Crystal_Lee's Profile

2008.05.01 御八築地今晚黎左食飯，好滿意既一餐。叫左5樣野：三文魚腩刺身、火龍卷、芒果蟹籽沙律(細)、三文魚軟殼蟹壽司、三文魚壽司三文魚腩刺身：好肥美，好正！不過細舊左d，鐘意食大大舊刺身既可以叫三文魚刺身，不過應該無咁肥。火龍卷：好多飯，味道ok，下次唔會再叫，留返個肚食其它野。芒果蟹籽沙律：d芒果好甜，好味！如果多d蟹籽就更好了。三文魚軟殼蟹壽司：頗大舊，但軟殼蟹唔係即炸，味道ok。三文魚壽司：三文魚好食又長，岩哂我呢d三文魚怪。埋單$210，食得好飽，覺得好抵！…Read More

夜晚去左食麻辣米線，搵左好一陣子才搵到間鋪。叫左個八級辣，真係幾辣，下次都係試七級算。叫左醬爆牛丸同豆卜，佢d牛丸一d都唔爆，因為係上前己經爆左，同埋勁少餡=.=好唔醬爆…下次試下譚仔，呢間實在太遠了而且無乜特別。…Read More

今日補完習，10:52，急急腳走黎呢度叫早餐食。黎到果陣好多人排隊買外賣，排到我買餐果陣已經過左11點，個佢都比我買早餐，Good！叫左個細牛肉飯同涷咖啡堂食。ｄ牛肉比以前少，唔知係咪因為趕住出餐所以比咁少…不過牛肉同飯都好好食，加埋佢d辣椒粉，好味！但杯涷啡就唔得啦，無啡味得甜味，記得我第一次飲吉野家既涷啡係好正的…但這已成過去……Read More

同兩個ｆｄ黎呢度食晚飯，我叫左個豬髀飯，佢地兩個就要海南雞飯，另外叫左個馬拉盞炒通菜。豬髀飯d豬皮好正，雖然肥但食落唔覺得噁心。除左有幾舊豬肉硬ｄ外，其它肉都好腍。不過佢d皮同肉散開哂，如果一齊食會更好味。另外因為自己唔鐘意正餐有甜味，而佢個味又甜甜地，所以自私地扣ｄ分。個馬拉盞炒通菜都好食，不過如果辣d會仲惹味！…Read More

叫左個雲吞魚皮餃河(細,$18)同埋一碟腐乳通菜($12)以前叫魚皮餃係因為咬落去果陣會有d油咇出黎，好正！但今次就無得咇，因為佢拎到黎果陣已經爛左…不過蝦餃同以前一樣，都係咁足料同好味。個通菜既腐乳咸左ｄ，不過ｄ菜煮得好好食。…Read More

因為唔鐘意食粟米又想食薯蓉所以試左個螺絲肉汁批。好多薯蓉^o^鐘意鐘意。入面ｄ螺絲粉都幾好味，不過食到後尾就覺得甜左ｄ。同埋佢ｄ薯蓉無乜味，自己加返ｄ鹽同胡椒會無咁寡。…Read More

今日第一次試薯粉，唔錯。好鐘意佢個豆腐，係炸玉子豆腐來的，好味。肉燥有ｄ鞋左ｄ。飲珍珠奶茶，說不上好喝，但比仙跡岩好很多。…Read More

今朝試左個煙蔥蛋全餐，加兩蚊要加大鮮榨橙汁。個蛋無乜蛋味，不過都幾香。另外塊豬柳咸左ｄ，同埋個蛋一齊食就岩。之後我將ｄ蛋同豬柳夾係個包到，今次個包唔似以前食個ｄ咁硬，而且脆脆地，唔錯！不過夾左蛋同豬柳係個包到食既時候，一ｄ都ｆｅｅｌ唔到蛋既存在…個薯餅都唔錯，不過到我食果陣已經涼涼地了。…Read More

叫左個咪走雞米線配酸菜($33)，同埋菜心配上湯($12)。酸菜好正，有辣有酸，好醒胃。菜心揀左要上湯唔要蠔油，試左啖上湯，好有味個略咸，不過呢個又唔係拎黎飲，用黎浸住ｄ菜就岩岩好啦。今次個雞有雞翼同雞胸，個人不喜雞胸，眼見沒有雞腿亦頗失望。言歸正轉，個雞亦不俗，唯雞胸有少少鞋，同埋佢個汁好咸，可能配飯會較好。個人認為食雞的話隔離既東江雞較好，不過他家的水準不太穩定。…Read More

上次係粉嶺飲既蘑菇湯ｄ味怪怪地的，今日因為唔想飲中湯所以又揀左西湯，不過今次冇浸腥味而且好好飲。叫左個沙薑雞套餐，有雞有菜有飯有湯有茶。先講個雞，有雞腿同雞翼，不過就得呢兩度好食，其它雞胸ｄ位都幾鞋，同埋唔知點解ｄ雞皮上面黑黑地…好似放左好耐咁…之後就個講菜，其實我唔覺佢個菜有一ｄ味，就咁烚同加ｄ所謂既“檻欖油”，加滴豉油都好呀……Read More

今日既晚飯就係大快活既肉醬意粉同忌廉磨菇場。先講肉醬意粉，分量十足而且落足料，ｄ肉醬鋪滿哂碟意粉（張相係因為我整開左ｄ肉醬），有足夠既肉唔係淨得醬，不過如果可以酸到好似佢ｄ焗飯咁既程度就更好啦！本來想飲周打硯湯，點知今日轉左忌廉磨菇湯，照試。嘩，一入口好腥，唔知係咪ｄ磨菇味，總之浸味就怪怪地啦，我想飲周打硯湯囉！…Read More

今日去左特餐食lunch，叫左個椒鹽豬扒蕃茄湯泡飯，飲熱華田。一心想試下個蕃茄湯底，點知黎到一食…甜既？係南瓜果隻味，即刻問下個侍應係咩湯底，佢話係會有南瓜係入面，又笑住問我「唔好味咩？」我話「唔好味」……佢就慢慢走開了。之後我食碗飯既另一邊又冇乜南瓜味，蕃茄味居好。究竟佢個湯底係整好倒落去定之後左蕃茄右南瓜咁倒落去呢？不過佢個椒鹽豬扒都幾好味，杯熱華田就甜過頭，甜到好係似朱古力咁。原本佢蕃茄湯底都幾夠味，不過實在食唔慣南瓜，所以下次試其它啦。不過如果佢係左蕃茄右南瓜咁倒落去，下次可唔可以叫佢唔倒南瓜呢？…Read More