CCONE's Profile

是日生日, 本來唔想點慶祝,但朋友興致勃勃的話要食飯,於是選擇了公司附近既呢間店舖食雖然或者未有太多人知道呢間食店,但晚飯時間去到,店外已經排左一條隊,期間約8點3左右店員已經出來截龍,所以下次都係唔好太晏到,排左差唔多一個鐘先去到店門口,店面無咩裝潢, 只有一塊門布係門口但呢種簡約既感覺幾舒適足足等左90分鐘, 終於都可以坐低食野,係出面排隊時店員已經幫客人落左單,所以一坐低好快就上菜有得食菜單一如店舖設計, 好簡單,就只有魚生飯, 分別係"梅,竹,松,特上"四種,以材料同分量區分,"松"同"特上"既材料同分量差唔多,分別係"特上"多左一款材料--海膽因為本人唔太好海膽,所以最後選左"松"賣相相當吸引, 唔同材料既色彩絕對有助增添多少胃口,按照店舖既指引食法,先試左塊胡麻醬汁魚生,胡麻醬汁微酸開胃, 又令魚生更加鮮甜之後將芥末同日式豉油拌勻之後倒入魚生拌勻食,魚生係預先切好整定,但亦算新鮮,日本米飯粒粒分明飽滿,同魚生好配合,又可以用附上既兩塊紫菜包住食,就好似食壽司咁,紫菜既水藻香味加上魚肉既鮮味同飯香,兩塊, 似乎唔多夠XD三爬兩撥下已經食淨少少,之後將食淨既魚生飯放入碗,示意店員加湯,店員攞走左之後搵黎一碗湯飯--茶漬,好似又重新上另一道菜咁,一口食落去,感覺同頭先既魚生飯完全唔一樣,魚生經過熱湯稍微煮熟, 油份釋出,溫口既感覺同湯既濕潤下,飯同魚生好似滑入口咁排左個半鐘, 最後唔洗半個鐘已經食曬,但感覺好滿足,雖然只有一味魚生飯,但三種食法的確好似食左三道唔同既菜色咁,特別係最後既茶漬飯,成為左餐飯一個好好既尾聲價錢雖然唔平, 但如果之後有機會可以早啲黎排,唔洗掛咁耐的話,絕對值得再試…Read More

朋友生日，原本打算某間同區既韓國餐廳，但去到才知得45分鐘用餐時間，即時轉場。咁啱前一兩日係Facebook見到有朋友黎過呢間餐廳好似唔錯，所以最後決定黎一試究竟。平日七點左右到，未有太多人，一行七人坐左係中間既長檯。雖然未齊人，但大家都有D肚餓，所以決定叫啲野食先。特式凍肉platter，內有蘇格蘭蛋、炸豬腩肉片、肉凍批(Menu叫餐肉)、Salami香腸同風乾火腿，仲有啲火箭菜點綴。Scotch egg蘇格蘭蛋係用類似漢堡既肉包住雞蛋去炸，呢到既Scotch egg蛋黃流心，外層既肉炸得剛好，肉汁保存得好好，唔會太乾。一片片既炸豬腩肉又乾又脆，但唔好以為咁就會乾增增，因為platter入面有一個肉醬可以加埋黎食，令原本無咩味既肉片好味左之餘又無咁乾，而炸肉片又十分香脆，互相增色不少。不過炸腩片有啲硬，對牙唔好或者唔鍾意咁硬既野食既人就免啦。肉凍批Menu入面叫餐肉，可能係要融入香港人吧。原本未食時好驚會有肉腥味，但入口就發現好好食，好乎合香港人既口味，難怪叫佢做餐肉。風乾火腿包住左粒醃珍珠洋蔥，中和左鹹味之餘又帶出火腿既香味，Salami香腸則原原本本已經好香，無需再配其他野食。墨西哥辣椒忌廉粟米，原本同朋友擔心Jalapeno會好辣，但食落唔算太辣之餘，仲令個Cream Sauce增加左份味道，粟米粒亦都香甜，作為頭盤小食的確唔錯。凱撒沙律比較平凡，有兩條油浸鯷魚帶出既香味，不過不失，用作食得太多炸同肉類想清新一下都唔錯。芝士薯條亦係平平無奇，芝士味道唔太突出，醬汁應該係肉汁，但味道唔算太深刻，如想試小食可以試其他選擇。之後朋友到齊，開始叫主菜。招牌咸豬手，同平時食炸到脆曬嗰種好唔同，外皮微脆之餘好有膠質感，但唔會覺得肥膩，豬手肉亦煮得夠淋。應該係慢慢燜煮完先再去烤焗，所以肥油唔多，對平時怕肥而唔食咸豬手既人可以一試。伴碟既酸菜味道唔太濃烈，唔會搶左豬手既味道，亦十分開胃。慢煮脆皮豬腩，最為期待既一味菜，亦無令我失望。豬腩有啲似中式既燒肉，皮十分香脆，因為慢煮既關係，肥油唔多，但保留左肉既肉汁，點上微微酸既醬汁，絕對令人想動口食多件。伴碟既甘荀亦好甜好Fresh，薯仔沙律亦唔錯。蒜片蟹肉扁意粉，蒜片味香濃，蟹肉亦算足料，辣椒既微辣，配合起黎十分惹味。蟹肉既菜色無可避免會有少少蟹殼，不過食左幾啖先得一兩塊碎，可以接受。最後登場係龍蝦燉飯，龍蝦肉細嫩，配合有飯骨既意大利飯非常鮮味，意大利飯煮得剛好，唔會濕淋淋咁。雖然有啲貴，但直得一試。飲品方面朋友們叫左幾款MOCKTAIL，朋友都話好味，但筆者只飲左Asahi(豬手緊係配啤酒!)，所以唔作多評論。眼見樓面得兩個人，人多時人手有啲應接唔切，但用餐途中都見到一個Waitress同客傾下計咁，算係幾好了。整體食物質數都好好，雖然煎炒炸既食物多但都唔油膩，但份量比較少，所以要叫多幾樣先飽，價錢亦隨之提高，但係值得再黎既。…Read More

平時同朋友食飯，唔係西餐就日本菜，突然同朋友講想去打冷，朋友都讚成。搜尋之下，搵到呢間評語好似唔錯，就同朋友黎一試如何。可能早去到關係，店裡面只有一兩大檯客，但侍應都問了聲:有無BOOK檯?，就知道再過一陣一定會好多人。就坐之後，先飲左啖熱茶，可能太耐無飲茶，茶雖然唔太濃，但就有一種茶香，用黎消膩的話唔錯。花生同甜酸菜就幫助開胃。雖然只得兩個人，但大家都想試多啲野，最後叫左煎蠔餅、鹵水鵝拼盤同糖醋麵。當然，食打冷緊係要配埋支啤酒啦!先黎既係煎蠔餅，蠔仔份量好足，啖啖都食到蠔肉，蠔餅邊緣圍住加左蛋煎，所以餅邊特別鬆脆同有蛋香。只食蠔餅覺得太單調的話可以加啲魚露同胡椒粉，味道立即提升。鹵水鵝拼盤入面有鵝片、鵝件、鵝掌、紅腸、滷蛋同豆腐。最好食既係面頭既鵝片，切得夠薄身而且入味，連皮食都唔會油膩。鵝件唔知係咪我地唔好彩，切中個無咩肉既位，舊舊都成舊肥肉，失色不少。還好鵝掌、紅腸、滷蛋同豆腐都有返正常水準，滷水汁唔太鹹，有鵝肉香味，但香料味就唔太突出，不過配合返清淡既豆腐都唔錯。兩面王糖醋麵，加埋砂糖同醋一齊食，開胃得黎又消去左油膩感，可惜雖然面煎得香脆，但底嗰面就淋左啲，變了"一面王"。整體上食物都有水準，價錢亦唔算太貴。食到中途已經全院滿座，其中都有唔少熟客，打冷就係要食得熱熱鬧鬧。其實仲想試埋其他野食，但無奈得兩個人兩個胃，裝唔落咁多野食，所以下次一於BOOK定位，叫多啲人去食。…Read More

朋友的介紹下，一星期前便BOOK了位，但夜晚都已經只得第二場的八點半。當晚八點二十五分到了H8樓下，但H8實在太多餐廳，單單是E字頭的某餐廳已令電梯出現人龍，最後等了十幾分鐘才上到去。電梯門一開，第一感覺就是店面很光鮮，跟平時的餐廳色調很不一樣。燈光明亮，亦沒甚麼特色設計，不過反而這樣才可以專注於食物上吧。雖然事先BOOK了，但都要等位子，等了二十分鐘，旁邊一對情侶都等得不耐煩，不斷探頭望著和問有位沒有。侍應亦不斷說不好意思，很快有位的。的確，坐位安排上應該可以安排得更好，既然BOOK了位，等不是不可以，但也不應要客人乾等太久。最後到了九時才入坐。由於等位時已經看了餐牌，所以一坐下就可以叫菜了。熱船長海鮮拼盤選了Platter B，即是可選五款海鮮，海鮮選了小龍蝦、八爪魚仔、扇貝、蜆和長腳蟹腳，汁料則選了惹味的卡彊蒜蓉汁Cajun Garlic。另外再點了蟹餅Crab Cake和炸蠔藍Oyster Basket。飲品我選了Stella 啤酒，朋友則選了Asian Punch。蟹餅Crab Cake賣相不錯，炸脆的麵包糠外層包著裡面一絲絲濃濃的蟹肉，餅面的香芹和苜蓿芽除了點綴外為蟹餅帶來了清新感，醬汁亦令味道不會太單調。整道菜的味道和口感都很好，唯一缺點是蟹餅有點乾，如多些水份會更好。炸蠔藍Oyster Basket上共有四件半隻手掌大的蠔，按大小和肉的飽滿度估計應該是常見的美國桶蠔。蠔的麵包糠外層炸得香脆，不過仍有點油，但內裡的蠔肉卻熟得剛好，保持了蠔的鮮嫩和肉汁，有肉質的口感時但不會因為太熟而覺得硬實實的。面頭幾片的應該是炸珍珠菜，除了裝飾外吃下亦很有香味。炸蠔下面則放著灑了辣椒粉等調味料的波浪紋粗薯條。旁邊分開裝有三種醬汁，分別是乳酪醬、茄汁和他他醬，朋友很喜歡乳酪醬，乳酸的味道中和了油炸的油膩感，亦提升了蠔的鮮味，而我則較喜歡他他醬，始終酸酸甜甜的它是炸海鮮的最佳拍檔。到了主角熱船長海鮮拼盤出場，不鏽鋼煲內裝著一個漲如氣球的魚網袋，侍應們都相當了解香港人的特性，主動提出幫客人拍照。拍照後侍應就幫客人將魚網袋搖幾次，亦解說這是新奧爾良的食法，是為了將裡面的醬汁充分混和灑在海鮮上。打開後一股香氣直撲腦袋，蒜蓉和牛油的味道是一直以來最好的配合，配上各種海鮮十分惹味，喜歡濃味的食客絕對推薦這種汁料。除了長腳蟹腳外其他海鮮的鮮味不太大，味道就大多靠著汁料提味，另外可能是經過搖動的關係，蜆和扇貝都從貝殼掉入汁海裡，所以吃下有點咸，不過是可以接受的。裡面除了點了的海鮮外，還有香草豬肉腸、粟米和馬鈴薯，吸收了汁的粟米和馬鈴薯都很甜美，作為這道菜的配菜十分適合。濃味和香脆的食物配冰涼的啤酒當然完美，但這裡的Asian Punch亦十分清新，荔枝的清甜和薄荷的涼快剛好沖刷了口中濃味和油膩的感覺。(可惜只顧食而忘記了影...)一面吃的時候，旁邊坐了剛剛等位等得不耐煩的情侶，他們都吃得開開心心的，可見美食真的是可以改變人的心情。雖然價錢略貴了一點，但用料和味道方面都值得一試再試。…Read More

從網上睇到得知Jamie Olivier會係香港開餐廳, 到知到開張後衝去訂位, 但Booking已經去到九月都無位, 再到知道80%位係留比Walk in後, 決定呢日放工早D去排隊, 點知18:00到到時, Waitress話要等4個鐘...好彩有個好同事Book左去唔到讓左比我, 最後21:45入左去。事前已經做曬功課, 睇左陣Menu就點菜了ORANGE, FENNEL & BOCCONCINI SALAD 味道比較清新, 茴香有D似椰菜, 但無椰菜既苦味, 而且有一種特有既香料香味, 橙肉就帶出甜味, 加上水牛芝士既口感, 香味甜味口感一次集合曬, 好好既配搭CRISPY SQUID 食落去魷魚肉好幼嫩, 外面脆漿皮十分鬆脆, 唯一缺點係細塊左D, 自家製既醬汁好creamy, 配合炸物一流CURED MEATS 有4種肉類, 上菜時Waiter會解釋一次每樣有咩特色, 而且建議由左面淡味開始食到右面濃味既由左起既Prosciutto風乾火腿係我最鐘意既一種, 無咩脂肪, 所以食得出肉既咸香, 而且無生肉既腥味, 食完好想食埋朋友o個塊XPPistachio mortadella係一種有開心果既意式肉腸,屬於熟凍肉類, 味道上似火腿, 開心果點綴下亦有佢特別之處,Fennel salami 茴香莎樂美腸開始口感就比較油, 而且肉帶有一種風乾肉既米香, 可以配些少上面的腌辣椒同橄欖一齊食, 中和返味道同油膩感而Schiacciata piccante辣肉腸味道唔太辣, 味道比Fennel salami濃, 可以配淡味既水牛芝士一齊食, 更加突出朋友食左一啖Pecorino話好普通, 但佢只係食左塊芝士同脆餅, 我叫佢塗勻D Chilli jam一齊食之後就大讚好食, 證明左個Chilli jam有幾大功勞, 絕對唔可以睇少呢一點紅Rainbow salad 加左好多薄荷, 可清下口腔準備食下一道菜FISH IN A BAG 係用煮食用既紙包住魚肉, 蜆同鯷魚, 加埋茴香, 檸檬, 辣椒一齊焗,入面仲有一種叫Cracked wheat既小麥碎, 食落有D似細細粒既飯, 但就有種麥類既香味, 同鯷魚一齊食有D似西式既咸魚炒飯, 但味道絕對唔同XD魚係每次都會唔同, 今日既應該係鱸魚(掛住食無問Waiter...), 魚肉好嫩滑, 平時鱸魚食落點都係有D"鞋", 但呢個一D呢種感覺都無, 而且好鮮味特別一讚係個蜆, 佢用既係泥蚶(Cockle), 肉質飽滿, 又好鮮嫩, 同條魚有得比要提提係鯷魚, 唔好太多, 少少拌入Cracked wheat一齊食就好, 唔係會好似我朋友咁, 一食咸到飛起至於PRAWN LINGUINE 就失色左少少, 唯一係個Homemade既寬條面面質唔錯, 蝦無咩味, 成個菜都好Homemade...即係自己都煮到, 無咩特別, 再黎都唔會recall甜品叫左好普通既Tiramisu, 但呢到既Tiramisu一D都唔普通, 首先賣相已經好唔一樣, 上菜時waiter解釋呢到既Tiramisu係用一層層既海綿蛋糕同一層層既cream, 而唔係平時食開既Tiramisu咁用手指餅第一口食落去, 係好苦既咖啡味, 佢應該係直接用Espresso去整, 海綿蛋糕吸曬D特濃咖啡, 一路食一路好似飲緊杯Espresso咁, 但個蛋糕無因為咁而"淋滋滋", D cream就好似coffeemate咁沖淡返d苦味同帶出甜味, 但食食下就會食到有橙既香味, 事前完全唔知佢加左橙皮, 所以絕對係一種驚喜其實食之前已經聽過好多人話普通, 的確單以單一每種食物睇都是普通的, 其實有看過Jamie既節目都應該知道, 佢用既食材都只是普通食材, 但佢既獨特之處係每一道菜都帶出到有自己特色既感覺, 你食之前絕對估不到佢每個配搭帶來既效果, 呢個就係點解我要到呢間餐廳食野既原因, 食既, 唔係Jamie Oliver的食物, 而係佢既菜式,創作,風格。服務費係客人選擇比唔比, 而且係會直接比Waiter們的, 好欣賞呢種型式, Waiter們態度亦十分好絕對會再黎…Read More

三日假期的最後一天,唔想留係家白過(人生都白過左一大段orz),幾經辛苦約到朋友去旺角,好似好多選擇,但揀落又唔知食咩(旺角食飯常有呢種感覺),於是去返呢間以前食過既"地下餐廳"(因為係底層),以為會好多人,事實上亦真係好多人,但人都係等緊對面牛x鍋的...可能都仲早,店內人數唔多,隨便就搵到位,記憶中第一次食18 Grams,食物如其名,18克的份量,但心情不佳的友人無咩胃口,所以佢只叫左Mushroom Risotto,我就叫左一碗是日湯:Clam Chowder, Eggs Benedict 同Scallop南瓜扁意粉 同佢share,是日湯:Clam Chowder 無咩特別,感覺係稀左少少,但材料如蜆肉都算充足,okEggs Benedict: 蛋流心, Muffin外脆, Hollandaise醬汁微酸的,配合起蛋漿來無咁漏,可叫畫龍點睛, 但裡面既火腿同菠菜就唔太突出, 靠味道甚至唔發現佢地既存在(可憐哦~)旁邊的沙律菜只落左醋, 所以有點酸, 但身為主角既Benedict總括上都唔錯Scallop w 南瓜扁意粉: 帶子煎得剛好, 唔會overcook, 味道亦唔錯,南瓜同扁意粉既配合幾好,用左新鮮南瓜去煮, 而唔係用煮好左既南瓜汁去煮扁意粉,味道偏淡,但有較濃味既帶子拉返,所以問題不大唯一缺點(而且係死穴),就係個扁意粉太淋,因為南瓜本身質感帶粉,扁意粉唔夠爽就會令成個dish口感都好差,好漿口咁,所以就係呢點就令個dish趺左落深谷...Mushroom Risotto: 友人食唔曬,share左幾啖(其實差唔多一半..),creamy既Risotto內充滿住好多Mushroom, 對鍾意食菇既朋友來講係唔錯既選擇, 面頭有幾塊咸咸既Parmesan cheese, 食落增加左咸味之外亦令個飯增添左cheese既香味, 雖然材料比較平淡, 但比起意粉, 我比較鍾意呢個18 Grams依然維持18 grams的份量, 如果唔係食多左半個Risotto, 真係會唔夠, 服務唔算好好,但旺角雖然好似好多野食, 但揀落...呢間都係幾好既選擇*w*…Read More