炎炎夏日，喺大埔搵到間喫茶ちょうぼ，簡直係避暑天堂！呢間日式茶室好有夏祭氣氛，西瓜燈籠、木板牆，仲有陣陣小食香氣撲鼻，令人即刻想入座。門口仲有個「清涼一夏. 西瓜幸運祭」活動告示，話即日起消費滿$200有機會夾西瓜，滿$400仲有兩次機會，獎賞超吸引：原個西瓜飲、減壓西瓜配蛋包飯優惠券，定係西瓜波配小食優惠券！即刻決定試試手氣，順便試吓佢哋嘅夏祭限定菜。喫茶夏祭屋台小吃盛做頭盤，超有屋台風味！一盤有小香腸、章魚燒、烤玉米。炸雞外皮脆卜卜，內裡多汁，章魚燒軟糯，配特製醬汁同柴魚片，濃濃日式街頭味。烤玉米甜中帶咸，咬落有炭燒香，份量啱啱好，開胃一流，食完好想即刻去夏祭攤位再encore。主菜點咗贅沢蟹黃膏蛋包飯，真係店家皇牌！蛋皮煎到金黃鬆軟，切開流心蛋汁，混埋濃郁蟹黃膏同粒粒分明嘅飯，蟹黃鮮甜到爆，每啖都係滿足感。似足高級日式定食，真心抵食！麵食推介 究極！蟹黃醬拌烏冬，烏冬粗彈有嚼勁，蟹黃醬濃厚入味，蟹鮮拌勻後每條麵都吸晒醬汁，食到停唔低。清新又唔膩，夏天食呢碗，解暑又過癮，碗底都想舔乾淨！甜品叫咗蜜漬柿の香刨冰，柿子蜜漬後甜酸平衡，入口清涼，柿香好突出，層次感滿分。飲品試咗夏祭金魚梳打，梳打水加金魚形糖果，氣泡清爽，果凍Q彈，飲完好似置身夏祭攤位，仲有香熟芒果梳打，芒果泥香甜濃郁，混入梳打同芒果粒，甜而不膩，夏天飲晒一樽都唔夠喉！最開心係我哋消費，夠資格夾西瓜兩次！結果中咗一張「原個西瓜飲一客」優惠券，即刻兌換，飲品用新鮮西瓜汁整，冰涼透心，仲有西瓜粒，夏日感爆棚！另一張係西瓜波配小食優惠券，留低下次再用。…查看更多
