HeidiThePooh's Profile

幾個好朋友都鍾意食牛，香港大部份steak house都試過。難得有新開嘅steak house仲係nose-to-nail concept, 梗係要試。餐廳除左裝修得好靚，入到去就好似去左意大利咁。係香港好少有一入到去仲有welcome drink, 聽講serve嗰枝紅酒係餐廳主理butcher - Dario自己釀，係出面無得飲㗎。餐廳嘅麵包太好味，食到唔停到口。今次試左tomato burrata cheese同beef tartar,個tartar係即埸係面前整，好似睇左個表演咁。Main course叫左個sausage同flat iron ,portion好大，4個人都食唔晒。甜品食左Tiramisu係意大利厨師媽媽recipe,真係同出面有啲唔同，個Tiramisu 好大，如果有朋友生日可以做埋生日蛋糕。Overall好滿足的一餐，會再去試埋其他，我仲有好多嘢想食。…Read More

Honey生日要食餐好，日式omakase食得多，今次試下日法fusion。Whisk每道菜都好味同精緻，擺碟好靚，尤其係starter個花，但個甜品失色小小。鍾意飲酒仲可以加錢wine pairing，但honey唔飲得多，所以最後只開左枝champagne ，不過要讚下個wine sommelier 佢介紹左枝Nomine Renard Brut非主流但性價比高，當日個main係鵝肝同牛，佢主重倒左柸紅酒俾我話紅酒襯啲。令honey有個愉快嘅birthday....…Read More

係香港比較少去米芝蓮餐廳，因為一般較貴。今日終於有機會啦，老闆話我哋跑到數，請我哋食餐好嘅，帶左我哋去逸東酒店去面嘅逸東軒。老闆話餐廳裝修完，好有懷舊feel之餘,又高雅，覺得自己應該要著靚啲。由於老闆係常客，佢點左好多招牌菜，我個人最鍾意話梅番茄，除左賣相好靚，食落酸酸甜甜，作為前菜最適合不過。杏汁豬肺湯，味道濃郁。仲有個蝦球(掛住食唔記得左咩個名)，一個餸有2個味道，啱晒貪心嘅我。多謝老闆請客，我哋會努力揾生意。希望老闆再請我哋去，個menu仲有好多嘢想試。…Read More

今日係東港城分店新開張，見到無乜人排隊，於是買左牛角酥，玉桂酥皮冬甩 同蛋撻。但係買完先發覺蛋撻要等15-20分鐘，有啲嬲點解唔落打時講，如果我趕時間都唔知點算。佢個酥皮果然名不虚傳，好鬆，好味。玉桂酥皮冬甩，玉桂味適中，又唔會太甜。但係麻麻哋甜嘅我覺得個蛋撻嘅蛋比較甜，如果蛋味濃啲，少啲甜就perfect啦。至於個牛角酥，凍左之後仲好鬆軟。下次會再試下再它食物。(p.s.因為太心急食，唔記得影相 : p)…Read More

又係去澳門飲飲食食，朋友推介下去左呢間米芝蓮2星中菜飲茶。環境都幾好，不過被安排係VIP房用餐嘅我，唔知點解要行側門，好似有的小家嘅感覺。食物賣相值得一讚。但整體來講如果係米芝蓮2星，又有啲名過於實。有驚喜嘅係蝦餃，應該用左菜汁做皮，所以個皮係綠色唔係傳統雲嘅白色。另外個龍蝦湯雲吞、同甜品拼盤都出色。其他就只好以講不過不失。…Read More

放工同Honey去左澳門，check-in已經幾夜但又想食好啲。於是去左新葡京入面嘅The Kitchen,見到過menu已經鎖定左要試HKD900一位的Tasting Menu, 再加幾百元就己經可以配埋Wine Pairing。每一個course都有驚喜，每個portion 小小，但食晒咁多course之後又好滿足,最啱我呢啲想試唔同嘢的貪心人。牛扒係佢哋signature,一次去要試下一份full portion 嘅牛扒。…Read More