為食中女's Profile

買咗groupon團購博一博，turn out效果都ok！預先book咗星期二晚，希望少人d會好d，7:30pm上到去，都有幾枱客。餐廳環境幾靜，但光咗少少，整體上感覺良好。望一望menu，好快揀好想要的食物。先黎面包and soup of the day – 磨菇湯。面包點醋及橄欖油好味，磨菇湯就一般。前菜揀咗煎鵝肝，上枱除咗鵝肝外，仲有一條小garlic bread and salad，賣相好吸引，鵝肝好味，夠大夠厚，切開唔散，配沙律減低油膩感，正！主菜食steak，夠大舊，presentation好靚，可惜要medium都煎得幾熟，但配菜好味，連薯蓉都好滑，補償番。Dessert要tiramisu，上枱跟埋vanilla ice-cream，幾好味！侍應亦有加水，上菜亦快，咁嘅價錢（$3xx+10%）仲有一杯紅or白酒 and coffee or tea，仲想點！…Read More

其實呢間野開了好一陣子，門外環境優雅，入到去地方不大，但燈光柔和，感覺良好。7月到此午膳時，撞到友人已極力推介，但要到最近先有時間再試，一連兩星期都去左。。。7月時的午膳套餐，刺身yummy!!10月再試原本轉左menu, 仲正。。。有set，包括：䐁煮物：好味！d肉好林，蘿蔔好入味，汁送飯一流！刺身：正！好新鮮！天婦羅：熱辣辣呢個set仲配前菜沙律、飯、miso soup．．．抵！之後再去lunch，坐counter seat，見到Andy師傅努力整sushi，於是試吓自選１０件sushi set lunch ($180)，除左一般三文魚、鰻魚任選（不過一款只可選一件），另外仲有幾款時令食材可供選擇，睇住師傅逐件將壽司握出來，真是一種享受。與Andy師傅不認識，但見他與其他客人傾計，十分健談，而且不厭其煩向客人捱介食材的最佳食法，非常有heart!!Sushi set仲有一碗烏冬，跟餐仲有雪糕或咖啡，雪糕及咖啡的質素十分好，不是求其打發客人，椰子雪糕正!!!!下次再黎食晚飯!!!…Read More

去咗火鍋館幾次，十分滿意，但成日唔記得寫食評支持吓：醬料有成十幾樣選擇，環境企理有卡位。牛頸脊非常好味，十分有肉味！響鈴係我試咁多間火鍋最正，即炸不特止，仲另外配甜酸醬，可放湯或點醬食，讚！美國桶蠔新鮮！鮫/丸都正！試過買團購coupon去食，水準仍然keep到，無比d cheap貨團購客，抵讚！其他熟食如酒煮花甲，都好正，花甲大隻無沙…呢間野仲有好多明星幫襯，我見過小豬係vip房。甜品如雪花冰及心太軟都好得！…Read More

經過一輪裝修終於開得.....趁試業期間 (7月14-19日)有九折去試吓先...得知呢間係深井的分店.....成上差唔多10點入到, 仲有好多人食緊or剛開始食....好徵兆!!!叫咗數樣野, 樣樣都好食....esp. 個甜品.....似布甸得黎有口感, 雖然我唔食榴槤, 但聽到隔離枱話好味, 應該ok......d人都好nice 呀.....會主動提供意見, 快手.....會再去食!!…Read More

尋日突然好想食餃子，於是約同好友一行4人，到王府食lunch。原來同一條街有兩間王府，我地去咗間無咁多人嘅。一坐低，友人即問嬸嬸呢間是否同另一間王府一樣，嬸嬸話係wor………:)同意其他食評所講，真係每2分鐘佢地就會催你落order，不過語氣都算客氣。而外面都開始有唔少人等位。食物好快就上枱，我地分別叫咗鮮蝦韮菜餃、豆苗餃同埋鮮蝦帶子餃，之後各自叫碗面食。d餃子真係好味，好友話直情同山東個d一樣味（但一樣味是否等如好味??!!），我叫咗碗炸醬面，係捞面嚟，d炸醬好夠味，不過同平時廣東d炸醬面有少少唔同，我都覺得好味。但同行友人叫的担担面好似痳痳地……總括嚟講，我覺得呢間好味呀，將來會再去食lunch!!!!…Read More

今晚同老公兩個人去食。未去之前睇過食評好似頗為一般咁，但都照去。我哋叫咗個“卡邦那拉”意粉、一碗疑似叉燒拉面，同埋一杯Lemon Squash。先講個“卡邦那拉”意粉。一般來講Carbonara好難整得難食。但佢整到水份多，味道淡！仲有，佢D配料有風乾火腿、火腿絲、一大嚿雞肉，好似大雜燴！再講個拉面。一來淡茂茂唔在講，佢嗰嚿叉燒確實太肥。本人覺得味X拉面好食過佢N倍。全晚最對辦就係杯Lemon Squash。唔明點解咁多人嚟食！…Read More