lv322's Profile

食午市放題，漏單漏到七彩，叫左幾次羊排 牛排 d 貴價熱食，全部無到，但奇怪叫壽司就快而準，之後等左1粒鐘，真係要揾經理嘈，先有得食。上個月來時，有cake食，今次就乜都無，唔知係咪睇心情。食物質素就不要有期望，$136位係咁上下，不過漏單漏到咁，好難令人不懷疑是否故意，應該無下次。…Read More

如之前食評一樣，服務態度真係好好，雖然地方殘舊，又落入重建區，但一個簡單的鮮茄雞絲飯炒底，卻做得很好，一睇個賣相，就可見係用心做的，番茄新鮮、炒飯唔會太過火、雞絲亦足料，簡單的碟頭飯卻不簡單，希望他們繼續保持水準。…Read More

本身食開地鐵站百佳及爭鮮，但近近地就幫趁下，買左壽司同兩支水，因我本身拎住好多行李，所以就問老闆拎膠袋，點知老闆唔知係咪心情欠佳，竟然話無，當然我知佢係唔想俾啦，見我買得唔多，咁算啦，點知找錢時，仲將某D錢掉落地下，之後扮曬唔小心，又唔執返俾客，我趕住走，如果唔係一定同佢嘈。返到屋企，壽司硬到好難食，D蝦仲要有DD灰點，攪到我掉左唔敢食，要受氣仲要唔新鮮，以後我都唔會幫趁。…Read More

父親節餐單，一個送$70-80，但質素就認真物非所值1) 燒煵仔 - ok2) 魚香茄子煲 - 尚可3) 海鮮卷 - 內部構造係一大件芒果+一粒手指甲咁大既蝦，連茶仔都唔用來炒飯啦，佢地竟然用來造海鮮卷，又無咁cheap呀，大佬呢個送都七十幾，附近茶仔都唔會咁樣啦!4) 粟米石班 - 呢個真係重點極不推介，食了兩件都係粉，無魚肉，硬到即刻想吐出來，叫經理過來，叫佢自己睇，佢就話有魚肉，不過少D jei，唔想換唔想取消，如果唔係慶祝father day，我一定嘈佢埋單，自己去櫃面埋，我話要睇單，cashier 個女人就黑口黑面summary: 永不錄用酒樓…Read More

點心質素不俗，是有誠意做的，荃灣這類點心店，是我我吃過的第三間，亦是最滿意的一間。不知是否店主喜歡看電視，不斷聽到播now tv新聞台報新聞聲，但又唔見有電視睇，但我諗這種做法跟餐廳格調不一樣，閉上眼還為去了茶仔睇電視食炒公仔麵。另椅子跟地磚唔多夾，張椅成日冼走，有D潛在危險。Anyway，最重要係食物，總括可以再去。…Read More

除夕夜和媽媽、妹妹食去飯，叫左三個送，但好失望。潮州釀豆腐煲 - 一塊豆腐釀一塊肉，共6小件，湯汁無味，成本之低得極寒酸，但收$68咕嚕肉 - 我以為叫左咕嚕炸粉，無肉之餘得果十件左右，收$68燒雞 - 唯一可取之食物，收$48食完我仲要買落樓下買個魚柳飽先夠飽肚，之前去過都唔係咁差，今次一去一定無回頭…Read More

用HSBC credit card 生日有優惠，試下都okay la...有D女員工招呼唔錯，年紀雖小，但很識做，好醒，值得一讚，$400兩個人，食物方面都算唔錯，份量岩岩好。驚喜：有生日cake+gift+即影即有相兩張，我仲問佢地拎DC張原相jpeg檔，幾日後真係send左俾我，值得加分，呢D先係customer service呢！…Read More

1pm Lunch度度爆，係呢度唔爆，仲要得我同朋友包曬個場，不明何解客人這麼少。講返食物，壽司幾有特色，三文魚都大塊，幾新鮮，叫了個曼魚井都okay，服務都幾好(可能得我兩個客既關係)，下次會再去試試其他食物。…Read More

話說我媽去飲下午茶(3pm)，首先入去無人招呼，要自己搵位，搵到了，執檯那女人就粗魯地執檯喇，睇Menu，發覺黏住D食物，很不衛生，之後叫左六碟點心，都係普通點心，一般貨色，埋單竟要$98，計埋茶$頂多都係70左右，何來$98，就知道媽媽被呃了，100%Sure佢地計錯數，可惜當時我行開左，如果唔係一定Check單。另外坐我地對面個伯伯叫左碗鴨飯好耐，侍應先扮曬去廚房追單，後來伯伯再追，先發現原來係漏單，伯伯呆坐都無飯食，真慘！…Read More

咖哩羊肉炒飯：幾乾身、配合得不錯呢！咖哩牛腩飯：很有水準，食完會上隱咖哩角：吃了兩款，一款是免治，一款普通，但都做得好好惟一不好的地方就只是舖位太細，坐得不太舒適，但服務就很不錯，會問你要唔要加飯加薄餅。…Read More

講真，一向都有同媽媽去開葵芳食飯，其實都係普普通通，不過相比附近相川滬同新都會間上海菜，價錢係平既...但食物質素當然無咁好啦^_^…Read More

午飯時人多，但總有位的餐廳，名是越南菜，但食落都不是太正宗。茄汁牛腩粉- 湯汁普通，有味精，惟牛腩多；咖哩牛腩飯- 咖哩汁幾好，有少許辣，但汁較少；蝦醬炒飯- 很差，有點像到會那些炒飯；越式蒸粉卷- 一夾就碎，味道普通；一個人價錢大約$30左右，算係咁了。…Read More

由於近日要寫論文，和同學商議後，論文的題目就是MOS Burger，正好在觀塘，就決定一試。之前朋友說要排隊等一小時才有得食，但我去到時只需等三四個人就可以落單，或許是較晚的關係吧，亦因為太晚，所以店員早在排隊時已講解只餘下其實款式的飽，漢堡扒的全售罄，而我就叫了一個吉列雞包併薯條加紅茶，總數$33。落單後都是要等十分鐘左右才有得食，包是軟熟的，吉列雞亦新鮮炸起，配合的醬汁倒是不錯，而薯條有少許淋，但因我一向比較喜歡粗身軟薯條，故問題不大。總括來說，有兩點他們是應該改進的，第一是排隊等待的時間，莫說要排一小時，要我等超過15分鐘，我寧願吃其他東西了；第二是沒有位置放茄汁，盤子沒有紙，而盤子亦理應不太乾淨，最後我只好將茄汁倒在他們提供的紙巾上，紙巾和桌紙兩樣都是紙，為何不提供桌紙，像M記那樣呢？…Read More

很久沒吃過真正的泰國菜了，晚上就和朋友到九龍城搵食，搵搵下就行到了同心，環境就比街邊舖好一點，像茶餐廳的格局，樓上有閣樓，不過沒有上去，而侍應全是泰國人，服務算中規中距，我們叫了四道菜，詳情如下：冬蔭公海鮮湯- 料足，甜酸辣剛剛好，湯有魚肉、兩隻蝦、兩隻青口等生蝦沙律- 已有幾年沒吃生蝦，今日一試，鮮味十足，附送醬料亦很特別蝦醬炒飯- 足料，炒得不錯，味道算是中上炭燒豬頸肉- 爽口，沒有燒焦味道，不錯西米糖水- 正當朋友說好味之際，朋友發現小昆蟲在糖水暢泳，結果當然是即時更換，但朋友仍整杯吃掉，勁！兩人埋單共$160，有機會再光顧。…Read More

軟香排骨飯- 這排骨的特點在於不炸成硬的，而是炸成軟的，口感不太好；招牌牛肉飯- 開胃，有點像媽媽煲湯那種味道。而服務方面，侍應生很有禮及經常灌水，在旺角區及這種30元一碗飯的價錢來說，可算好到不得了。…Read More