Eleven-YeeTung's Profile

大埔太和的日本街有幾間日本菜，呢間就係其中一間。朋友今轉想食串燒，所以就選左呢間la。小店寬敞，裝修風味十分，坐得舒服，重俾我見到有熊本熊的裝飾😻，要加分！即製串燒叫左：$40 生燒牛舌、$28串燒雞腎、$38 日本秋葵蝦。要大讚秋葵蝦真心好食，在其他餐廳都未食過，蝦肉的鮮味滲入秋葵，口感不錯。生燒牛舌厚切質感一流，冇得輸，必食！串燒雞腎就未夠火喉，如果再脆身少少更加好。炸物點左$48 吉列廣島蠔，呢個滿分💯，新鮮熱辣辣送到，外層脆卜卜，蠔味濃，配上沙律醬，好正ar!$108 溏串雙子雙色卷大件足料，一上枱就知好味道，卷物製作實淨唔會一夾就散，材料豐富，醋飯夠味，下轉再黎一定會再食 ！柚子酒梳打味道清爽，如果大杯點就梗加好啦😻其實有$48啤酒，好抵買二送一，可以朋友唔飲得，所以冇叫到。…Read More

呢間cafe都經常黎坐下，會回頭的原因除左可愛的喵喵，其實最重要係食物質素。喵cafe周圍都有，但食物質素好多時都係好一般，又貴又唔好食一係就細細盤，不過呢間就好唔同啦！同朋友黎，兩個人唔諗咁都係二人餐，樣樣食物名都好吸引，心大心細就加錢要左個炸物小食盤，一碟黑松露大啡菇意大利飯，一份安格斯牛肉竹炭漢堡飽配薯塊，而野飲就叫左熱檸茶同玫瑰蘋果醋梳打。套餐包餐湯南瓜湯及芝麻醬沙律。南瓜湯一絲絲的南瓜口感，口感creamy!芝麻醬沙律新鮮爽口，不錯。野飲份量勁滿意，比起茶餐廳的熱檸茶份量起碼多一倍，友人的梳打唔會太甜，夏天飲十分清爽！炸物小食盤好豐富！有三款炸物，炸雞條，雞塊同薯塊。雞條有少許乾身，配上沙律醬也不錯！雞塊質感比快餐店重好食，有一絲絲的雞肉，不過配茄醬或沙律醬都唔太對味，始終都係鐘意甜酸醬或者燒烤醬：）薯塊真係招牌野，好特別好好味，佢的味粉十分滋味，外脆內軟，一塊一塊停唔到口！芝麻醬沙律再次出現，雖然新鮮爽口，不過如果變做翠肉瓜或者茄子之類作配菜就更豐富！意大利飯一向係我最鐘意食的西餐美食！呢碟意大利飯味道，質感水準都得好，即磨的芝士帶黎的陣陣咸香，very good!漢堡飽一睇就食唔錯，包很鬆軟，牛肉扒厚度令人滿意，而且充滿肉汁，芝士味濃！薯塊份量太令人開心了，因為真係好好食，多多都食得哂！之前黎過，都食夠一張蓋滿章的儲分咭，十個印仔今日可以換雪糕心太軟，雪糕係曲奇味，心太軟略為甜了些，還是比較喜歡帶苦味的心太軟：）飲品份量充足，一整晚坐坐，傾下計，欣賞可愛的喵喵，真是一個唔錯的聚腳地方。…Read More

返工呢排真係好忙，難得朋友又得閒，放左工就約左返大埔飲番杯，傾下計relax下。大埔酒吧唔算太多，呢間都係第一次黎，見OpenRice comment 都不錯，一試無妨。餐廳唔算好大，開放式設計，坐在餐廳，可以望下街外情況。職員安排左我地坐沙發位置，位置舒服，坐幾耐都得。放工未食飯，所以都點了少少澱粉質：安格斯牛板腱珍珠飯$88。牛肉份量足夠，珍珠飯正常，可惜醬汁略咸。黎得酒吧吹水，梗係點番杯酒精飲品，本來想試下沙冰啤酒，可惜冇沙冰，轉了普通桃味Kirin Ichiban $79，味道帶少許桃味，甜甜地，十分喜歡！送酒小食都十分多選擇，我地點了泰式生蝦刺身$58、串燒大啡菇 $29、培根蘆筍卷$26、燒韭菜$15、燒茄子、炭燒豬頸肉$19及香蒜燒鮑魚 $68/3隻。泰式生蝦刺身味道不錯，溶雪處理做得幾好，配上經典泰式辣醬，十分惹味！串燒大啡菇十分好味，juicy美味，配上惹味煙肉和少少芝士，回味無窮，最唔滿足係得一件，份量少左d，一人一件先夠喉！培根蘆筍卷有驚喜！蘆筍新鮮清爽，口感爽脆，加上咸咸的煙肉，燒烤功力不錯，外脆內爽，令人滿意！燒韭菜都係經典野，韮菜燒得剛剛好，不會過乾，不過份量都係少左d.炭燒豬頸肉味道正常，肉汁juicy!最後一道就係香蒜燒鮑魚！陣陣蒜香味撲鼻，鮑魚新鮮肉質軟身，唔會好難咬開，值得一讚！總括來說，呢間酒吧食物質素不錯，環境舒服，座位舒適，值得再次幫襯下。…Read More

返工咁辛苦，放工一定要揾地方鬆一鬆飲杯酒吹吹水雖然我地唔識睇波，唔知點解凡係酒吧有波睇的話一定會覺得成個氣氛輕鬆晒一座座就俾的花生，充滿咸香，送酒之選我地入座時係晚餐時間，叫左安格斯牛板腱珍珠飯e肚，牛板腱好入味又冧，栗米仲要係新鮮栗米，好有驚喜。飲酒一定唔少得，呢度有桃味麒麟Frozen beer，樣子可愛，上面仲係啤酒冰，飲落仲有淡淡桃香tim等左陣其他串燒就到，先來個金菇牛肉卷，d金菇就來塞爆舊肥牛，好入味茄子燒充滿蔥香，有少少挑剔的係如果茄子再整到冧身d就更正水牛雞翼燒到好juicy，韮菜辣辣地，燒鯖魚一向係至愛都做到好食之後來的串燒盤就好吸睛，左右小碟係蜜糖和燒汁。所有串燒我地叫左中辣，宫崎去骨雞腿辣辣地啖啖肉，個人喜歡加少少蜜糖，甜甜地好惹味。黑松露蝦串漲卜卜好味翠肉瓜和菠蘿又係必食其實仲有好多串燒選擇，配合強勁的音樂，食客開心吹水，酒吧氣氛愈夜愈好，下次一於再揾朋友來！…Read More

旺角真係好熱，行完街想揾間舒服的餐廳食個晚飯，經過呢度即時入左去。一片落地大玻璃，好大好舒服，好憂閒的感覺喔！入到去，待應黎招待我地，台灣口音的女職員，好親切友善，再望餐牌，應該係木台灣開過來的分店！餐廳係自助形式，揾左座位睇完餐牌就去收銀點餐俾錢，之後有個電子提示器通知你饂物準備好，可以出去拿。水、餐巾和餐具都係自助，全部乾淨衛生，擺放得十分整齊！餐廳環境十分舒適，播著台灣流行歌，令人心情好舒暢！周圍放滿精品，十分美觀又雅緻。二樓備有玩樂的地方。我和朋友點了兩份二人餐：Risotto分別為海底世界和義式蕃茄鯷魚蒜奶橄欖前菜有新桔梗沙律，非常好食！沙律菜十分新鮮，賣相吸引，甜酸得宜，十分開胃喔！麵包與無花果奶油和香橙百蘭地超司抹醬呢個又係超好味，多士香脆，配上奶油和抹醬一齊食，真係從來都冇在香港試過，令人十分深刻！Risotto賣相極之吸引，一枱新鮮熱辣辣。海底世界油油翠綠，有一隻開邊龍蝦和一份帶子，海鮮處理得十分好，煎封到外圍，外脆內裏多汁！risotto的飯質十分不錯，味道濃旭之餘，充滿陣陣我最喜愛的羅勒堅果醬！令人十分回味！義式蕃茄鯷魚蒜奶橄欖的賣相更加令人充滿驚喜！有乾蕃茄及黃金脆金菇襯托，十分新奇！脆金菇入口惹味，令人一口接一口停不了，各樣配菜的味道都配合得宜！蕃茄的酸酸甜甜，十分開胃，這道主菜簡直100分！套餐另包了兩杯每日昔昔，紫紫粉粉的奶昔，上面放有少許乾果及提子乾，配上奶昔及少許朱古力醬，為味蕾帶來新鮮感的衝擊！吃過套餐，另加了兩飲品解解渴：Ginger soda及蜜香洛神花茶。兩款飲品不會過甜，非常清新解渴，我和朋友都十分滿意！用餐後，餐具要自行收拾，是次用餐的感覺良好，下次必定再來！…Read More

沙田新城市廣場7樓有大量美食餐廳選擇，今次和朋友行完街，便到7樓休息及享用晚餐。西餐係我的至愛，所以今次選了樓層盡頭的The salted pig.餐廳裝修十分有趣，牆上是一堆堆的小豬再組成了大豬仔。十分可愛！典型西餐的餐牌，有前菜、小食、意粉、燴飯、少量甜品和一些酒精類的飲品。今次點了Sharing Snack Platter 小食分享拼盤。一望到餐牌上的照片已被吸引，非常多的小食種類拼盤，必點！小食一上枱，非常滿意，果然冇點錯。有蘇格蘭糖心蛋、炸豬皮、脆豬肋骨、迷你牛肉漢堡、炸雞翼、蟹餅、魷魚圈及薯圈。而當中我最滿意的小食分別係：蘇格蘭糖心蛋、迷你牛肉漢堡、炸雞翼及薯圈。蘇格蘭糖心蛋真的十分好食，大推，糖心效果做得很好，調味不會過咸，外皮炸得香脆，外脆內滑，加上少量香辣醬汁，十分惹味，令人回味無窮！迷你牛肉漢堡一改我對漢堡的印象，以往食過的都是很乾。但呢款漢堡大小適中，牛肉汁豐富，非常好味！炸雞翼味道正常，配有三款醬汁：牛油果醬、燒烤醬及酸辣醬，增添不少風味。最重要雞翼炸得剛好，不過乾身，保留左肉汁。薯圈絕對無得輸，新鮮即炸熱辣辣。炸豬皮不是我杯茶，去到泰國食的炸豬皮味道是一樣的，不過我不太喜歡它的質感。唯獨要可惜的是脆豬肋骨，外觀似排骨，炸得太乾身了，調味有點過咸，有待改善。意粉方面，選了蒜辣欖油大蜆意大利粉，調味清淡，可以加多點蒜香和辣味，不過，意粉質感很好，不會過軟過硬，大蜆食落都新鮮，不錯。服務非常好，職員不停添水及換碟，十分滿意！值得一讚！…Read More

Oppa 燒肉大埔有分店一向都知，之前食過都幾好食，成日搭開紅van返大埔經過都見到，所以今次約埋朋友一於試下。同大埔店放題唔同，呢度係一碟碟咁叫，牛豬都鐘意食，星五happy hour 一於食到到最盡，和牛同黑毛豬拼盤都叫左！和牛拼盤枱枱客都有叫，點可以唔試下，上枱非常吸睛，款款靚牛都有幾片，大大片厚厚切，睇到都流哂口水。餐牌食左有來自韓國、美國同日本的牛牛。質素相當唔錯，入口滋味，啖啖牛肉香味，肉質新鮮冇變黑！配上新鮮生菜同蒜頭食，絕配！黑毛豬拼盤也非常抵食，厚切大大件，職員重好貼心幫我地燒，因為真係太大件，唔係好識處理。豬肉十分鮮甜，沒有酥味，五花腩油脂層層分明，個人認為豬比牛更值得一試！爐邊蛋同前菜都十分正常，份量十足，最鐘意食芝麻海苔，好好味ar!可惜爐邊蛋再添要加錢⋯食得太多肉，叫左一盤翠玉瓜清一清。絕無欺場！翠肉瓜非常厚切，十分欣賞，而且係用曲紋切，唔會燒到痴底唔食得，非常好的切法。十分多汁新鮮，非常值得一叫！去完廁所見到走郎有雪櫃放左Movenpick雪糕，立刻打開meun一睇，原來只宵夜餐先有得食咋！如果可以散點就非常好，咁就好完美的一個晚餐了！…Read More

今年母親大人生日，我們幾位姊妹搞搞新意思，特地到澳門二日遊，而第一晚我們便到永利皇宮品嚐他們的自助晚餐。生日當然要一早預準，一早打電話到餐廳留定枱及request window seat，可惜職員說最佳位置已被預約了，但會盡量安排。當天準時到達，永利皇宮整架酒店都極具氣派，大堂金光閃閃，一路有大量花飾擺設，感覺好像去了歐美皇宮宮殿一樣！餐廳入口整齊地放滿了鮮花，香氣非常迷人！母親最愛的便是鮮花，十分對她的口味，更不停留影拍照。餐廳職員十分有禮，帶我們到臨近落地玻璃窗的餐廳，景觀雖然不是對正音樂噴泉，但大家也十分滿意❤️自助餐價錢十分相宜，用會員卡有折扣，每位大約只需$483！用餐時間沒有限時，由六時開始，讓客人可以慢慢享用！每張餐桌上的裝飾係新鮮鮮花💐餐廳環境係宮廷風格，所以燈光柔和偏黃，令拍照時要注意光暗角度。自助餐食物選擇令人十分滿意，而且食材極之高質！映入眼簾便是色彩繽紛的甜品區，未開動已決定要留肚享用甜品！甜品整齊排列，非常漂亮！多款新鮮自製麵包🥯有趣朱古力噴泉 （兩款味道：朱古力及牛奶朱古力）及大量配料極之新鮮高質冷盤海鮮（四款：開邊龍蝦、生蠔、海蝦、長腳蟹）海鮮不得不提，款式非常啱食，四款海鮮入口鮮味，解凍處理做得十分好！排列十分整齊！生蠔中型size,入口爽脆，充滿蠔味。職員仔水處理，享用時沒有蠔殼碎，十分滿意！長腳蟹味道鮮甜，不會過咸，肉質新鮮！凍蝦新鮮彈牙，無得彈！火腿、芝士選擇十分多！有伊比利亞火腿，味道不錯，配上新鮮水果，一流！多款精美沙律熟食全部都很好味！即切牛扒及羊肉都十分入味，肉質鮮嫩，不會難以咬開。唯刺身壽司選擇不多，味道正常。甜品特別推介：檸檬撻、紐約芝士餅和朱古力餅！檸檬撻入口香滑，不會過酸，餅底鬆化！紐約芝士餅非常好吃，芝士味適中，不過會硬，配上忌廉，十分滋味！朱古力餅雖然外表普通，厚度適中，入口鬆化無比，類似brownie口感，帶一點煙銀，大讚！新鮮水果有很多種類，特別提一提，有高檔龍珠果及士多啤梨，均十分新鮮甜美！進食期間，三款鮮榨果汁任飲，有西柚汁、西瓜汁及橙汁。最後還有餐茶，咖啡、紅茶及中國茶。職員添水添果汁十分迅速，服務殷勤！一路用餐，一路欣賞音樂噴泉景色。進餐中後期，大家也吃得半飽之濟，突然間，兩位職員一同唱著生日歌及端上小生日蛋糕到我母親面前。真令我們十分驚喜！！！真的是非常細心積極的安排。小生日蛋糕非常美味，入口十分順滑，令人回味無窮！這次安排令母親非常高興，大家也一致認同這間餐廳無論在食物質素、用餐環境及職員服務極之高質素，所以十分樂意向朋友們推廣及再次到此餐廳用餐❤️…Read More

沙田鋪租一向比較貴，所以想食餐比較便宜的晚餐都唔太容易。今日同朋友行完街血拼完，都係平平地食一餐就最滿足，因為要慳番d麻。行左黎好運中心比較平民化的地段，見到海皇粥店就衝左入去了。餐廳地方都好大，又乾淨又企理。晚市餐牌都多野選擇，所以都諗左好耐饂飯定食粥好。兩個人就少少地點了豬潤蝦米鯪魚球雙併生滾粥（$41）加$10炒麵再點了香茜叉燒腸（$24）。朋友係芫茜控，即使要加$1都照殺。流水式作業，食物好快就準備好。自己又可以添冷熱水，醬汁芝麻任加，而且樽身十分乾淨。好滿意！食物十分大碟，的確好抵食！叉腸豉油分開上，十分啱心水，因為一向唔太喜歡點太多豉油，健康d麻！用料十足，芫茜叉燒簡直絕配，腸粉夠薄十分滑身，而且即叫即制，十分新鮮！炒麵炒得非常靚仔，油水十分充足，條條分明！點上甜醬同芝麻，兒時回憶番哂黎！好好味ar!雖然油左少少，不過炒麵唔夠油炒的確冇咁好食嫁！雙併生滾粥十分大碗，豬潤大大件，十分新鮮爽脆！蝦米鯪魚球充滿陣陣陳皮香，蝦米同魚味都十分特出，入口彈牙，唔會好似食麵粉球的感覺！跟粥會送埋半條油炸鬼，真係好好味ar!海皇粥店性價比高，下次都會再黎幫襯！…Read More

今日中午唔知食乜好，入餐廳都一定$40-$50一個飯，所以就約左同事買外賣返公司食，真係又抵好食！三個人叫左三個飯，可以互相share下。特式客飯叫左兩款：多汁豬軟骨飯 $29同埋香濃咖喱雞飯 $29賣相都好吸引，新鮮熱辣辣。膠盒設計十分好，同事要飯汁分開，呢個盒滿足到佢要求。豬軟骨飯，多汁送飯一流，豬軟骨煮得好淋好入味，味道不會過咸。咖哩雞飯十分不錯，雞件大大件，係雞脾肉位置，軟滑多汁，不會鞋口。咖哩味𦬅惹味，香味濃旭，不過會辣，辣度適中。新鮮蒸飯則選了鳳爪排骨飯 $26，去飲茶成日食呢款，可惜飲茶又貴又細碗，呢度份量就十分滿足！排骨肉汁滲入左蒸飯中，啖啖油脂香味。蒸飯軟硬度適中，不會過淋。鳳爪調味十分好，不會過咸。呢個飯絕對係100分，食極都唔嫌。同事們見新鮮蒸包好吸引，所以決定點了兩款試一試。香芋包 $7.5及招牌菜肉包 $7.5兩款包都十分出色，香芋包香甜軟滑，芋泥入口軟綿綿，做甜品一流。菜肉包經典招牌食物，菜肉份量足夠，一人一半share都唔會好細件。肉汁豐富，蔬菜新鮮。正！$7.5一個包價錢非常合理，點都平過連鎖西式早餐包，而且可以新鮮熱辣辣享用，用黎做早餐也是一個很好選擇。下次叫母親大人買埋凍包返屋一早蒸黎做早餐又得！咁就可以在屋食到高質蒸包。同事咁滿足，下次應該會考慮買埋飯卷，用最抵價食盡佢！haha🤣…Read More

有時食親ｄ放題式打邊爐成日都無食到野咁，但又唔係咁鐘連鎖店喎，所以今次決定食返ｄ有質素少少既邊爐店。見呢間餐廳一向都好多人幫襯，今日早左收工六點左右就黎左。本來想試下食佢的雞煲但原來仲好多野揀，要食梗係食最好，所以就選了沙爆魚肚豬骨湯。沙爆魚肚豬骨湯 -- $248 湯底十分足料，材料有大量豬骨、豬手和魚肚。一試湯底，足料之餘，飲得出真係煲左好耐，魚肚好入味ar。豬手同魚肚煮得好好，魚肚吸收左大量ｄ湯汁，十分高質。下次一定要試下其他湯底！手打流心咸蛋豬肉丸-- $52味道不錯，充滿咸蛋香味，豬肉丸食得出很新鮮，值得下試。自家制，創意十足！自製脆響卷 -- $48新鮮即炸無油味，熱辣辣上枱，而且份量十分充足。脆響卷入口鬆化，唔會過硬！一口接住一口停唔到！素盛（野菌／雜菜）-- $66起初以為野菌或雜菜盛，點知黎到野菌同什菜都有，十分豐富！重點係洗得好乾淨。野菌有東菇和雞脾菇。蔬菜則有節瓜和白菜仔。十分健康！美國雪花肥牛（小）-- $108打邊爐除左個湯底，肥牛質素都十分重要。牛味好重，牛脂味濃旭，而且牛肉厚薄適中。草莓果肉蘋果酒 -- $45本人最愛飲apple cider, 加上啖啖士多啤梨果肉，好好味ar!必點，大大杯，解渴一流！餐廳環境十分寬闊，有沙發式的椅子，坐得十分舒適。環境乾淨衛生。待應們十分勤力，十分樂意為我地介紹食物。換碟及上菜速度十分快，服務令人十分滿意！…Read More

Cwb揾食容易，但要又平又大碟就真係唔容易。食過大型商場的餐廳，有時都鐘意去下樓上店揾下好野食。而今次就試左呢間任食火鍋。成人$298一位加一，價錢都合理。有得任飲紅白同啤酒，真係好吸引。有時放左工想吹下水，間唔時去bar飲一杯都唔平，呢度有得食又有得任飲，真係好正！枱上個牌寫左紅白酒都係黎自法國，入口易，白酒唔酸，紅酒不會澀口，果真不錯！啤酒有hite，我朋友成餐飯飲左四罐，真係好爽。餐前小食有單邊炸雞翼，好正ar今次選了花膠螺頭藥膳雞鍋，上枱個煲已經好誇張，竟然係木桶特別設計，打咁耐邊邊真係第一次見。個桶好新淨，唔會又黑又舊，食得好安心。個煲個設計好得意，旁邊有幾個出湯位，可以去油去渣直接不湯黎飲，呢個設計用黎食藥膳鍋就真係好好啦，呢間餐廳好足料，d湯又濃，有時不湯真係唔容易。呢個設計可以自動不湯，大讚！個煲的設計其實都係配菜，最重要都係食物質素，個煲一打開蓋，成半隻雞在煲，真係睇落都知啖湯正，一路煲越來越濃，飲左勁多湯都唔口渴，冇問題ar!個set自動上菜有一大碟自家制手工丸類，真係好台式火鍋feel.味道都食得係新鮮整落，用料充足。當中我就最鐘意炸蝦乾墨丸，蝦乾夠惹味，墨丸味道突出，質感而且窘竹彈牙，令人回味無窮，又新意又好好味，正！特別一提呢度的即炸響鈴真係好食到喊，又大件又鬆化，唔會油到淋哂，爽得黎又鬆化，真係勁好食！呢到的牛肉係牛頸脊，係我最鐘意食的部位，牛肉厚薄適中，有咬口，牛肉味濃，而且有少許牛脂味，每食一片都令我覺得好感動！餐廳環境企理乾淨，冷凍櫃有膠簾封好，保持食物温度，防止變壞。任夾食物有很多選擇，單係蔬菜都有七至八款，丸類都有我最愛的蟹籽丸、芝士丸同芝士腸。重口味的朋友又可以選擇雞子同粉腸同豬紅，自助食物選擇多，而且都好啱食！調味醬都清晰標示好，唔會一枱都係醬汁油份，乾淨衛生好啡滿意。要卡位有卡位，要大圓枱又有，下次一班人黎食就最開心。最後，餐廳待應服務都十分周到，又換碟又添湯，又幫隔離枱影相，又好nice,饂到最後已經好飽，重提我地有甜品tim.服務由心而發，質素非常好👍🏻…Read More

旺角一帶都很多餐廳，可惜大部分都唔算太高質。朋友今次介紹的呢間樓上cafe-茶聊，令我十分滿意。老老實實，一向都唔太鐘意食cafe，特別係旺角一帶的樓上cafe,都係又貴又唔好食，簡直浪費自己個胃的空間。呢間茶聊都係抱住試下的勇氣，未黎到，上openrice一睇個價錢都知道唔算太平。上一到黎，呢間cafe真係幾多人黎，朋友早左黎就先入位，眼見門口都有幾個人等緊。點了兩個主食：牛油果軟殼蟹包（$118）配脆薯角，大蝦龍蝦汁意粉。牛油果軟殼蟹呢個組合一向冇得輸，有埋我最鐘意的脆薯角，所以就選了它。擺盤很精美，最重要還是味道吧。的確不錯，脆薯角新鮮即炸，香脆無比，上面有少許紅椒粉，好惹味，少有高質的脆角水準！牛油果軟殼蟹包份量合理，包烘得很香脆，充滿陣陣牛油香，入口十分鬆化，好食！炸軟殼蟹處理得不錯，而且不會油淋淋，影響個包的質素。大蝦龍蝦汁意粉（$108）龍蝦汁的味道一向一試難忘，又係唔多餐廳有得食，所以梗係要試試啦。意粉一上枱已經十分滿意，$108呢個價錢唔算平，但呢個份量的確有驚喜，出面同樣價錢真係好難可以有咁大碟。大蝦處理得不錯，爽口，沒有雪藏味。意粉彈牙，龍蝦汁夠熱，而且不會過咸。高質！呢間餐廳食物選擇不算太多，但呢兩款都十分高質素，下次會再來試試其他食物和飲品。沒有加一服務費，清水有熱有凍自助形式，整體感覺，十分滿意。…Read More

放大假剛同朋友行完山，真係又累又餓，一隻牛都食得落。時間剛剛好，重趕得切食下午茶，見佢新開裝修都唔錯，所以二話不說衝左入黎試下。實在太肚餓，當食埋晚餐。餐牌都好多野選，而且下午茶又抵d，十分吸引。所以一口氣點了：百味酸菜魚配淮山麵、蒜香皮蛋、奶油豬豬和涼粉紅豆冰。放假麻～真係要對自己好d🤪百味酸菜魚配淮山麵 酸菜魚呢排好hit，今日見到真係要試下試。平時米線食得多，淮山麵真係第一次見。呢個配搭非常好，酸菜魚份量十分，魚塊無骨夠滑，處理得好好，無雪藏味。酸菜味道不錯，不會過酸，有少許炸菜調味。湯漫濃旭，有濃旭魚湯味，不辣，少少咸，可能炸菜多左少少。味道入口順滑，的確不錯，唯略嫌酸味不足。淮山麵十分爽口，初時以為係上海麵的質地，越食越好食，夠爽夠滑，不會溜。蒜香皮蛋皮蛋係我的至愛，份量適中，碟底有少許辣油，蒜泥味濃，配上芫茜一流！奶油豬豬下午茶有甜品真係一流！豬仔包烘得剛剛好，香脆有口感，奶油充足，啖啖充滿牛油香同練奶的味道，用料慷慨，所有飽面都有奶油，大推!涼粉紅豆冰真係唔多餐廳有呢個飲品，一眼見到要加$9都要試下！真係冇點錯，十分好味！涼粉充足，紅豆粒粒飽滿！冰和奶比例剛剛好，不會過淡，一口氣成杯飲哂！正！賣單$100，食完飽到充滿幸福的感覺。放假郊遊完，再加上美滿的一餐，真係人生一大樂事！…Read More

Green Monday人人都知，但幾多人又做到。今次試左呢間韓國餐廳，好有心咁推左個素食放題，韓式素食真係第一次食，重要係放題模式，咁我同朋友就一於試下。在LCX基本上間門餐廳都要等嫁啦，所以我同朋友一早六半就去到，早到梗係有靚位，對住個無敵大海景，真係好賞心悅目。食食下中途重有幻彩詠香江睇，真係好屈機！間大郵輪離開口岸啦，睇住佢駛走的感覺好特別。放題$208加一，90分鐘。價錢合理，可以一戰！前菜有8款，我地試左麻藥薯條、泡菜芝士薯條、招牌青蘋羽衣甘藍煎餅和健康藜麥沙律。麻藥薯條真係估佢唔到，係甜甜地嫁。上枱薯條夠哂熱，係幼身薯條，夠哂香脆。上面灑有大量甜甜的調味粉，越食越想食丫！我朋友鐘意傳統野，佢就鐘意呢個泡菜芝士薯條，咸咸地經典野，泡菜加芝士真係無得輸。招牌青蘋羽衣甘藍煎餅就最正，其實用蘋果做材料的食物我都幾鐘意嫁，例如蘋果批！煎餅一上枱真係好green ar！都有點驚訝🙀不過，一場黎到梗係要試下新野，煎餅入口好香蘋果味，第一啖就知好好食，上面有甜甜的調味醬，加上香脆的蘋果乾，真係新奇又特別，重要係好好味嫁！不過煎餅可以再煎得再薄身點，相對更加香脆點，味道再升級！健康藜麥沙律正常野，一睇就知蔬菜新鮮，唔錯！主菜一共有11款！我地試哂招牌野，包括：牛油果開心果炸雞、芥末炸雞、純素燒鰻魚和板燒未來豬肉漢堡生菜包！芥未炸雞一聽就知惹味野，梗係要試試啦。入口外皮脆，新鮮即炸夠哂熱！芥末醬汁夠哂多，少少刺激。炸雞外脆內軟，中間係一絲絲的素肉，真係好似食緊雞絲雞球一樣，高質！牛油果開心果炸雞又係新奇野，呢度認真不錯。炸雞水準冇問題，上面的醬汁香滑，有牛油果的軟滑，加上濃旭開心果的香味，中間帶有少少檸檬酸味，味道唔錯唔錯，值得一試！放題都唔係求其放食物上枱嫁，純素燒鰻魚和板燒未來豬肉漢堡生菜包都係用左小小鐵板俾客人可以一路食一路加熱，真係有心製作！先講純素燒鰻魚，份量唔算多，放題份量剛好，同一款食太多真係好唔抵嫁麻！素鰻魚配上香甜的鰻魚汁，質地當然冇真鰻魚咁軟滑，不過味道又真係比得上真鰻魚，幾可亂真！配上窩巴同生菜食，感覺好fresh!窩巴夠脆，存放得幾好，唔會淋哂痴牙！板燒未來豬肉漢堡生菜包，都係有得俾你燒下燒下加熱。漢堡十分濃味，內層有滿滿的素芝士，啖啖都有芝士香，惹味十足！覺得太heavy,可以夾埋d生菜食，咁就啱啱好😄飲品二人share 左特飲水果覆盆子紅醋，解解飽濟感，職員上飲品的時候都特別周到，會特別在你客人面前調配一下,款款不同，充滿新意！飲品方面十分足料，酸酸甜甜，我個人就認為太濃，如果多點冰沖淡下好點，我朋友就認為剛剛好！食到最後太飽了，所以沒有點甜品。下次想食記得訂枱前預留！…Read More