J_day's Profile

本人感覺與睇OpenRice 其他人寫既評價之比較，其實可以叫做一樣。不過最為喜歡既唔係食，係十分貼心嘅服務。服務態度有高級餐廳嘅feel。好似一班貼心管家係後面照顧住咁。但又唔覺得唔舒服。可能有人會話俾咁貴去食，服務點都會好。不過好多時都唔係咁，好多時香港食日本野連水都無杯，好似無人理咁。所以呢度既服務係高質既，希望keep住！食物方面，我自己食完，再睇返d comment。其實會見到個個講既係差唔多。睇埋d食物相同自己影果d,係9成9似。咁即係日本人做既野佢做左一樣野之後，其實佢哋唔會點變。又即係好食唔好食，好個人。講埋個服務。是日老婆生日，好多餐廳都會整個驚喜係送個甜品，整個名咁啦。但驚喜在於經理係唱埋生日歌，仲要無走音。係大大加分。如果你唔鐘意自己份工，我諗你都唔會咁服侍d客。但都有個位要講，有時食材既野就好要運氣，咁岩我地轉做宮崎和牛。師傅煎好果陣我都見佢揍眉頭左一下。挑一挑，轉一轉件牛先落刀。之後一食就知，原來舊牛有筋，應該佢都知道所以盡量避果d位。不過都係唔得，俾貴左明有d銀牙。所以有時都係要睇你好唔好運。…Read More

睇完youtube介紹就黎食。網上講餐牌摷，今日黎到佢又真係換左。證明係有心去聽客人要求。環境好舒服乾淨，好有空間感。今日就比較小人。只得兩台客。蒸蛋係鮮味，唔似落味精。壽司定食師傅拎埋黎時會介紹返係咩魚黎，係細心既。鱈魚燒得剛剛好，油份出晒黎，調味剛剛好。仲有個奶凍結尾係超正。值得試。…Read More

如粉嶺區要搵有質素既西餐食其實選擇唔多。如果想食好既西餐，就一定要去聯和墟喇。呢次評既係Good times。其實都食過好幾次，寫食評就第一次。先講湯先，佢好似次次都係濃湯黎。今次係青豆濃湯。like青豆既人係好ok,相反就算啦。青豆味好出，不過我嚴有豆皮咬到。不過味道係好好。今次食既係漢堡同牛扒。漢堡包係上年食時係用漢堡扒，今次係用牛肉片。其實用漢堡扒就會重牛味d,不過就會太油膩。但用牛肉片就唔油膩，不過唔夠牛味。加上牛肉片有筋。咁就唔太好咬了。另外如果菜可以用大片d 爽爽地好似會好d。又或者加兩片酸瓜係碟俾人加黎食。咁會中和個油膩感。另外薯條係一絕。炸得剛好。唔油又脆。另外牛扒係煎得好ok。百幾蚊俾牛扒係食，煎得好食已經好好啦。意粉al dente係好正。Ps: 男侍應係好好禮貌 有時比女侍應更溫柔…Read More

味道超好。食物質素超高。我相信大廚係有多年日本料理。食材配搭，味道調校，食物份量，都剛剛好。上菜速度快。但無分店就慘d. 要入粉嶺再轉小巴去聯和墟食。但真係值得。…Read More

都係亂入一間。聞到好香越南湯味就走入去。入到去見到「慢煮」就已唔洗諗就點呢樣。因估計點都會肉質淋滑。都不失所望，係淋滑嘅。雞絲呢...都開既，因係成塊雞胸，一d都唔慳料，68覺得值。Ps#越南咖好味。佢落好夠粉，夠苦！（個人喜好）…Read More

咁今次係專登去食係同事介紹黎食 佢sell可以黎靜下本來都以為係普通cafe啦點知原來食物質素係超級好！窩夫present已經好靚 食落去味道都非常好士多啤梨醬食落似老麥果隻醬味我叫左玫瑰咖啡同棉棉朱古力玫瑰咖啡佢係用焦糖架 三種香味夾埋 其實幾似良茶香味 不過一飲有濃濃玫瑰花香同咖啡香 推！另外個沙律表現正常…Read More

都係以亂入的方式去試門面都靚既 一睇就知「貴格」裝修 價錢都自由貴價啦爬文睇就話食牛腩 咁就試啦咁叫小蓉 都叫碗細蓉啦再叫個炸墨丸本來滿心期待... 之後你知我想講咩架啦完…Read More

第一次去 又係乜都無睇下去食環境就一般 因為佢屈係個角位度 無計啦 香港地佢成set野都好精緻 份量一人一件咁 但食食下會飽到傻鐘意食炸野 脆野 香口野 係好岩架食物味道係濃郁都係講重點燒豬 皮脆！但果日就隻豬極「蘇」大大減分 so sad 可以做好d小食拼盤好食牛尾正常葡萄牙腸好好食雞脾 好辣 可以挑戰下！…Read More

講真水餃就一定唔係咩隱世美食我定位佢為北方人老麥囉地方就唔係乾淨 都意料之內今次點左羊肉煎餃同酸辣水餃講味道 正常...無話「好好味呀」...我諗我想食水餃都未必再揀呢間完…Read More

涼涼地 緊係食蛇啦 灣仔老牌蛇鋪 應該都無得輸呢間有蛇羹 蛇湯 龜湯 糯米飯佢分ABCD餐 應該有其他人影相我就揀左A餐 蛇湯 蛇羹 蛇腩煲飯蛇味重 無腥味 （我覺得）蛇湯同龜湯比 我諗我下次會揀B配龜湯因為龜湯隻味好味d 感覺似d雞精味 好濃味蛇腩 我最愛…Read More

粉嶺食日本野好食 諗都無諗過果日見茶餐廳咁多人 轉個身望下 又見到間日本野 咁就堅擔粗粗入去食啦餐牌都無睇 真心博一博佢有d玻璃卡位 不過俾人留左位 咁就由佢餐牌 印象都係刺身 壽司 串燒 天婦羅 飯 麵 小食 咁都正常啦我同女朋食唔多 又唔食生野 點左鰻魚炒飯 牛油果軟殻蟹圈 海鮮燒餅個人覺得 燒餅唔係大量耶菜 唔係最正不過我女人就好buy 因佢話個味好味另外 咁多木魚碎係面 郁郁下 又幾好睇我個人覺得 竟然係日本食店食到「有鑊氣」炒飯又真係好驚喜 要贊下個師傅 應該係中式師傅黎我覺得好食囉 不過呢 鰻魚份量就少左d牛油果軟殻蟹圈...正常 無咩特別但好多台都有叫 咁就照叫…Read More

銅鑼灣搵食要平又要dd特色 都係要黎呢頭。呢度都有好多間幾chill既餐廳。無期望咁入去。第一個感覺係裝修幾靚，幾有空間感。張台好大張，但張凳就細左dd😅可能我肥者講返食物叫左4樣野台灣牛肉麵 麻裝雞絲撈麵 台灣腸 香芋奶茶加珍珠講麵質 我覺得係好台灣feel （不過我無食好多次台灣麵）係QQ既🤣台灣腸 係真台灣腸 不過17個幾得果一條 就真係太過孤寒～～～真心覺唔值！反而杯飲品就嚇親 成碗湯好大碗😂不過總體黎講係好食！…Read More

本來來食返薈景 點知海景係一樓咁邊便 咁就海景啦。不過要食「海景」就要上去上邊。海景係無海景架。比較兩間，食物種類上面間係多d, 甜品多d m,有中菜，有印度菜。但下面間就無。不過講食物質素，個人感覺呢間好。簡單講龍蝦 鮮甜 熱食係好食 有兜鉗係拎完龍蝦果個位下面。好好食 係辣醬炒。蟹鉗 好鮮甜多肉藍貝 ok生蠔 er...未你好肥味 不過都好過好多鯹鯹臭臭 佢係鮮味既宗湯好好飲 我女人連啪3宗牛肉... 當日有d鯹 但都ok甜品 d cake唔多 但好食 有水準生啤任飲 …Read More

今次試左佢魚卵湯 我未係第二度試過 但我覺得好好未 如果怕鯹 佢有豉油點 就無咁鯹。另外，冷麵係次次都要食 好味！麵好爽 湯夠酸 好開胃！裡面梨絲又好清甜 絕配。另外 先前食過炸醬麵 都ok. …Read More

路經此地入去食 本來以為一般般 點知道有點驚喜Waiter 介紹紅咖哩燒鴨 話係酒店廚師食譜 又當真好食 佢加左荔枝肉入去整 又真係好食啊另外 all day breakfast 又好夠 佢擺得個賣相好睇環境又幾好 假日黎食幾舒服。…Read More