chel9999的個人專頁

以往睇演唱會，都係響置富都會搵嘢食，最後都係求其一間有位就食。今次決定睇演唱會之前去黃埔逛一逛，見到一間日本嘢食就入左去試吓。我坐低咗之後，好快全部枱都陸續滿客了～重點係食後感：食物水準高、價錢好公道、服務員有禮、店舖環境乾淨舒服。其次嘅重點，就是整晚都沒有叫服務員加過茶，因為她們已經主動做了👍🏻要讚啊👍🏻第一個上嘅菜係軟殼蟹牛油果中華沙律，因為好肚餓立即起筷忘記影相～其他就係圖片中的👍🏻食晒之後，我朋友話想食多一個關東煮。食完之後我已飽到上心口🤪，關東煮又係唔記得影相😬鑒於仲有時間，加上食到咁飽，就決定做返啲運動，行去紅館睇演唱會～～最初諗吓會唔會有啲遠，但係行咗10分鐘路程就到啦👍🏻…查看更多

真係好抵食！兩人份個蒸飯食唔曬打包添^^今次我地早三星期前訂的，book頭圍6點，8:30交枱嘅時候門口好多人。希望保持水準啦～每種海鮮都好新鮮，枱面有紙巾供應，好貼心，如果附上埋濕紙巾一包就更好喇!～268一位唔加一，在我們兩人食嚟講好抵，因為響街市買二人份量都幾難。所以呢個價錢好受落，已經好想再去~…查看更多

近來多左中午時份在愉景新城，中午搵食時間，周圍望下就決定試下Bus burger。佢價錢好大眾化。午飯時間叫左個輕量brunch, 加埋飲品$34絶對值，餐廳環境舒適，而且食物份量同味道都唔錯👍🏻…查看更多

下午響附近做完野，見到有點心店，立即入去搵個位坐底。平時好小去飲茶，因為酒樓實在太多人，飲餐茶要等到頸長先有位。所以其實好耐都無食點心，有啲掛住。叫左馬拉糕同海皇紅米腸。馬拉糕中間有椰絲、蛋黃，好特別。海皇紅米腸外面層皮好薄，入面好脆。可惜一個人食唔到好多，只叫了兩款。下次多啲人一切去時要試下其他野，食完見到餐紙有胡椒豬雜湯粉，好想試，不過要下次先…查看更多