暴食小公主's Profile

早兩日見到朋友post ig佢個芫茜拉麵超吸引，所以即刻去試入面裝飾幾特別，有好多乎合佢地「鬼金棒」名字既日式裝飾我地揀左坐bar台呢到用電子下單可以慢慢諗揀咩食，都幾方便揀好左野食，就可以望住廚師預備配料會炒過，勁有鑊氣叫左一個芫茜麻辣味噌拉麵佢好貼心可以揀麻同辣度我就揀左小辣無麻個湯底好香濃，帶少少辣好惹味最正係勁多芫茜，唔單止香d，我覺得仲令個湯無甘膩叉燒都好好食，好軟腍而朋友仔就叫左炒豆芽菜拉麵勁多芽菜，食落多左一份爽脆口感佢揀左無辣無麻雖然無辣少左份惹味，但個湯本身好香濃，所以都好好食叉燒好大件，有少少肥肉，好香份量都好足夠，做晚餐一碗麵都已經夠食而且好鍾意佢會炒下配料呢點令個拉麵好香，同一般拉麵好唔同喜歡重口味朋友可以試一試👍🏻👍🏻…Read More

呢排都無咩心機搵野食見同事好推介呢間西餐，就去試一試Dr Kitty佢呢到有好多特別既Cocktail呢杯叫dr.kitty既粉紅色Mocktail, 當然要有招牌kitty蝴蝶結名字改得有心思又貼題，好得意味道係荔枝同芒果味，仲有加埋乳酪，飲落都幾順口又唔會過甜避風塘蘿蔔糕 $78一黎要個小食先，熱辣辣一上檯就好香!避風塘香蒜加上薯片，好正又好邪惡一碟都有成十幾舊，食得好過癮美國安格斯牛肉芝士煙肉煎蛋漢堡伴薯條    $128叫左5成熟,，佢既漢堡扒好juicy，一路食d肉汁都不斷流配菜有煎蛋,蕃茄,煙肉同生菜, 令到個口感好豐富👍🏻 伴碟薯條都炸得新鮮香脆三文魚子 . 烤鮮三文魚寬條麵 $188佢個汁係檸檬忌廉汁, 入口幾清新唔會漏三文魚子同三文魚都好出色, 好鮮味唔會覺得腥,個汁同三文魚的呢個配搭做得幾好Tofu Pudding  $148見到有豆腐花就叫黎食下但原來佢唔係一般豆腐花竟然係即刻撞, 黎到要靜候10-15分鐘即刻撞的豆腐花非常滑溜, 仲有少少酒香, 好驚喜同事真係好介紹呢間餐廳食物真係唔錯，可以再黎…Read More

假日悶悶地，就入左赤柱行下，行完當然要搵地方醫肚啦見到呢間黃色小屋好別致，就揀左佢喇2人SET : 海鮮拼盤因為唔想諗，我地叫左個2人SET ($698)先黎個海鮮拚盤，入面有阿拉斯加蟹腳、海蝦、香草小龍蝦、黑青口、海蜆同帶子除左d蜆有少少沙，其實海鮮都唔好錯，幾鮮甜而且份量都真係唔少，2個人食都好滿足主菜 : 美國西冷牛扒(10安士)伴香草薯仔、蘆筍及燒番茄配紅酒汁個set可以揀兩個主菜，我地要左份牛扒，個扒要5成，煎得岩岩好而且牛質都幾林，唔會有好多筋好難咬牛味就一般，唔算太濃，份量係岩岩好一個人食主菜：香煎三文魚塊三文魚扒都幾大塊而且唔會太熟，d肉唔會好鞋加埋煎得香脆既魚皮，好食甜品: 暖心朱古力蛋糕最後有個甜品做結束估唔到個擺碟甘靚除左心太軟仲有macaron同雪糕心太軟既朱古力味真係超香濃一切開D朱古力漿就流哂出黎，好治癒overall唔算好有驚喜，但水準都平均而且個SET真係唔算貴平時係市區食同樣既野價錢有可能仲貴假日或者特別日子帶另一半黎食都唔錯…Read More

The Night Market幾間分店水準都幾穩定而且坐得又舒服，有時諗唔到食咩，都會揀佢今晚又去左中環分店，佢地仲時不時會有MENU酸菜石斑湯 $148佢地既酸菜魚我每次都會食因為個酸味真係好恰到好處，唔會嗆喉而且又唔會太辣加埋軟滑既魚片，真係做得好好台灣豆醬炒A菜 $78晚飯當然唔可以無蔬菜呢到都有好多蔬菜菜式揀豆醬唔會太咸，菜又嫩，清清地得黎又有特式新竹炒米粉 $92佢既炒米粉又係我次次都會揀既好鐘意新竹米粉好幼身既口感佢炒得乾身之餘又唔油同埋炒得好均勻，唔會料還料，米粉還米粉鮮果茶 $42好重果味，唔會正係得糖水仲有個面放左好多生果，個樣又fresh又吸引水蜜桃紅茶 $42真係用新鮮既水蜜桃，唔係化學味加埋紅茶唔會太甜，好好飲真係食左甘多次都無令人失望大家有時諗唔到食咩都可以試下佢…Read More

想食韓國野，當然要去金巴利街啦見到呢間OPPA KITCHEN裝修幾新，MENU又幾多野食，就入左去啦見到MENU佢主打係有兩個系列:就係「火山蛋漿熔岩炒飯」同埋「火焰芝士」系列。本身以為佢係得呢D新派既食物，但睇後D，原來都有好多傳統既韓國食物揀，好似飯捲呀，參雞湯呀，都唔錯WOR紫菜包飯 $92估唔到都幾大條，而且好香麻油味料都幾足，有午餐肉，黃瓜，雞蛋等等你話好有驚喜又唔會，但就係好熟悉既味道韓國韭菜海鮮煎飯 $150佢呢到既煎飯係做得比較厚身如果係女仔去食，真係要諗諗食唔食得哂先叫呢個煎餅，因為都幾飽肚入面都有唔少海鮮，點埋個汁食，都唔錯「火焰芝士」芝士排骨 $275(中)既然「火焰芝士」係佢地既主打，就當然要試試啦我地叫左個中SIZE，兩個人真係好夠點解佢地叫做「火焰」系列，因為店員會係你面前用火槍燒熔D芝士成個過程好IGable，放上story即刻好多朋友問邊到黎唔單止影相一流，味道都一流佢個排骨本身已經有腌醬，味道唔會好辣，只係微微辣食落好惹味，再可埋D焦焦地既芝士，雖然好肥，但都忍唔住口食多幾件Overall食物係有D少貴(不過香港既韓國菜都係偏貴)但服務幾好，坐得又舒服食物方面「火焰」系列真係有驚喜，都值得一試…Read More

收工同同事去個light dinner互相發放下負面情緒同事帶左我去呢間申子居酒屋，話D串物唔錯又可以LIGHT D，飲下野雞軟骨串燒得夠香，迫哂D油份出黎食落唔係好多油，同無咩雪味雞腎MENU話係用新鮮雞腎所以數量有限食落又真係無咩雪味加埋D椒鹽夠哂惹味送埋啤酒簡直係絕配唐揚脆雞同事好鍾意食炸雞，所以見到呢個唐揚脆雞就即刻叫左炸粉幾均勻又唔會太厚而雞肉都KEEP到好JUCIY，幾好食火炙壽司盛合呢個火炙壽司盛合真係岩哂我唔鍾意食生野既朋友一共有六件，有三文魚同吞拿魚火炙過令魚生既油份出哂黎未食入口已經閒都好香而且加埋面頭唔同既配料食落令魚生有層次雞翼最後當然要叫番個燒雞翼啦皮脆肉嫩，食完想叫多幾串同事無介紹錯，食物真係幾有水準而且服務幾週到，可以再ENCORE…Read More

以前一定要日頭先有得食點心但而家有左點心店，就算幾夜都可以食LA呢間一哥點故係元朗都有分店聽講點心質素幾唔錯，所以放假就去左試一試喇入面裝修以木同埋藍色為主感覺好簡單，好舒服XO醬菜苗餃$32一黎到見到個正方形既點心籠即使未知好唔好食，就已經夠得好靚好吸引菜苗餃外皮剔透，餡料鮮味加埋惹味XO醬，真係恰到好處醬皇蒸鳳爪 $19食點心我一定要食鳳爪呢到既鳳爪外皮唔會太爛，或者煮到林哂而且個汁煮得好，濃杰度係岩岩掛上鳳爪到沙爹金錢肚 $28金錢肚都係好傳統既點心呢到既金錢肚食落唔會有奇怪既腥味而且一咬就斷，唔會好似香口膠甘眉豆花生燉雞腳 $33見佢呢到有自家燉湯當然要叫番個試下不過都有少少失望，因為味道都幾淡似燉得唔夠耐，未出味不過就真係無味精味既茶位一位只係收$4坐得又舒服，食物質素又好可以再ENCORE~~…Read More

而家川菜真係開到四圍都係平既有，貴既又有，不過要有水準，西環既川之源一定係其中一間MENU都幾多野食,水煮系列，酸菜魚，不同小炒都有口水雞先黎叫個口水雞唔似出面淋個汁係白切雞面頭，係真係用個汁撈好每件雞個汁既麻同辣好平均，仲食到有少少雞汁所以味道比出面更有層次酸辣土豆絲食過一次之後成日都掛住佢既酸辣土豆絲好有辣椒既香味而唔係得個死辣而且酸味好夠，薯絲又爽口係好食到停唔到架，好有水準酸菜魚呢到既酸菜係自己醃唔會好似出面街買既得個化學酸味食落唔會好嗆喉魚片大片又滑溜呢到係用粉絲底，唔係薯粉底食起上黎唔會甘易飽最後會送一個桂花冰粉甜甜地又冰凍，好解辣好想要多一碗，哈哈我地平日晚上去都幾多人如果晏去都要等一陣位但食物絕對有水準，值得一試再試~…Read More

返工咁辛苦收工梗係要食好西😋兩個人 好少去食中餐， 不過今日就搞搞新意思黎一個二人私房菜!餐廳位於佐敦同尖沙咀之間， 兩個地鐵站出都可以行到去，我揀左佐敦站出，10分鐘內就到，都算幾方便。上到樓見到餐廳好光猛， 裝修 唔錯， 仲有部 大電視 可以一路食飯一路睇胡椒豬肚湯 $50/碗打頭陣嘅係我地大家都好鍾意嘅胡椒豬肚湯。。呢個湯最緊要就係要夠「胡椒」， 餐廳就成功做到呢樣嘢啦，而且一啲腥味都冇仲好大碗，真係好滿足~乳鴿 $88第二度菜係大人細路都鍾意嘅乳鴿 皮脆肉嫩又唔會太油， 餐廳仲好細心準備咗膠手套畀我哋，讚!燒汁薑蔥比目魚 $118本身唔算係 一個 鐘意食魚嘅人，所以 反而比較喜歡呢度菜嘅配菜😂薑蔥好香， 當然魚嘅肉質都唔錯，好滑外面陣皮又香脆，而且都幾大碟，我地兩個人都食唔曬津菜蒸玉筍包 $38食咗兩碟肉， 要有返啲纖維呢個菜係心思之作， 將唔同嘅蔬菜釀咗喺入面 ，要用刀叉切開先至食到， 仲有少少湯伴著， 幾特別。xo醬鮑魚粒炒飯 $108有肉有菜又點少得澱粉質， 呢個真係好大碟😲 聽到xo醬都有啲擔心味道會唔會好濃，但食落又ok喎， 有xo醬味道得嚟又唔會over。同埋係真係會食到鮑魚粒嘅， 名副其實菊花豆腐花最後最大嘅驚喜係甜品， 菊花豆腐花。 聽個名你應該同我哋一樣會覺得係一碗豆腐花加咗啲菊花味嘅糖水嚟到先知原來係將張豆腐花雕成菊花嘅樣😮好老實講味道其實都同平時食嘅豆腐花差不多， 但係視覺上真係好有驚喜😍😍整體來講餐廳裝修， 服務以及出品都唔錯， 而且份量算多（ 最後都食淨少少），幾岩想安靜食中菜既朋友仔~…Read More

搬左入堅尼地城已經有4個月，食得再多既就係呢間民華，因為佢既早餐真係太正喇~~呢到裝修係新式茶記，雖然D位好密，但都坐得幾舒服亦唔會好似舊式茶記甘UP DUP，好光猛又乾淨食得最多就係呢個蕃茄叉燒通粉蕃茄湯夠哂濃，而且入面仲會有粒粒鮮茄唔係淨係罐頭湯開水甘無HEART叉燒夠軟淋，配埋個湯真係好正跟餐可以揀腸仔，餐肉或者火腿我就多數揀火腿，佢唔會煎得太油麵包可以揀多士或者方包多士係用厚身多士，食落外脆內軟加埋D溶左既牛油，香到不得了真係肥都要食呀最後飲埋杯香滑奶茶真係一個GOOD MORNING呀!!…Read More

岩岩去完日本旅行番黎，日日都好掛住日本美食聽同事講最近尖沙咀有間拉麵店係由大版開過黎香港就即刻叫埋另一半一齊去試下呢間大阪拉麵店主打唔係濃濃既豬骨湯，而係加左大蜆，同鮮雞熬製既白湯白湯野菜醬油拉麵 $88佢地主打係白湯，甘就當然要試一試，湯底香濃但又好清甜，無平時既豬骨湯底甘膩溫泉蛋生熟店岩岩好，又有蛋香加埋肉質軟腍既叉燒，真係唔錯特製鹽味湯沾麵 $98除左湯麵仲有沾麵食，用番粗身既拉麵，個湯比白湯再濃少少，D大蜆粒粒都好好肉，又鮮甜雖然無出面專門食沾麵既地方甘好味，但都做得唔錯~價錢同出面既拉麵店差唔多但如果你鍾意個湯清D既，無甘濃甘油呢間都可以試下…Read More

北角/炮台山其實一直都好多  野食而家搬左去港島，當然要四出搵食啦~呢間wooden house menu都幾多選擇而且價錢唔太貴，所以就搵左個平日晚上去試下Diavola Pizza $138其實我地冇預過個pizza甘大兩個人既話真係食左佢已經夠飽批邊好脆，但個底又會有D咬口，唔錯雖然入面既料好簡單，有tomato, mozzarella, salami同basil但高質既PIZZA一向都唔需要多料，去pizzaH**食個頹pizza都唔只呢個價啦，真係幾抵法國黃油雞 $188來自法國嘅黃油雞焗到外皮香脆 而且散發陣陣雞油香味，正係色香已經夠吸引食落去更有驚喜，肉質十分嫩滑即使雞胸都唔乾，底下既牛肝菌醬青豆又夠惹味而家睇番都好想再食Spaghetti alla Vongole $158一黎到就比D蜆吸引左粒粒都好大粒又好肉，味道亦好鮮甜海鮮既甜，再加上蒜片同辣椒既香味唔花巧但已經好好食食物水準唔錯，而且價錢唔算貴加上坐得舒服，店員又好戈禮貌絕對係可以encore既小店 …Read More

高質火鍋*滾火鍋去完朋友屋企housewarming大家都話最近凍凍地，想打邊爐朋友話呢間係新開既，幾企理，所以就一齊試下入面裝修真係好企理，好新兩邊都係卡位設計，私隱到高D又坐得舒服一坐低就有個餐前飲品 : 話梅水咸咸甜甜又真係幾開胃黃金魚皮 $58十卜十卜之前食D餐前小食先呢個黃金魚皮好食過包裝既多多聲勁脆勁鬆但又唔覺得好油D咸蛋黃夠多好夠化，唔會一粒粒甘包住魚皮既每一個角落雖然好邪惡，但甘好食真係忍唔到口宮廷蘿蔔 $58即係腌蘿蔔賣相整到成朵花甘，用黎呃like就最好不過濃湯花膠雞煲 $368個湯真係好香，而且好足料真係有成隻雞同埋好多花膠雖然花膠係比較爽身果款，膠質唔太重但甘足料都抵啦味道亦十分濃厚，亦唔覺味精，我地每人未開始打邊爐之前都飲左2碗 哈哈手切本地牛肉(小) $288本地牛肉有時會比較韌但你見佢D油分分佈得甘好就知佢唔會韌啦~而且牛味好重，唔點醬油都一樣好食手打四寶丸 $108有豬肉丸，蝦丸，墨魚丸同魚丸4款用料都好新鮮，好彈牙，個人最鍾意墨魚丸，唔只彈仲有粒粒咬口，唔錯手工韭菜餃、手工白菜餃 $78我同朋友都好鍾意食餃子兩款都係自定製粒粒都皮薄餡鮮蔬菜盤 $68蔬菜勁新鮮同乾淨，生菜同娃娃菜都好甜，好高質響鈴 $58響鈴略略炸得過左小小不過都唔會太油，都合格最後仲有甜品送，係燉桃膠，清清地唔會太甜，食完熱辣辣食物之後，有D清甜既糖水潤下，真係好貼心Overall食物真係好新鮮而且店員好有禮貌會主動介紹食物，又會成日幫我地執碟坐得又舒服，食物又唔算貴，值得一試~…Read More

係openrice見到呢間Kong竟然全部係正評而且D食物好似好有趣，所以就去試一試。MENU唔算話超多野食，但每一樣都好特別，係港式既FUSION菜，感覺好特別，令人好想試下。Ciabatta Bread $48因為好鍾意食麵包關係，所以叫左佢正係睇個樣已經覺得好好食麵包面煎到金黃，食落超脆，又有牛油香唔駛5分鐘就已經將佢KO左Strawberry Ricotta $78另外見佢有一系列既麵包dip而且一個都唔平，感覺幾有質素所以就叫左個試試，果然係好野Strawberry係浸過，有少少酒味加埋較淡味既ricotta cheese，同埋少少蜜糖雖然簡單，但又好好食~避風塘芝士蟹腸粉 $168芝士FANS一定要試，個汁濃郁到不得了，因為腸粉本身係無味，加埋落去可以balance番無甘重口味加埋D避風塘蒜粒同埋鮮香既蟹子無論口感同味道上都多左層次係好值得一試既菜式食物真係好有質素，唔怪得知一個喊樣都無但都有D野要改善，就係當日MENU上有好多野都話SOLD OUT好似乳豬呀，雙面黃呀，都無得叫基本上得番幾樣野比人揀，ORDER果時都有少少無癮希望下次去，可以試到呢幾樣野啦~…Read More

見最近有幾個朋友都試左呢間新開既餐廳我當然都要去試一試啦~餐廳係普慶坊，呢到一直都有種與世隔絕既感覺同餐廳「慢」既IDEA好夾MENU比想像中多野揀扒類、小食、沙律、PIZZA都有咸蛋黃醬炸雞鎚 $48/3隻一睇MENU見到就已經決定要食雖然真係好肥好邪惡但係甘香既咸蛋黃醬加埋脆雞皮，你叫人點抗拒?而且雞鎚炸得好好，唔乾身，食落好JUICY而家見到都好肚餓墨西哥辣粟米PIZZA $38甘大塊PIZAA都係收$38，真係好抵食其實個PIZAA唔算好辣，但墨西哥香料好惹味，唔錯澳洲黑安格斯牛西冷 $138老實講，塊扒係有少少失望可能本身塊肉既質素麻麻地就算煎得好，食落都冇咩肉味同有D鞋白酒慢煮焦糖菠蘿配意大利雪糕 $48菠蘿帶點點酒香，再加埋雪糕雖然係簡簡單單，但個組合又幾特別除左牛扒有少少失望之外，其他食物都唔錯，而且呢個區黎講真係好抵食呀!…Read More