wyk0013's Profile

最近迷戀於點心系餐單🧙‍♂️，聽朋友介紹，呢晚為咗避開人潮，特意選擇夜晚去咗新贊記點心皇。冇唸過咁多人，可能係星期五的晚上，秩序有d 混亂，終於等到入座後，試了幾款點心，和大家分享下我的感受。贊記蝦餃皇（$32）🥟蝦餃絕對係點心界嘅經典。呢度嘅蝦餃，個個圓滾滾胖嘟嘟🤤，外皮晶瑩剔透，好似一層薄紗包裹住鮮美嘅內餡。咬開一睇，大大隻嘅蝦仁彈牙飽滿，鮮甜多汁，口感層次豐富，每一口都係享受。鮮蝦燒賣皇（$28）🥠燒賣個頭夠大，一口塞進嘴，肉香瞬間爆發🥩，豬肉和蝦肉搭配得那叫一個絕，而且完全沒有豬肉那股讓人皺眉的騷味。鮮蝦菜苗餃（$25）🥬菜苗餃清新爽口，綠色嘅外皮就已經好吸睛。入面嘅菜苗新鮮清甜，搭配適量嘅粉皮，口感清爽，好適合食完重口味點心後解膩。是我的 “解膩小天使”👼！其他的正常發揮，呢度嘅點心整體質素整體唔錯，味道啱我心水，用料不過不失。但服務方面就真係差強人意。全程頻繁收碟，感覺好似喺催逼個客快啲交枱。香港地方細，餐廳想翻枱快可以理解，但呢種行為真係好掃興，搞到原本愉快嘅用餐心情都大打折扣。💔新贊記點心皇嘅點心值得一試，但如果可以改善下服務態度同方式，相信會更加受歡迎。希望下次去嘅時候，能夠有更好嘅用餐體驗🥰~…Read More

二度幫襯，主要貪佢地點方便，午餐時間唔算多人，又坐得耐。最重要係再黎探返我最中意的雞排。超大大雞排配米粉（$83）🍗呢個真係要大力推介！個雞排真係有成塊面咁大！炸得外皮好酥脆，入面嘅雞肉仲好嫩滑多汁，熱氣騰騰，咬落去 “咔嚓” 一聲，好滿足🥰。今次改配嘅新竹米粉都唔錯，吸收咗雞排嘅香味，又可以自我安慰咁去左少少滷肉的油分（哈），再加埋配菜，食完整個餐都好飽肚。如果大家嚟呢度，一定要試下呢個超大大雞排，保證唔會失望！胚芽珍珠奶茶（走甜，配餐價$12）🥤上次見朋友叫，今次特登叫咗熱胚芽珍珠奶茶走甜版試下。珍珠煙韌有咬口，胚芽增加咗一份獨特嘅香味，茶底濃郁，即使走甜都好有味道，唔會太淡。招牌府城牛肉麵（$78）🥩朋友叫左呢個牛肉麵，一上台個香味已經撲鼻而來🤤。牛肉燉得好淋，咬落去啖啖肉香🥩，而且份量唔少。湯底好濃郁，應該係用咗好多香料同時間去熬製，味道好有層次。麵條亦都好有咬口，掛住濃郁嘅湯汁，每啖都好過癮。配菜就比我多一款花生🥜、其他同樣係黑木耳同青瓜🥒，爽口又解膩，好正！配上冷凍麥香烏龍，好味又滿足。糖醋魚柳滷肉飯（$82）🐟朋友二號揀糖醋魚柳，份量多到最後朋友只食係曬d 餸🤣。滷肉飯上面鋪滿咗香軟嘅滷肉碎，仲有半隻滷蛋🥚，滷肉味道調得好平衡，唔會太咸又好香。搭配嘅糖醋魚柳真係一大亮點！魚柳炸得金黃酥脆，外面嘅糖醋汁酸酸甜甜，好開胃😋。每啖魚柳都外脆內嫩，同滷肉飯一齊食，簡直係絕配。最後加一收費，埋單人均94。價錢合理。…Read More

今日天氣熱辣辣，同朋友行太古城Shopping行到攰攰地，決定係Sensory Zero 醫肚。第一次幫襯發現有驚喜你話佢係Café 咩，又不完全係，中西混合，但係mix得和諧既。👍🏻👍🏻朋友揀左南乳炸豬扒滑蛋牛角包（$78）單點，冇飲品；我自己因為係第一餐，點個大份的無肉大滿足早餐套餐($138)，主要想試下個燒菠蘿同焗花菜。估唔到都幾出色。🥐南乳炸豬扒滑蛋牛角包：一擺上枱，個香味就唔爭氣地鑽入我個鼻竇！首先個份量對得起個價錢，成碟熱辣辣咁上，豬扒的南乳味好出，加埋炸物嘅焦香，真係隔住個口罩都聞到。一啖咬落去，豬扒個外皮超級酥脆，“咔嚓” 一聲，好似聽到幸福嘅聲音。南乳醃製過嘅豬扒，味道好濃郁，咸香得嚟又唔會太膩，入面仲好嫩滑多汁，每啖肉都充滿嚼勁。滑蛋軟綿綿，帶住淡淡嘅蛋香，同豬扒、牛角包一齊喺嘴入面 “開派對”，個口感層次簡直豐富到爆！咸香、嫩滑、酥脆、有咬口，每種口感都好平衡，真係一試愛上，食完一個心心念念下一個，完全停唔到口！果然我見附近幾台客都點不無道理。😆😆🥗無肉大滿足早餐套餐：原本以為冇肉嘅早餐會唔夠 “鑊氣”，點知一試就 “真香”！炒蛋金黃，望落就好有食慾，放進口入面，軟軟糯糯，奶香味同咸香調配得啱啱好，好似喺舌頭上跳芭蕾舞。烤花菜表面微微焦黑，有種獨特嘅炭燒香，入面又保持住脆嫩，咬落去，蔬菜嘅清甜同烤香交織，好清新。茄汁豆我唔好，但酸酸甜甜，都醒胃，即刻將口腔入面嘅油膩感清走。餐廳有幾種果醬可以揀，我就揀最傳統的牛油😆脆卜卜嘅喵吐司可愛吸睛，搽上法國總統牌無鹽牛油，牛油慢慢融化，同吐司嘅麥香融為一體，每啖都好 creamy。搭配嘅自家制薑汁熱紅茶都好正，紅茶同姜粒分開上嘅姜粒就放左係金色羹度，可以只有落自己中意的份量，茶香濃郁，薑汁微微嘅辛辣感慢慢滲出，由口暖到胃，成個人都暖笠笠，好滿足🥰不過本人特別中意姜🫚🫚🫚，覺得份量可以再多少少。餐廳裡面檯與檯的距離都大，星期六的午餐時間坐得耐都冇人會趕，坐得舒服，這個真心讚。隔離就係誠品書店，伴隨著柔和的音樂，又一日開心度過美好的星期六。🥰🥰🥰真心推薦俾各位香港嘅 “為食貓”，一定要去試下，相信你哋都會同我一樣愛上呢間餐廳！…Read More

灣仔一到午餐時間就好多人，又趕有嘈，所以今日特別去咗ULURU食飯，坐得耐環境舒服。我已經第N次幫襯！我哋點咗個N.Z Ling Fillet，個魚煎得啱啱好，肉質鮮嫩多汁，配埋個白汁同薯蓉，分量剛剛好。再嚟就係CurryChicken Scallion Rice，咖喱味道有些偏淡，唔夠重口味，雖然雞肉滑嫩，但唔夠入味，整體CP值還可以。另外，Beef Burger要特別推介，漢堡扒厚實多汁，夾住新鮮嘅生菜同番茄，加上薯條系新鮮炸，熱騰騰，食落去特別滿足。QuinoaChicken Salad就比較清新健康，雞肉同藜麥嘅搭配營養均衡，分量出奇的多，要減重的日子會特別選佢。飲品方面，我哋特別點咗熱Matcha Latte，店家好好，應我地要求，特別加多d Matcha，咖啡香濃配埋微苦的Matcha粉，甜度適中，好適合做為飯後飲品。ULURU嘅食物質素不錯，環境舒適，服務態度又好，絕對值得一試再試！是日埋單4個人HKD619，不過不失…Read More

公司同事調遣新部門，特別請我地一行5人係新泰東吃飯，特別比左係角落的大臺比我地，剛剛好只有另一圍臺有人，唔算嘈。可能由於今次唔係係叫set lunch, 叫Alaka, 上菜時候都係熱D 。 🍳 **奄列海鮮炒飯**  第一眼見到個賣相幾吸引。現煎的薄蛋皮如絲綢般包裹住粒粒分明的茉莉香米，炒飯裡面有蘿蔔丁、青豆、蝦同少量青口。後尾偏淡，好彩同場我地有叫埋青咖哩，剛剛好可以用黎送飯。   🥘 **泰北青咖喱豬配印度千層餅**  青咖喱泛着翡翠光澤，咖哩味濃，齒頰留香，用黎點薄餅好好味。肉同配料都唔算少，主要如果肉可以再切細塊D 就更易分享。🦐 **炭燒大虎蝦佐雞醬**  手掌長的斑節蝦剖背鋪陳，炭烤脆殼下藏着凝脂般的膏黃。蘸取附贈的雞醬時，蝦肉Q彈入味鮮美，都容易剝離壳。只可惜分量有點少。   🍖 **原個菠蘿排骨**  掏空的菠蘿作盞，琥珀色的排骨浸潤在熱帶果酸裏。叉子輕戳即脫骨的肉質，最妙是刮下果肉纖維拌入醬汁，彷彿吞下一整片雨林陽光。  🔥 **泰式鄉村燒雞**  桧木砧板上的這隻走地雞真係好好味！雞皮形成薄脆的焦糖盔甲，撕開的瞬間雞肉多汁鮮嫩。⚠️ **催客提示頻繁**：即便全面還沒full house，我地一坐下就被店員提醒只有60分鐘用餐時間。菜與菜期間向另一店員查詢進度時候又說沒有這規定。官方答法說是即叫即整。用餐後就急急遞上賬單，暗示交台，當時全店還沒滿座。略顯掃興 …Read More

今次同朋友嚟咗呢間餐廳，真係有驚喜！1. **豆腐串**：豆腐好入味，我怕辣只係加少少辣嘅咖喱，都已經真係好開胃。每一啖都係享受，好啱鍾意食豆腐同埋咖喱味嘅朋友。另外仲有腩汁推介，朋友就叫左重口味推薦（全部汁），辣得過癮2. **巨型魚蛋**：個魚丸質地厚實，唔係普通個d 霉鬆泡泡的口感，配埋個咖喱一流，但係又唔會太嗆。我自己中意食烏冬，烏冬加埋菜吸晒湯，每一啖都好滿足。餐廳環境都唔錯，夜晚時段人唔係太多，也都冇特別有壓力話要趕人走。我哋係透過電子菜單點餐，好方便快捷。成餐飯食得好開心，一定會再嚟幫襯！…Read More

紅酒牛肋肉飯定食是餐廳的招牌之一，牛肋肉燉得非常入味，搭配紅酒醬汁，味道豐富而不膩。飯上撒有香脆的芝麻，增加了口感的層次。蘆筍雞腿菇炒意粉是我最喜歡的，意粉微辣，帶有橄欖香，但不油膩。雞腿菇和蘆筍的搭配，讓整道菜更加清新。雞湯的加入，讓意粉更加滑嫩。接木果茶當日的接木果茶適合搭配微辣的意粉，清新解膩。茶香浓郁，帶有一絲甜味。食物質素不錯。環境舒適，店內裝修簡約，給人一種放鬆的感覺。最啱閨蜜同行安靜聊天，唔會有人趕。特別是蘆筍雞腿菇炒意粉，微辣的口味和橄欖香氣讓人難忘，而且完全不油膩。搭配一杯清新的接木果茶，整個用餐過程非常愉快。餐廳的服務也算周到，等餐時間唔會等好耐，不過離開時候要記得自己收拾碗碟到收集處。唔系真係會有員工出黎提醒你（哈）。推薦給灣仔鬧市中喜歡清淨，又想嘗試新口味的朋友們。…Read More

7點到，期間仲要等人，冇事前講有限時消費，臨尾趕人走的時候先話有限時。得1個小時吃飯，期間不停被問食完未食完未，我唸冇人會享受趕客的服務，仲收加一，食物質素又一般，仲要+左25蚊的套餐趕人走雪糕都冇比，冇下次…Read More

今次中午冒名試下個熔岩芝士pizza 同韓式豆腐辣醬湯，size 正常，但相比佢個價錢，完全沒有物超所值之感。個pizza 一味芝士多，但只係暖，唔熱，加埋個價錢(2樣野埋單hkd359),冇下次。韓味豆腐辣醬湯，一味辣，豆腐5片，泡菜多，味道ok,飽肚。pizza 味道一般，感覺一大pat 茄醬放起一堆芝士就算數，只係暖，唔熱。冇預期或者口碑說得咁好。星期日的中午理論上應該多，但坐了2小時，都係3張台有人...環境係清幽既，擺設也不差，咁看閣下係吃氣氛定係吃食物。…Read More