Ansonkkll's Profile

3個人去到叫左1個意粉，1個意大利飯，仲有一個豬鞍，點知要等1個半鐘先開始上菜，仲要又貴又唔好食。。。個軟殼蟹黑松露意粉好普通，但勁油又鹹，真係好麻麻地，但已經係最正常果個。。。之後個龍蝦汁蝦意大利飯先精彩，我唔明點解佢地可以做到勁水又淋，唔講真係以為食緊中式湯飯或者糊仔咁，人生未食過咁水又淋既意大利飯。。。直頭似係用普通白米整出黎既咁。。。之後食落口又有一陣怪味，可能我見識少，真係唔鍾意喇。。。仲要隻蝦又勁唔新鮮，感覺係放左係雪櫃幾日先拎出黎既咁，完全無口感，食落口一pat野咁。。。我真係唔識欣賞。。。然後到個豬鞍，個墊底嘅薯蓉居然係凍既，係啱啱上菜就已經係凍既。。。然後個豬又係生既。。。我等左1個半鐘俾d咁樣又生又凍既菜我真係不能接受🙃 仲要咁樣收我地791蚊。。。 好在最尾直接退左個等左1個半鐘都仲係生既豬鞍之後埋單540蚊， 但540蚊食1個普通意粉同埋一個垃圾Risotto，得罪講句真係自己煮仲好食過佢🙃 又係永世blacklist系列🫡…Read More

服務態度差，同個老闆娘order完任何嘢佢都只係會敷衍你，唔會同你follow落去，其他侍應又舉手舉咗5分鐘都唔會睬你，態度奇差之後叫咗個二人餐，份量少到我自己一個都食得晒，甜品叫咗湯圓，二人餐比三粒我哋，係咪傻X咗？嚴重懷疑設計Menu條友唔係有厭食症就係明知一人餐都夾硬話係二人餐，博你哋班水魚要再叫另外嘅嘢食。食物質素一般，金邊粉垃圾，魷魚串燒好韌，二人餐再另外加金邊粉，埋單$422，感覺我去隔離食KFC仲好食同抵食過佢，永不錄用…Read More

叫左個龍蝦帶子意粉同白松露意大利飯，又貴又唔好食。個龍蝦帶子意粉個意粉本身雖然唔錯，但d汁勁多勁水，溝稀得好嚴重，我寧願你煮耐d令個汁濃d好過。而個意大利飯，d味道好單一，好咸但又無乜松露味，搞到成個飯好難食，食完要飲好多杯水先搞得掂。最後叫左個窩夫雪糕，擺盤算係有心機但個窩夫淋晒既，好似食緊d放左好耐既麵包咁，好難食，真係過隔離葵廣食好過，呢度又貴又唔好食。總結，野擺盤雖然幾靚但味道真係超級一般，而且價錢又貴，過新都會/葵廣食會仲好。…Read More

見佢個餐由688/位減價到288/位，所以特意黎食，食完簡直顛覆我對食物既認知，呢個餐連$88都不如！份量奇少，我地4個人食完，即刻去左隔離食多個譚仔先夠飽，我大食d既直頭可以去食多個放題都仲得，食完都唔知食左咩黎。d龍蝦又燶又唔新鮮，成隻雞肉咁，個湯又勁水，好似1份湯加水加到變左5份出黎咁。最差係個飯，好似d九流廚師整出黎既咁，我落茶記都好食過佢。唯一可以讚下既係佢d刺身同牛唔差，但又係份量奇少。好似4個人食一個2人餐咁。…Read More