lamgigigi's Profile

平時好少行開依邊, 前排聽朋友提起, 先發覺原來我住得咁近都未黎過...今日見仲有時間, 就過去同朋友過去會一會佢~點了Sweet Potato Latte, 聽個名都覺得特別, 個樣都好靚, 店員話加左紫薯粉, 不過飲落紫薯味比較淡, 而且整體較甜, 味道一般般, 曲奇都係普通...朋友點了Flat White, 都唔錯，略厭咖啡味唔夠濃。仲叫左個沙律，幾清新，同啲汁幾夾~…Read More

因為Book左位, 所以都係等左一陣就入得去, 經過配料區, 感覺幾新鮮, 選擇多, 點左個有三文魚刺身及海鮮的餐加豬骨湯底, 好快就上左個鍋, 一開始食三文魚, 唔會切得太厚, 厚度適中, 有清清淡淡的三文魚味, 而薄切牛肉夠晒牛肉味, 滾一陣就食得, 豚肉唔會有臭豬味, 青口好乾淨, 蝦夠大隻, 魷夠爽.至於其他配料都唔錯, 最抵讚係豆腐好滑, 好好味!去到最尾已經落單要兩份三文魚, 之後有個員工問last order有冇需要, 我哋咪再落多兩份三文魚, 之後過左我哋要走的時間, 啲三文魚都未黎, 咁我哋就繼續清晒鍋入面嘅食物, 到差不多清晒嘅時候, 三文魚就黎到, 過左陣個有個員工就走過黎, 望一望我哋張單, 就話:你哋夠晒鐘喇喎!"之後就企係側邊望住我哋食野, 我哋都覺唔好意思, 咪食快啲清埋啲三文魚就走, 跟住佢行開左, 我聽到佢同另一個員工講, 問邊個幫我哋落三文魚.....聽度依度就忟!明明係last order前落單, 你哋出遲左就係我哋嘅問題, 依個係咩道理呀...又唔係多人, 如果係出門排晒隊, 入面坐滿晒人, 要趕住收枱俾下一個客, 我都覺得依個態度正常呀...但完全唔係囉...本來一直都覺得間野唔錯, 選擇又多, 位置又方便, 員工服務態度好, 上菜又快, 諗住遲啲搞飯局會再黎...不過臨尾個職員咁樣講野, 唔會想黎多次囉...即使食物有幾好, 服務態度都好重要!!…Read More

住係石硤尾咁耐, 都未試過去依間食, 今日經朋友介紹, 就試試吧!門面好舊式, 平時經過都冇留意, 入到去唔算太舊, 佢有另一個門口, 係通往街市, 以前細個都有跟爸爸黎依個街市買餸, 感覺好特別~我點了雞肶配沙律, 加凍阿華田, 本來以為隻雞肶係大大隻個啲, 不過原來係兩隻的大雞腿, 個樣望落去好乾, 不過食落又唔錯, 唔會太油, 仲有肉汁><至於阿華田就沖得淡左少少...朋友點了較出名的漢堡包再加薯條, 有厚厚的牛肉加個大番茄, 佢抵食過麥當勞包^仲有薯條熱食幾好味~…Read More