金建's Profile

今日同老婆仔係旺角律師樓做完野, 之後諗食乜個時, 醒起以前搭車時成日經過呢間店, 故此今日有時間就到此店一食~~因為都近七點鍾, 所以開始要等位, 等左約10分鐘才有位~~環境方面, 普通的日式迴轉壽司的格局, 唔算特別好, 也唔算特別差~~服務方面, 以日式店來看, 叫做普普通通, 不過叫人斟水, 落單也蠻快捷的~~食物方面, 今次同老婆仔冇叫刺身, 只是叫了熟食和壽司食, 分別有三文魚, 火炙三文魚腩, 三文魚魚腩, 北寄貝, 帶子, 吞拿魚, 煎三文魚鮫, 燒牛舌, 辣味魷魚, 特上厚燒玉子, 鰻魚三文魚, 火炙三文魚腩, 三文魚魚腩, 燒三文魚鮫 -- 本人覺得三文魚是最好味的, 有魚香, 雖然不算特別濃, 但以這價錢計已很不錯了, 對比之下, 三文魚魚腩便顯得冇禁抵食了, 因為味道上只是比三文魚濃郁多少少而己, 至於火炙三文魚腩幾香, 但我覺得略微熟了些, 令到d肉很容易散呢~~ 而三文魚鮫, 很普通, 好像只是一舊燒熟了的三文魚肉罷了.........北寄貝, 帶子 -- 這兩個我冇食到, 根據老婆仔所言, 只是普普通通..........吞拿魚 -- 這個不太好, 冇魚香味之餘, 質感十分之乾呢~~鰻魚 -- 普普通通的, 冇乜特別~~燒牛舌 -- 口感煙"un", 帶有牛舌香味, 但可惜冇乜燒烤的香氣, 本人覺得普通, 但老婆仔卻喜歡~~辣味魷魚 -- 差, 魷魚不夠煙"un", 食落唔彈牙, 冇乜魷魚味, 應是不夠新鮮, 另外所謂辣味很怪, 在一些辣味中卻有很重的芝士味 (芝士波波那種), 不論不類的, 這個無一可取~~特上厚燒玉子 -- 普通, 玉子本身真的幾厚, 但冇乜蛋香味, 令人有些失望呢~~而中間是夾著一些飯, 在上面放上大大粒的魚子(?), 這些魚子(?)咸咸的幾好食~~總括而言, 食左差不多三百元, 不算抵, 而食物質素也很普通, 選擇唔算多, 服務態度ok.........那此店會否再來??答案是:不會了, 因為唔算好食, 也唔算好抵, 重要排隊, 所以唔會再去了~~…Read More

今晚同老婆豬到左10點幾先出到荃灣, 肚仔餓揾野食, 見到唯一冇乜人, 立即入去食啦~~環境方面, 都算係老鋪, 店內裝修有點殘舊, 衞生情況尚可, 枱與枱之間相距很近, 相信如繁忙時間會幾逼, 另外服務方面, 態度唔錯, 上菜速度也很快~~食物方面, 要了一貫和老婆豬食開的酸辣湯麵加香茅豬扒, 熱豆漿同埋北京餡餅, 首先講下個麵, 本人覺得這個酸辣湯已經很不錯了, 酸和辣的味道平衡得幾好, 不會俾另外一個味道蓋過, 中上之水準, 麵是類似上海麵的幼麵, 坦白講, 麵本身没有什麼味道, 不過尚能”掛”汁, 同酸辣湯是蠻配合的, 而香茅豬扒就十分美味, 豬扒本身唔乾身, 夠淋, 而且香矛味很香, 很能勾起食慾, 美中不足是隔油隔得不足, 令到塊豬扒油了一點點~~熱豆漿就不用多說, 這間的豆漿是我在香港所飲過的豆漿之中是最好飲的, 豆漿味香濃, 又唔會太甜喎, 一流~~最後個北京餡餅是新鮮即煎的(之前煎好的剛好賣哂), 故此這個要等了10多分鐘, 但等待是值得的, 因是即煎關係外層是脆脆的, 而內層的餡料主要是肉和䓤, 成個餅味道十分之香濃, 由其是䓤的香味, 令人感到有一種,北方粗獷的感覺~~總括而言, 這間店環境一般, 但結合食物質素和價錢, 這店也真是十分抵食, 那此店會否再來?? 答案是: 當然會啦, 這次已不是我第一次來, 也絕不是最後一次~~:)…Read More

今日返去西環同我一班兄弟一聚, 卓哥提議到此店一食, 因近期食過覺得唔錯, 既然有人推介, 我同強哥當然係冇所謂啦~~環境方面, 地方唔算大, 大約有7-8張四人枱, 有d擠迫, 行過時要小心唔好碰撞到其他食客, 另外地方都尚算整潔~~服務方面, 態度唔錯, 親切有禮, 而且叫人寫單, 加單時, 雖然有很多人客, 但都唔洗太久就會有人招呼~~食物方面, 我地叫左一個二人套餐(醉雞, 牛肉餅, 咖哩豬扒, 豆漿), 另外加了一個鍋貼和一個水餃醉雞 - 味道不錯, 有一定水準, 有雞味, 夠滑, 但略嫌酒香不足~~牛肉餅 - 這個很好, 食落有汁, 唔乾, 而且有很香的牛肉味~~咖哩豬扒 - 這個普通, 豬扒味道一般, 不過就唔"un", 咖哩方面本人覺得辣左少少, 因本人是食得辣的, 故此也食到, 但相信一般唔會太食辣的朋友會太刺激了~~咖哩的風格是印度風~~豆漿 - 冇豆味, 一係用粉開, 一係加大量的水~~:(鍋貼 - 這個很好食, 喜出望外, 食落皮唔厚, 成個是炸的, 故此皮也很脆, 餡有汁, 很香豬肉味, 必試~~水餃 - 普普通通, 一般可以想像到的水準~~桂花榚 - 係為飯後甜品, 清清的味道, 加上桂花的香, 蠻不錯~~總括而言, 此店的風格在西環中也算特別, 味道也有一定的保證, 而且食物也不算貴~~那此店會否再來??答案是: 會, 因為一個牛肉餅, 也因為一隻鍋貼~~…Read More

今日同兩個姊妹去做姊妹裙, 做完後已經差不多10:00p.m.了, 肚子不停地打鼓, 在想著要吃什麼時, 卻突然看到此店, 立即醒起友人曾提起此店可以一試, 所以便到此店一食~~在門外拿了票等位子時, 因太肚餓關係, 故此當聞到店內咖喱的香氣和店外玻璃窗所擺放的食物樣板, 對我們來說真的是太誘惑了~~約等了十分鐘後, 終於有位子了, 店內環境都幾寛敞, 有約二十多張二人枱, 和十多張4人枱, 枱與枱之間距離不迫, 環境也很整潔~~食物方面, 我們叫了一個吉列豬扒奄列咖喱飯, 一個漢堡扒咖喱飯, 同埋一個牛肉咖哩飯, 全是小辣, 令外我加左$20, 選配了湯(是日是麵豉湯), 沙律(芝麻汁)和雪榚(雲呢拿曲奇和士多啤梨味)湯没有什麼好說, 十分之普通, 只可以叫做唔難飲.....沙律就不錯, 用料是一般的生菜, 青瓜, 車里茄, 但卻和個芝麻汁十分之夾, 食落令人感到很清新和開胃~~因大家已經是很熟絡的朋友了, 故此便一齊share 咖哩飯d 餸食, 先說個咖喱飯, 飯冇乜特別, 唔會話特別有飯香或黏性, 但有一點值得欣賞是飯粒煮得軟硬適中, 唔會太硬或太淋, 而咖哩是一貫的日式咖喱味, 但不同是這個咖喱味更香, 而且咖喱會分大, 中, 小, 同唔辣, 這個服務一讚, 因有很多有賣日式咖喱的店舖也没有這貼心的服務呢~~至於個奄列做得非常好, 包著飯的不是蛋皮, 而是滑蛋, 配埋咖哩同飯一齊食, 不論味道或口感也是一流!!!!!!!餸方面, 吉列豬扒也是好好味, 炸得夠脆, 唔油, 豬扒夠淋, 唔"鞋"唔會乾身, 雖然豬味不是很濃, 但以一個$70的咖哩飯而言, 這個吉列豬扒真的已叫我有些喜出望外呢~~另外漢堡扒同牛肉就普普通通, 漢堡扒味道唔錯, 但略嫌太實同有d乾身, 而牛肉是牛腩, 夠淋, 但味道同個日式咖哩卻不太夾, 本人覺得用牛肉會好一些~~最後甜品方面, 雲呢拿曲奇味道普通, 是不用食也可相像到的味道, 而士多啤梨味卻出奇地好, 可以的話這個雪榚應是必叫的~~總括而言, 這店的服務, 環境和食物質素是有一定保證的, 但相信如在食飯時間等位是必須的~~這店會否再來??答案是: 當然會啦~~因我還要一試他們其他小食和咖哩呢~~…Read More

同老婆豬係觀塘選完裙後, 便去左apm個foodcourt食dinner, 食完飽飽後便行一行商場, 行過此店因老婆豬為食關係, 便被此店所吸引了~~因為係初次嚐試關係, 故此便一次過試了四種唔同既口味綠茶 -- 這個好好味, 清清的綠茶香味同yogurt的特有酸味配合得相得益彰, 除非本身不喜歡綠茶, 否則綠茶必選!!!!!朱古力 -- 這個不好, 首先朱古力味好假, 而且同yogurt的味道唔太夾~~士多啤梨+藍莓 -- 這個都唔錯, 但要視乎你是否喜歡酦酦的味道, 因為這個mix口味是混合了這兩種生果的酸味, 同yogurt的味也很夾, 有一種相輔相成的感覺~~原味 -- 這個也很好, 質感像雪榚, 有些奶味, 很滑, 另外酸味唔太過, 好食~~配料方面要了四種生果, 分別是藍莓, 士多啤梨, 芒果, 同龍眼, 全都是普普通通, 不會難食, 但味道是在一般街可以食到的味道~~總括而言, 以這種自助方式買yogurt食, 感覺幾好, 因可以按自己的意願去選擇多寡, 也可照自己的口味去自由配搭, 那此店會否再去??答案是: 當然會啦~~因為除左味道唔錯之外, 自助式也是吸引我的原因呢~~…Read More

今日同老婆豬去攞戒子, 之後想找一個地方好好坐下同埋食野, 故此便到此店一試了~~6:20p.m.到逹, 因為未到食飯時間, 所以唔洗等位就可以入去了~~環境方面, 地方都幾大, 而且也很整潔, 枱與之間也有充足的距離, 坐得舒服~~服務方面, 態度很好, 語氣說話有禮, 也會自動幫人客加茶, 找人落單埋單也頗易找到~~食物方面, 今次叫了一個滑蛋吉列豬扒盒子飯, 同一個迷你芥辣醬油漬吞拿魚飯配烏冬~~滑蛋吉列豬扒盒子飯 -- 吉列豬扒好食, 外層炸得鬆軟, 唔油唔散, 內裡豬扒夠味夠juicy, 而個滑蛋就只係ok, 夠滑但冇乜蛋味, 最後, 如果將所以有配料同飯一齊食的話, 味道也不太好, 本人覺得問題在於滑蛋那裡, 因滑蛋冇味, 而且重中和了豬扒的味道, 令到配飯食時全個味道也變得是淡淡的, 完全唔能夠引起食飯的慾望~可惜~~迷你芥辣醬油漬吞拿魚飯配烏冬 -- 名字很長但無一可取, 首先飯方面, 醬油漬吞拿魚完全冇味, 冇魚味都算, 但居然連醬油味都冇, 唉~~另外有一些配菜, 這個便有些醬油味, 有時真的會令人混淆那個才是主菜, 而白飯尚可以, 但不可叫一個餐是只食白飯呢~~而冷烏就而普通, 夠煙"un"但冇烏冬那清香的麵粉香, 而所配的醬汁也是淡而無味的, 而加入洋蔥絲和薑蓉後, 全個汁便被濃濃的薑味所包圍, 變成一個只有薑味的汁~~唉~~總括而言, 論此店的環境和服務是不錯的, 如果只是想舒服地坐的話會是一個唔錯的選擇, 但食物質素卻是很不濟, 而且收費也不見得是抵食那一種~~ 此店會否再來?? 說了這麼多, 當然是不會了, 因為去一間食店最重要是食物, 而這店真的很人很失望呢~~:(…Read More

今晚屋企冇飯食, 姊姊一家提議到此店食泰國菜, 機不可失, 立即跟隨~~專登book左枱8:00p.m., 準時入坐, 環境方面, 店舖唔算大, 可幸坐位與坐位之間不算太逼, 地方也整潔~~服務方面幾好, 親切有關, 態度誠懇~~食物方面叫了, 豬頸肉河粉, 香矛雞翼, 炸蝦餅, 紅咖哩(豬肉), 咖哩炒蟹豬頸肉河粉 -- 豬頸肉麻麻地, 煎過但味道唔香, 有d油膩, 重唔知點解覺得有少少"un"呢, 至於河粉就唔錯, 幾煙"un"同爽口, 湯底清清的但又帶有少少香矛味, 唔錯~~香矛雞翼 -- 這個不太好, 雞翼食落只是一般的炸雞翼罷了, 完全冇香矛味, 油油的, 點些泰式辣醬感覺才好些~~:(炸蝦餅 -- 普普通通, 感覺好像在茶樓或其他食店也可食到的那樣~~紅咖哩(豬肉) -- 這個可以, 但略嫌咖哩香味不足, 但辣味卻太十足, 豬肉味道一般而且份量唔多, 同時在碗內多數是一些蔬菜, 如椰菜, 豆角, 茄子等, 不過多數都很硬, 很難咬呢~~咖哩炒蟹 -- 這個絶對是主角, 蟹是肉蟹, 肉質夠實, 食落都算新鮮, 美中不足是蟹肉略為黏殼, 而咖哩汁卻十分好味, 夠香而不過辣, 用黎撈飯更是一流 (比起紅咖哩還好~)總括而言, 感覺味道同其他泰式餐館相差不多, 但收費卻相對便宜少少, 而且服務用心, 故此這店會否再來??答案是: 會, 因為要再一食個咖哩炒蟹嘛, 而且又見到其他枱叫了一些魚也好像很好味似的, 故此下次也要一試~~…Read More

因為今日老媽子茶癮大發, 所以下午4:00多便到這間以奶茶出名的蘭芳園一飲~~4:45p.m.左右到逹, 人群洶湧, 好彩剛有二人離坐, 故能幸免等位之苦~~環境方面, 老店鋪要求不可太多, 算是乾淨, 不過坐位就真的比較逼, 總之就四海之內皆兄弟, 大家便臂貼臂地坐吧~~ 服務方面本人卻覺得唔錯, 因這店人流真的很多而侍應多數時間也只有二個, 雖然他們真的很忙, 但態度也冇惡劣, 而且有心情時還會和你講下笑呢~~食物方面叫左兩個下午茶餐, 一個熱奶茶+咖央多士, 一個熱奶茶+豬扒包~~熱奶茶真的没話說, 一級捧!!!!! 至於咖央西多士就冇乜特別, 只是一件普通西多在中心部份加一些咖央罷了~~ 令外豬扒包我也不覺得有何出名, 不論是外面的麵包, 內裡的蕃茄或是主角的豬扒, 也没有特別之處, 麵包唔係特別香, 蕃茄是普通的蕃茄, 不過確實真係可以減低一些油膩感, 而豬扒味道唔係特別濃, 又唔係特別juicy, 而本人重覺得乾身左少少添, 最後三樣加埋也没什麼化學作用, 只是可以叫ok, 但真的不能和澳門的豬扒包相比呢~~總括而言, 傳統老店, 主打奶茶, 富香港特色, 這一點我很buy, 不過食物質素真的要提升少許, 始終在飲著好飲的奶茶時, 也想吃著好味的下午茶呢~~ 那這店我會否再來??答案是: 會, 但不是因為肚餓, 只因為想喝奶茶罷了~~…Read More

今日同老婆豬睇籃精靈, 因有優惠, 故此到荃灣廣場一看~~食左晚飯先入場, 一直在左看右看有什麼好食的餐廳, 但都不是因為太多人, 便因為太貴或不吸引, 由4樓行到地庫, 終於老婆豬便選擇了此間店鋪~~環境方面, 地方整潔, 枱與枱之間也不逼, 服務方面都唔錯, 態度語氣有禮, 加水叫人也很快會到~~食物方面, 因為要趕睇戲的關係, 没有時間自己慢慢燒, 故要了一個二人鐵板晚餐來食~~二人鐵板晚餐有以下之食物:二人前菜 -- 魚片(好味, 有魚香味, 軟軟的, 不論味道和口感都唔錯:)), 九菜(ok, 略嫌有少少硬), 泡菜(普通, 不算辣, 但略嫌不夠入味) 原味炒粉絲 -- 這個很好吃, 唔會太淡或太咸, 而且粉絲入味又唔乾身, 重夠煙"un"~~純豆腐辣湯(海鮮) -- 這個普通, 湯淡淡的冇乜味(包括辣味), 海鮮的料也只是一些蝦仔蜆仔, 不過卻有一個亮點, 就是豆腐好好食, 好滑~~鐵板雙拼 (牛仔骨拼牛肉) -- 這個絕對是一個亮點, 十分野味也十分好食, 牛肉的味道和吉吉家相似, 唔"un", 但比吉吉家出色的係d牛肉一d都唔多肥膏, 牛味較濃, 而牛仔骨同樣味香, 唔"un", 好食~~在鐡板中間有一些椰菜, 普普通通但作為清一清肉膩的感覺也蠻不錯~~傳統石頭飯 -- 這個就好普通, 冇任何亮點, 唔叫好食但又唔難食~~總括而言, 這店的裝修, 服務或食物質素也能給予我一個唔錯的印象, 令外特別一提是這裡的每張枱都幾闊, 所以就算是推bb車的也不會太阻位~~那此店會否再來??答案是: 當然會啦~~因為好食而又抵食的店我又點會放過喎~~…Read More

睇完mr. 老實之後, 為食老婆豬嚷著要吃糖水, 禁係九龍灣, 當然要到金滿堂一食啦~~環境同服務在上個食評上說過, 有興趣人仕可觀看我上一次食評~~(不過因今次是10:00p.m.左右去到, 故此有很多人, 較為擠逼)食物方面, 老婆豬要了和上次一樣的榴槤翡翠杯, 我就要了金枝玉葉=楊枝金露加強版(根據官方引述)因榴槤翡翠杯在上次食評講過, 故在此不贅, 而金枝玉葉, 雖說是楊枝金露加強版, 但本人覺得同味道和配料上和普通的楊枝金露無太大分別, 要讚的是這個金枝玉葉的味道真的比較香, 但有一點要彈的是這杯金枝玉葉卻是温温的, 一點兒也不涷~~令人感覺大打折扣, 坦白說, 温温的楊枝金露就算更好食, 評分也是不合格的~~相信是因為人太多, 故此雪涷的時間不足~~總括而言, 這店俾我的感覺始終也不太好, 環境不算好坐, 食物質素不算特別好, 又不是特別抵食, 故此這店會否再去??答案是: 本人就不會了, 但因老婆仔喜歡食榴槤翡翠杯, 那有可能會因被"温馨提示"而再次幫襯呢~~…Read More

今日同老婆豬再到九龍灣睇mr. 老實, 先要食晚餐, 喜愛日本野食的為食豬因為上一次的滋味, 故此再到此店一食~~環境同服務同上次一樣, 在此不再多說, 有興趣人仕可到我上一次食評一看~~食物方面今次要了一個雜錦魚生飯+烏冬定食, 一個壽司+天婦羅烏冬定食, 同一客餃子~~魚生飯同烏冬是上次評過的, 在此不贅 (簡單說我自己很喜歡, 好吃~~)壽司幾好, 飯不是大大舊的, 根據老婆豬所說, 三文魚同甜蝦都鮮甜, 不過味道唔算特別濃厚, 我就食了甜蛋, 好食, 鬆軟唔乾身, 有淡淡的蛋香, 甜味不太過, 同蛋味相配得很好, 美中不足是這甜蛋是暖暖的, 如果是的話相信一定更好味~~天婦羅有蝦, 番薯, 茄子, 冬菇, 我同老婆一致認為冇一樣是特別突出的, 冇驚喜, 全都是有一般的日式料理可吃到的味道, 唔會差過人, 但又好唔過人禁囉~~最後餃子是令人失望的一道菜, 皮唔脆, 肉唔香, 無可取之處~~總括而言, 今次作過一些新的嘗試, 但卻是令我有些失望, 不過不是食物質素差, 而是我有太多的期望了~~那此店會否再來??答案是會, 因為以老婆豬的性格, 相信下次再經過時一定會再忍不住入去幫襯的, 令外因在餐牌上看到秋刀魚好像很美味似的, 但因時間關係試不到, 故想下次再去一試~~…Read More

今日同老婆豬上完堂之後, 冇乜諗頭, 故此便到南記食了~~7:30p.m.到逹, 人山人海, 幾經辛苦才在2樓找到位子, 環境方面就一般, 唔算太整潔~~服務態度方面就ok, 一貫的快餐店禁囉~~坐好之後便下去買野食, 叫了一個招牌河, 一個大腸小窩酸辣米線~~等攞野食又要等一輪, 等了差唔10分鐘, 終於拿到野食了~~這是老婆豬的最愛, 她說貪佢湯夠清, 河粉夠滑, 春卷好食, 牛丸彈牙, 不過魚蛋就普通d啦~~至於大腸小窩酸辣米線就超級大失所望, 湯一d味都冇, 唔酸唔辣, 大腸膻味超強, 配料普普通通, 不過一定要一提的是酸菜, 本人是十分鍾意食的, 但這次的酸菜居然可以是冇味的, 很差~~總括而言, 南記的大腸小窩酸辣米線是我的賣飛佛, 我差不多每次去南記都是食這個的, 但今次真的很令我失望, 相信是因為是人太多而影響質素~~這店會否再去??答案是: 為了它的質素可以回升, 我決定不會再來此店了~~(華定其他地方也有~~)…Read More

又到左一月一聚餐既時間, 今次照舊由大肚媽媽話事, 所以便決定來到意粉屋~~八點半到逹, 環境唔錯, 整潔, 不過地方唔算好大, 約有15張4人枱左右~~~服務方面, 無論任何時侯都會叫到人, 而且語氣態度也很好, 讚~~~食物方面我地叫左兩個二人餐(忘了名字)和一個小食拼盤~~食物詳情: 海鮮忌廉湯配蒜容包(2個) -- 好好飲, 唔稀, 忌廉味香滑, 蒜容包好香, 好好吃~~ 龍蝦湯(2個) -- 這個試了一匙, 龍蝦味濃, 不過我自己就覺得咸了少少~~小食拼盤 -- 這個拼盤有炸薯條 (十分之好食, 新鮮炸的, 很熱, 外層鬆脆, 內裏是軟軟的, 還有很香的薯仔味), 黑椒香腸(忘了正確名稱, 這個普通, 黑椒味很突出, 但香腸味道平凡), 炸洋蔥圈(普普通通), 同埋兩條好像春卷的物體和雞wing wing(這個兩個没有試, 不過朋友說很普通~~)主菜方面, 我地叫了 -- 芝士火腿薄餅, 味道一般, 芝士味唔算香濃, 火腿冇特別, 因是薄pie, 故此餅底是脆脆的, 好像餅乾禁~~芝士龍蝦天使麵 -- 這個幾好, 龍蝦汁很香, 而天使麵吃落不會太淋, 而且很能"掛"汁, 很夾, 令外還有一些龍蝦肉和一些帶子肉在裏面, 但這兩樣肉也是没什麼味道的, 而龍蝦肉還有些"un"呢~~肉醬意粉 -- 令人有些失望呢~~ 普通的味道, 好像周圍也可食到, 而且肉醬還太乾了些呢~~醬燒豬仔骨配薯條 -- 這個最好味, 好有驚喜, 豬仔骨燒得好好, 很容易便"骨肉分離", 肉質淋而不霉, 還有很香的燒烤醬和豬肉味, 而薯條像之前所說那樣, 很好吃呢~~最後餐飲要了熱咖啡, 以蒸餾咖啡而言, 都算唔錯~~總括而言, 這店鋪環境唔錯, 如要坐得舒服或傾計算係一個幾好選擇, 而且服務態度好好, 不過以這價錢而言, 食物質素只可叫中規中矩 (但有vip card 晚餐有85折, 這又會抵些, 但也不算抵), 那這店鋪會否再來??答案是: 都會的, 雖不算抵食, 而食物又不算十分吸引, 但如果想好好地坐下食野和傾計, 都會考慮一下的 (但一定要有人有vip card:))…Read More

因為有一日老媽子看電視時見到心太軟好像很吸引似的, 想找幾會一試, 故此今次到我們一家人食完晚飯後我便提議到這間五代同糖一試"心太軟"了環境方面, 當入到去地方尚算整潔, 枱同枱之間距離還可以, 只有少少迫, 不過在此店好明顯是行青年人路線, 燈光和牆身的裝修有些似disco的feel, 而且也配合一些較勁和"in"的音樂, 好聽就好聽, 但就真係太嘈吵了, 要傾計真係有些辛苦呢~~:(服務方面ok, 語氣態度都幾好, 而且找人落單也很快有人到~~食物方面, 我們五人叫了兩個心太軟加雪榚和一個榴槤飄香, 先講榴槤飄香, 這一個真的叫人大失所望, 給我的感覺是西米露加西柚肉加榴槤肉, 三樣東西是各顧各的, 完全唔可以相互配合, 很差呢~~而這三樣東西分開來評價的話, 西米露(水水的, 唔香, 冇乜味), 西柚肉(ok), 榴槤肉(香濃)在等了十分鐘左右, 心太軟終於出場了, 一看之下都幾重分量, 幾大個, 緊張的時刻到了, 拿起小匙一下割開, 那些朱古力溶岩立即一湧而出, 令我感覺震撼~~接著我便試一試味味道, 一嚐之下, 我十分喜愛呢~~很好吃, 完全冇令我失望~~外層的朱古力是暖暖的, 口感鬆軟, 唔乾, 內裏的"溶岩"是熱熱的, 很滑, 味道方面全個心太軟也很香, 朱古力味甜而不膩, 唔會"涸喉", 食完後唔會說很想飲水, 令外雪榚要了綠茶味道, 這個也很好, 淡淡的綠味道不會太假, 而且清清的感覺正好和心太軟的香濃朱古力味配合得相得益彰~~總括而言, 這店環境可以但真的太嘈吵了, 會傾計困難, 而甜品方面相信是一些出名才會有保證, 那這店鋪會否再來??答案是: 會的, 因為這店的心太軟是我以前所試過最好味的, 故此我一定帶老婆豬來一試, 令外我也想試一試此店其他出名的甜品呢~~…Read More

今日難得陪同老媽子和姊姊一家出街食飯~~由豬頭雪決定到ucc一試~~在門外一路等大家一路睇下d野食, 見到門外的食物demo十分之吸引, 對於日系餐廳這些食物demo我由細到大都很like的~~等左15分鐘後我地終於入到去了~~環境方面, 也算寛敞, 唔會枱貼枱, 而且地方也很整潔~~服務態度方面蠻不錯的, 總是很容易找到侍應, 語氣也有禮, 動作也快捷迅速~~食物方面我地叫了一個肉醬意粉兒童餐, 一個鐵板什扒, 一個加拿大牛柳鐵板(7成), 二個意大利海鮮飯, 另有二個加錢變套餐~~因為有二個套餐, 所以我地可以出去自助沙津吧中狂拿一鑊~~ (p.s.如叫套餐可以到自助沙津吧拿取食物一次)沙津吧的配料不是太多, 有生菜, 提子乾, 薯仔沙律, 吞拿魚, 貝殼意粉沙律, 粟米, 密豆(唔肯定??), 罐頭桃, 車里茄和菠蘿, 還有一些沙律醬, 千島醬~~味道方面就好一般啦, 是在其他地方也會食到的普通味道, 不過在唔蝕底的心態驅使下, 變很盡力的夾東西及努力的拿多些, 這方面卻是覺得蠻好玩的~~先黎餐湯, 是粟米湯, 淡淡的, 稀稀的, 不好喝~~主菜方面肉醬意粉兒童餐和鐵板什扒没有試到, 故不作評論~~跟著先講一講個意大利海鮮飯, 飯的質地唔錯, 軟硬適中, 濕度也好, 唔會太乾或太黏, 在味道方面, 飯中有海鮮的鮮味, 香草的香味和蕃茄醬的酸味, 融合在一起唔錯, 但可惜的是真的酦了少少, 這個要扣一扣分, 而海鮮方面有魷魚(很好食, 很淋, 好有魷魚味), 青口(普通), 帶子(冇乜味), 蝦(肉唔淋, 頗實, 但冇乜味)另外一個加拿大牛柳鐵板, 這個很好, 燒得好靚, 外層熟, 內層是粉紅色的, 没有血水, 軟軟的, 很好切, 食落口好淋, 好好咬, 肉味濃, 但不會覺很油膩, 配菜方面有炸薯角(好好食, 外脆內軟, 無論口感或味道都一流), 茄汁意粉(除了淡淡的酸味外, 便冇其他味, 差), 西蘭花(普通), 還有一碟仔的白飯(純粹普通白飯而已~~)最後我們的套餐會包一杯飲品, 我要了一杯熱咖啡, 原本我係對於餐飲咖啡時冇乜寄望的, 但這杯咖啡真的令我喜出望外~~以蒸餾咖啡來說咖啡味濃, 滑, 而且酸味唔重, 十分好飲呢~~總括而言, 服務態度唔錯, 環境坐得都幾舒服, 不過食物味道就一般, 但咖啡卻十分好飲, 故此這店會會否再去??答案是: 都會既, 因為一個套餐(不是扒餐的話) 都唔算太貴, 而且又可再一次挑戰個沙律吧, 同埋可以飲下咖啡, 我相信我重會去多一, 兩次的~~:)…Read More