香港上的舌尖的個人專頁

星期日晏晝，約咗中學籃球隊嘅師兄弟聚舊，特登揀咗尖沙咀「星海」飲茶！🚗💨 呢度環境真係冇得輸，戶外露台超開揚，望住維港景吹住微風🌬️，仲可以慢慢傾唔使趕時間。室內裝修仲有星級婚宴場地嘅氣派，水晶燈閃閃吓✨，枱與枱之間夠闊落，傾偈唔怕隔籬聽到。最正係商場免費泊車🅿️，啱晒我哋呢班揸車嘅老友！星海蝦餃皇 👍🏻👍🏻👍🏻👍🏻  皮薄到透光，咬落去蝦肉爽彈到似打緊乒乓波🏓！一籠四件唔夠喉，師兄弟即刻encore多籠。  蠔皇原隻十頭鮑魚酥👍🏻👍🏻👍🏻👍🏻👍🏻  酥皮鬆化到一掂就碎，鮑魚淋得嚟有咬口，蠔皇汁撈埋酥皮食，鹹香啱啱好👌🏻口感豐富得嚟唔會太膩。芝士奶皇蘿蔔仔 👍🏻👍🏻👍🏻  造型得意到唔捨得食🥕，外皮炸得脆，咬開係流心芝士奶皇，不過略嫌油咗少少。 蘿蔔味清新，甜鹹交織得好平衡，特別適合鍾意新派口味嘅朋友。南翔灌湯小籠 👍🏻👍🏻👍🏻👍🏻  夾起唔穿底已合格🥢，湯汁清甜唔油膩，豬肉餡混咗少少蟹粉~雖然係傳統款式，但勝在手工精緻，味道經典穩陣。招牌胡椒濃雞湯灌湯餃 👍🏻👍🏻👍🏻👍🏻  個湯濃到似飲緊藥膳雞湯🍲，胡椒味攻鼻但唔嗆喉，餃子皮吸晒湯精華，大家搶住「飲」餃子好搞笑！今次聚會人均$200鬆啲，抵食在手工點心夠精緻👏🏻，也有露台位。服務生夠醒目，換骨碟同加水密過籃球聯防🏀！星海呢個場，無論係兄弟吹水、公司包場定擺酒，都係穩陣之選💯！強烈推薦大家嚟試下啦～…查看更多

今日同班失散多年嘅老同學敘舊，特登揀咗觀塘「星海」，就係想搵返啲傳統茶樓嘅感覺。一踏入「星海」，個樓底勁高，掛住盞閃令令嘅水晶燈✨，但完全冇嗰種拘束感，反而係人聲鼎沸，充滿住一家大細飲茶傾計嘅熱鬧氣氛，好有親切感。我哋被安排坐卡位，空間感十足。最估唔到係佢有個戶外露台，可以望到外面嘅景致，成個環境好舒服。我哋由11點半坐到差唔多3點，啲職員都冇催過我哋，真係一個好啱三五知己「慢慢嘆，傾餐飽」嘅地方。🗣️坐低開壺普洱，我哋成班餓鬼就即刻點咗幾款手工點心，要試真啲「星海」嘅功架！首先嚟個懷舊蝦多士 (💓💓💓💓)，炸得通透金黃，一啲都唔油膩，咬落去外層卜卜脆，入面嘅蝦膠爽口彈牙，鮮味十足，充滿童年回憶嘅味道。跟住個蜂巢芋角 (💓💓💓💓💓) 就真係功力深厚！個蜂巢外層做得鬼斧神工，極度鬆化，一咬開，入面嘅芋蓉又綿又滑，仲帶有肉汁嘅餡料，口感層次非常豐富。原籠蔗糖馬拉糕 (💓💓💓💓) 都好出色，糕身好鬆軟，氣孔均勻，食落有陣天然蔗糖嘅清香，甜而不膩。至於藥膳鳳爪 (💓💓💓)，炆得夠晒火候，一啜就甩骨，膠質滿滿，藥膳味唔會太濃烈，不過不失啦。反而個櫻花蝦蒸蘿蔔糕 (💓💓💓💓) 幾有新鮮感，蘿蔔糕本身好軟糯，食到一絲絲嘅蘿蔔，面頭嘅櫻花蝦仔帶嚟鹹香同鮮味，幾夾。最後個蘿蔔叉燒餐包 (💓💓💓) 個包身係軟熟嘅，但餡料可以再多啲就更好啦。今次喺「星海」嘅聚會大家都好滿意。啲點心有傳統水準，座位又闊落，坐足成個晏晝都冇人打擾，服務態度都好好👍。午市茶芥每位$10，喺呢個環境嚟講算係咁。臨走嗰陣望咗下餐牌，見到晚市啲招牌菜好吸引，好似招牌白胡椒焗蟹飯、遠年陳皮燒鵝伴陳村粉，仲有招牌白胡椒龍蝦同紅燒煲仔翅乳鴿，睇到我哋口水都流！個場地咁靚，唔怪得係星級婚宴場地，用嚟搞公司包場都好體面。我哋已經約定，下次要成班人嚟試吓佢個晚市套餐！…查看更多

收工同老公餓餓哋，諗住近近哋喺太古搵食，撞入「越大俠」。鋪頭光猛👀，青檸色牆身加啲藤織燈罩，幾有越南街頭風情。枱擺得唔逼，坐得幾鬆動，啱晒兩個打工仔放工嚟抖抖氣，傾下計咁👫。冬陰功海鮮湯(小) 👍🏻👍🏻👍🏻👍熱辣辣上枱，個湯橙紅橙紅好搶眼！酸味嚟得幾醒神，帶少少椰香🥥，辣度就溫柔啲，啱晒我呢啲怕辣嘅人。海鮮料都幾足，有兩隻大蝦🦐、青口同魷魚圈，蝦肉爽口冇雪味，飲完成身暖粒粒，開胃！鮮蝦米紙卷 👍🏻👍🏻👍🏻👍米紙透到見到裏面粉紅蝦肉同青綠嘅菜絲，賣相夠晒fresh🌿！咬落去，米紙煙韌得嚟唔會痴牙，包住大大隻爽脆鮮蝦、脆口青瓜同蘿蔔絲，點埋個帶少少花生香嘅酸甜醬，口感好豐富，清清哋幾過癮！鳳爪沙律 👍🏻👍🏻👍🏻鳳爪係去骨嘅，啖啖肉，咬落好爽脆，唔會淋pat pat。酸酸辣辣嘅汁撈埋洋蔥絲、紅蘿蔔絲同香草🌶️，味道幾刺激，夠晒惹味！不過酸度略略搶咗少少，食多兩舊要飲啖水。鹽燒鱸魚 👍🏻👍🏻👍🏻👍👍全晚最搶鏡！成條魚用粗鹽焗到金黃色🐟🔥，伙記幫手啪開鹽殼，魚皮香脆到不得了！魚肉一瓣瓣，雪白又嫩滑，完全冇腥味，淨係點少少酸辣魚露已經鮮味爆燈🔥！熱辣辣，魚油香，真係忍唔住密密箸！「越大俠」幾啱收工想食啲濃味又唔太heavy嘅朋友。環境企理坐得舒服，食物大份兼有鑊氣🔥，尤其條鹽燒魚真係有料到！價錢合理，兩個人都食到捧住個肚走，係傾計醫肚嘅穩陣選擇👌。…查看更多

星期日晏晝12點半，觀塘工業區靜英英，但一推開盈苑道玻璃門，即刻俾熱辣辣嘅點心蒸氣撲面！✨ 冷氣夠凍但檯與檯之間夠闊落，白色雲石檯面襯住竹製蒸籠，有種新派中菜館嘅精緻感。最正係卡位有半圓形梳化，阿媽話「呢度好坐過屋企張飯檯」😂！燈光偏黃夠溫馨，仲聽到隔離檯阿伯講馬經，真係好有老香港飲茶feel～✨醬皇蒸鳳爪豉油香滲透到鳳爪骨頭裡，咬落膠質黏嘴唇！師傅明顯先炸後蒸，外皮皺皺地吸盡醬汁，最驚喜係底墊嘅花生夠淋身。阿爸話「呢碟要配普洱先perfect」🍵 評分：⭐️⭐️⭐️⭐️✨上湯鮮竹卷腐皮薄到透光但唔穿！咬開爆出熱辣辣蝦肉同冬菇粒，個湯底仲有金華火腿碎吊味。細妹搞笑話「似飲緊迷你佛跳牆」🤣 唯一扣分係上菜時微溫，如果滾啲更好～ 評分：⭐️⭐️⭐️⭐✨晶瑩鮮蝦餃全場MVP！皮薄到睇見粉紅蝦肉，咬落「卜」一聲爆汁💦 蝦肉爽彈仲混咗少少荀粒增加口感。阿媽大讚「呢啲先叫蝦餃，茶樓嗰啲係麵粉包蝦膏」🦐評分：⭐️⭐️⭐️⭐️⭐✨鮮蝦燒賣皇豬肉同蝦比例7:3啱啱好，頂頭蟹子咬落啪啪聲。特別在混咗少少馬蹄粒，解膩之餘增加脆感。老竇話「舊豬肉夠肥瘦均勻，唔會似食擦膠」🐷 評分：⭐️⭐️⭐️⭐✨蒜香蒸排骨蒜粒炸到金黃先鋪面，排骨部位專揀有軟骨嘅腩排。最正係底墊嘅芋頭粒吸盡肉汁，綿滑到阿妹搶住食！扣分在份量較少，得五舊唔夠喉😢五款點心+茶芥人均$120，以手工點心嚟講算合理。特別鍾意佢哋保留傳統做法之餘，食材明顯升級過，例如蝦餃用海蝦唔係雪藏貨。今次無試招牌流沙包，留返下次再戰！整體CP值：⭐️⭐️⭐️⭐🚨溫馨提示：周末一點後要等位～ 呢度絕對係我哋家新發現嘅「傾偈一流唔趕客」飯堂！👏…查看更多

🎉週末同男友去荔枝角悅滿軒食飯，未想到佢竟然喺度求婚！餐廳裝修簡約得嚟又有格調，燈光暖洋洋嘅，氣氛輕鬆唔會太拘束。烤紅蝦牛油果沙律+熱情果油醋汁 🍤🥑 8/10  呢道沙律擺盤幾靚，紅蝦新鮮彈牙，牛油果滑嘟嘟，再配上熱情果油醋汁酸酸甜甜，味道幾特別。沙律菜都唔會太乾，整體清新開胃，不過份量稍為少啲，想多吃幾件添🤣。意大利飯餅+蕃茄汁燴辣肉腸+蝦 🍳🍅 9/10  意大利飯餅外層煎到金黃香脆，內裡軟糯帶芝士香味，口感好豐富。蕃茄汁濃郁微酸，辣肉腸夠惹味，蝦亦都新鮮彈牙，每一啖都好滿足。呢道絕對係全晚嘅焦點，食完仲想再叫多一份🤩！法式海龍皇 🐟✨ 7.5/10  海龍皇魚肉質細嫩，淋上少許檸檬汁更加醒胃。醬汁唔算太鹹，保持咗海鮮本身嘅鮮甜，不過整體味道稍為平淡咗啲，如果加多啲香草或者配料可能會更出色。不過賣相幾吸引，打卡一流📸悅滿軒嘅食物水準唔錯，服務態度亦好好，環境舒適適合朋友聚會或者特別日子慶祝🥰。雖然求婚令我超感動，但食物本身亦值得一讚👍…查看更多

難得週六同老公二人世界，決定食西餐，重溫吓拍拖嘅感覺。呢間餐廳氣氛幾啱傾偈同享受美食。🍷✨==澳洲藍青口配雲呢拿忌廉汁法式蒜蓉包==藍青口新鮮，肉質嫩滑，雲呢拿忌廉汁帶少少甜味，同青口嘅鮮味好夾。法式蒜蓉包外脆內軟，蘸汁食好正，不過汁略嫌多咗少少，食到最後有啲膩。🦪🍞==烤焗法國脆皮黃油雞配煙肉脆==呢個主菜真係好出色！雞皮烤到金黃脆口，肉質嫩滑多汁，黃油香味好濃郁。煙肉脆薯外脆內軟，煙肉嘅鹹香同薯仔好夾，食到停唔到口。🍗🥔  ==烤薯仔🥔🥓煙肉==烤薯仔外皮香脆，入面軟熟，煙肉嘅鹹香令成道菜更有層次。不過同主菜嘅脆薯有啲重複，如果可以換其他配菜會更好。🥓🥔==咖啡蛋糕==咖啡味好濃郁，蛋糕質地濕潤，唔會太甜，食完主菜之後食啱啱好。不過份量略細，兩個人分有啲唔夠喉。🍰☕==Sassy Lemon==呢杯Mocktail酸酸甜甜，檸檬味好突出，飲落好清爽，適合開胃。不過甜度稍高，如果酸味再多少少會更平衡。🍋🥤==Apple Flower==Apple Flower有淡淡嘅蘋果香，酒味唔會太濃，入口順滑，帶少少花香，幾啱女仔飲。老公都話好飲，仲搶咗我幾啖。🍎🍸今餐食得好滿足，每道菜都有水準，尤其係烤焗法國脆皮黃油雞，真係令人印象深刻。餐廳環境同服務都唔錯，係個幾啱約會嘅地方。雖然價錢有啲貴，但偶爾豪一次都值得。下次可以試吓佢哋嘅生蠔，聽講都好新鮮。🍴💖…查看更多

琴日下午見完客，行過荃灣，見到間「台蔡滷肉飯」，心思思就入去食個下午茶。餐廳裝修簡簡單單，有啲台灣街頭小店嘅feel，燈光柔和，坐得幾舒服。花雕麻油雞湯麵 🤩🤩🤩🤩呢碗湯麵一上枱就聞到好香嘅花雕酒同麻油味，湯底濃郁得嚟唔會太油膩。雞肉煮得啱啱好，嫩滑得嚟唔會柴，麵條彈牙，吸晒湯汁嘅味道。整體嚟講，味道幾平衡，食完個胃暖笠笠，好適合呢啲涼涼哋嘅天氣。🍲大腸包小腸 🤩🤩🤩呢個台灣小食幾有特色，外層係糯米腸，入面包住一條香腸，口感層次豐富。糯米腸軟糯，香腸鹹香，加埋啲蒜蓉醬，味道更加突出。不過食多兩啖會覺得有啲膩，可能係因為糯米比較飽肚。整體嚟講，味道唔錯，但係唔建議一個人食晒成份。🌭茉香仙草奶茶 🤩🤩🤩🤩呢杯奶茶幾清新，茉香味突出，仙草滑溜溜，加埋奶茶嘅香濃，飲落好順口。甜度適中，唔會太甜，飲完之後口腔仲留有淡淡嘅茉香，幾舒服。呢杯飲品絕對係解膩嘅好選擇，食完嘢飲返杯，成個人即刻refresh晒。🧋「台蔡滷肉飯」嘅食物質素幾好，味道正宗，價錢合理，環境都算舒適。雖然唔係咩高級餐廳，但係勝在夠地道，食得出台灣嘅風味。如果你鍾意台灣菜，呢間絕對值得一試。下次經過荃灣，我都會再嚟食返碗花雕麻油雞湯麵，飲返杯茉香仙草奶茶。😋👍…查看更多

啱啱返完工💼，約埋👫男朋友一齊去荔枝角嘅「相馬日式火鍋」放題🍲🥘。🐟芝士龍蝦湯茶碗蒸🐟香滑嘅口感搭配一口鮮甜嘅湯汁☺️ 。CP 值：🔋🔋🔋🔋🔋🦞任食惹味龍蝦雞煲🦞呢一鍋嘅味道絕係一食難忘🙊，全部係咩都有，龍蝦鮮甜，雞肉鮮嫩，實在要試下。CP 值：🔋🔋🔋🔋🔋☘️極尚龍蝦蒸海鮮☘️呢個盤子嘅食材真係新鮮得嚟，每一樣食材入口都係彈牙，清新嘅味道定能讓你難以忘懷😚。CP 值：🔋🔋🔋🔋🔋🍲火鍋湯底：豚骨湯🍲無論配咩火鍋，呢一鍋嘅豚骨湯都做得到佢，仲要飲得你止不住👐！CP 值：🔋🔋🔋🔋🔋💪優質牛肉，豚肉同雞腿肉💪嚟呢度火鍋一樣唔少得，簡直係美味極了。CP 值：🔋🔋🔋🔋🔋…查看更多

大家好，我是樂食，一個喜歡尋找美食的OpenRice食評家👋。今天要介紹的是在觀塘APM的一家台灣菜餐廳---四湯八麵。💓食物💓. 5/5♨️三重味蕾之感受---無骨海南雞麻辣拌麵麻辣的味道與海南雞的雞香完美結合，滲透係每一根麵條上。佢個麻同埋佢個辣真係好香濃，好鍾意呢個味道，好開胃，好獨突😋😋😋。🚥三重視覺之享受---宜蘭紅燒牛腱牛筋丸手工麵就像吃藝術品一樣，滿滿的視覺享受。金黃色的湯底配上紅燒牛腱和牛筋丸，色澤鮮豔，彷彿在畫板上繪出的一幅美麗的風景畫❤️💛💚🧡。咬一口溫熱的筋丸，口感Q彈，趁熱配上濃濃的紅燒湯底，真的是人間美味😽😽😽。當然還有鹽酥雞，麻油菠菜以及甜飲凍紅豆紫薯生椰乳和凍楊枝甘露，無一不是人間美味，都值得你一試。💗環境💗. 5/5舒適溫馨的環境加上台灣風情的裝修，讓你彷彿置身於台灣的餐館中，讓你感到置身於台灣，也把台灣的風情帶到了香港🇹🇼❤️💛❤️💛❤️💛。💖服務💖 4/5隨和親切的服務人員，讓你感覺如在家一般。他們的服務總能讓你在享受美食的同時，也能渡過一個舒適愉快的時光💕。…查看更多

呢個熊本地道特色御膳好豐富，有即炸辛子蓮藕，蓮藕酥脆爽口，炸得好香，一啲都唔油膩，一文字長蔥卷配酸醋味噌就味道特別，香蔥燒到好香，再配埋酸酸哋嘅汁，更加好食，而時令刺身就有三文魚，𩶘魚呢啲，鮮味鮮嫩，另外亦有炒得好香嘅炒飯，汁煮料理，沙律，湯同埋甜品，好滿足(⁎⁍̴̛ᴗ⁍̴̛⁎)呢個熊本黑毛和牛和王及特選『火之本豚』伴櫓杏特製湯涮涮鍋配迷你角切刺身丼御膳亦吸引無比，和牛同豚肉嘅肉質都好好，好滑嫩，日本直送品質好有保證，瀏涮鍋入邊有好多野菜，煮熟咗口感好好好，另外刺身丼飯亦都有唔同嘅時令刺身，同時亦有茶碗蒸，沙律，汁煮料理同蕨餅，完滿嘅午餐(≧▽≦)…查看更多

早之前我都曾經同朋友嚟過呢間餐廳，今次我就帶住男朋友二人世界嘅時間嚟試下其他嘅早餐👫店面整齊而有設計感，加上店員親切嘅服務，真係一間可以令人回頭再嚟嘅茶餐廳！我同男朋友一齊點咗以下幾樣食物☺️首先香煎豬扒配三角薯餅💭豬扒被煎得金黃酥脆，一口咬落去就可以感受到滿滿的肉香💭三角薯餅，外皮焦香，里面薯泥細膩！我個人更加推薦珍寶牛角包😍💭牛角包外皮焦香脆，一口咬落去先係香味撲鼻💭兩個人食已經好足夠男朋友很讚賞熱檸茶，💭茶香馥郁，檸檬提味，既酸又甜，一杯下去整個人都爽快起來💭呢間餐廳不論係食物定係服務態度都係一流，飲食環境又有味道，空間寬敞型格🌹下次會帶父母一齊嚟！真係超抵食👍🏻😋！…查看更多

銅鑼灣壽喜燒專門店＊友＊推出廚師發辦晚市套餐，前後總共九道菜，帶俾大家一場無與倫比嘅壽喜燒盛宴🍽＊先付＊和牛他他配最中餅🥢和牛他他肉質鮮嫩多汁，散發著誘人香氣，配上脆皮最中餅，口感一嫩一脆，十分豐富＊壽喜燒＊A4和牛肉眼&西冷&肩肉🥢套餐已包含以上三款和牛，廚師即席烹調壽喜燒，生熟度完美，每一口都充滿了肉汁的滋味，令人回味無窮＊飯食＊滑蛋蓋飯🥢滑蛋同日式醬汁嘅味道配合得天衣無縫，係一碗溫暖舒心嘅蓋飯＊甜品＊紅豆抹茶刨冰🥢小巧精美，作為結束今晚嘅壽喜燒盛宴實在合適…查看更多

同fd喺銅鑼灣睇戲前食返個午餐先，佢話想食🎌日本嘢，最好要坐得舒舒服服🧚‍♀️搵咗一陣，最後就揀咗喺渣甸街一間餐廳，希望可以滿足到佢嘅要求啦💬🟤日式 A5和牛漢堡扒🟤漢堡扒要做得好，拿捏肥瘦肉嘅比例就相當重要！依塊漢堡扒本身已經用A5和牛去製作，特別重油脂，切開會見到閃令令肉汁流出嚟，佐飯就perfect 🍚跟餐附有沙律一大碗，中和返和牛漢堡扒，清新返哂🥗另外唔少得麵豉湯同茶碗蒸，茶碗蒸滑到可以就咁呑落喉嚨，加埋冬菇、雞肉、高湯提味，出色🥚食埋擺盤精美嘅朱古力蛋糕，我同fd都非常滿意今餐♥️…查看更多

咁啱喺上環放工，想一個人簡簡單單想食飯，就嚟左呢到，之前屋企人嚟過食啦，但個日我冇出席🫠不過唔梗要今次嚟都扺起碼冇錯過😁我食嘅菜名叫吉祥自己選6個餸，湯同埋主食，我要左蟹柳，蟹籽蟹粉丸，娃娃菜，滑牛肉，大腸，芋絲，白胡椒湯配主食土豆粉，湯底濃郁配料豐富，土豆粉煙靭彈牙，我第一次接觸土豆粉就愛上了🤩😋秘製藤椒魚皮，香麻辣嘅調味再加上彈滑嘅魚皮，冇腥味，魚皮晶莹剔透，冰凉爽脆，入口Q彈，太美味了🤤涼拌麻辣蓮藕片係一道啱晒夏天食嘅小食，酸酸辣辣🌶嘅口感超級開胃😋。啖啖脆口嘅蓮藕片，佢哋啲辛辣🔥同埋酸味完美咁融合埋一齊，真係食到停唔到口。佢嘅麻辣味道唔係一般辣椒嗰種燒口，而係四川特有嘅麻辣，辣得黎又唔會攻擊性太強，啱晒唔同人嘅口味。👍除咗佢嘅味道好正之外，低卡低糖嘅佢又啱晒想健康飲食嘅朋友。蓮藕本身營養價值高💪🏼，有益心血管，涼拌嘅做法仲保留咗佢哋嘅營養成分，食落真係冇罪惡感。🥗簡單嘅材料，爽口嘅口感，同埋惹味嘅麻辣香氣，涼拌麻辣蓮藕片係夏天最好嘅開胃菜，食一次就會令你愛上佢。👅下次同朋友聚會唔知食咩好，不妨試吓自己整呢道開胃菜，保證大家都讚好讚滿口。👏🏼👏🏼對冒菜有興趣或者喜愛真係值得一去試試，真的太好食啦，絕對推薦😚…查看更多

今次生日飯老公同我黎山林道呢間日式餐廳食鐵板燒Dinner set，食物豐富又吸引。餐廳以黑白日式光影裝修為主調，非常有風格，整體感覺柔和得來又帶有型格。宫崎 A4 和牛肉眼 關西風壽喜燒 日本野菜盛合美味指數😋😋😋😋😋一碟菜入邊有三種菜式，和牛牛肉眼切成薄片拎去燒。燒到油脂出晒嚟，牛肉表面更有微微焦香，食落去油香十足，牛肉甘香又鬆化。壽喜燒甜甜地，同牛肉配搭得非常好，仲有隻溫泉蛋🥚。野菜盛合入邊有燒南瓜，燒翠玉瓜和燒杏鮑菇，又香又好味。極上和牛炒飯美味指數👍👍👍👍👍👍金黃色嘅和牛炒飯入邊有超多料，牛肉，雞蛋，蝦仁，櫻花蝦和蔥花，又香又好味，米飯係珍珠米，食落去煙煙韌韌，每一粒都包有雞蛋，真係香味十足。季節料理日式醬油煮鮟鱇魚肝美味指數😍😍😍😍鮟鱇魚乾超濃滑，細細一件，但所有精莘都係哂度，伴以日式醬油，蔥花和食用花一齊煮，日式醬油鮟鱇魚肝更滋潤，蔥花和食用花鮮味外更有微微花香味。季節先付海膽豆腐配三文魚籽鱈場蟹美味指數🤩🤩🤩🤩🤩呢個海膽豆腐配三文魚籽鱈場蟹鮮美十足，好味道舔舔脷👅豆腐有清淡豆香味，非常突出海膽和鱈場蟹嘅鮮甜味，三文魚籽又爽又鮮，整體配合得非常好。…查看更多