yummy_murasaki's Profile

做媽媽都要me time一下，今晚放工來到朗豪坊4樓，一上到去就係The Coffee Academics，雖然周圍人來人往，但餐廳入面算靜私隱度亦算高，裝修簡約燈光柔和，坐得舒服，可以慢食chill一下。性價比最高係套餐組合，有前菜、主菜、小食及甜品，不過今晚唔算太餓就單點意粉同一杯飲品就算，如果肚餓或比較大食建議都係點set穩陣，唔係唔夠飽~三星蔥油蒜香意粉 + 慢煮雞胸 $148意粉口感煙韌，加上蔥油及蒜香炒超惹味，本身唔算餓點知越食越有胃口！不過份量唔算多，好彩我額外加埋慢煮雞胸，肉質嫩滑多汁，高質。宇治燕麥奶抹茶 $48唔飲牛奶但又想試matcha latte可以揀呢款，茶味濃郁，口感順滑，帶陣陣麥香味，好飲。餐廳出名咖啡，見餐牌有款新出澳門葡撻漸層咖啡幾特別，下次可一試。…Read More

來多碗車仔麵經常都上榜全港5大或10大車仔麵推介，未食過當然唔可以叫自己做車仔面控！這兒地方不算大，裝修簡單整潔，牆上有些香港特色畫作，充滿本土風味。入到店內要先落單俾錢，再搵位坐。配料足足有超過50款選擇，花多眼亂，價錢清清楚楚寫哂出來，由一麵兩餸起，好少見連十餸都有標價！平時最多叫3-4餸，今日見餓決定第一次挑戰7餸麵($80)，太多餸要邊落單邊數住手指(笑)！最後叫了溏心蛋、蘿蔔、牛筋丸、菜肉餃、紫菜、鮮枝竹、冬茹配油麵，本人唔食內臟加上鍾意食清一點，滷水蛋、蘿蔔係我食車仔麵必叫選擇，呢兩樣食物加上湯底質素亦係我判斷一間車仔麵店的重要因素，結果係非常滿意！腩汁湯底香濃唔太鹹，我再加多左匙沙嗲醬，味道更加昇華！蛋方面有溏心蛋及滷水蛋兩個選擇都較少見，今次揀溏心蛋，超、高、質，入味唔過熟，比好多日本拉麵店仲好食！蘿蔔大大舊，清甜無渣，吸哂湯底又係食唔停！其他如冬茹、鮮枝竹、紫菜亦吸哂湯底味，牛筋丸彈牙有牛味，加埋碟腐乳通菜，下午2點飽到晚餐都差點食不落！…Read More

帶完狗狗睇獸醫，經過這間藍白主色小 cafe，畀我一種歐洲小店感覺，見到 menu 居然有餃子食，啱哂同行的餃子控老公，又可以滿足我港女嘆打卡cafe心願，而且狗狗都入得，太好了！店內透到日光，而且擺滿植物裝飾、Jelly Cat公仔，亦有兒童玩具 corner，環境舒服。繁花精品手作餃子套餐$108 另加兩隻餃子 $15 (家常口味) / $20 (精品口味)主打熱食有手作北京餃子set，樣樣味都想試的我揀了繁花精品套餐，包括 6 款味道餃子每款一隻，另有前菜沙律及兩件迷你馬德蓮蛋糕。餃子大大隻餡料足夠 juicy，個人推薦黑松露芝士餃子，咬開充滿濃郁黑松露香，好食！餃子上面仲加左打卡 able 自家製焦糖薄脆，擺盤精美，估唔到餃子都可以同打卡 cafe 咁夾！All Day Breakfast $128全日早餐除了黑松露炒蛋、Parma ham、烤大啡菇、腸、三文魚、車厘茄外，最特別係有迷你班戟熱香餅，細細塊，軟腍煙韌，配蜜糖夠曬香甜。Monday Bleu $52其實係蝶豆花 latte，以蝶豆花茶加奶沖成， 入口茶奶香平衡，靚靚藍色拉花非常適合打卡，飲完心情都好D！隨咖啡附上一張手寫心意卡，細節位加分。Childhood $58即係 Uji Matcha Chocolate Latte，抹茶同朱古力味都超濃，如果同我一樣唔好咖啡的話，記得一定要 order 店內 Latte！…Read More

多年前曾到新加坡 Maxwell Food Centre 吃過天天海南雞飯，想不到多年後才在香港再光顧，香港店採半開放式設計，裝修格局較高檔，與新加坡在熟食中心內平民式進食的感覺非常不同，但相同的是海南雞飯質素不變，一樣令人吃得津津有味！天天海南雞（中份）$169、雞油飯 $23來到天天又怎能不試米芝蓮推介的海南雞！中份已夠兩人食用，已去骨雞肉一如以往的嫩滑，大家真的要如店內牆上大大隻字寫住般：「雞肉太滑請大力夾實」！可蘸上秘製黑豉油、薑蓉及辣椒醬，不過個人認為就算不蘸醬汁都夠哂好味。記得加配油飯，滋味加倍！豆漿海南雜菜煲 $109湯底用上豆漿，味道香濃帶甘甜，配上吸收了豆漿湯底的新鮮蔬菜、蝦乾等，清新又健康，非常推介點了一檯肉的朋友中和一下哈哈魷魚沙律 $79、小籠包 $59此外還點魷魚沙律及小籠包，前者甜甜酸酸非常開胃，後者汁多餡足，而且賣相吸引，將醋裝在小管內插在小籠包頂部，可根據個人口味注入適量的醋。50 年代豆花美祿 $39結合本人兩大最愛豆花加美祿，非叫不可！豆花超滑，加上美祿粉醬，味道非常不錯！以為會好似餐牌咁有塊班蘭葉作裝飾，少少失望添。…Read More

過左咁多個情人節，食過唔少有情調西餐廳，有小朋友後反而想回歸平淡(兼唔想再俾人劏哈哈)，寧願撐下街坊小店！黎到新蒲崗搵到間pizza店，畀佢個心心pizza吸引，咁應節一於食你啦！餐廳不大但環境幾chill都坐得舒服，除了主打每日新鮮手製無添加pizza，亦有小食同埋焗意粉及飯等，價錢親民，pizza又可以叫細批，兩個人都仲可以叫到好多其他小食。怪獸多寶 Monster $85全部細批都係心型，好多口味任你揀！本人偏好茄醬底，冇咁膩，第一次食叫返招牌款，餅底鬆脆，材料好豐富有洋蔥、青椒、辣肉腸、火腿、蘑菇、菠蘿、牛肉、豬肉，仲有拉芝效果，pizza控收貨！檸檬惹味烤雞 $21另一推介係店內既炸雞及烤雞，雞醃得夠入味，雞肉嫩滑，烤雞皮香脆唔油，配上檸檬汁食到唔停口。另外亦點了芝士焗西蘭花 $53、蒜香牛肉焗長通粉 $55 及香濃鮮茄肉丸焗闊條麵 $55，正常發揮，整體食得滿足！…Read More

想想食日式便當，個人推介豬屋，在北區運動場對面、鳳鳴居等人氣餐廳附近，同屬街坊小店，環境乾淨舒服，布置有日本風味，可惜是次店出面泊唔到車所以揀左叫外賣，有超多款日式便當選擇！薩摩便當 $108香濃日式咖喱飯，配上燒得剛剛好的鹽燒安格斯封門柳、帶微辣的七味燒豬頸肉，再加上鮮味十足的粒粒蟹籽加州卷、味付螺肉，份量多配料豐富又滿足，每一格都有味覺驚喜！濃厚龍蝦味噌湯拉麵 $108先來三文魚蜆肉味噌湯暖暖胃，然後有蒜香牛油珍寶皇帝蟹棒及蒜香牛油帆立貝，好惹味，拉麵配龍蝦味噌湯底，超級濃郁，最後仲有甜品卷蛋作結，大滿足！照燒脆骨雞肉丸子 $40/2串口感獨特，脆口加上肉丸有彈性，香甜照燒汁完美滲透到肉丸內，豐富了口感層次。…Read More

今年老公生日飯同佢食居酒屋！第一次黎黑木亭，環境舒服，好有日本風情，好似去了旅行咁！餐廳而家做緊Cinnamoroll聯乘，成間餐廳裝潢都變左Cinnamoroll主題，不過都仲可以點regular menu，有A5宮崎和牛、海鮮、鍋物及生蠔等，樣樣都好吸引！西班牙生蠔2隻+法國生蠔2隻 各$48做緊優惠$48買一送一，西班牙Castillo厚身鮮甜、法國Les Huitres St Martin肉質爽脆海水味濃，後段帶果仁甘甜味薄脆TACO鵝肝牛肉+薄脆TACO原條鰻魚 各$68墨西哥Taco結合日本菜，有創意，Taco皮夠薄脆，餡料爆滿，加上壽司飯口感豐富滿足。鵝肝質地細膩，入口即化，意原條鰻魚大大件，鮮嫩多汁。鯛魚湯百寶海鮮鍋配祕製沖繩菠蘿醬汁 $468老公想食海鮮，於是點了呢個百寶海鮮鍋，鍋邊擺滿松葉蟹、生蠔、鮑魚、鱔、大蝦及蜆等，配蘿蔔蓉香蔥汁、秘製沖繩菠蘿汁，超推介秘製菠蘿汁，酸酸甜甜更突出海鮮鮮味。食到最後記得飲埋集合哂海鮮精華既鯛魚湯，勁鮮甜！北海道士多啤梨牛乳乳酸 $68、藍蝶花佛手柑熊茶 $78餐廳飲品色彩繽紛非常IG-able，士多啤梨牛乳乳酸味道酸酸甜甜，清爽解渴；藍蝶花佛手柑熊茶漸變紫黃色調好吸睛，佛手柑茶底加上藍蝶花調製而成，味道較甜，面頭粒熊仔冰超可愛！…Read More

出開銅鑼灣搵朋友食 lunch,想靜靜地傾下計，朋友推介我來利舞臺樓上食肆 Dodam Chicken，雖然店舖主打炸雞烤雞，但都有湯麵同飯，lunch set 最平$70幾包自助吧，可以任食泡菜同埋韓式炒粉絲(兩樣都係我至愛)，飲品可無限添飲熱柚子蜜或者雪櫃入邊各款飲品，CP值都好高！ 同埋舖頭環境寬敞寧靜，卡位坐得好舒服，炸雞烤雞有好多款味，不過今日同友人身體都有點唔舒服，所以最後都係揀了湯麵同飯。鮑魚人蔘雞湯飯 $95 天氣開始凍，好適合食人蔘雞湯飯，鮑魚大隻又入味，雞湯都充滿人蔘苦甘味。雞湯刀削麵 $80應該算係韓國菜少數唔辣既拉麵，生病時食都唔錯，湯頭清甜冇雞皮油脂感，雞絲嫩滑，不過如果雞肉份量可以多返少少就好了。…Read More

旺角返工食lunch食到悶，同事提議搵下唔同樓上cafe試一試，今日黎到孖啡，油麻地、旺角去都方便，環境闊落好多卡位，又有大玻璃窗透日光，平日lunch hour唔算多人，坐得舒服。Lunch set $66 起包 $38 飲品，價錢合理，又可以加錢配龍蝦湯及心太軟、窩夫等甜品，同同事或自己一個 me time 坐低慢慢食慢慢傾計都唔錯，另外亦有多款 board game，一大班人黎玩又得！凱撒沙律 $66我同同事因為想食多D菜，就叫了凱撒沙律做前菜，羅馬生菜爽脆有口感，麵包糠、亦夠鬆脆，清新開胃，唯一美中不足係唔可以單點，所以我地兩人叫了一共叫了 3 個 lunch set 哈哈鮮茄芝士焗豬扒飯 $76即叫即制新鮮滾熱辣，鋪滿芝士及酸甜蕃茄，豬扒肉質軟腍加上炒飯底，價錢比大XX連鎖店貴少少，但質素贏 9 條街！軟殼蟹黑松露意大利粉 $92cafe 推介菜式，大大隻軟殼蟹咬落脆口，黑松露味醬汁好 creamy，意粉亦煮到 al dente。蜂蜜綠茶 (原價$38、芒果紅茶 原價$40)套餐包一杯 $38 飲品，$38 以上只補差價。 …Read More

去開西九放狗人士應該對 Hooman 不陌生，近日又一城開咗分店，位置在溜冰場上面，用上藍色型格鏡面設計，設有少量座位，可以一邊進食一邊睇人溜冰。餐廳同樣寵物有善，主打美式熱狗、雪糕三文治，食物選擇較西九店少，同埋冇狗狗餐牌。 熱狗備有三款選擇，除了 Plain，另外兩款延續西九店以狗狗品種來命名，分別是 Shepherd (Pizza Dog) 及 Yorkshire Terrier (Sakura Shrimp x Tamago)。到訪當日 Yorkshire Terrier 已售罄，對於曾養約瑟爹利的我表示非常可惜，不過 Shepherd 亦有驚喜，熱狗包身鬆軟，法蘭克福腸夠 juicy，食材配搭如其名"Pizza"Dog，鋪滿香草蕃茄醬及 mozzarella cheese，好惹味！Shepherd/Pizza Dog $68店內另一人氣推介必數雪糕三文治 Hookies，自行配搭雪糕、曲奇及 toppings，當中彩虹曲奇夠哂色彩繽紛，打卡首選，可惜當日 sold out 無緣一試！Rainbow shortbread、Oatmeal M&Ms Cookie最報揀了兩款，一款係 Mango sorbet + Gluten Free Brownie + Confetti，另一款係 Rasberry Sorbet + Matcha + Cookies and Cream，可以現場望住店員炮製，非常欣賞雪葩雪得夠硬夠凍，影咗好耐相都唔易溶，曲奇方面抹茶味較鬆脆，我自己就偏愛 Brownie 柔軟口感，留意如果想影相靚建議外層 crumbs 揀 colorful 一點，反而中間雪糕會被 crumbs 遮住，顏色冇咁重要哈哈Ice Cream Sandwich 各$68 飲品方面，咖啡有好多選擇，另有朱古力及 matcha latte。想打卡必揀多款 singature drink，顏色漸層影相都好靚！Matcha Latte $50、Blueberry Lemonade $38…Read More

屯門人氣港式甜品店「嘆甜品」粉嶺開分店，我作為甜品控當然要去朝聖一下！店內外都有不少貓貓主題布置及裝飾、領養貓貓相關宣傳刊物...以為入左貓貓Cafe(笑)餐廳食品選擇眾多，窩夫、雪糕、中式糖水、鹹食小食等一應俱全，當中窩夫係餐廳招牌，口味有超多選擇！開心果奶蓋窩夫配雪糕 $75 豆腐味雪糕 +$2開心果奶蓋窩夫係粉嶺店限定，打卡必食！窩夫酥脆有蛋香，上面鋪滿豐盈厚實開心果奶蓋及開心果碎，淡淡開心果香唔會太膩，讚！本身想配埋開心果雪糕，可惜賣哂，叫了豆腐味雪糕，濃濃豆香亦有驚喜。心太軟配雜果 $48下午茶餐 3 - 7 點供應，吐司/窩夫連飲品 $38 起好抵食！心太軟用咗比利時朱古力，好濃好重朱古力味，切開熱辣辣爆多流心，好治癒！平時配雪糕多，呢度可揀配鮮雜果，中和一下甜味，減低罪惡感，唔錯唔錯。鹽酥花枝丸 $15、炸魚蛋燒賣 $15花枝丸大大粒口感彈牙、魚蛋燒賣外脆內不油膩，加上椒鹽炸好惹味，同酸辣醬好開胃！BBQ蜜糖雞翼 5 件 $30香甜惹味，雞翼控必叫。養生玫瑰烏龍 跟餐+$8、益力多乳酸 跟下午茶免費貓貓杯及貓掌匙羹，kawaii呢！…Read More

我同老公都勁鍾意食餃子，旺角放工去左始創中心對面餃子店，聽聞有款松露餃，作為松露控當然要來一試！餃子款式好多，部分口味坊間較少見如松茸餃、壽喜燒餃、元貝餃等。龍鳳松茸雙餃(跟湯) $92黑、白松露豬肉手工餃各4隻，松茸配松露，散發淡淡松露香，餃子皮薄多餡唔肥膩，中西合壁，松露控收貨！湯餃跟 「狀元九鼎湯」，蛇果、生魚、無花果、准山、豬尾骨熬製，好鮮甜、冇落味精，可以補氣健脾、生津抗燥。壽喜燒牛肉煎餃 $58、上海淨麵 $23呢款餡又係好少見，見到即刻想試！煎到金黃脆口，加入壽喜燒牛肉咸咸地相當惹味，一咬爆汁，正！惹味唐芹拌豆荀 $33、回味手拍青瓜 $26點了兩款涼拌小食，辣辣地好惹味，食得濃味想清清味蕾，可以向店員要求自製酸蘿蔔，酸酸甜甜清新開胃。蜂蜜檸檬蒠米水 $28/支裝夏日消暑必飲，有助排毒去水腫，偏甜，應該女仔會較鍾意。…Read More

「陳儀興」經常聽，今日終於一試！粉麵店位於旺角煙廠街，地方不大但裝潢充滿舊式香港地道情懷，食品選擇算多。必試當然是多款牛類稀有部位，牛三寶、沙瓜、牛坑腩、崩沙腩、牛肚邊、牛雜等都是招牌。崩沙腩淨食 $145可選湯麵($55)、客飯($65)或淨食($145)，崩沙腩是牛的橫隔膜，眾多牛腩中最有嚼勁、入口最煙韌彈牙，一隻牛頂盡能做6份，很矜貴，每日限量供應，想吃趁早！陳記八寶丸粗麵 $60湯麵($60)、客飯($65)或淨食($62)，配8款不同特色潮汕丸類，每日或有不同。這天有雲吞、魚棗、蝦棗、墨魚棗、魚蛋、牛丸、豬肉丸及章魚丸，人手包雲吞新鮮足料，丸類新鮮彈牙，最適合甚麼都想試少少的foodies！另加 $26 轉做餐，送油菜/炸魚皮+紫菜湯/飲品。雖然淨食偏多肉，但亦有不少菜擺底，跟餐又有腐乳通菜，不會感覺太油膩。飲品方面可選一系列事頭婆涼茶包括圓肉紅棗薏米水/羅漢果茶/金銀花茶/五花茶，近來有點熱氣，決定飲五花茶清清熱，自家製有媽媽的味道！…Read More

旺角文華商場越來越多特色食肆進場，1 樓繼築間幸福鍋物、築間台灣鹹酥雞後，最新有燒肉Smile！燒肉Smile係台灣年銷售120萬份超人氣燒肉店，趁新開張即刻同朋友朝聖食lunch！餐牌有豬、牛、雞、海鮮等套餐，隨餐附上白飯、湯、飲品及甜點。平日午市雙拼套餐最低$128，正餐單拼套餐$168、雙拼套餐$178起，附近返工食lunch都唔錯！任食生菜及韓式小菜自助吧，推介鵪鶉蛋，日式燒肉店好少見到有!難得同朋友好耐冇見，今次就豪少少食盛合套餐！點了一份日和極上盛合、一份豚肉盛盒。醬汁有日式麻油椒鹽/韓式辣拌醬兩揀一，湯有元祖人蔘雞湯/雪濃牛骨湯兩揀一，我地選了日式麻油椒鹽、雪濃牛骨湯，主食本身包白飯，我地加$18升級做蔥花玉子飯，飲品可挑選多款台式飲品。豚肉盛盒 $258內含豚腩片、豚梅花、豚肋條、豚頸肉、西班牙黑豚梅花五種部位。豚頸肉非常高質，嫩中帶嚼勁又唔油膩，豚肋條則彈牙多汁，配椒鹽麻油送飯，食唔停！日和極上盛合 $388有肉有海鮮！包括日本極上A5和牛、西班牙黑豚梅花、無骨小牛排、龍蠆石班及蝦。一句形容 - 新鮮同高質！置身香港都能夠食到高質燒肉，而且價錢合理。A5和牛香氣、質地極佳，味道濃郁，脂肪光滑入口即化，口感細膩。蔥花玉子飯另加$18鳳梨冰茶及阿里山烏龍冷泡茶。本身已食到好飽甜品可有可無，點知賣相同味道都有驚喜！前面係Tiramisu，後面係芒果冷酪，記得留少少肚食埋甜品呀！…Read More

在d2 place 2 睇完戲直接落樓下覓食未夠7點難得金鳳唔駛等位即刻秒衝入去鋸扒睇完<<九龍城寨之圍城>>後到復古懷舊風裝修的港式扒房回味一下老香港情懷(笑)每月精選晚餐 $190 主菜連牛油餐包、餐湯、頭盤、甜品及餐飲牛油餐包、蘿宋湯頭盤-胡麻醬蟹棒沙律今個月主菜有帶子西冷牛扒牛扒好大塊，肉味唔算超濃，但勝在肉質鮮嫩下面有幾塊薯格，配蒜蓉汁超惹味兩粒香煎帶子大大粒非常彈牙侍應推介我加$2生蒜，令成個鐵板餐升華不少甜品-雲呢拿雪糕咖哩香燒羊扒意粉 $118 (轉套餐加$25 配牛油餐包、餐湯及餐飲)除咗經典扒餐，亦有多款飯及意粉羊扒兩大件厚身多肉，燒得好惹味，帶輕微羊羶味，配上港式咖喱汁又濃好香，送飯及意粉一流，如入面可加幾舊薯仔就仲好喇！…Read More