HHHeeeGood's Profile

觀塘呢地方好多回憶，而新商場YM2又係第一次黎。見到呢間INN I’m noting環境好靚、有戶外座位，覺得好吸引。 約咗朋友食飯聚下坐耐少少輕鬆下，於是試一試。估唔到食物方面又有驚喜，環境relax。首先，香煎鴨肝伴澳洲牛柳8安士配紅酒燒汁， 鴨肝外邊香煎、入口即融散發油香。牛柳叫咗七成熟、牛柳食落有口感，加埋紅酒燒汁一齊食味道都幾好味。另外，黑松露野菌釀法式雞胸配菠菜忌廉汁都幾正，雞胸外層有煙肉包住。雞胸肉好滑，加少少綠綠地嘅菠菜忌廉汁再一齊食口感無咁乾。 甜品時間就食咗呢個-肉桂蘋果加杏仁片蕉糖忌廉crepes。 仲追加一球忌廉雪糕。 蘋果甜中帶酸，味道真係好正。:)食物方面不錯、賣相又靚靚。服務質素都不錯。 侍應又一眼關七、好有禮貌，舉手就會及時留意到你。會再幫襯。…Read More

今次黎到沙田呢間好有特色風味既港式茶餐廳，裝修好有香港風味，80年代既裝修風格，好有情懷，而且仲好多圓枱，岩曬一家大細黎食。頭盤叫左個牛油麵包配白湯，個湯味道好濃郁，而且麵包夠曬熱同新鮮，而且牛油都幾高級。豬手夠曬大份，而且皮都算幾多，好唸好入味，食豬手梗係要夠大件，先有口感喇。腐乳生菜，生菜夠新鮮脆綠，食落好fresh，好好味，又夠曬健康凍烏頭係本人最愛，啖啖肉，又夠新鮮，正式潮式既做法黎。之後就到非常邪惡既蝦多士，夠曬香脆，又好熱，一上枱就食，就係最好味既，蝦同多士好配合，味道好夾，依家好少茶餐廳有呢樣叫了。牛扒夠曬大份，而且啖啖肉，食唔出有鬆肉粉既味道，好厚實d肉，幾有牛味。最後值得一提既係，本人最鐘意找南乳雞翼，醃得夠曬入味，而且炸得好香脆。特別推介大家可以黎懷舊懷舊一下。…Read More

一向都喜歡燒烤嘅我，今日同朋友都想試下呢間韓式燒烤餐廳：running燒。 晚飯時段入座，人流未算多而且好快有位。 可以揀坐卡位，座位好寬敞。 自助燒時間今次有110分鐘，有自助食物區、另外可以手機點餐、叫燒烤食材。:)手機點嘢食可以叫豬、羊、牛同雞肉。另外叫咗蝦同元貝。 等緊食物時侯，到自助食物區拎咗開胃食物，由於都有啲肚餓，拎咗少少泡菜、炸薯角同埋沙律食。 另外，每次食韓燒都好鍾意飲雞湯，亦拎一碗飲。燒烤食物好快到，可以燒我最愛嘅五花腩食，薄薄一片五花腩好快燒香ready，加埋一片生菜同埋韓式辣醬、燒烤醬後，包住一齊黎食好正。 由於比較食量大，仲叫咗一個溫泉蛋撈紫菜飯、韓式辣麵食。 紫菜飯加五花腩薄燒唔錯。另外，見佢一啲熟食都不錯。 叫咗平時好少食嘅炸魷魚鬚同炸雞食。 食飽飽後到甜品時間，布丁、雪糕同埋蛋糕仔不能少。 除咗食物方面不錯之後，服務質素都不錯。 店員好有禮貌，上菜速度算快。下次可以再幫襯。…Read More

星期六約朋友食飯，呢間西班牙菜餐廳環境不錯。有室內、有露天座位、bar枱。 同朋友飲兩杯酒、吹下水感覺不錯。想試下特色食物，結果點咗一個特色烤乳豬同埋露絲瑪莉燒雞。呢嗰烤乳豬要製作需時，所以前菜點黑松露醬配炸粗薯條亦叫兩杯啤酒。 薯條好快到，薯條真係好粗又脆，嗰黑松露醬味道好濃，配上薯條味道好配合。 等其他菜時間，可以一邊吹下水，飲下啤酒咁，的確不錯。烤乳豬外皮好乳，皮肉分離。一啖咬落去聽到卜卜聲，加埋嫩滑髀肉。味道不錯，仲有好多肉汁。:) 最後燒雞都上菜，有一碟茄醬伴碟，燒雞味道值得一讚，雞肉嫩口香滑，肉汁亦都非常之咁豐富，配合少少醬汁一齊食味道真係令人一試難忘，雞皮亦都脆脆地，平常有少少抗拒食雞皮的我亦忍唔住要食多幾塊。…Read More

Happy Friday想約朋友食飯聚下舊又想坐得舒服啲、坐耐少少輕鬆下，去cafe的確唔錯。 首次體驗5%cafe後，覺得好正。服務員態度非常好，服務認真、有耐性同記性。 另外，想落order的話可以按一按座位附近召喚掣，十分方便。食物質素方面有驚喜。環境亦不錯，座位坐得舒服、有間格。Set dinner叫咗雞扒司華力腸意粉，塊雞扒炸得勁靚，又厚又大塊。 味道唔錯，又jucicy。 友人叫咗嗰黑松露手打牛肉漢堡，黑松露味好香，我離遠聞到都勁想試。食品點咗杯Virgin Mojito，最鍾意佢薄荷味，飲落有種涼快嘅感覺，好解渴。 因為太好飲關係，好快俾我飲晒。甜品last我要5%嘅精選蛋糕teramisu。 友人點芝士蛋糕食。 味道都不過不失。…Read More

好耐之前食過一次源發蝴蝶腩河粉後，已經念念不忘。 似乎暫時未見到其他地方有賣蝴蝶腩，而呢間餐廳粉麵暫時來講都係首選。今次都係例牌叫左一碗清湯蝴蝶腩河粉加配餃子。腩肉味道食落其實好似牛腩，肉質一絲絲咁。 外觀上來睇好似牛腩，而腩肉間中會有少少地方帶肥膏。 另外，味道咸味中帶少少甜。 當然，仲有其他食物都好食，不過每次我都只會食蝴蝶腩。 有幾次都無得食，因為蝴蝶腩其實近豬肺部位，貨源有時不穩定。 鋪頭環境不算大，有時需要同人搭枱。尤其午飯時間，可能要輪後一段時間。…Read More

天氣慢慢轉涼，最適合打邊爐的時間到了。 想享受打邊爐既樂趣，又想食得健康少少，於是試食左幸福四季椰子雞鍋；整體感覺不錯，會再想食多次。椰子雞鍋湯底加入新鮮的椰子水，湯底好清澈。 將新鮮既雞肉同埋椰子片放入煲滾的湯後，等候約五分鐘時間，即可以享用。 枱面放了一個沙漏方便計算等候時間，十分有趣味。 推介的食法：可以先飲湯再食雞，最後落配料打邊爐。 椰子雞湯味道好清甜，有好香既椰子味。 雞肉肉質滑嫩而且帶有椰子既香，配上火鍋醬汁試到唔同味道。 雞肉點左火鍋豉油加上柑橘汁，味道酸酸地好開胃，好正！ 食完雞肉，加其他火鍋配料。 推介食響鈴，因為可以吸晒湯精華。 今次除左食雞外，叫左雜菜盤，十分健康。另外，我同朋友點左個煲仔飯。 材料好豐富：有芋頭、臘肉、臘腸、潤腸。 好耐無食飯焦，煲底飯焦真係超級正，好脆卜卜又香。 食完個煲仔飯，個人感覺暖粒粒。服務方面，侍應好有禮貌，周不時會關心我地食物到未、上菜時間都好快。 應該會再幫襯！…Read More

周五晚餐試食左Plato晚餐，叫左一個至尊二人套餐。另外，點左兩個小食。 所有菜式都出乎預期咁正，真係值得再encore。主菜叫左德國脆皮咸豬手，朋友叫左肉眼牛扒。 另外小食方面，有一個松露煙三文魚配墨西哥脆片、西班牙風乾火腿伴哈密瓜。 最尾時候，叫多左個墨汁意粉。 德國脆皮豬手，真係超讚。塊片好脆，但又唔會好難咬爛，同著片一樣。 至於咸味剛剛好，初初會驚太咸無飯送會好難食得晒。 加埋配菜薯仔，蕃茄仔同一孖秋葵，味道好夾。松露三文魚脆片都好正，味道好香。最正應該係哈密瓜夾火腿。哈密瓜好甜美，多汁。 加埋火腿本身淡淡味道中和番。 食完都幾醒胃，因為佢面上有層酸甜既汁，味道好特別；又甜又酸帶少少咸。墨汁意粉驚喜不大，但味道都唔錯。服務方面都好好。上菜都極快手，意粉本身最尾先醒起叫，但好快上到菜。 服務員好勤快，好快收左餐桌上碟。 應該會再光臨一次，會試下其他菜式。…Read More

周日晚上相約朋友試食了新泰泰國菜。感覺呢間餐廳食物、服務質素以及環境方面都不錯，會再想幫襯多一次。餐廳由外到內裝修同擺設都相當優雅美觀，由牆身、梯間以至座位間都有花心思設計。由於得兩個人，無點選太多食物，只叫左三樣嘢食。 但就剛剛好食晒無浪費，足夠滿足到肚皮需要。 其實餐單上有好多選擇，每樣都想試食一下。 於是叫左個小食拼盤。 有最愛既炸蝦餅同炸魚餅，另外有菜肉包同炸春捲。 每樣既份量都係雙數便於分享。 炸蝦餅好彈牙，點一點甜酸醬一齊食好醒胃。 另外，個炸魚餅好香，入面有東陰功湯既味道。 呢兩樣都想再encore。飯食方面叫左個燒春雞釀香茅黃飯。 賣相都已經很不錯，燒到金金黃黃既色澤。 黃飯味道都好香濃，適合食得味濃既人士。 至於雞味道都讚，好鮮嫩多汁，肉質好鬆軟。 另外配有一個沙律。最後基於健康主義者，叫左一個泰式炒椰菜仔。 細細粒既椰菜仔外觀鮮綠咬落好脆，味道間中帶有少少苦。 感覺上呢餐泰國菜好健康，食左好多肉之餘，都食左好多菜。 加上環境都不錯，有機會會再encore…Read More

要搵間新鮮好食既蒸氣火鍋都真係唔易呢間酒樓格局既餐廳又估佢唔到有海鮮鍋食，入到去見到唔少格都都食緊海鮮鍋，除左海鮮鍋佢都有小菜食，d小菜睇落都唔錯，下次可以一大班人黎試下海鮮方面我地就揀左海蝦，帶子，蟶子，鮑魚同蜆！全部海鮮都冇沙兼且新鮮彈牙！夠哂鮮味！乳鴿就燒到脆卜卜，一人半隻剛剛好，有位食其他野除左海鮮其他野食都係任食，有牛，菜，丸，餃等等，野飲都係任飲，有竹蔗茅根，無糖茶同啤酒等等，選擇都非常之多，啱哂唔同朋友！佢D安格斯牛都非常之有牛味，店員都好細心一聽到鐘響就過黎開蓋分食物，又幫手蒸下輪一開始我地因為海鮮未到想蒸住其他野食住先，店員仲驚我地飽到食唔哂海鮮，夠哂細心最後個粥畫龍點睛吸哂所有食物既精華！…Read More

好耐無食過放題。剛好經過旺角，於是試食左吉壽日本料理。 呢間餐廳幾大間，雖然都近乎滿座，但都好彩唔使排隊等候就直入座。整體黎講，食物選擇方面算幾多，而自助食品區都多嘢食。 值得一提就係，落單係全自助，透過掃描RQ code即可用自己手機點食物。 唔使填幾十張紙，再搵服務員落單。餐單一目了然，分晒類。 按幾個掣就輕鬆落單。 燒羊鞍超好味、唔騷。 必需要encore燒鰻魚亦係我既最愛 燒鯖魚一啲都唔腥，啖啖肉，唔會太乾，少骨。加埋個酸酸地既醬汁，非常開胃。 另一個最喜愛點既莫過於燒菠蘿，但呢次菠蘿唔夠甜，比較酸。 天婦羅新鮮炸完，香脆可口，味道不錯。 炸芝麻雞翼，食落辣辣地，外皮非常脆，值得encore 甜蝦壽司🍣，味道感覺新鮮 咖哩煮蟹，味道好濃，有豐富蟹膏。 甜品時間，有最愛既乳酪，十分滿意。 飲品…Read More

今日相約朋友於筲箕灣閒逛，晚餐決定試食呢間潮式打冷餐廳。餐廳面積都幾大，座位鋪排上較寬敞，設有不少卡位。 另外，店內陳設都有點像舊式酒樓。 由於時間尚早，沒有出現人山人海排隊輪候的情況，最後還可以選擇有窗景既卡位。餐廳食物多樣化：有蒸煮、海鮮類、小炒、潮洲打冷。 一行二人，共點選了五個餸菜，可以講剛剛好。 圖片區：餐廳外邊 滷水拼盤（小）：有墨魚、紅腸、腎、腩肉、大腸、生腸、豬耳、鵝腸提供。鵝腸食落真係好爽口，但只有幾舊，實在太可惜。 平時好驚食豬耳既我，今次對豬耳無抗拒，因為佢賣相幾好，無多餘毛俾我見到，最重要係無臭味。 腐乳炒通菜：味道不錯，爽口。 紅燒茄子排骨煲： 值得一讚既地方，個煲雖然望落好似好重口味，好咸咁。 但食落一點都唔咸，味道剛剛好。 潮式爆花蠔餅：整到好似一個pizza咁。 另外，蠔粒真係多到誇張，散怖得十分之均勻。 椒鹽豬串骨：十分值得一試，肉質煙韌好咬口。 啤一啤。…Read More

今天是個忙碌的日子，但完成重要的事。還是要「吞POT」。 友人推介呢間餐廳既「自創爆芝響鈴」；有過一試難忘的經歷，係必試之選。餐廳環境不錯。由於高樓層，可以飽覽窗外景觀。 門口有個幾大既魚缸，可以觀賞一番。門外既魚缸，為餐廳增添一個景觀。 火鍋選擇幾多，真係想每樣都想試下，最後揀左重慶麻辣雞煲。 雞煲叫左小辣，都已經好辣，當然食得辣既可能覺得無挑戰性。 雞煲準備好之後，其實可以即刻食得。 十全大寶丸，係五款手打既墨魚丸。 餡料配有海膽、蟹粉、牛肉（芝士）、黑松露同煎鵝肝。 墨丸食落都非常彈牙，味道亦不錯。 係新鮮炸架！ 由於即造即炸既關係，爆芝響鈴要等一段時間先到。 輕輕涮一涮，就可以食得。 芝士味香濃，響鈴吸收左湯既精華，仲有少少微脆。 大檸樂 自選火鍋醬料…Read More

熱愛韓式料理既我，晚餐選擇了「小火焰」。餐廳位於觀塘觀點中心一樓，隣近APM，地理環境算不錯。不過要識得搵觀點中心入口處，然後乘搭扶手電梯就到步，相當快捷方便。:)晚市時間7點，無人等位，一到即入座。餐廳上方裝有一排排既電視屏幕播放不同韓式音樂，氣氛不錯。另外，餐廳內有軟多卡位提供，俾人有較多私人用餐空間。二人行，於是選擇了「弘大二人精選套餐」。可以由食物選項B至G之中揀一樣，另外每人都有一杯飲料。以下有食物照片：晚市時間近乎滿座二人餐唔使煩，樣樣都試齊。三色前菜，開下胃先。沙律： 香芒炸雞沙津 炸雞帶辣而且夠熱，可慢慢食。 外皮辣中帶甜。 沙津菜新鮮，芒果肉份量適中。炸雞（原味）： 炸雞外皮好脆，咬落有肉汁。另外可點芝士醬或者甜醬調味。弘大奶奶雞鍋：湯有少少甜，鍋有薯仔，粉絲。 雞肉幾滑，雖然圖片上有個辣椒仔🌶️，但未算太辣。拉絲芝左BB豬肋骨伴泡菜炒飯：比較喜歡豬肋骨肉質夠鬆軟，味道酸酸甜甜。 炒飯有白汁蓋面。紅棗茶甜品…Read More

炸雞🍗食得多，但講到出名好食，必試之選可謂非「三多」炸肶莫屬。 在友人極力推薦下，於是初嚐一番。剛巧係下午茶時間，睇中左個精選雞肶餐。點左個「三多炸雞肶」另配「卡西西意粉」。 其實就唔太清楚到底卡西西意粉喺咩，而「卡西西」又是什麼。 算，最後基於想食意粉，還是選擇了卡西西。炸雞外皮脆口，但有少少硬，需要大力咬。 因為怕齋炸雞🍗太齋之故，叫佢加左辣。 原來係灑辣粉在面頭。 雞肶面層粉炸到太硬，食雞皮時候要咬爛外層先，之後不停咀嚼層炸粉。 不過，雞肉多汁，唔會太乾。另外，卡西西意粉原來普通意粉而已，味道帶甜，個人而言唔喜甜既咸食。 …Read More