K.w.Wu的个人专页

經過西樓角路差唔多食lunch見到呢間7號麵檔於是叫咗碗雲吞麵一碟油菜試下，碗麵放到面前已經有啲驚喜，佢竟然加咗蝦子，再試啖湯就更加喜出望外佢絕對唔會輸俾麥字頭嗰間，而雲吞大細啱啱好啲蝦非常爽口，啲麵好彈牙總之整體嚟講相當唔錯值得再試…查看更多

食個早餐然後開工係我嘅日常，今朝7點經過kcc見到佢已經開咗門於是就入去幫襯，落單後冇耐杯咖啡就到，唔望由自可一望把鬼火，隻杯崩崩爛爛不特止仲要成隻杯都污糟邋遢四圍都黑蚊蚊，叫人點放入口叫，簡直一啲職業道德都無，以後絕對唔會再幫襯。…查看更多

原本同老婆去食小農夫，點知食到半天吊，發現正正隔離有間餃子店，見佢門外個餐牌寫住有羊肉餃於是就入去試吓！裡面地方細細，只有5張枱仔但算整潔，真正東北人主理，招呼好親切，於是叫咗個羊肉餃（可以order煮或煎）同皮蛋豆腐，食完之後就停唔到口，接住叫多個醬骨架，竟然入口即溶味道唔會太濃啱啱好，忍唔住再要個醬牛肉（其實係牛展），佢個蒜茸醬汁好好味d肉又唔會乾曾曾，簡直冇得彈，因為份量其實唔多，所以可以試多幾款，而佢提供嘅主食有麵食同各種餡餅，但佢冇酒牌，酒精飲品欠俸！…查看更多