呢杯牛油果乳酪飲品整體嚟講算係幾好飲。口感順滑，唔太甜，牛油果味都算濃郁，飲落有少少似smoothie，加埋乳酪令整體質感更豐富。作為一餐代餐，飽肚感唔錯，夏天冇胃口食嘢嘅時候，飲一杯夠晒舒服。仲有幾片牛油果封頂，口足料。不過價錢方面就真係唔平，一杯要$54港紙，老實講有啲貴。但諗深一層，自己買材料返嚟打，仲要洗、切、準備、清潔，時間都唔係少。特別係返工返學忙嘅日子，買現成飲品都係一個省時方便嘅選擇。配方方面值得一讚，加咗杏仁令味道多咗層次，飲落有淡淡堅果香，唔會單一。但我試嗰杯可能攪拌得唔夠好，有啲杏仁粒未完全打碎，影響咗整體口感。如果可以再打滑啲，就更加理想。…Read More
