ChloeKamSiwon's Profile

叫咗$238個餐，我同朋友總共三個人去，本來想每位都嗌，然後同個店員講時，佢又解釋得唔清唔楚，話冇得一份揀黑豚肉，一份揀羊肉片，話三位只能全部揀一樣，呢個位已經抝左短短一陣。其實問題不大，好快解決咗，但感覺不太良好，搞到好似係我哋唔明咁。食物分量較少，同樣價錢，喺其他火鍋店已經有任食放題，可以隨便加餸，性價比較低。但牛肉好食，肉質幾滑。餐牌寫賦湯蹈火湯底，以為有特別湯底，點知都係清湯底。自家製飲品不錯，山楂烏梅和檸檬薏米水，但總括而言，價錢較貴，食完未夠飽。…Read More

叫咗日式蕃茄牛肋條飯外賣，本身擔心唔係招牌咖喱會失色，但點知好好味，有驚喜！牛肋好嫩，醬汁開胃好食，好足料，賣相好睇，全部清晒。價錢合理，性價比好抵食！會再幫襯！…Read More

湯勁足料！其實飲完個湯都飽左一半，湯嘅選擇都充滿驚喜。個人嚟講最鍾意忌廉湯，好濃郁，仲有另一隻係煙肉波菜湯，一聽個名好奇怪咁，但食落係出奇地好食！！沙津竟然有羽雨甘藍😍仲有西柚，食材用料真係上乘主菜一樣咁好食，個配菜肉醬意粉雖然好似好簡單咁，但食落又覺得好食過其他餐廳總括嚟講就性比價超高，次次食完都好飽佢仲每個星期唔同menu，依家每個禮拜都食一次🤤🤤廚師見我地係熟客，仲送左兩碗湯俾我地！真係超好人…Read More