salene314's Profile

食早餐係碗麵到食到塊膠布，員工咩唔好意思都冇講，淨係話，喔 咁我換過碗俾你，換完返黎，我話你哋會唔會考慮免單或者平啲，始終問題嚴重，點知員工態度惡劣，表示你唔食就全部收走，然後將淨低未食嘅嘢收走倒晒。…Read More

首先，用花花草草配撘木質既枱，再加上用咗好家居暖色既色系，成個感覺已經令人好舒服。食物方面，我同朋友分別叫咗一個義大利飯同貝殼粉(因為供應問題，本來想食貓耳粉，可惜食唔到！)。飯方面，實在太硬，完全好似未煮熟咁，叫店員翻煮，雖然好過第一次，但其實都仲係好硬，但係佢個汁都幾好食，係真係可惜在d飯太硬！至於個貝殼粉，唔錯，有三文魚加埋d汁，啱啱好仲有杯柚子梳打，好fresh而且好靚！總括而言，呢間超值得去！…Read More

以往黎親銅鑼灣都唔知食咩好，難得今次有朋友介紹呢間樓上cafe，就諗住去試下。一入到間cafe，見到裝修好colourful，有好多唔同而有趣既quote，亦都有播歌，成個環境都好舒服。去到食物方面，我地叫咗個黑松露意大利粉同鰻魚蛋包飯，仲叫咗杯天然紫薯。個黑松露意大利粉有炸咗既金針菇，食落有好重好香既黑松露。另外，個鰻魚飯加$28就有得變全條鰻魚，實在掋食，個蛋包飯都唔會好濟，飯粒分明，好味。個杯天然紫薯冇落任何糖水，亦都有粒粒紫薯，都好味。…Read More

好耐之前食過一次 係紅磡區宵夜必選之一咁岩新鋪試業過黎幫襯之前成日都爆場要等位今日咁岩唔洗新鋪乾淨過舊鋪好多最抵食係五餸麵 你諗到嘅餸佢都有齊晒份量適中 唔夠嘅同老闆娘講聲可以多啲啲味道唔錯 有唔同辣道選擇 唔食得辣嘅Bb辣已經同譚仔小辣差唔多都只係40蚊一碗宵夜緊係要食串燒佢啲串燒上菜速度都算快 種類多 而且夠入味唔會燒到太濃入唔到口最好要試佢嘅茄子 雞翼同牛舌其次服務態度好埋單每人都係七八十蚊十分推薦紅磡之友過黎呢間食宵夜…Read More

琴日一行十二人去呢間酒樓食飯第一味菜乳豬已經唔得 成隻乳豬好凍服務員重一路上菜一路講野 噴晒口水落啲餸到之後香蔥蒸蓉蒸鮑魚完全冇味道 明明檯面放到冇晒位 服務員都可以唔幫手要我地自己騰空位置比佢上菜可以讚嘅係個雲吞雞湯幾入味同足料條魚蒸得滑唔老西芹蝦球同西蘭花魷魚一般般最後冇炒飯變左生煎包生煎包會當住你面係你面前煎呢個第一次見但係服務態度真係唔掂 食到一肚火之前團年飯都試過係到食重要坐電梯隔離 正正係出入位好多人行過唔會再黎呢度食飯:(…Read More

夜晚11點幾諗住去茶餐廳食野，呢間未試過，諗住試下新美食，而且見佢選擇都唔算少，就決定食呢間。我嗌咗一碟香矛豬排飯同一杯凍檸茶，佢都有附送例湯。佢個例湯飲落已經好水，都冇乜味咁制，飲咗幾啖就冇飲到。然後個飯一黎到，就咁睇都已經覺得好油無論飯定豬排都超級油，食落口超級唔舒服，感覺好嘔心。除咗好油之外，塊豬排都超級薄，薄過一張紙，又薄又唔好食，完全大失所望仲有杯凍檸茶，超級甜，就算嗌咗少甜都仲係好甜，超級唔好飲。…Read More

環境好舒服，燈光合適，唔會太光或者太暗。飲品都有好多種類揀，酒精或者無酒精、汽水都有好多款，適合一大班朋友，有唔同口味既都可以去坐低傾下偈飲反杯。亦都有小食叫，飲酒既同時想食野都唔洗驚，呢間bar絕對係一個好地方…Read More

試咗佢個脆香雞扒麵，塊雞排炸得好香好脆，食落去入面既肉都好鬆軟，唔似其他餐廳咁會炸到‘老晒’，套餐包豆漿都只係三十五蚊，性價比幾高。另外，試咗佢個煎豆腐，真係煎到兩面金黃色，但入面仲係淋既豆腐，唔錯，好食…Read More