小沙糖's Profile

藍地從來就缺少一間裝修舒適令人座得自在既甜品店，難得有一間係附近緊係要試試。第一次黎食就決定食一樣我從來未食過既甜品「梳乎厘」，係等既期間叫左碟腸粉不過就好失望腸粉太厚唔夠熱，我每次食腸粉都好期待食到皮薄熱辣辣有淡淡豬油香既腸粉，希望下次有機會係呢到食到。未食過梳乎厘即係無得比較不過見到個梳乎厘升到咁高應該有料到，篤開個皮已經有香味湧出黎趁熱嗱嗱淋食啖「鬆軟幼滑」呢4個字係個腦飛出黎！係無比較既情況下呢個梳乎厘點都有80分以上！話咁快又黎到第二次，今次好想食香蕉窩夫而同行人order法式燉蛋。窩夫蛋香味濃外脆內軟由於味道吸引所以一個人係唔太肚餓既情況下都有能力食晒3件。法式燉蛋味道都唔錯最錯係脆糖衣略嫌太厚。…Read More

屏山老地方果然係肉餅王款式多不在話下仲有好多新奇配搭crossover 芝士、芒果、榴連....不過同行食友膽細唔敢食太新奇咁一於食返傳統款式啦！2個人咩都想試咁一於咩都叫黎試下啦！鹹魚雞粒煎肉餅飯肉餅厚度適中並唔係薄過紙又唔係厚過電話薄，煎後仍有肉汁。飯落水多左少少變得比較淋無左咬口，由於係即叫即整所以熱度足夠。蘿蔔冬菇肉碎銀針粉𥄫晒全場都唔見有人食銀針粉但又好鬼想食本住搏一搏又比我搏到喎，湯底夠晒味加埋辣菜莆就更good fit！唯一要扣分既係比較多油。蒜爆雞軟骨如果要比較呢個就失色啦，炸得唔夠乾味道唔吸引止口痕就可以。吉列蝦堡牛角包由於個包係食到中段先到所以排到尾先食，去到呢個moment其實個胃已經無位放...唯有盡最後努力放埋入去，咬第一口就後悔點解唔第一時間食因為原本鬆脆既牛角包開始有少少淋，咬每一啖都食到蝦肉，值得再食！椰汁沙冰椰汁味濃郁啖啖透心涼。…Read More

無意中行過好日都唔會到既華都見到扶手電梯個邊咁鬼多人聚係到一於唔好蝕行去睇下咩環境先。喂喂喂原來係手卷喎咁緊係一於去馬試下啦，舖面L形一面買飛一面出貨，排隊人多為左爭取時間一邊排一邊唸食咩。我係食海膽初哥，見到海膽手卷寫住必食係半信半疑又怕唔新鮮既情況下叫左半板試下，半板海膽手卷$45，另外追加鮮北寄貝手卷$18。由於係夜晚7點幾等食既人好多，我要等成10張飛原本唔肚餓見到其他人陸續攞手卷就越睇越流口水，等......終於到我 嘩！海膽睇落好新鮮跟手再聞下無異味只有新鮮味，北寄貝大大塊又新鮮，調味飯味道剛好！食完2卷已經飽晒…Read More

點心店，soho區食點心!?成件事好fusion喎反正一行4人行到有啲餓即刻撲入去試下虛實！店入雖然唔算大但唔會令人有焗促感覺，而且可以透過玻璃見到師傅整點心，只要對自己店舖衛生程度高先敢做！一行4人人均消費都只係幾十蚊，價錢抵到叫之餘食物質素亦相當高，由於每款點心都係一碟3件，4個人就唔可以平分，所以下次必試比較高價既蟹粉/黑松露小籠包！…Read More