物。第一次試呢款芋泥配肉鬆，初時都諗會唔會唔太夾呢？但原來芋泥軟綿綿，連同爽口的肉鬆，再加上薄脆的蛋餅，好好食，都頗為喜出望外。😋酥炸杏鮑菇 – 即炸杏鮑菇，炸衣內係爆汁菇，非常惹味。但真係要小心食，否則會燙親個嘴。…Read More

去黃金商場前要搵地方醫肚，朋友話有間餐廳，入面有個爆漿流心阿華田西多士，仲要係網上cap左圖比我睇，我呢d螞蟻人一見到就立即心心眼，對於呢類甜品，真係完全沒有拒絕的能力。一踏入餐廳，已經見到寫住給你家的味道，充滿親切感。店內裝修簡潔，職員也很親切。爆漿阿華田西多士 – 麵包炸到非常脆口，中間一切開已經見到流心漿傾瀉出來，味道濃郁而又不過份甜。白華田脆脆特飲 – 初頭飲時，覺得味道稍為淡薄，但之後就越飲越有味道，配埋朱古力脆脆，口感和味道都十分豐富。車仔麵 – 選擇了牛筋、豬頸肉和魚肉春卷，這三款餸都很不錯，尤其是牛筋夠軟淋。湯底味道都幾有驚喜。…Read More

一直對熟食中心呢類地方都印象麻麻，因為普遍環境都係比較唔乾淨同嘈吵，但今次朋友帶我地去長沙灣的保安道巿政大廈，整體感覺令我改觀，除了環境ok之外，食物也很有質素，即場睇住大廚炒緊你點的餸菜，未食已經知道一定夠鑊氣，價錢仲要十分親民。梅菜扣肉飯 - $50包埋凍飲。扣肉煮得很淋，非常軟身，入口即溶。個梅菜汁配上白飯，真係一流，好快已經清哂成碟飯，仲要覺得唔夠喉。 金磚豆腐 - $88，炸到脆卜卜，但又唔油膩，真係好考功夫。炸蒜再多d，就更Perfect。豉椒炒蜆煎米粉 – 呢碟係落單個位姐姐介紹既，平時出街食碟豉椒炒蜆都起碼百幾蚊啦，依家連埋個煎米粉底都只係$118，真材實料，隻隻蜆都肥嘟嘟，仲要炒得好有鑊氣，味道當然係好啦，好抵食。 …Read More

粥店係香港漸趨息微，有時突然間想要食粥，真係方圓幾百里都找不到一間。今期去北角個頭，見到一間新名字的粥店，決定同老公入去幫襯下支持下。 店內裝修光猛整潔，座位都尚算寬敞，最值得一讚係，侍應姐姐的態度好友善。艇仔粥 – 勁足料，有魷魚、花生、豬皮同肉球，加上粥底，口感和味道十分豐富。生滾鮮鯇腩粥 - 再加碎牛、醎蛋和蠔豉，即使加上很多配料都仲係好抵食，因為每款配料也只是$4-5。生滾粥果然係唔同d，粥底很香很綿滑。鮮鯇腩超厚身，但不腥，食落啖啖肉。 蝦米炸兩腸粉 – 因為唔食蒽，所以叫了蝦米炸兩腸粉，點知原來都係有大量蒽花，下次要記得走青。炸兩炸到卜卜脆，即使用腸粉包住，都絲毫不減香脆口感，配上麻醬 + 甜醬，十分好味。 綠豆沙 – 一如香港人對甜品的評介，就係不太甜，好怕飲左一堆糖落肚，呢碗綠豆沙就甜度剛剛好，但真係好大碗。…Read More

數九龍區最出名的車仔麵，華記一定榜上有名。平時路過實在太多人排隊，一見到條長長人龍就立即調頭走，今期有幸見到條隊好似短左少少，於是就決定入去食番個Lunch先。三餸車仔麵 – 蘿蔔好似唔洗錢咁，有3件，仲要係超大舊，大到會想笑，因為真係好巨型，但非常非常入味，最後係一啖都無剩。牛肺，完全沒有內臟那一陣臭味，爽口彈牙。春卷，煙靭入味，也很不錯。最值得一讚當然係個招牌湯底，重口味小辣，唔會勁口渴，係真材實料既。豬雜麵 – 如果唔想揀，可以選擇豬雜麵又或者牛雜麵。豬雜麵入面有豬脷、豬潤、豬肚…總之你講得出既豬內臟都有。但好想講既係，d內臟真係洗得好乾淨，因為真係完全冇平時食內臟都應該會有個浸內臟異味，好勁。豬雜配上咖喱湯底，十分美味。太陽餅 – 蝦餅，炸到非常香脆，食落啖啖蝦肉，十分惹味。下次要份外賣，返屋企配番杯啤酒。新鮮魷魚鬚 – 又爽口又彈牙，配上秘製醬汁，正！…Read More

放假喺尖沙咀搵食，朋友話介紹我去一間性價比高的韓國餐廳。呢間韓式料理餐廳的裝潢簡約，令人有置身於傳統韓國家庭享用韓國家庭式料理的感覺。食物方面，餐廳推出多款配搭的套餐組合，除了可以食到自己選擇的餐點外，也可以品嘗埋韓式小食、海帶湯及益力多。韓式辣豬肉石頭飯 – 天氣涼浸浸，連埋個石鍋上枱，吃時都仲係熱辣辣。拌飯內有流心蛋黃、生菜、芽菜同紅蘿蔔，連埋辣豬肉配上韓式甜辣醬撈勻食，十分惹味。石頭飯底更會有脆卜卜的飯焦，有種食緊煲仔飯的感覺。牛肉海鮮辣湯鮮 – 超大碗，估唔到個麵底係扁麵，夠煙靭，啱哂我口味。湯頭很鮮，辣度也適中。配料勁多，有青口、蝦、魷魚同蜆，仲有主角牛肉，最鍾意係加上大量爽口椰菜，令碗麵口感更豐富。跟餐仲要包埋兩隻餃子，同埋3款小食，又正又抵。 …Read More

之前係大坑都曾經幫襯過兩草，當時已經好喜歡，但畢竟個位置對於本人來說都比較遠，所以一直都沒有再去。剛巧要去尖沙咀，發現原來兩草係尖沙咀都有分店，今次就同老公去食個午飯。 見到兩草的餐牌，已經每款都好想order，看似好簡單好平民既料理，但其實越簡單就越難煮得好食。舖頭都幾早就開工，有時間可以過嚟食個早餐，不過原來早餐只係尖沙咀分店有供應，其他分店係冇嘅。香煎脆邊蛋肉餅飯 – 見到隻脆邊蛋個流心蛋黃搖動中，已經心心眼，然後蛋漿流進白飯裡，再配上煎到外脆內軟既肉餅，每一啖都好正。好欣賞可以將最平凡的食材混在一起，但可以煮出咁好食的一碗飯。叉燒豬油撈麵 (麻辣) – 撈麵可以有豉油味或麻辣味選擇，今次我地就揀左麻辣味。每一口麵都食到麻辣的香氣，辣度適中，麵條爽口，還有叉燒肥瘦恰當。忍唔住要另加一碟豬油渣，好邪惡，與麻辣麵一同食，真係好好味。檸檬薏米水 & 樽仔咖啡 – 檸檬薏米水，酸酸甜甜，又解渴，感覺健康d，唔怕肥。另外也有樽仔咖啡和樽仔奶茶，兩款都可以揀原味，又或者好似我咁係揀斑蘭味咖啡，味道特別，很不錯。…Read More

我好少會重複幫襯同一間餐廳，但位於北角的這家鐵花村是我第三次光臨。。據店員說，並不是單單食材來自台東，係連醬料醬油都係老闆由台東帶回來的，足以證明對出品的食物是有要求。香菇芋頭湯米粉 - 香菇的味道和芋頭很配，很香很濃，配上超幼身的米粉，加上煮到熱辣辣，很適合凍冰冰的天氣去食。瓜仔肉燥飯 - 店員推介，肉燥是齋，加上配菜，有脆黃瓜、台灣腸同滷蛋等，整碗飯十分豐富，味道也很讚。炸包心地瓜丸 - 去台灣夜巿最鍾意食的地瓜丸，呢個係迷你版，細細粒炸得好香口，但又唔油膩，仲要一碟有15粒。最值得一讚的是，店員們都非常友善，偶然會與食客們閒談數句，店內氣氛融洽。…Read More

約了朋友係紅磡食飯，正當苦惱緊去邊間餐廳食之際，竟然比我搵到一間平靚正的滬京菜的新餐廳。雖然位置係新樓盤個邊，附近好似唔太多人路經，但係這間小店竟然爆滿。生煎水餃 – 千萬不要立即放入口食，因為真係煎到熱辣辣，小心慢慢食。餃子煎得很脆口，但又唔油膩。滬式燻魚 – 半煎炸的燻魚，配上特色醬汁，很香口和惹味。酸辣湯麵 – 酸辣湯很豐富，有豬肚、豆腐干、木耳、竹筍、菜和蕃茄，味道有點特別，好似同其他店舖的酸辣湯不同，但味道很不錯。幼麵，我選擇了要爽口點的，有咬口之餘亦很掛湯。雲吞豬扒麵 – $52有豬扒有雲吞，仲要配埋大大碗麵，難怪咁多人幫襯啦。豬扒薄切，炸得很酥脆；雲吞大大粒，個餡包得一D都唔手軟。整碗麵份量十足，又好食又抵食。 …Read More

其實都幾鍾意食韓國菜，但香港既韓菜餐廳一係貴得黎份量少，一係平得黎唔好食，所以都真係唔容易搵到一間性價比高既。但今期我同老公剛好去到九龍城，就好好彩搵到間好啱胃口，而價錢亦都夠哂親民既韓菜餐廳。石鍋蔬菜拌飯 – 石鍋既好處係，即使食到最尾一啖，啖飯都仲係熱熱地既。芽菜、紅蘿蔔、菠菜、蘿蔔、脆肉瓜、雞蛋連蛋漿同飯撈埋一起，再配埋韓式醬，食落好味又健康。炒粉絲 - 上枱時覺得碗粉絲平平無奇，但食落有好香的麻油味，不用配任何醬汁都好夠味道。 拌麵 - 好多韓菜餐廳已經唔再有韓式冷麵，難得見到呢個餐廳有，心裡面好期待。醬汁好濃郁，而幼麵條亦都掛汁，每一啖都好正。我諗下次再黎食，呢碗冷麵，我係一定會點 …Read More

當年紀有番咁上下，身邊既朋友開始注重健康，我都開始受感染，並且周圍發掘一些又好味又健康又有選擇的餐店。有朋友介紹銅鑼灣既Poking，既然剛巧係附近，就同老公入去幫襯食番餐。Menu有好多選擇，如果唔鍾意特定的餐set，可以自由配搭。由飯類、Protein、配料和醬汁都可以揀，最後mix個獨一無二，最適合自己口味的。Signature Menu I am Greedy - 壽司飯配沙律菜，份量剛剛好，食飽都唔會有好滯既感覺。另外，沙律菜好脆口，食落去係聽到嗦嗦聲，勁Fresh，連埋暖暖地的飯一齊食，很不錯。三文魚同吞拿魚刺身都切都粒狀，再加埋其他配料，整碗飯好特別，也很好味！Create Your Own Fore Bowl - 壽司飯配沙律菜 + 秘製牛腱肉 + 蟹籽 + 泡菜 + 芥末乳酪沙律醬 + 飯素 + 脆炸蒜粒，揀哂所有自己喜歡吃的食物，我覺得碗飯配搭得非常完美，仲要好好食。牛腱肉煮得好淋身，完全唔洗用力咬，而且都唔痴牙。…Read More

壽喜燒係其中一款我很喜歡的日式美食，可惜係香港品嚐這款美食的餐廳都貴，動輒都成千蚊一個lunch Set，Dinner Set可以去到千幾二千蚊一位，兩個人食飽離開時個荷包都有d傷。但又無理由要搭飛機去日本先可以食，所以我就周圍搵，終於搵到間性價比都幾高的食壽喜燒舖頭，係旺角太子附近，位置都幾方便。 店內裝修十分精緻，頗有日式風情，很有悽身在日本餐廳的感覺。以QR Code下單，Menu內除了各款壽喜燒套餐外，也有其他烏冬set、赤面set，以及小食選擇。進食前也充滿儀式感，店員會先開爐，煎洋蒽大蒽，再加壽喜燒醬汁，然後就由食客放入和牛片，差不多食到尾段就Shabu Shabu，加入清湯，以及蔬菜豆腐冬菇粉絲。 澳洲M9+[全血]和牛 – 上枱見到和牛雪花好靚，已經知道一定好食。果然入口即溶，又嫰又香，配上壽喜燒汁，好好味。 美國牛板腱 – 追加了一碟牛板腱($135)，雖然質素就冇M9和牛咁傑出，但食落都充滿牛肉的濃厚味，十分不錯。 …Read More

金巴利道就仿似係為韓國菜而設的一條街，各式各樣的韓國餐廳都有。近排都好沉迷韓劇，除左鍾意韓星外，也喜歡上韓國菜。今次就拉埋老公去一間由2001年開店，尖沙咀區內開店最長時間，仲要係同區最經濟實惠既韓菜餐館。店內裝修企理，座位寬敞，適合相約朋友聚會，又或者家庭聚餐，唔怕坐得太迫逼狹。Menu上菜式種類選擇繁多，除了必需要有的韓式炸雞外，另外也有燉湯，冬天過到黎一定要點，夠哂保暖。 韓國豬手 – 勁大份，兩個人食好怕食唔哂。豬手一d都唔肥，軟淋淋，面頭個層豬皮非常煙靭。甜酸炸雞 – 半份都已經好大份，數落應該有6,7件。雖然淋左甜酸醬汁，但一d都唔影響炸雞的香脆，咬落啖啖肉，而且食到最尾都唔覺得油膩。辣牛肉京蒽湯 – 湯頭好夠辣，但唔搶喉。牛肉份量十足，仲有粉絲金菇等配料，配上白飯，十分好味。生米酒 – 有點點甜，一d都唔苦，平時唔多飲酒的我，都比呢枝米酒吸引住，忍唔住飲下一杯又一杯，非常易入口。 …Read More