erica_knlau's Profile

新開張一定要試試🤗Infiniti C 無限無窮無盡🤔唔知C 除左Cafe, Coffee, Cake重有咩意思🤔 淨係講地址已經算方便，堅尼地城站出口附近，樹牆對面。其實附近都好多食肆，酒吧，同有特色的店鋪，佢最令我吸睛係個門口😊一大幅玻璃，入口旁有張公園櫈背後重有幅特色牆畫左隻鹿🦌，聽講係舖主題動物，淨係呢個位係打卡必去😉入到舖內變左工業風⚙️同舖外大不同。講返最重要的咖啡先，雖然我唔係一個好啡之人，同埋飲親街外既咖啡會有作嘔既感覺，只因咖啡因濃度高。但來到這店叫左杯cafe latte + gluten free lemon meringue tart。有驚喜飲完回家都無作嘔感覺，唔駛加糖剛剛好😋無麩質tart第一次試，食落都健康D🤗…Read More

深井燒鵝去深井食得多今次竟然走到尖沙咀都可以食到正宗深井燒鵝原來"裕記"第三代掌舵人揀左響尖沙咀亞士厘道地舖開首間分店終於唔駛山長水遠入到禁遠食喇呢個分店門面裝修有別於老店，走高格調中菜館模式，一走入門口牆上有大大個金色"鵝"字聽講係30-40年前深水埗老店的招牌保留到而家再翻新貼響呢間分店用真係好有心思。入到去我覺得好似分左2個區域咁，近窗就係cafe shop，之後中間有個分隔再入小小似休閒區，因為入面有係用磚牆砌成重有一個貓頭鷹圓燈牌，原來佢地有手工啤酒賣。馳名深井燒鵝_皮薄鬆脆多汁肉厚深井椒鹽魷魚_脆漿薄，啖啖厚魷魚，一尐都唔馬虎鹵水鵝肝_連國內潮州朋友都話好食過潮州黃金蝦多士_話明黃金即係有咸蛋黃, 真係好香好脆好好味深井炒麵_平平無奇的外表，但用上名貴的櫻花蝦上盛蝦米，大蝦，出來效果好香口，每條麵都入晒味香煎蓮藕餅_開頭以為係蘿蔔糕，原來蓮藕係刨左絲再加入豬肉黎煎又係好香口好夠味鮑魚燴飯_真係用乾鮑嫁無花無假鹵水鵝腸_鹵得好入味又爽口…Read More

聽男朋友講好耐年前TVB有個節目曾志偉都已經黎過呢間野做宣傳, 果時都未禁出名既, 朋友之前都想叫我黎試下, 但自從7月尾TVB另一飲食節目"珍情品味"(由戚美珍主持)又介紹大中華後, 真係不得了, 你唸住無訂枱WALK IN多數無位, 訂左位又如何? 只限個半鐘頭食.....鐵板黑椒豬手 - 呢個好味到不得了, 豬手又"林"又嫰又夠入味, 圍圍都叫呢樣, 真係必食之選!!胡椒豬肚湯 - 可能我唔太食得辣, 呢個真係有小小辣, 但蓋過晒豬肚味. 講真"增輝"既胡椒豬肚花甲湯好味過佢.冰鎮鮑片 - 呢個幾特別, 好清甜, 點埋個日本豉油先食, 唔錯唔錯!土匪雞 - 黎到確實幾吸引, 不過好老實, 外層滑又幾滑但咬落去有小許"鞋". "萬發"既風沙雞咬口+味道好味過佢.豉油皇大蝦 - 豉油味浸晒入殼&全部肉, 蝦頭又有膏, 我真係連殼食, 又係必食之選!!黃金(咸蛋)炒鮮魷 - 呢個餸有D渣流灘, 份量又小黎到時好似比人食過咁, 炸得比較乾, "萬發"的好味過佢.琵琶豆腐 - 本來好期望既, 但真係失望, 以前曾經在屯門一間小菜店食過既味係, 有豆腐+豬肉+其他調味, 非常之有咬口. 但大中華的"林" "餅" "餅"咬落去一"餅"野咁, 唯一可取係D西蘭花都幾新鮮.豉汁蒸鱔 - 豉汁味好夠, 鱔味夠, 肉質夠滑, 唔錯!總括黎講都好味既, 值得再黎!…Read More

生日幾條友實在唔知去邊食好, 經朋友介紹去到深水埗增輝, 早2日前已經訂左位, 但可能好早去到, 唔駛等已經即刻有位.淨係叫左4樣餸:金銀蛋莧菜 - 因想食菜關係, 求奇叫左呢樣, 只可以話普普通通無咩特別.花甲胡椒豬肚湯 - 呢樣係這間店招牌菜式之一, 又確實唔錯, 夠晒胡椒味, 我最鐘意, 招牌頭抽雞 - 呢樣亦係這間店招牌菜式之一, 餐牌重要有"蔡欄"推介添, 但唔知係時辰關係, 餸黎到時係好香(香係因為佢有用秘製豉油浸住上), 滑既係個皮同個肉面, 但咬落去一D都唔嫰, 重有小小"鞋"添, 又唔入味, 我唸係蒸過龍.啫啫排骨煲 - 呢個夠晒啫啫味, 重有我喜歡的豬肝食添, 夠晒入味呀.因為叫4樣餸有2樣好味, 另外2樣只係普普通通, 所以我又唔覺得係必食之選既食肆....…Read More

自己住屯門知道有間拉麵舖新開, 襯星期日放假就去試一試先.兩個人去, 試了以下:豚角白武骨 - 豬骨湯底, 第一啖先飲佢既湯, 男朋友話好有自己屋企煲既青紅蘿蔔豬骨湯既濃版, 都ok既, 之後就即刻咬啖豚肉, 好攪笑到, 男朋友即出聲, 好有出面茶餐廳的"梅菜扣肉味", 只係無出面禁肥!我地心唸發生咩事? 點解係咁既味既? 可能我地唔識食拉. 重有佢既拉麵簡直係失望, 同樓下吉之島super market買既包裝拉麵無咩分別, 完全不是高級拉麵店的果回事.我係咪真係去過日本試過真正既拉麵感覺唔同d呢? 但我覺得連粉嶺"爵士拉麵"最普通果碗都好味過佢, 佢真係失敗!豚角黑武骨 - 只係有"黑芝麻"既豬骨湯底, 其他同白武骨無分別. 醬燒比目魚 - 正正常常, 滑滑地都好味既!…Read More

幾年前已經成日聽朋友話時新漢堡好好味, 因為唔係住&返工在紅磡區, 所以好小會去開果邊.因為放假適逢去開果頭真係要會一會佢. 星期日雖然下午2點幾去到, 都已經坐滿座, 重有人等緊位添. 其實入面好細同環境上可能懷有舊式的快餐店格局, 所以都陳陳地, 重有冷氣機滴水添.漢堡就一次要叫, 其次我見到係粗薯條又即管試下!>漢堡好Juicy 味道果然唔錯 >但個粗薯條就.... 一向鐘意食粗薯條既我, 感覺係油益左d 同 佢無咩薯在入面. 無果種啖啖薯響入面咬落去既感覺 失望!…Read More

萬發初初由深水埗店食到石硤尾店, 由石硤尾店食返去深水埗店. 每間分店都有自己某一款獨特菜: 石硤尾店有"石頭飯", 深水埗店有"燒鵝" 兩款都好好味.而不得不提佢既招牌菜"牛柳粒" 果然名不虛傳! 正重有唔知係咪新既菜"雪裡紅石頭芥蘭片" 因之前去好似無呢味, 都好正對於我呢個鐘意食小菜既人黎講, 真係一大班朋友聚腳既好地方...…Read More

第一次在對面食飯時見到佢個門口, 已經想入去試下. 適逢朋友話請食生日飯即管去試試. 因為已訂枱關係一入去waitress已經即刻安排坐位.感覺入面好Grand, 如另一食家講真係好ANNA SUI FEEL...因另一朋友試過和牛&薯蓉話好正, 所以今次都要試試.另羊架係我至愛緊係要試埋啦!除食物外, 餐廳內的洗手間&洗手位都好有大酒店FEEL. 抺手紙都係用TEMPO真係怕你抺到一手都係...好細心!!餐廳最入還有一間VIP房可容納10人, 偷睇過入面格局都唔錯. 如果一大班朋友想有私人空間, 入去坐都係唔錯既選擇!…Read More

因為BOOK唔到枱食BUFFET又想食海鮮, 男朋友之前黎食過, 所以今次生日即管黎試下! 之前已BOOK枱所以好快有位, 如果兩個人食每一碟既份量都係剛剛好, 唔會浪費.…Read More