kjd15's Profile

早幾星期一見到ig有片介紹就即刻訂位啦，11:35就到咗樓下，跟住佢whatsapp嘅地圖上去，點知地下大堂已經有職員全程帶我哋上去，唔怕去錯地方，服務一流，不過其實啲lift只上10/F，又得一條路，都唔會去錯。lunch time第一張枱上去，座位安排應該係全場最好，仲有幾張breakfast time嘅枱，啲位唔係太好，會畀我哋張枱嗰邊擋住個景，十分滿意安排👍🏻食物：唔貴，質素都中上榛子朱古力朱角酥👍🏻👍🏻👍🏻👍🏻醬唔多唔少，皮少少酥，不錯丹麥法式多士配雜莓👍🏻👍🏻👍🏻👍🏻👍🏻一上枱已經好吸睛，角位炸得酥脆，粒粒砂糖亦好咬口和牛BLT漢堡配薯條👍🏻👍🏻👍🏻👍🏻包邊煎得香脆，中心軟熟，和牛普通無驚喜，薯條軟軟淋淋，自己額外加啲鹽同胡椒粉好味好多飲品：無咖啡因Latte:👍🏻👍🏻👍🏻👍🏻👍🏻香濃，飲完都係手震，唔知關唔關事凍latte👍🏻👍🏻👍🏻👍🏻👍🏻完美，唔使加糖已經好香濃滑…Read More

食環境嘅Cafe📸裝修真係好特別，好感受到以前啲人等睇中醫嘅情況，最少見係舊式嘅百子櫃，同啲贈送畀醫生嘅各式各樣嘅鏡，影相好有feel。食物方面，可能都係睇落去少見而特別食落就⋯⋯菠蘿包👍🏻👍🏻個包細細舊，少少脆，入面搽咗牛油，中間夾咗塊鴨肝，可能食慣菠蘿油，唔係好習慣咁fusion嘅菜，食落覺得唔係好夾，鴨肝冇乜嘢特別嘅香味，或者口感又唔係外脆內軟。啡走👍🏻👍🏻👍🏻👍🏻size細細哋，上面1/3係泡泡，啡奶比例唔錯，夠甜夠啡味。濃濃朱古力👍🏻👍🏻👍🏻朱古力味濃，但唔係特別香，一上枱，面層嘅泡温度合適，再飲埋下面嘅朱古力就太熱。朱古力酥👍🏻👍🏻焗到酥皮面脆脆哋，入面就軟軟哋，朱古力醬喺頭尾同正中間，唔算多。整體嚟講，未必返轉頭…Read More

諗住食少少Tea，見佢份量唔多，就試吓，飲品：🧋−Iced Latte唔錯☕️−奶香烏龍，本來諗住飲奶茶，但原來係啲烏龍茶葉有奶味，並唔會落奶⋯⋯不過落order時無睇得咁仔細🫢食物：🥐−杏仁牛角包，無焗返熱，太甜🧇−牛角包窩夫（豆腐雪糕配芝麻醬），窩夫味道唔錯，豆腐雪糕無乜味，芝麻醬怪怪哋，似乎係有少少酸定乜嘢咁🫢唔識講🥲咁嘅話，可能下次食返意粉或者飯嗰啲會好啲，見其他客都係主要食熱食⋯⋯…Read More

午餐menu有9款，每款都好吸引咁，最後選擇牛扒同豚肉，跟餐有湯（是日餐湯係甘荀湯）或沙律，仲有餐飲，可半價轉特飲。紐西蘭西冷牛扒（五成熟）：外皮煎到好脆，一掂到嘅感覺似柴咁😅但食落口係香口嘅，有少少碳燒定牛味咁薯條一般想食•燒汁厚切豚肉飯：塊豚肉真係好厚，肥瘦均勻，味道強烈，好滿足😇熱抹茶奶：抹茶味足夠，奶味較淡熱咖啡朱古力：朱古力同咖啡味平均融和，飲完無心跳手震👍🏻沙律：有藜麥、菜同油醋，小清新甘荀湯：有咬口，香濃甘荀味…Read More

餐廳地點方便就腳，就喺一堆巴士站同地鐵出口隔離，而且只係上2層，唔似其他更就樓層餐廳要等好耐𨋢。入到去係另一個世界，裝修用心，有羅馬石柱，牆上投影住月亮花朵等嘅影片，燈光昏暗，氣氛良好，但略嫌餐枱圓形同埋比較細。欣賞廁所有屏風隔一隔，關顧食客感受🫶🏻食物款式不少，亦有提供晚餐，不過晚餐嘅配搭3位女士都唔啱，所以最後散叫。頭盤/小食：牛油香煎蟹餅伴檸檬忌廉脆多士(餐廳贈送)-檸檬多士第一次食，好特別；蟹餅香口，食到蟹肉絲。牛油香煎帶子伴忌廉菠菜配香脆酸種麵包多士-帶子口感爽，菠菜竟然係湯，而且好好味，幾配合 主食：燒安格斯西冷牛扒8安士半牛油燒波士頓龍蝦-扒7成熟，牛味濃，皮脆肉嫩，因為太暗，估唔到咁好食；龍蝦少少韌。和牛漢堡扒蕃茄意大利粉，不錯。甜品：藍莓紅豆抹茶忌廉班戟-班戟好薄，紅豆同抹茶好夾，食埋藍莓好Fresh；因為有朋友生日，餐廳有提供甜品寫字服務，寫得好靚，打卡一流🫶🏻。餐飲+餐湯：熱朱古力，有朱古力香，甜度適中。番茄湯，較浠身，味道適中。…Read More

門口裝修簡約舒服，一入到門口已經聞到好香嘅味道，坐到去最入，打開本有設計感嘅Menu，發現原來款式好少，相信產品一定好專業先可以做到咁專門😂Menu講明係日本頂級金芝麻，研磨8小時，令本來好鍾意食芝麻糊嘅我十分期待😚因為食飽咗晚餐，所以叫咗腰果芝麻豆腐花同芝麻糊湯圓。腰果芝麻豆腐花：芝麻味好香，腰果味好濃好甜，豆腐花都好甜好滑。芝麻糊湯圓：芝麻味更香濃，質地好幼滑，睇嚟係磨咗八個鐘嘅成果，湯圓有三粒，黑芝麻餡有口感，好香甜好味。…Read More

西貢咩時間都咁多人，初三都唔例外。11點半見呢間餐廳其中一間房一枱客都無，夠靜！拿拿聲入去坐啦，點知又係食咗一半已經滿座，真係好旺丁🤭雞粉：滿滿一碗金邊粉，雞肉幾滑，配菜有蔥、芽菜、東菜，最正係佢枱面有2盒汁，一盒大辣椒醋（較酸），一盒小辣椒醋（較辣，較惹味），可以按自己嘅需要，調節成自己專屬嘅湯底。雞、豬肉粉（走東菜）：同上，脆豬肉鹹香脆口，正，按需要落辣粉，又係惹味湯底時菜花生醬肉片：估唔到花生醬可以同菜同肉咁夾，菜有幾款：西蘭花、芥蘭、椰菜、小粟米、紅蘿蔔等，豬肉薄切掛汁，好味👍🏻…Read More

新年得新年餐牌，無煲仔飯，6人行，叫咗5道菜。年年有餘：（甜酸五柳醬魚柳）五柳醬夠酸，仲有醒胃橋頭，啖啖魚肉，魚皮炸到脆卜卜惹味混醬雞煲：混醬真係夠惹味，煲滾時好香，有辣味，食落口無辣味，老幼都啱食👍🏻瑤柱蛋白炒飯：香口，鹹度適中，餸未嚟，齋食飯都唔錯，飯都粒粒分明遍地黃金：（西蘭花鹹蛋蝦球）鹹蛋蝦球炸到圓轆轆，賣相唔錯！鹹蛋夠厚夠鹹，可惜蝦係急凍蝦⋯⋯蜜椒薯仔牛柳：甜甜蜜蜜，薯仔軟硬適中，好配合牛仔骨汁，送飯一流，牛柳較淋2樓樓底較矮，燈光稍暗，食客聲音大，回音重，好嘈🫨…Read More

年初二入西貢行吓啦，呢間cafe個名好有代表性咁，就入去半露天嘅地方堂食啦。因為新年無套餐，就散叫。🍜餐蛋丁麵：鹹香餐肉夠鹹夠厚，麵煮得啱啱好，夠彈牙👍🏻👍🏻菠蘿油：新鮮出爐，皮脆，包軟熟，牛油鹹香，有別於市面上一般菠蘿油，好味🤤！凍奶茶：一般凍latte：啡香，易入口花生醬包：市面上較少見，個包都大件，似倒咗成樽花生醬咁多，十分濃厚，包皮嘅網紋夠脆又靚，面頭嘅糖霜將味道再昇華👍🏻葡撻：蛋漿甜，酥皮脆…Read More

見到個名已經好心動，成日都想去坐下。因為上唔到富士山，都想飲杯嘢。而且，佢哋之前仲搞咗個抽獎活動，我好好彩，抽到三獎，有50杯免費飲品😋✌🏻今晚見個天涼涼地，又梅梅地（梅雨天個梅呀），就揀咗大杯凍芋芋鮮奶同仙草凍鮮奶。凍芋芋鮮奶 （少甜少冰）：有大大舊芋蓉，好味；仲有好多細細粒嘅芋圓，有唔同顏色，好色彩繽紛；鮮奶都香滑。鮮草凍鮮奶（少甜少冰）：少甜已經夠甜，夠香，好味，如果原甜原冰就會無咁適合，每次必飲😋…Read More

又嚟返呢間飯堂😆雖然依家價錢唔係平，不過真係好好食，所以一放假就會過嚟食🫶🏻要電話掃qr code落單，但係收銀隔籬個位嘅網絡比較差，侍應都好好，即刻比menu同埋話會幫手落單。🍜豚三寶(豬扒、豬軟骨、豚片)+招牌麻香伴麵 (刀削麵)+ 65°C有機溫泉蛋+秋葵：豬軟骨鬆軟，豬扒厚得嚟彈牙，豚片薄得來好夠味👍🏻麻辣汁惹味👍🏻👍🏻刀削麵可以掛晒啲醬😋🍜美國安格斯牛肩胛片、蕃茄麻辣湯底小辣(上海麵)：肉有牛香🤤，湯底嘅麻辣配番茄估唔到咁夾，可能我自己本身鍾意番茄同麻辣，一次過滿足晒2個願望💖🥤青漉咖啡：好濃嘅茶餐廳/炭燒咖啡嘅味，好香滑，無得頂👍🏻🧋青漉台瘋奶茶：甜得滯，但好滑口，有果凍喺底，但食時比較困難…Read More

Lunch時間，見到門口條龍已經滿晒2行，唯有食其他餐廳。因為已經收爐，所以6:15就可以去到，終於唔使排隊啦，仲有好多吉枱添，可以坐4人位，鬆動好多👍🏻因為lunch食飽咗蕃茄仔，仲飲咗樽咖啡，所以都未好餓，叫咗一個pizza，一份nachos同一件tiramisu。墨西哥辣肉醬薄餅+車打芝士薯條：有好大份又香又煙煙韌韌嘅芝士喺pizza面，pizza邊都焗得好香脆👍🏻薯條同跟嘅芝士醬都清淡，所以問咗店員攞鹽、胡椒同埋茄汁🫢肉醬粟米片：食過Limited since1996嘅nachos後，呢客比較淡同比較硬，不過好在淡淡哋，無咁易水腫😆醬有啖啖肉嘅牛油果，唔只得一舊蓉咁👍🏻tiramisu:雖然用玻璃杯裝，但都覺得好吸引，放入口更加覺得好好味，cream好幼滑，蛋糕少濕好易入口，味道香濃👍🏻👍🏻熱檸蜜：一上枱已經好香，味道甜中帶酸，好飲👍🏻👍🏻👍🏻泡沫鮮奶綠茶：淡淡哋嘅抹茶味，有鮮奶香，甜甜哋咁，幾好飲👍🏻👍🏻食到一半已經全場爆滿，侍應都唔係好得閒，叫咗買單都無人埋嚟⋯⋯不過整體嚟講好有禮貌好幫到手…Read More

啱啱食完附近嘅茶咖里，又去華爾登餅店拎咗新年曲奇禮盒，當然要去DJ阿正新開嘅舖頭叫聲：「咖啡呀，唔該！」不過太飽，就外賣啦。舖頭環境好新，好橙😂全店都係橙加白色，但又估唔到，唔會睇得唔舒服喎連垃圾桶都係橙色，仲有幅特式牆，畫咗好多人物😂高手高手高高手👍🏻門口隔離有5條透明架，畀你慢慢揀掛耳包，包裝上列得好清楚係咩口味，對唔識咖啡豆嘅我嚟講係神來之筆呀🫶🏻咁就揀咗2包，Boring Wednesday 同 Black me up都要即場試吓啲啡，Iced Latte，奶滑啡濃，甜度適中，好surprised咁好味喎😮下次要試只可堂食嘅Diry Gone Nuts ，聽講係喺 Dirty入面加啲花生醬同煉奶，成杯奶醬多味咖啡分子料理咁🤩…Read More

見間鋪無乜人，諗住入去包場，老闆好好招呼，問我哋有冇啲咩唔食，同鍾意食啲乜。因為我哋唔食牛同魚，最後叫咗個沙嗲豬扒菠蘿炒飯，同埋芽菜雞椰子雞湯粉。沙嗲豬扒菠蘿炒飯沙嗲汁惹味，配合埋炸得鬆軟彈牙嘅豬扒真係好味，炒飯粒粒分明又夠味。老闆仲好有心，啲炒飯用蛋糕形嘅模同玫瑰花形嘅模，倒模落隻碟度，隔離枱見到都望多2眼🤣芽菜雞椰子雞湯粉雞味好香，肉嫩，同勇記有得fight!湯稍淡，粉嘅粗幼係類似金邊粉, I like it☺️老闆仲送咗碟炒白菜同班蘭卷畀我哋😊嘢食都未上，已經陸續有客入嚟，到我哋走時，係坐滿晒，大家記得早啲去，因為老闆one man band, 上餐要啲時間嘅，無計啦，食好嘢要有啲耐性同時間😂…Read More

今日去開華爾登餅店攞餅，咁梗係要去附近嘅茶咖里食餐好嘅，坐正喺bar枱前面嘅卡位，牆上有港式懷舊大日曆，有幾幅油畫，舊式燈泡燈，成件事中西合璧，打卡一流！因為未食早餐，當然要叫個港式沙嗲牛肉公仔麵😋麵彈牙，湯底沙嗲味濃，牛肉都有咬口，我哋仲習慣落幾滴辣椒仔，提升辣味仲正！必飲：茶走、鴦走🤤口感滑捋捋，唔澀喉，茶香啡香，飲過番尋味！另外點咗個西式餐：三文魚牛角包三文魚肉質鮮嫩，牛肉包層次分明，粟米香甜。小食：炸牛餐肉配蜜糖芥末醬皮脆肉香。店員好好笑容，送餐速度快…Read More